Tag: بی جے پی

بھارتیہ جنتا پارٹی سے قریبی مراسم رکھنے والے سابق فرسٹ کلاس کرکٹر کو بھارتی کرکٹ بورڈ کا نیا سربراہ نامز کردیا گیا ہے۔

میڈیا رپورٹس کے مطابق بورڈ آف کرکٹ کنٹرول ان انڈیا کی جانب سے جاری بیان میں بتایا گیا ہے کہ دیواجیت سائیکیا کو بی سی سی آئی کا نیا سیکرٹری منتخب کرلیا گیا ہے، 55 سالہ دیواجیت سائیکیا بی سی سی آئی کے نگران سیکریٹری رہ چکے ہیں، وہ بی سی سی آئی بورڈ میں بھی شامل تھے۔

دیواجیت بھارتیہ جنتا پارٹی کے قریب سمجھے جاتے ہیں، اب انھیں جے شاہ کی جگہ بھارتی کرکٹ بورڈ کا نیا سربراہ چنا گیا ہے۔

یہ بات دلچسپی سے خالی نہیں کہ سائیکیا نہ صرف بھارتی فینز بلکہ دیگر کرکٹ حلقوں میں بھی ایک غیر معروف شخصیت ہیں تاہم وہ حکمران جماعت بی جے پی کے ساتھ قریبی تعلقات رکھتے ہیں۔

دیواجیت سائیکیا فرسٹ کلاس کرکٹ بھی کھیل چکے ہیں انھوں نے وکٹ کیپر بیٹر کے طور پر فرسٹ کلاس کرکٹ میں 4 میچز حصہ لیا، انھوں نے مجموعی طور پر 53 رنز اپنے نام کے آگے درج کروائے۔

خیال رہے کہ بھارتی کرکٹ بورڈ کے سابق سیکریٹر جے شاہ گزشتہ ماہ مستعفی ہوگئے تھے، انھوں نے چیئرمین آئی سی سی کے طور پر نیا منصب سنبھال لیا ہے۔

سابق اسپیڈ اسٹار شعیب اختر نے بھارتیہ جنتا پارٹی (بی جے پی) کو چیمپئنز ٹرافی میں بھارتی ٹیم کو پاکستان نہ بھیجنے کے فیصلے کا ذمہ دار قرار دیا۔

راولپنڈی ایکسپریس کے نام سے مشہور سابق فاسٹ بولر شعیب اختر نے کہا کہ امید نہیں ہارنی چاہیے بیک چینل بات چیت سے مسئلہ حل ہوسکتا ہے۔

انہوں نے کہا کہ بھارتی ٹیم پاکستان نہ بھیجنے کے فیصلے کے پیچھے بی جے پی ہے۔

واضح رہے کہ بھارت کی ہٹ دھرمی کی وجہ سے چیمپئنز ٹرافی 2025 کا شیڈول تعطل کا شکار ہے، آئی سی سی ذرائع کا کہنا ہے چیمپیئنز ٹرافی کے بارے میں فیصلہ آئندہ 48 گھنٹوں میں متوقع ہے۔

ذرائع سے ملنے والی اطلاعات کے مطابق بھارتی کرکٹ بورڈ کے سیکریٹری جے شاہ آج دبئی پہنچ رہے ہیں اور ان کی وہاں آئی سی سی آفیشلز سے ملاقات متوقع ہے۔

ذرائع نے بتایا کہ اس ملاقات میں چیمپئنز ٹرافی سے متعلق بڑی پیش رفت کا امکان ہے اور اس ملاقات کے بعد آئی سی سی چیئرمین کا پاکستان کرکٹ بورڈ کے چیئرمین محسن نقوی سے فون پر رابطہ بھی متوقع ہے۔

واضح رہے کہ آئی سی سی چیمپئنز ٹرافی 19 فروری سے 9 مارچ تک پاکستان میں شیڈول ہے اور پاکستان میگا ایونٹ کا میزبان ہونے کے ساتھ ساتھ دفاعی چیمپئن بھی ہے۔