ARYNews.tv | Urdu – Har Lamha Bakhabar

Tag: بی جے پی

  • کانگریس نریندر مودی پر برس پڑی، بی جے پی کو نکمی اور ناکارہ حکومت قرار دے دیا

    کانگریس نریندر مودی پر برس پڑی، بی جے پی کو نکمی اور ناکارہ حکومت قرار دے دیا

    دہلی: بھارت کی سب سے بڑی اپوزیشن جماعت کانگریس نے  پلوامہ حملے کے بعد بھارتی وزیر اعظم کو نشانے پر رکھ لیا.

    تفصیلات کے مطابق کانگریس کے ترجمان نے نریندر مودی پر شدید تنقید کرتے ہوئے الزام عائد کیا ہے کہ حملے کے بعد بھی وزیر اعظم اپنی تشہیری مہم میں مگن تھے۔

    [bs-quote quote=”نریندر مودی نے اس لیے سوگ کا اعلان نہیں کیا، کیوں‌کہ انھیں اپنی حکومت کے مختلف منصوبوں کا افتتاح منسوخ کرنا پڑتا” style=”style-8″ align=”left” author_name=”ترجمان کانگریس”][/bs-quote]

    کانگریس کے ترجمان رندیپ سورجیوالا نے خصوصی پریس کانفرنس میں کہا کہ مودی نے فوری مذمتی بیان بھی جاری نہیں‌ کیا، کیوں کہ اس وقت وہ ایک دستاویزی فلم کی شوٹنگ میں مصروف تھے.

    کانگریس کا یہ بھی کہنا تھا کہ نریندر مودی نے اس لیے سوگ کا اعلان نہیں کیا، کیوں‌کہ انھیں اپنی حکومت کے مختلف منصوبوں کا افتتاح منسوخ کرنا پڑتا۔

    مزید پڑھیں: پاکستان مخالف پالیسی کے بجائے مودی سرکار کارکردگی پر الیکشن لڑے: فواد چوہدری

    کانگریس کے ترجمان نے مودی سرکار پر کڑی تنقید کرتے ہوئے کہا دنیا میں کوئی ایسی نکمی اور ناکارہ حکومت بھی ہے، جس کے وزیر اعظم فوجیوں پر حملے کے بعد فلم کی شوٹنگ کرتے رہیں؟ کیا یہی ہے بی جے پی کی قوم پرستی؟ کیا یہی ہے مودی حکومت کی اصلیت؟

    انھوں نے واقعے کے فوری بعد نریندر مودی کے جنوبی کوریا کے دورے پر بھی کڑی تنقید کی.

  • بھارتی انتہاپسندوں نے زبردستی دہلی جامعہ مسجد پر ترنگا لہرادیا

    بھارتی انتہاپسندوں نے زبردستی دہلی جامعہ مسجد پر ترنگا لہرادیا

    نئی دہلی : بھارت کی حکمران جماعت بی جے پی کی مسلمان مخالف غنڈہ گردی بڑھتی جارہی ہے، انتہا پسند کارکنوں نے دہلی کی جامع مسجد میں زبردستی بھارتی جھنڈا لہرادیا اور مسلمان مخالف نعرے بھی لگائے۔

    تفصیلات کے مطابق مودی سرکار میں بی جے پی کے مسلمان دشمن غنڈے بے قابو ہوگئے، بھارت کے یوم آزادی کے دن دہلی کی تاریخی جامع مسجد میں بی جے پی کے غنڈوں نے زبردستی بھارتی جھنڈا لہرا دیا۔

    بی جے پی کے کارکنوں نے مسجد میں جھنڈا لہرانے سے روکنے والوں کو تشدد کا نشانہ بھی بنایا اور اشتعال انگیز نعرے بھی لگائے۔

    بی جے پی کے مقامی لیڈرکا کہنا تھا کہ ہمیں کہیں بھی جھنڈا لہرانے سے کوئی نہیں روک سکتا۔ انتہا پسند ہندو سوشل میڈیا پرجھنڈا لہرانے کی ویڈیوز شئیر کرکے مسلمانوں کے خلاف اشتعال پھیلاتے رہے۔

    مزید پڑھیں : بھارت کو یومِ آزادی پر ہزیمت کا سامنا۔۔ ویڈیو دیکھیں

    ایک جانب ایسی زبردستی ہے تو دوسری جانب یہ حال ہے کہ بھارت کے یوم آزادی کی مناسبت سے پرچم کشائی کی تقریب میں حکمراں جماعت بھارتیہ جنتا پارٹی اپنا قومی جھنڈا ہی نہیں سنبھال سکی۔ بی جے پی کے صدر امیت شاہ نے جھنڈا لہرانے کی کوشش کی تو ترنگا فضاء میں جانے کے بجائے زمین پر آگرا تھا۔

  • علی گڑھ یونیورسٹی میں لگی قائداعظم کی تصویرغائب کردی گئی

    علی گڑھ یونیورسٹی میں لگی قائداعظم کی تصویرغائب کردی گئی

    نئی دہلی : بھارتی حکمران جماعت بی جے پی کے رہنما ستیش کمار کے مطالبے کے بعد علی گڑھ یونیورسٹی میں لگی قائداعظم محمد علی جناح کی تصویرغائب کردی گئی۔

    بھارتی میڈیا کے مطابق علی گڑھ یونیورسٹی میں لگی قائداعظم محمد علی جناح کی تصویرغائب کردی گئی، تصویرگزشتہ رات غائب کی گئی۔

    نام نہاد جمہوری بھارتی حکمران جماعت بی جے پی کے رکن پارلیمنٹ ستیش کمارنے گزشتہ روز علی گڑھ مسلم یونیورسٹی کو ایک خط لکھا تھا جس میں انہوں نے یونیورسٹی سے قائد اعظم کی تصویر ہٹانے کا مطالبہ کیا تھا۔

    بی جے پی رہنما نے یونیورسٹی انتظامیہ سے پوچھا تھا کہ ہندوستان کی تقسیم کے بعد قائد اعظم کی تصویر کیوں نہیں ہٹائی گئی۔

    دوسری جانب یونیورسٹی انتظامیہ کی جانب سے جاری بیان میں کہا گیا تھا کہ قائد اعظم محمد علی جناح کو 1938 میں علی گڑھ یونیورسٹی کی اعزازی رکنیت دی گئی تھی۔

    علی گڑھ یونیورسٹی کی جانب سے جاری بیان میں مزید کہا گیا تھا کہ قائد اعظم سمیت کئی رہنماؤں کی تصاویر بھی یونیورسٹی میں لگائی گئی ہیں، بی جے پی رہنما کا مطالبہ سراسرغلط اورمسلم دشمنی کا منہ بولتا ثبوت ہے۔

    وزیراعلی یوگی آدیتیہ ناتھ نے تاج محل کو مسلمانوں کی نشانی قراردے دیا

    یاد رہے کہ گزشتہ سال 21 جون کو بھارتی ریاست اتر پردیش کے انتہا پسند وزیراعلیٰ یوگی آدیتیہ ناتھ نے دنیا کے عجوبوں میں شامل تاج محل کو مسلمانوں کی نشانی قرار دیا تھا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • نریندر مودی 2030 میں چاند زمین پرہی لےآئیں گے‘ راہول گاندھی

    نریندر مودی 2030 میں چاند زمین پرہی لےآئیں گے‘ راہول گاندھی

    نئی دہلی : کانگریس پارٹی کے نائب صدر راہول گاندھی کا کہنا ہے کہ 2025 تک نریندر مودی گجرات کے ہرفرد کو چاند پر جانے کے لیے راکٹ دیں گے۔

    تفصیلات کے مطابق کانگریس پارٹی کے نائب صدر راہول گاندھی نے بھارتی وزیراعظم نریندر مودی کو تنقید کا نشانہ بناتے ہوئے کہا کہ بی جے پی 22 سالوں سے حکومت میں ہے اور اب بھی مودی کا کہنا ہے کہ 2022 تک گجرات سے غربت کا خاتمہ کردیں گے۔

    راہول گاندھی نے سماجی رابطے کی ویب سائٹ ٹویٹر پر اپنے پیغام میں کہا کہ میں آپ کو نریندر مودی کی اگلی بات بتاتا ہوں کہ 2025 تک مودی گجرات کے ہرفرد کو چاند پر جانے کے لیے راکٹ دیں گے۔

    انہوں نے مزید کہا کہ 2028 میں نریندر مودی گجرات کے ہرشخص کو چاند پر ایک مکان دیں گے اور پھر 2030 میں وہ چاند ہی زمین پر لے آئیں گے۔

    دریں اثناء راہول گاندھی نے بی جے پی کے رہنما امت شاہ کے بیٹے جے امت کو تنقید کا نشانہ بناتے ہوئے کہا کہ 2014 میں جے امت کی کمپنی کا کاروبار 50 ہزار روپے کا تھا جو 2015 میں 80 کروڑ تک پہنچ گیا۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تواسے اپنی فیس بک وال پرشیئرکریں۔

  • بھارت میں ووٹنگ مشین بی جےپی کےووٹ چھاپنے لگی

    بھارت میں ووٹنگ مشین بی جےپی کےووٹ چھاپنے لگی

    مدھیہ پردیش : بھارتی ریاست مدھیہ پردیش میں ووٹنگ مشین کا کوئی بھی بٹن دبایا جائےمشین بی جے پی کا ہی ووٹ چھاپنے لگی۔

    تفصیلات کےمطابق بھارتی ریاست مدھیہ پردیش میں آئندہ ہفتے ہونے والےضمنی انتخابات کےلیے ووٹنگ مشین کے تجربے میں دیکھاگیاکہ مشین کا کوئی بھی بٹن دیایا جائےووٹ نریندر مودی کی پارٹی کا پرنٹ کرنے لگی۔

    ووٹنگ مشین کا معاملہ اس وقت سامنے آیا جب سوشل میڈیا پرایک ویڈیو وائرل ہوئی جس میں دیکھاگیاکہ مشین سے نکلنے والی ہرسلپ پر مودی کی پارٹی کانشان بناہواتھا۔

    بھارتی الیکشن کمیشن کےترجمان کاکہناہےکہ ووٹنگ مشین کے حوالے ضلعی آفیسر سے تفصیلی رپورٹ طلب کرلی گئی ہے اور الیکشن کمیشن کی دو ٹیمیں مدھیہ پردیش روانہ کردی گئی ہیں۔

    بھارت انتخابات: یو پی میں بی جے پی اور پنجاب میں کانگریس کامیاب

    ترجمان کےمطابق الیکشن کمیشن کی دونوں ٹیمیں نو اپریل کو ہونے والے ضمنی انتخابات میں آخری ووٹ کی گنتی تک موجود رہیں گی۔

    عام آدمی پارٹی کے رہنما ارویند کیجریوال نے میڈیا سے بات کرتے ہوئے کہاکہ انہیں آغاز سے ہی الیکٹرانک ووٹنگ مشین پر اعتبار نہیں تھا۔

    واضح رہےکہ رپورٹ کے مطابق ریاست مدھیہ پردیش میں ووٹنگ مشین میں خرابی کے باعث الیکشن کمیشن کےدو اہلکاروں کو ٹرانسفر کر دیا گیا ہے۔

  • بھارت انتخابات: یو پی میں بی جے پی اور پنجاب میں کانگریس کامیاب

    بھارت انتخابات: یو پی میں بی جے پی اور پنجاب میں کانگریس کامیاب

    نئی دہلی : بھارت کے ریاستی انتخابات کے غیر حتمی نتائج میں اترپردیش میں بی جے پی اور پنجاب میں کانگریس نے میدان مار لیا۔ بہوجن سماج پارٹی کی رہنما مایا وتی کا کہنا ہے کہ انتخابات میں بڑے پیمانے پردھاندلی ہوئی۔

    تفصیلات کے مطابق بھارت میں پانچ ریاستوں کے اسمبلی انتخابات میں ڈالے گئے ووٹوں کی گنتی کا عمل تقریباً مکمل ہوگیا ہے۔

    تازہ ترین نتائج کے مطابق بی جے پی نے ملک کی سب سے بڑی ریاست اترپردیش کے علاوہ اتراکھنڈ میں جبکہ کانگریس نے پنجاب میں مکمل اکثریت حاصل کر لی ہے۔

    الیکشن کمیشن نے اپنی ویب سائٹ پر جو نتائج شائع کیے ہیں اس کے مطابق یوپی اور اتراکھنڈ میں بی جے پی نے دو تہائی اکثریت حاصل کر لی ہے۔

    بھارتی میڈیا کے مطابق پنجاب اور گووا میں کانگریس نے حریفوں کو پیچھے چھوڑدیا۔ بھارت کی بڑی ریاست اترپردیش میں انتہا پسند بی جے پی بڑی جماعت بن کرابھری ہے۔ بی جے پی نے تین سو پندرہ نشستیں حاصل کیں۔

    اترکھنڈ میں بھی بی جے پی آگے ہے۔ پنجاب میں چوہترنشستوں پر کانگریس کی جیت ہوئی۔ گووا میں بھی کانگریس نے حریفوں کوپیچھے چھوڑدیا۔

    بہوجن سماج پارٹی کی رہنما مایا وتی کا کہنا ہے کہ انتخابات میں بڑے پیمانے پردھاندلی ہوئی۔ ان کا کہنا ہے کہ اترپردیش میں مسلمانوں کے ووٹ بی جے پی کو کیسے ملے ؟ دھاندلی نہیں ہوئی تو کاغذی ووٹنگ کرائی جائے۔

    نتائج کے مطابق اتر پردیش اسمبلی کی کل 403 نشستوں میں سے بی جے پی نے 312 سیٹیں جیتی ہیں۔ اس طرح 403رکنی اسمبلی میں بی جے پی نے دو تہائی اکثریت حاصل کر لی ہے۔

  • مودی کے خلاف فتوے پر امام مسجد کی گرفتاری کا مطالبہ

    مودی کے خلاف فتوے پر امام مسجد کی گرفتاری کا مطالبہ

    نئی دہلی: بھارت کی حکمران جماعت بھارتیہ جنتا پارٹی نے کلکتہ کے ایک امام مسجد پر وزیر اعظم نریندر مودی کے خلاف فتویٰ دینے پر پولیس کو شکایت درج کروا دی اور ان کی فوری گرفتاری کا مطالبہ کیا۔

    بھارتی ریاست مغربی بنگال کے دارالحکومت کلکتہ کی ٹیپو سلطان مسجد کے شاہی امام محمد نور الرحمٰن برکتی نے وزیر اعظم نریندر مودی کے خلاف فتویٰ جاری کیا تھا جس میں انہوں نے کہا کہ مودی 500 اور 1000 روپے کے نوٹوں کی بندش کے اقدام کے ذریعہ عوام کو بیوقوف بنا رہے ہیں۔

    آل انڈیا مجلس شوریٰ اور آل انڈیا مائنرٹی فورم کی مشترکہ کانفرنس کے دوران خطاب کرتے ہوئے انہوں نے کہا تھا کہ مودی کے اس اقدام کی وجہ سے ہر روز ہزاروں لوگ مشکلات اٹھا رہے ہیں اور انہیں ہراسمنٹ کا سامنا کرنا پڑ رہا ہے۔

    مزید پڑھیں: کرنسی نوٹوں پر پابندی کے باعث بھارتی عوام سخت اذیت میں

    انہوں نے مودی کے خلاف فتویٰ جاری کرتے ہوئے کہا کہ وہ اپنی اس پالیسی سے لوگوں کو بیوقوف بنا رہے ہیں اور کوئی انہیں اس عہدے پر براجمان نہیں دیکھنا چاہتا۔

    امام برکتی کے فتوے نے بی جے پی کو سیخ پا کردیا۔ بی جے پی کے ریاستی سربراہ دلیپ گھوش نے ایک بھارتی چینل سے گفتگو کرتے ہوئے کہا کہ امام مسجد نے نہ صرف وزیر اعظم بلکہ ملک کی عوام کی توہین کی ہے۔ ’ہم انہیں سلاخوں کے پیچھے دیکھنا چاہتے ہیں‘۔

    انہوں نے امام مسجد کے خلاف قانونی چارہ جوئی کا عندیہ بھی دیا۔

    دلیپ گھوش کا کہنا تھا کہ انہوں نے امام مسجد کے خلاف پولیس میں شکایت درج کروائی ہے اور پولیس سے کہا ہے کہ وہ اس پر ایف آئی آر کی حیثیت سے اقدامات اٹھائیں۔

    مزید پڑھیں: کرنسی نوٹوں کی بندش تاریخ کا سب سے بڑا گھپلا: راہول گاندھی

    واضح رہے کہ اس سے قبل مذکورہ امام مسجد نے دلیپ گھوش کے خلاف بھی فتویٰ جاری کیا تھا۔ گھوش نے مغربی بنگال کی وزیر اعلیٰ ممتا بنرجی کے خلاف نازیبا زبان استعمال کی تھی۔

    دوسری جانب بی جے پی کے مرکزی سیکریٹری سدھارتھ ناتھ سنگھ نے کہا کہ ہم مغربی بنگال کی وزیر اعلیٰ ممتا بنرجی سے مطالبہ کرتے ہیں کہ وہ فوری امام مسجد کی گرفتاری کا حکم دیں۔ ان کا اقدام سخت قابل مذمت ہے۔

    یاد رہے کہ وزیر اعظم نریندر مودی نے بھارت میں بڑے پیمانے پر جعلی کرنسی اور کالے دھن کو جواز بنا کر 500 اور 1000 کے کرنسی نوٹوں کی قانونی حیثیت ختم کرنے کا اعلان کیا تھا اور نوٹوں کی تبدیلی کے لیے عوام کو بہت کم وقت دیا گیا تھا۔

  • بھارتی کرکٹ بورڈ کا پاکستان سے سیریز کھیلنے سے انکار

    بھارتی کرکٹ بورڈ کا پاکستان سے سیریز کھیلنے سے انکار

    ممبئی : پاکستانی فنکاروں کو دھمکی کے بعد بھارتی کرکٹ بورڈ نے بھی پاکستان کے ساتھ سیریز کھیلنے سے انکار کردیا۔

    تفصیلات کے مطابق بھارتی کرکٹ بورڈ بھی انتہا پسندی کا شکار ہو کر کھیل میں سیاست لے آیا، بھارتی کرکٹ بورڈ کے صدر انوراگ ٹھاکر کا کہنا ہے کہ اڑی سیکٹر پر حملے کے بعد پاکستان سے سریز کھیلنے کا سوال ہی پیدا نہیں ہوتا۔

    اڑی حملے کے بعد بھارتی کرکٹ بورڈ کے صدر انوراگ ٹھاکر زہر اگلنے میں مصروف ہیں اور کہتے ہیں کہ پاکستان سے سیریز کھیلنے کا کوئی تصور نہیں، پاکستان کے ساتھ کرکٹ کسی صورت نہیں ہوسکتی۔

    کرکٹ کے میدان سے راہ فرار اختیار کرنا بھارت کی پرانی عادت ہے، تجویز تھی کہ ٹیسٹ کی نمبر ایک ٹیم پاکستان اور نمبر دو ٹیم بھارت ہے تاہم ایک ٹیسٹ کھیل کر عالمی چیمپئن کا فیصلہ کریں لیکن یہ فیصلہ بھارت کو منظور نہ ہوا۔

    بھارتی بورڈ کے صدر انوراگ ٹھاکر حکمراں جماعت بی جے پی کے ممبر پارلیمنٹ بھی ہیں شاید یہی وجہ ہے کہ انوراگ ٹھاکر نے کھیل کو بھی نفرت کی بھینٹ چڑھا رکھا ہے اور بھارتی صدر کے زہریلے بیان کے بعد کسی طرح کی کرکٹ کا پاکستان کو بھی انکار کردینا چاہیئے۔

    سیاست کو کھیل سے الگ رکھیں، یہ بات کھیل کا ہر ماہر، ہر کھلاڑی کہتا ہے لیکن بھارت کرکٹ کو سیاست کے ساتھ نتھی کرتا آیا ہے، 1961 کی سیریز کے بعد دونوں ممالک نے سترہ سال کرکٹ نہیں کھیلی ۔

    سیاست اور 1965 کی جنگ کے بعد 1978 کے بعد کرکٹ بحال ہوئی لیکن یہ پھر 1989 کے بعد سیاست کا شکار ہوگئی، 1999 میں پاکستان نے ہندو انتہا پسندوں کی دھمکیوں کے باوجود بھارت کا دورہ کیا۔

    بھارت نے اس تعلق کو پھر سیاست کی نذر کر دیا، 2004 سے 2007 تک چار پاک، بھارت سیریز ہوئیں، لیکن ممبئی حملوں کے بعد سے بھارت پھر اڑ گیا، 2014 میں پاکستان نے بھارت کے ساتھ چھ سیریز کا معاہدہ کیا لیکن بھارت کی وہی نہ نہ جاری رہی۔

    نیوٹرل وینیو پر بھی بھارت نے کرکٹ نہ کھیلی، پٹھان کوٹ حملہ ہو یا اڑی کا واقعہ بھارت اس سال بھی بار بار کرکٹ نہ کھیلنے کا کہتا رہا۔

  • خدا مودی کو جہالت سے آزادی عطا فرمائے،راہول گاندھی

    خدا مودی کو جہالت سے آزادی عطا فرمائے،راہول گاندھی

    نئی دہلی : نائب صدر کانگریس راہول گاندھی نے وزیراعظم نریندرمودی پرشدید تنقید کرتے ہوئے کہا کہ وہ مودی کیلئے دعا کرتے ہیں کہ خدا انہیں جہالت سے آزادی عطا کرے۔

    راہول گاندھی نئی دہلی میں پارٹی کے دفتر کا سنگ بنیاد رکھنے کی تقریب میں مودی کے متنازعہ بیان پر تبصرہ کرتے ہوئے کہا کہ کانگریس پارٹی نے بی جے پی کے مقابل میں اور کسی دیگرہندوستانی پارٹی کی بھی نسبت زیادہ قربانیاں دی ہیں۔

    سماجی رابطے کی ویب سائیٹ ٹوئیٹرپراپنے ایک پیغام میں کانگریس کے نائب صدرراہول گاندھی نے نریندر مودی کو تنقید کا نشانہ بناتے ہوئے تحریرکیا ہے کہ مودی جی میں آپ کیلئے دعاکرتا ہوں” اساتوسا سدامیا تی سوما جیوترگامیا مرینورما امریتم گی! اوم شانتی شانتی شانتی”مجھے جہالت سے صداقت کی طرف، ظلمت سے نور کی طرف، موت سے ابدی زندگی کی طرف لے چل۔ تمام ذی حیات مخلوق کے لئے امن ہو۔

    واضح رہے بھارتی وزیر اعظم نریندر مودی نے اپنے ایک بیان میں کہا تھا کہ بی جے پی کو آزاد ہندوستان میں اس سے زیادہ مصائب برداشت کرنے پڑے تھے جتنے کہ برطانوی دوراقتدارمیں کانگریس کو برداشت کرنے پڑے تھے۔

  • بھارت میں مذہبی انتہاپسندی میں اضافہ، امریکی رپورٹ

    بھارت میں مذہبی انتہاپسندی میں اضافہ، امریکی رپورٹ

    واشنگٹن : امریکی رپورٹ کے مطابق بھارت میں سال 2015 کے دوران مذہبی انتہاپسندی میں اضافے کا انکشاف کیاگیاہے.

    تفصیلات کےمطابق امریکی کمیشن بین الاقوامی مذہبی انتہاپسندی کی رپورٹ میں اس بات کا انکشاف ہوا ہے کہ حکمران جماعت بی جے پی ہندو انتہاپسندوں کی حمایت کررہی ہے، جس سے اقلیتوں کے خلاف مذہبی انتہاپسندی میں اضافہ ہوا ہے.

    رپورٹ کے مطابق اقلیتوں خاص طور پر عیسائیوں، مسلمانوں اور سکھوں کے خلاف بھارت میں متعدد تشدد کے واقعات میں اضافہ ہوا ہے، اور ان کاروئیواں میں ہندو انتہا پسند ملوث ہیں.

    بھارت میں پولیس کے تعصب اور مذہبی جرائم پر خاموشی سمیت عدالتی فیصلوں میں کوتاہیوں سے ملک بھر میں دیگر قومیں اپنے آپ کو غیر محفوظ سمجھتی ہیں.

    بی جے پی کے اقتدار میں آنے کے بعد سے ملک میں اقلیتوں کو حکمران جماعت کے سیاست دانوں کی جانب سے متعدد پرتشدد حملوں اور جبری تبادلوں کا سامنا ہے، جس سے ملک میں انتاپسندی میں اضافہ ہورہا ہے تاہم انتہاپسندوں کو حکومت کی بھرپور حمایت حاصل ہے.

    گذشتہ ایک سال کے دوران بھارت میں مسلم کمیونٹی پر تشدد کرنے اور مسلمانوں کے خلاف نفرت پر مبی مہمات چلانے میں اضافہ ہواہے.

    حکمران جماعت اور آرایس ایس کے ارکان مسلم آبادی میں اضافے کو ہندو مذہب کے خلاف سازش قرار دے رہے ہیں،ان کے مطابق بڑھتی ہوئی مسلم آبادی کے ذریعے ہندووں کو اقلیت بنانے کی کوشش کی جارہی ہے،حکمران جماعت کے رہنما یوگی آدتیہ ناتھ اور ساکشی مہاراج نے پارلیمنٹ میں مسلم آبادی کو کنٹرول کرنے کے لئے قوانین بنانے کا مطالبہ کیا ہے.

    گذشتہ سال عیسائیوں کے خلاف تشدداور ہراساں کرنے کے واقعات میں اضافہ ہوا ہے، جبکہ حکومت کی خاموشی سے ہندو انتہاپسندوں کی کاروائیوں میں مزید اضافہ ہورہا ہے.

    سال 2015 میں صرف عیسائیوں کے خلاف 365 بڑے حملوں کے واقعات کو ریکاڈ کیاگیا، جس میں 8000 سے زیادہ عیسائی متاثر ہوئے تاہم سال 2014 عیسائیوں کے خلاف پرتشددواقعات کی تعداد120 تھی.

    نومبر 2015 میں ہندو انتہاپسندوں نے تلنگانہ ریاست میں ایک نجی گھر میں عبادت کرنے والے 40 عیسائیوں کو تشدد کا نشانہ بنایا گیا، جس میں ایک حاملہ عورت کا قتل بھی شامل تھا، جبکہ فروری 2016 میں 35 افراد کے ہجوم نے تامل ناڈو ریاست میں 3 پادریوں کو ظالمانہ تشدد کا نشانہ بنایا تھا.

    پولیس کی جانب سے ہندو انتہاپسندوں کو تحفظ دینے کے ساتھ ساتھ ان کے خلاف مقدمہ درج نہ کرنا اور اقلیتوں کو تحفظ فراہم نہ کرنا ملک میں بڑھتی ہوئی مذہبی کشیدگی کا منہ بولتا ثبوت ہے.