Tag: بی آر ٹی

  • بی آر ٹی منصوبہ، جس نے غلطی کی اس کے خلاف ایکشن ہونا چاہیے: پرویز خٹک

    بی آر ٹی منصوبہ، جس نے غلطی کی اس کے خلاف ایکشن ہونا چاہیے: پرویز خٹک

    پشاور: وزیر دفاع پرویز خٹک نے کہا ہے کہ بی آر ٹی منصوبہ عوام کی فلاح وبہبود کے لئے تھا، منصوبےمیں جس نے غلطی کی، اس کے خلاف ایکشن ہونا چاہیے.

    ان خیالات کا اظہار انھوں نے پشاور میں میڈیا سے بات کرتے ہوئے کیا. ان کا کہنا تھا کہ عوام کی خدمت ہماری اولین ترجیح ہے، گواہی دیتاہوں صحت کارڈ سے غریب کو ہی فائدہ پہنچ رہا ہے.

    [bs-quote quote=”ڈیزائن میں تبدیلی کے بعد منصوبے میں تاخیر ہوئی” style=”style-8″ align=”left” author_name=”پرویز خٹک”][/bs-quote]

    سابق وزیر اعلیٰ کے پی کے کا کہنا تھا کہ منصوبے سے میرا ذاتی مفاد وابستہ نہیں اور نہ ہی کوئی فائدہ اٹھایا، میں انجینئر نہیں ہوں، میرا کام ڈیزائن دیکھنا نہیں ہوتا، منصوبےمیں جس نے غلطی کی اس کے خلاف ایکشن ہونا چاہیے.

    مزید پڑھیں: پشاور بی آر ٹی منصوبہ: صوبائی انسپکشن ٹیم کو تاخیر کی انکوائری کا حکم

    پرویز خٹک نے کہا کہ ابتدائی ڈیزائن میں سیوریج سسٹم کا خیال نہیں رکھا گیا، بی آرٹی منصوبے کو 2 سال نہیں 17 ماہ ہوئے ہیں، ڈیزائن میں تبدیلی کے بعد منصوبے میں تاخیر ہوئی، صوبائی حکومت کا کام نگرانی کرنا تھا، زیادہ تر پراجیکٹ مکمل ہوچکا ہے.

    سابق وزیر اعلیٰ کے پی کا کہنا تھا کہ مین کوریڈور بن گیا ہے، صرف پارکنگ رہتی ہے، ابتدامیں سیوریج کا خیال نہیں رکھا گیا، جس کی وجہ سے تاخیر ہوئی، منصوبے میں تاخیر صرف ٹیکنیکل غلطیوں کی وجہ سے ہیں، اس میں صوبائی حکومت کا کوئی قصور نہیں ہے.

  • پشاور بی آر ٹی منصوبہ: کرپشن کی تحقیقات کا خیر مقدم کریں گے: اجمل وزیر

    پشاور بی آر ٹی منصوبہ: کرپشن کی تحقیقات کا خیر مقدم کریں گے: اجمل وزیر

    پشاور: خیبر پختون خوا حکومت کے ترجمان اجمل خان وزیر نے اپوزیشن کی جانب سے اعتراضات پر کہا ہے کہ پشاور بس ریپد ٹرانزٹ منصوبے میں مبینہ کرپشن کی تحقیقات کا خیر مقدم کیا جائے گا۔

    تفصیلات کے مطابق ترجمان وزیرِ اعلیٰ خیبر پختون خوا اجمل وزیر نے پشاور میں سستے سفر کے بس منصوبے پر اپوزیشن کے الزامات پر جواب دیتے ہوئے کہا ہے کہ بی آر ٹی میں اگر کہیں کرپشن ہوئی ہے تو تحقیقات کا خیر مقدم کریں گے۔

    انھوں نے کہا کہ بی آر ٹی کے افتتاح کی جو تاریخ دی گئی تھی اس پر تعمیر مکمل نہیں ہو سکی، اس لیے وزیرِ اعلیٰ محمود خان نے نا مکمل منصوبے کا افتتاح نہ کرنے کا فیصلہ کیا۔

    اجمل وزیر کا کہنا تھا کہ منصوبہ مکمل ہونے کے بعد ہی افتتاح کیا جائے گا، وزیر اعلیٰ نے تاخیر کے ذمہ داروں کے خلاف کاروائی کا فیصلہ کیا ہے۔

    یہ بھی پڑھیں:  پشاور بی آر ٹی منصوبہ: صوبائی انسپکشن ٹیم کو تاخیر کی انکوائری کا حکم

    یاد رہے کہ کے پی وزیر اعلیٰ نے کہا تھا کہ 23 مارچ کو بی آر ٹی منصوبے کا افتتاح کیا جائے گا، تاہم منصوبہ مقررہ تاریخ تک مکمل نہیں ہو سکا، اس سے قبل اس کے افتتاح کی تاریخ 6 بار تبدیل کی جا چکی ہے، منصوبہ لاہور میٹرو سے سستا اور معیاری منصوبہ قرار دیا گیا ہے۔

    واضح رہے کہ دوسری طرف ملتان میٹرو منصوبے میں مبینہ 17 کروڑ روپے سے زائد کے گھپلوں کے کیس میں عدالت میں عدم پیشی پر سابق کمشنر ملتان، سابق اے ڈی جی ایم ڈی اے کے وارنٹ جاری کیے گئے ہیں۔

  • پشاور بی آر ٹی منصوبہ: صوبائی انسپکشن ٹیم کو تاخیر کی انکوائری کا حکم

    پشاور بی آر ٹی منصوبہ: صوبائی انسپکشن ٹیم کو تاخیر کی انکوائری کا حکم

    پشاور: وزیرِ اعلیٰ خیبر پختون خوا محمود خان نے بس ریپڈ ٹرانزٹ منصوبے میں تاخیر پر صوبائی انسپکشن ٹیم کو منصوبے کی تکمیل میں تاخیر کی انکوائری کا حکم دے دیا۔

    تفصیلات کے مطابق وزیرِ اعلیٰ کے پی محمود خان نے منصوبے سے متعلق کہا تھا کہ 23 مارچ کو منصوبے کی سافٹ اوپننگ کی جائے گی، اگر اس بار بھی اس کی کوئی اور تاریخ دی گئی تو پھر وہ اگلے لائحہ عمل کا اعلان کریں گے۔

    توقعات کے مطابق بی آر ٹی منصوبے کا افتتاح نہیں ہو سکا، جس پر وزیرِ اعلیٰ خیبر پختون خوا محمود خان نے صوبائی انسپکشن ٹیم کو انکوائری کا حکم دے دیا ہے۔

    وزیر اعلیٰ محمود خان نے متعلقہ حکام کو ہدایت کی ہے کہ ذمہ داروں کا تعین کر کے انھی رپورٹ پیش کی جائے، غفلت کے مرتکب افراد کے خلاف کارروائی کی جائے گی۔

    یہ بھی پڑھیں:  بی آر ٹی پر تعمیراتی کام 23 مارچ کو ختم ہو جائے گا: شوکت یوسف زئی

    ان کا کہنا تھا کہ بی آر ٹی منصوبہ غریب عوام کی سہولت اور فلاح کے لیے شروع کیا گیا ہے۔

    وزیرِ اطلاعات خیبر پختون خوا شوکت یوسف زئی نے کہا تھا کہ بی آر ٹی پر تعمیراتی کام 23 مارچ کو ختم ہو جائے گا، انھوں نے پشاور میٹرو کی لاگت سے متعلق دعوؤں کو بھی مسترد کرتے ہوئے کہا کہ اس منصوبے کی لاگت نہیں بڑھی ہے۔

    گزشتہ روز وزیر اطلاعات کے پی نے کہا کہ وزیر اعلیٰ کو انھوں نے مشورہ دیا ہے کہ ابھی منصوبے کا افتتاح نہ کریں، کیوں کہ ہمارے پاس پور ی تعداد میں بسیں نہیں ہیں۔

  • بی آر ٹی پر تعمیراتی کام 23 مارچ کو ختم ہو جائے گا: شوکت یوسف زئی

    بی آر ٹی پر تعمیراتی کام 23 مارچ کو ختم ہو جائے گا: شوکت یوسف زئی

    پشاور: وزیر اطلاعات خیبر پختون خوا شوکت یوسف زئی نے کہا ہے کہ بی آر ٹی پر تعمیراتی کام 23 مارچ کو ختم ہو جائے گا۔ انھوں نے پشاور میٹرو کی لاگت سے متعلق دعوؤں کو مسترد کرتے ہوئے کہا کہ منصوبے کی لاگت نہیں بڑھی۔

    تفصیلات کے مطابق اے آر وائی نیوز کے پروگرام میں گفتگو کرتے ہوئے شوکت یوسف زئی نے کہا کہ پشاور میٹرو کی لاگت نہیں بڑھی ہے، بی آر ٹی منصوبہ 29 ارب کا ہے، 70 ارب کا نہیں۔

    شوکت یوسف زئی کا کہنا تھا کہ منصوبہ مکمل ہو جائے تو پھر جو انکوائری کرنی ہے آ کر کر لیں، ایشین ڈویلپمنٹ بینک بس ریپڈ ٹرانزٹ منصوبے کی نگرانی کر رہا ہے۔

    کے پی وزیرِ اطلاعات کا یہ بھی کہنا تھا کہ بی آر ٹی کے لیے بسیں مرحلہ وار آئیں گی، مئی کے آخر تک بی آر ٹی کی تمام بسیں آ جائیں گی۔

    انھوں نے کہا کہ معلوم ہے کہ بی آر ٹی کی وجہ سے عوام کو مشکلات کا سامنا کرنا پڑ رہا ہے، جب کوئی ترقیاتی کام ہوتا ہے تو لوگوں کو مشکلات تو ہوتی ہیں۔

    شوکت یوسف زئی نے کہا کہ پشاور میٹرو لاہور میٹرو سے مختلف ہے، سیاسی مخالفین کے پاس تنقید کے سوا کچھ نہیں، 6 ماہ میں 7 کلو میٹر پل کی تعمیر کی گئی۔

    خیال رہے کہ بس ریپڈ ٹرانزٹ منصوبے کو لاہور میٹرو سے سستا اور معیاری منصوبہ قرار دیا گیا تھا، یہ 2017 میں شروع کیا گیا تھا، اس کے افتتاح کی تاریخ چھ بار تبدیل کی جا چکی ہے، تاہم اب اس کے لیے 23 مارچ کی تاریخ مقرر کر دی گئی ہے۔