امریکی ہوم لینڈ سیکیورٹی کی سیکریٹری کرسٹی نوم کا ایک مشہور ریسٹورنٹ سے لنچ کے دوران ہینڈ بیگ چوری کرلیا گیا۔
بین الاقوامی خبر رساں ادارے کی رپورٹ کے مطابق امریکی ہوم لینڈ سیکیورٹی کی سیکریٹری کرسٹی نوم کے ہینڈ بیگ چوری کے الزام میں 2 افراد کو حراست میں لے لیا گیا ہے۔
میڈیا رپورٹس میں کہا گیا ہے کہ کرسٹی نوم کا ہینڈ بیگ 20 اپریل کو چوری ہوا جب وہ واشنگٹن کے ایک مشہور ریسٹورنٹ میں موجود تھیں، ان کے بیگ میں 3 ہزار ڈالر نقدی، ڈرائیونگ لائسنس، پاسپورٹ، سیکیورٹی بیج اور گھر کی چابیاں موجود تھیں۔
غیرملکی میڈیا کا اس حوالے سے کہنا ہے کہ کرسٹی نوم امریکی ریاست ساؤتھ ڈکوٹا کی سابق گورنر بھی رہ چکی ہیں۔ ریسٹورنٹ میں ان کا مشہور برانڈ کا ہینڈ بیگ ان کی کرسی کے نیچے پیروں کے پاس رکھا تھا۔
رپورٹس کے مطابق مذکورہ واقعے کے بعد جن افراد کو گرفتار کیا گیا ہے ان کی عمریں 41 اور 51 سال بتائی جارہی ہے۔
وائرل ہونے والی ویڈیو میں دیکھا جاسکتا ہے کہ مبینہ طور پر ملزم بیگ اُٹھائے جارہا ہے جو بعدازاں بس میں سوار ہوا، ملزم کو ایک اطالوی ریسٹورنٹ میں بھی دیکھا گیا، ملزم نے مبینہ طور پر کھانے پینے کی اشیاء پر 205.87 امریکی ڈالر خرچ کیے اور کرسٹی نوم کے کریڈٹ کارڈز میں سے ایک سے ادائیگی بھی کی گئی۔
ایران میں اسرائیل کیلیے جاسوسی کرنے پر مجرم کو پھانسی
علاوہ ازیں امریکی ہوم لینڈ سیکیورٹی کی سیکریٹری کرسٹی نوم نے سوشل میڈیا پر اپنے پیغام میں کہا کہ مشتبہ شخص عادی مجرم ہے جو کئی سالوں سے غیر قانونی طور پر ہمارے ملک میں ہے۔
