لاہور: صوبہ پنجاب کے دارالحکومت لاہور میں ڈکیتی کےدوران مزاحمت پر ڈاکوؤں نے فائرنگ کرکےبیکری منیجرکوقتل کردیا۔
تفصیلات کےمطابق لاہور کے علاقےگرین ٹاؤن میں ڈکیتی کے دوران مزاحمت پرگارڈزاورمینجر نےمزاحمت کی۔اس دوران ڈاکوؤں نے منیجر عابد پر گولی چلادی،جس کے نتیجے میں وہ موقع پر ہی جاں بحق ہوگیا۔
پولیس کےمطابق ڈاکو فائرنگ کے بعد جائے وقوعہ سے فرار ہوگئے،پولیس نے موقع پر پہنچ کرلاش کو مردہ خانے منتقل کرکے تحقیقات شروع کردیں۔
خیال رہے کہ گزشتہ چند ماہ کے دوران پنجاب کے دارالحکومت لاہور میں ڈکیتی کی وارداتوں میں اضافہ ہواہے،جس پرشہریوں میں شدید تشویش پائی جاتی ہے۔
مزید پڑھیں:لاہور: خواتین کا تین رکنی ڈکیت گینگ گرفتار، اسلحہ برآمد
یاد رہےکہ گزشتہ ماہ پولیس نےلاہورمیں جرائم کی وارداتوں میں ملوث 3 خواتین کو گرفتار کیاتھا، گرفتار شدگان سے اسلحہ،موبائل فون،نقدی اور دیگر اشیاءبرآمد ہوئی تھیں۔
مزید پڑھیں:لاہور میں فائرنگ،سائنس کالج کے پروفیسر جاں بحق
واضح رہےکہ گزشتہ سال نومبر میں لاہور میں سائنس کالج کے پروفیسر راؤ الطاف کو فائرنگ کرکے قتل کردیا گیاتھا۔
