Tag: بی ایل اے

راولپنڈی : سیکیورٹی ذرائع کا کہنا ہے کہ بلوچ لبریشن آرمی (بی ایل اے) اور مجید بریگیڈ کو دہشتگرد تنظیمیں قرار دینا فیلڈ مارشل کی سفارتی کامیابی کا اہم مظہر ہے۔

اسلام آباد: فیلڈ مارشل سید عاصم منیر کے حالیہ دورہ امریکا اور کامیاب ملٹری ڈپلومیسی کے نتیجے میں پاکستان کے مؤقف کو عالمی سطح پر بھرپور پذیرائی ملی ہے۔

سیکیورٹی ذرائع نے بتایا کہ فیلڈ مارشل کی کاوشوں سے بھارت کا دہشتگرد چہرہ بے نقاب ہو چکا ہے۔

ذرائع کا کہنا ہے کہ بلوچ لبریشن آرمی (بی ایل اے) اور مجید بریگیڈ کو دہشتگرد تنظیمیں قرار دینا فیلڈ مارشل کی سفارتی کامیابی کا اہم مظہر ہے، جب کہ فتنہ الہندوستان کو عالمی دہشت گرد تنظیم قرار دینے سے بھارت کے مکروہ عزائم دنیا کے سامنے آ گئے ہیں۔

سیکیورٹی ذرائع نے کہا کہ بھارتی خفیہ ایجنسی "را” کے فتنہ الہندوستان کے ساتھ براہِ راست روابط ثابت ہو چکے ہیں، بھارت نے اس تنظیم کو پاکستان میں دہشتگرد کارروائیوں کے لیے مالی امداد فراہم کی اور دہشتگردوں کو علاج کی سہولتیں بھی دیں اور گودی میڈیا نے ان کی کارروائیوں کو جواز فراہم کرنے کی بھی کوشش کی۔

ذرائع کی جانب سے مزید کہا گیا کہ بھارتی وزیر اعظم نریندر مودی اور مشیر قومی سلامتی اجیت دوول نے بلوچستان میں فتنہ الہندوستان کے ساتھ روابط کا برملا اعتراف کیا تھا، جب کہ کلبھوشن یادیو کی گرفتاری بھارتی ریاستی سرپرستی میں دہشتگردی کا واضح ثبوت ہے۔

ذرائع کے مطابق بھارت کے دہشتگردانہ عزائم نہ صرف خطے بلکہ عالمی امن کے لیے بھی سنگین خطرہ ہیں، اور حالیہ امریکی فیصلہ پاکستان کے مؤقف کی توثیق ہے

اسلام آباد : کالعدم دہشتگرد تنظیم بی ایل اے کے وحشیانہ حملے کی حقیقت کا پردہ فاش ہوگیا، معراج کی والدہ نے کہا میرے بچے کو بی ایل اے نے قتل کیا اور ذمہ داری بھی نہیں لی۔

تفصیلات کے مطابق معراج وہاب کی والدہ نے دہشت گرد تنظیم بی ایل اے کے وحشیانہ حملے سے پردہ اٹھا دیا، انھوں نے کہا کہ معراج معصوم بلوچ تھاجو کالعدم تنظیم کی دہشت گردی کا شکارہوا، 15سال کی عمر میں اس نے کیا گناہ کیا تھا جوبی ایل اے نے اسے قتل کیا؟

والدہ نے بتایا کہ جمیل پر حملے کی ذمہ داری بی ایل اے نے قبول کی، میرے بچے کو بی ایل اے نے قتل کیا اور ذمہ داری بھی نہیں لی۔

ان کا کہنا تھا کہ بی ایل اے والے میرے بیٹے کی گھڑی اورجوتے تک اتار کرلے گئے، میرا بیٹا انسان تھا، جسے بے دردی سے مارا گیا۔

معراج کی والدہ نے سوال کیا کہ ماہ رنگ بلوچ بی ایل اے کے وحشیانہ مظالم پر خاموش کیوں ہیں، معراج کی والدہ

یاد رہے 11 جنوری کوبی ایل اےنےتمپ میں2شہریوں کو نشانہ بنایا تھا ، جمیل اورمعراج وہاب کومبینہ’’ریاستی ڈیتھ اسکواڈ‘‘سے وابستگی کےالزام میں نشانہ بنایا گیا۔