پشاور: محکمہ ٹرانسپورٹ خیبر پختونخوا نے بی آر ٹی کے لیے 1 ارب روپے مانگ لیے ہیں۔
تفصیلات کے مطابق محکمہ ٹرانسپورٹ خیبر پختون خوا نے سیکریٹری محکمہ خزانہ کو خط ارسال کر کے بی آر ٹی کے لیے ایک ارب روپے مانگ لیے ہیں۔
خط کے مطابق محکمہ خزانہ نے سال 23-2022 میں بی آر ٹی کے لیے 66 کروڑ 24 لاکھ روپے جاری کیے تھے تاہم بی آر ٹی چلانے کے لیے جاری کی گئی رقم استعمال نہ کی جا سکے اور فنڈز لیپس ہو گئے ہیں۔
محکمہ ٹرانسپورٹ نے خط میں کہا کہ بی آر ٹی کے لیے محکمے کو اس وقت فوری طور پر 1 ارب روپے درکار ہیں۔
پشاور: نیب نے بس ریپڈ ٹرانزٹ (بی آر ٹی) میں مبینہ کرپشن کی تحقیقات کا آغاز کر دیا۔
تفصیلات کے مطابق قومی احتساب بیورو (نیب) نے سابق ڈی جی پشاور ڈولپمنٹ اتھارٹی سلیم حسن وٹو کو 17 اکتوبر کو طلب کر لیا ہے۔
سلیم وٹو سے بی آر ٹی پراجیکٹ میں مبینہ کرپشن کے حوالے سے تحقیقات کی جائیں گی، سلیم وٹو پشاور ڈولپمنٹ اتھارٹی کے ڈائریکٹر جنرل کے طور پر بی آر ٹی پراجیکٹ سے منسلک رہے۔
نوٹس میں کہا گیا ہے کہ بطور چیئرمین ٹیکنیکل اینڈ ایولیشن کمیٹی پراجیکٹ سے متعلق سلیم وٹو نے کئی معاہدے کیے، اگر 17 اکتوبر کو سلیم وٹو پیش نہ ہوئے تو اس صورت میں نیب کارروائی کا حق رکھتا ہے۔
پشاور : خیبر پختونخوا کے وزیر محنت و ثقافت شوکت علی یوسفزئی کا کہنا ہے کہ بی آر ٹی منصوبے کا افتتاح 2021 میں ہوگا اور سب سے اونچی اور سب سے طویل کار کیبل کا منصوبہ وزیراعظم کاشعبہ سیاحت کےوژن کاحصہ ہے۔
تفصیلات کے مطابق خیبر پختونخوا کے وزیر محنت و ثقافت شوکت علی یوسفزئی نے اپنے بیان میں کہا کہ بی آرٹی کا2021 میں افتتاح ہوگا ، کیبل کارکامنصوبہ وزیراعظم کاشعبہ سیاحت کےوژن کاحصہ ہے، یہ منصوبہ دوصوبوں کوایک دوسرے ملائے گا۔
شوکت یوسفزئی کا کہنا تھا کہ منصوبہ مکمل ہونےپردنیاکاطویل ترین کیبل کارمنصوبہ ہوگا، وزیراعلیٰ کے پی نے منصوبےکی فزیبلٹی رپورٹ کی منظوری دیدی ہے، منصوبےکےمختلف اسٹیشنزپرکارپارکنگ کی سہولت مل سکےگی اور یہ سب سے اونچی اور سب سے طویل کار کیبل ہوگی۔
صوبائی وزیر نے کہا کہ مجوزہ علاقہ میں زمین کےحصول کاکوئی مسئلہ نہیں ہے، منصوبہ بہت زیادہ قابل عمل ہے، لوگ لاکھوں کی تعداد میں سیاحت کے لیے آتے ہیں لیکن سہولتیں نہیں۔
ان کا مزید کہنا تھا کہ فزیبلٹی اسٹڈی میں بہت سی اورچیزیں سامنےآئیں گی، سہولتوں کےفراہمی کےلحاظ سےمنصوبہ دنیامیں بہترین ہوگا، ہماری کوشش ہےکہ صوبے میں سیاحت کو زیادہ سے زیادہ فروغ دیا جائے۔
پشاور: وزیر اطلاعات خیبرپختونخوا شوکت یوسفزئی کا کہنا ہے کہ پشاور میں بی آر ٹی لاہورکی نسبت بہت کم بجٹ میں بن رہا ہے، چیلنج کرتا ہوں آئیں اور بی آر ی منصوبے کی شفافیت کو دیکھیں۔
تفصیلات کے مطابق اے آروائی نیوز کے پروگرام باخبرسویرا میں بات چیت کرتے ہوئے وزیر اطلاعات خیبرپختونخوا شوکت یوسفزئی نے کہا کہ بی آر ٹی بہت بڑا منصوبہ ہے۔
شوکت یوسفزئی نے کہا کہ 23 مارچ کی ڈیڈلائن کے بعد کوئی ڈیڈلائن نہیں دی گئی، بی آر ٹی منصوبے کا ٹارگٹ 2020 تک ہے انہوں نے کہا کہ ایسی بات نہیں کہ بی آرٹی منصوبے کی لاگت میں اضافہ ہوا۔
صوبائی وزیر نے کہا کہ ہوسکتا ہے آئندہ سال فروری تک بسیں چلادیں، بی آر ٹی منصوبے کا سول ورک مکمل ہوچکا ہے، ایشین ڈیولپمنٹ بینک کا مانیٹرنگ سسٹم ہے، مانیٹرنگ سسٹم کے تحت ایک کام مکمل کرکے دوسرے کی جانب بڑھ رہے ہیں۔
شوکت یوسفزئی نے کہا کہ پشاور میں بی آر ٹی لاہورکی نسبت بہت کم بجٹ میں بن رہا ہے، چیلنج کرتا ہوں آئیں اور بی آر ی منصوبے کی شفافیت کو دیکھیں۔
یاد رہے کہ رواں سال اپریل میں کے پی حکومت کے وزیر اطلاعات و تعلقات عامہ نے بس ریپڈ ٹرانزٹ منصوبے کی روٹس پر چلنے والی بسوں کے حوالے سے سوشل میڈیا پر غلط پروپیگنڈے کی تردید کی تھی۔
پشاور: وزیر اعلیٰ خیبرپختونخواہ نے کہا ہے کہ بی آر ٹی منصوبے کی بروقت تکمیل کے لیے مزدوروں کو رات دن کام کرنے کا حکم دے دیا۔
تفصیلات کے مطابق وزیر اعلیٰ خیبرپختونخواہ محمود خان کی زیر صدارت بی آر ٹی سے متعلق اجلاس ہوا جس میں متعلقہ حکام سمیت کنٹریکٹرز نے بھی شرکت کی۔
دورانِ اجلاس کنٹریکٹرز نے وزیر اعلیٰ کو اپنے مسائل سے آگاہ کیا جس پر محمود خان نے انہیں یقین دہانی کرائی کہ ادائیگی سمیت کنٹریکٹرز کے تمام مسائل جلد از جلد حل کیے جائیں گے۔
مزید پڑھیں: بی آر ٹی منصوبہ: پشاور ہائی کورٹ نے منصوبہ بندی نہ ہونے پر افسوس کا اظہار کر دیا
ڈی جی پی ڈی اےنےبی آرٹی پرکام کی پیشرفت اور تکمیل پربریفنگ دی جس پر وزیراعلیٰ خیبرپختونخواہ نے ہدایت کی کہ بی آر ٹی کے معیار اور بروقت تکمیل پر کوئی سمجھوتہ نہیں کیا جائے گا۔
انہوں نے ہدایت کی کہ بی آرٹی کی بروقت تکمیل کیلئےڈبل شفٹ میں کام کیاجائے،ریپڈٹرانزٹ منصوبے کی جلدتکمیل کی وزیراعظم نے ہدایت جاری کی ہے۔
یاد رہے کہ وزیراعلیٰ خیبرپختونخواہ نے 23 مارچ کو بس ریپڈ ٹرانزٹ منصوبے میں تاخیر پر صوبائی انسپکشن ٹیم کو منصوبے کی تکمیل میں تاخیر کی انکوائری کا حکم دیا تھا۔