Tag: بیٹوں سے بات

راولپنڈی : بانی پی ٹی آئی کی ہفتے میں ایک بار واٹس ایپ پر بیٹوں سے بات کرانے کی استدعا مسترد کردی گئی۔

تفصیلات کے مطابق راولپنڈی کی انسداد دہشت گردی عدالت میں بانی پی ٹی آئی کی بیٹوں سے ٹیلیفونک ملاقات کی درخواست پرسماعت ہوئی۔

درخواست پرجیل انتظامیہ کی جانب سے جواب داخل کرایا گیا ، جس میں کہا رپورٹ جیل مینوئل کےمطابق کسی ملزم کی واٹس ایپ پررشتہ داروں سے ملاقات کاقانون نہیں، عدالتی حکم کےمطابق بانی پی ٹی آئی کی مہینےمیں 2باربیٹوں سےبات کرائی جاتی ہے۔

انسداد دہشت گردی عدالت نے بانی پی ٹی آئی کی ہفتے میں ایک بار واٹس ایپ پر بیٹوں سے بات کرانے کی استدعا مسترد کردی۔

یاد رہے پاکستان تحریک انصاف کے بانی نے بیٹوں سے بات نہ کرانے کیخلاف درخواست دائر کی تھی۔

بعد ازاں درخواست پر عدالت نے بانی پی ٹی آئی کی درخواست پر جیل انتظامیہ کو نوٹس جاری کرتے ہوئے جیل انتظامیہ سے جواب طلب کیا تھا۔

واضح رہے کہ عدالت نے اپیل پر فیصلہ سناتے ہوئے بانی پی ٹی آئی کو بیٹوں سے ٹیلیفون پر بات کرنے کی اجازت دی تھی۔

اسلام آباد : سپریڈنٹ اڈیالہ جیل نے چئیرمین پی ٹی آئی کی بیٹوں سے بات کروانے سے معذرت کر لی اور کہا واٹس ایپ پر بیرون ملک مستقل بات کرنے کی سہولت موجود نہیں ہے۔

تفصیلات کے مطابق آفیشل سیکرٹ ایکٹ عدالت اسلام آباد میں چئیر مین پی ٹی آئی کی فون پر بیٹوں کے ساتھ بات نہ کروانے پر توہین عدالت کیس کی سماعت نہ ہو سکی۔

چئیرمین پی ٹی آئی کے وکیل شیراز احمد رانجھا عدالت کے روبرو پیش ہوئے جبکہ جج ابو الحسنات ذولقرنین کے رخصت پر ہونے کے باعث سماعت پیر تک ملتوی کر دی گئی۔

سپرٹینڈنٹ اڈیالہ جیل نے عدالت میں جواب جمع کرواتے ہوئے کہا کہ عدالت اس حوالے سے محکمہ داخلہ پنجاب کو رولز میں ترمیم کی ہدایت کر سکتی ہے۔ جیل پی سی او کے ذریعے فیملی اور وکلا سے قیدیوں کی بات کی سہولت دی جاتی ہے۔

جواب میں کہا گیا کہ آئی جی جیل خانہ جات کی جانب سے آفیشل سیکریٹ کے ملزمان متعلق لیٹر جاری کیا گیا تھا، لیٹر میں یہ کہا گیا تھا کہ آفیشل سیکریٹ ایک کے ملزمان کو پی سی او کی سہولت میسر نہیں، عدالت کی حکم عدولی کے بارے میں سوچ بھی نہیں سکتا۔

سپرٹینڈنٹ اڈیالہ جیل کا کہنا تھا کہ 18 اکتوبر کو خصوصی اقدامات کر کے چیرمین پی ٹی آئی کی ان کے بچوں سے بات کروائی گئی لیکن واٹس ایپ پر بیرون ملک مستقل بات کرنے کی سہولت موجود نہیں ہے۔

سپریڈنٹ اڈیالہ جیل کی اپنے جواب میں استدعا کی کہ میرے خلاف توہین عدالت کی درخواست خارج کی جائے۔

اسلام آباد : چیئرمین پی ٹی آئی نے ہر ہفتہ کے روز بیٹوں سے بات کرانے کیلئے عدالت سے رجوع کرلیا، جس میں کہا ہے کہ بیٹوں سلمان اور قاسم سے چیئرمین پی ٹی آئی کا بات کرناحق ہے۔

تفصیلات کے مطابق آفیشل سیکرٹ ایکٹ کی خصوصی عدالت میں چیئرمین پی ٹی آئی نے ہر ہفتہ کے روز بیٹوں سے بات کرانے کیلئے درخواست دائر کردی۔

چیئرمین پی ٹی آئی نے درخواست شیراز احمد رانجھا ایڈووکیٹ کے ذریعے دائر کی، جس میں مؤقف اختیار کیا کہ عدالت نے21 اکتوبر کو چیئرمین پی ٹی آئی کی بیٹوں سے بات کرانے کا حکم دیا، سپرنٹنڈنٹ اڈیالہ نے واٹس ایپ پر چیئرمین پی ٹی آئی کی بیٹوں سے بات کرائی۔

درخواست میں استدعا کی گئی کہ ہر ہفتہ کےروز چیئرمین پی ٹی آئی کی بیٹوں سے بات کرانے کا حکم دیاجائے، بیٹوں سلمان اور قاسم سے چیئرمین پی ٹی آئی کا بات کرناحق ہے۔

آفیشل سیکرٹ ایکٹ کی خصوصی عدالت کے جج ابوالحسنات ذوالقرنین کی عدم دستیابی کے باعث تاحال درخواست پرکارروائی نہ ہوسکی۔