Tag: بی جے پی

سرینگر: مقبوضہ جموں و کشمیر میں انتخابات سے قبل بھارتی وزیر اعظم نریندر مودی کی جماعت بھارتیہ جنتا پارٹی (بی جے پی) کو بڑا دھچکا لگ گیا۔

میڈیا رپورٹس کے مطابق بی جے پی نے مقبوضہ کشمیر میں انتخابات کیلیے نامزد امیدواروں کا اعلان کیا تو پارٹی کے اندر اختلافات کھل کر سامنے آگئے۔

دراصل بی جے پی نے ٹکٹوں کی تقسیم کے معاملے میں سینئر لیڈر چندر موہن شرما کو نظر انداز کیا جس کے خلاف انہوں نے احتجاجاً پارٹی کے تمام عہدے چھوڑ دیے۔

چندر موہن شرما نے اپنے بیان میں کہا کہ ٹکٹوں کی تقسیم میں مجھے اہمیت نہیں دی گئی لہٰذا میں مشرقی جموں سے خود انتخابات میں حصہ لوں گا، مجھے ٹکٹ نہ ملنے پر کارکن مایوس ہیں۔

انہوں نے مزید کہا کہ میں بھی اب اُن رہنماؤں میں شامل ہوں جو پارٹی چھوڑ چکے ہیں۔

ٹکٹ سے محروم رہنے والے ایک اور سینئر رہنما کشمیرا سنگھ نے اپنے بیان میں کہا کہ میں نے بی جے پی کیلیے اپنی زندگی کے 40 سال دیے لیکن مجھے نظر انداز کر دیا گیا۔

کشمیرا سنگھ نے کہا کہ میں سانبا ضلع کے صدر کیلیے دو بار پولنگ ایجنٹ بنا جبکہ پنچایتی راج سیل کے ریاستی صدر اور قومی کونسل کے رکن کے طور پر خدمات انجام دیں۔

انہوں نے کہا کہ پارٹی نے ایک ایسے شخص کو ٹکٹ تھما دیا جس کے خلاف میں سیاسی طور پر لڑتا رہا ہوں۔

دوسری جانب چندر موہن شرما اور کشمیرا سنگھ کو ٹکٹ نہ دینے پر ان کے کارکنوں کی بڑی تعداد نے بی جے پی ہیڈکوارٹر پر احتجاجی مطاہرہ کیا اور سینئر قیادت کے خلاف نعرے بازی کی۔

ڈی بی لائیو ایگزٹ پول کے تنائج میں بتایا گیا ہے کہ بی جے پی اقتدار سے محروم ہو جائیگی جبکہ انڈیا اتحاد حکومت بنانے میں کامیاب رہیگی۔

بھارتی لوک سبھا انتخابات سے متعلق متعدد ایگزٹ پولز کے نتائج میڈیا اور سوشل میڈیا کی زینت بنے ہیں، جن میں سے اکثریت نے این ڈی اے کی اقتدار میں واپسی کی پیشگوئی کی ہے تاہم ایک ایسا ایگزٹ پول بھی سامنے آیا جس میں بی جے پی کی حکومت جانے کا امکان ظاہر کیا گیا ہے۔

ڈی بی لائیو کے ایگزٹ پول کے نتائج کے مطابق اتر پردیش جیسی بڑی ریاست میں اپوزیشن اتحاد 80 میں سے 32 تا 34 سیٹیں جیت جائے گی۔

اس ایگزٹ پول میں انڈیا اتحاد کو 260 سے 290 نشستیں ملنے کا کہا گیا ہے۔ ایگزٹ پول میں کہا گیا ہے کہ اتر پردیش میں جہاں انڈیا اتحاد کو 32 سے 34 نشستیں ملیں گی وہیں این ڈی اے اتحاد کو 46 تا 48 نشستوں پر کامیابی مل سکتی ہے۔

مغربی بنگال میں ٹی ایم سی کو 26 تا 28 نشستیں ملیں گی جبکہ بی جے پی 11 تا 13 سیٹوں تک محدود ہو کر رہ جائے گی۔

ایک اور اہم ریاست بہار میں این ڈی اے کو صرف 14 تا 16 سیٹیں ملنے کے امکانات ظاہر کیے گئے ہیں جبکہ انڈیا اتحاد کو سب سے زیادہ 24 تا 26 سیٹیں ملنے کی پیشگوئی کی گئی ہے۔

ریاست کرناٹک میں این ڈی اے کو 8 تا 10 جبکہ اپوزیشن اتحاد کو 18 تا 20 سیٹیں ملنے کا امکان ظاہر کیا گیا ہے، اسی طرح اور بھی کئی ریاستوں میں ڈی بی لائیو نے انڈیا اتحاد کی واضح برتری ظاہر کی ہے۔

خیال رہے کہ کانگریس کے صدر ملکارجن کھرگے نے کانگریس کے ساتھ شامل جماعتوں کے اجلاس میں اس یقین کا اظہار کیا کہ انڈیا اتحاد 295 سیٹوں پر کامیابی حاصل کرے گا۔

بھارت میں اس بار کس کے اقتدار کا سورج طلوع ہوگا اس کا فیصلہ حتمی نتائج آنے کے بعد ہی ہوگا، 4 جون کو پتہ چلے گا کہ اس بار بھی بی جے پی اقتدار میں آتی ہے یا پھر اپوزیشن میں بیٹھتی ہے۔

بھارتی انتخابات کے دوران بی جے پی پاکستان کا نام استعمال کرنے کی محتاج ہوگئی، پاکستان کیخلاف زہراگل کر بی جےپی ووٹرز کومتاثر کرتی ہیں۔

تفصیلات کے مطابق تمام کوششوں کے ناکام ہونے کے بعد بی جے پی نے پاکستان اور مسلمان مخالف بیانیے کا استعمال شروع کر دیا۔

انتخابی مہم کےدوران پاکستان کیخلاف زہراگل کر بی جےپی ووٹرز کومتاثر کرتی ہیں اورلوک سبھا میں نشست یقینی بنا لیتی ہیں۔

بھارت کے حالیہ انتخابات میں مودی سرکار نے پاکستان کیخلاف جارحانہ موقف اختیارکیا اور اپنی ہر تقریر میں بے بنیاد الزامات کے ساتھ ساتھ دھمکیوں کابھی استعمال کیا۔

حال ہی میں اپوزیشن جماعتیں کانگرس کےلیڈر منی شنکر آئر نے اپنی تقریر میں مودی کی مخالفت کرتے ہوئے پاکستان کے حق میں تقریر کی۔

منی شنکر آئر نے کہا کہ بھارت کوپاکستان کی عزت کرنی چاہیےکیونکہ خود مختار ریاست پاکستان ایٹمی طاقت کا حامل ہے۔

موقع کا فائدہ اٹھاتےہوئےمودی نےکانگرس کوشدیدتنقیدکانشانہ بنایا اور پاکستان کے خلاف پوری تقریر کر ڈالی۔

بھارت نے ہمیشہ نہ صرف خطے کے امن کوتباہ کیا بلکہ اپنےمذموم مقاصد کی خاطر اپنی عوام کو بھی تباہی اور بدامنی کی جانب دھکیلا ہے۔

سال 2019 میں ہونے والا پلوامہ ڈرامہ اور مودی کی اداکاری آج بھی عالمی سطح پر بھارت کیلئے جگ ہنسائی کا سبب ہے۔

حالیہ انتخابات کےدوران بھی مودی نےراجوری اور پونچھ میں دہشتگردی کاڈھونگ رچاتے ہوئے بھارتی عوام کو بے وقوف بنانے کی بھرپور کوشش کی۔

بھارتی لیڈر پریانکا گاندھی کا کہنا ہے کہ بھارت میں بےروزگاری پچھلے 45برسوں کے مقابلے میں بلند ترین سطح پر ہے لیکن ہم پاکستان پر بحث کرنے میں مصروف ہیں۔

پریانکا گاندھی کا کہنا تھا کہ بھارت کی عوام فیصلہ کر چکی ہےکہ اس بار ووٹ مذہب اور پاکستان مخالف بیانیے کے بل بوتے پر نہیں بلکہ مہنگائی، بےروزگاری اور کسانوں کے مسائل پر توجہ دیتے ہوئے دیے جائیں گے۔

اس سے پہلے بھی مودی اپنی انتخابی مہم میں مسلمانوں کیخلاف نفرت انگیز تقاریر اور بیانیے کا استعمال کرتا رہا ہے۔

مودی اور بی جے پی کی جانب سے مسلمانوں اورپاکستان کیخلاف نفرت انگیز مواد کے پھیلاؤ اور بڑھاوے کے باعث ہندوستان میں مسلمان سنگین عدم تحفظ اور انتہاپسندی کا شکار ہیں۔

اقوام متحدہ اورہیومن رائٹس واچ جیسی انسانی حقوق کی تنظیمیں بھی ہندوستان میں مسلمانوں کیخلاف ہونے والی انسانی حقوق کی سنگین خلاف ورزیوں پر مودی سے جواب طلب کر چکی ہیں۔

بی جے پی اپنی عوام کی حمایت حاصل کرنے کیلئے پاکستان کی محتاج نظر آتی ہے ، اب سوال یہ اٹھتا ہے کہ کیا بھارت کی انتہا پسند سیاسی جماعتیں خطے میں ایسے ہی بدامنی پھیلانے میں مگن رہیں گی اور اپنے مذموم سیاسی فوائد کی خاطر خطے کے ساتھ ساتھ اپنی عوام کی بھلائی بھی داؤ پر لگا دیں گی؟