Tag: بی سی سی آئی

بھارتی کرکٹ بورڈ کے اہلکار نے انکشاف کیا ہے کہ نیوزی لینڈ کے سابق کپتان اسٹیفن فلیمنگ کو منانے کے لے دھونی کو ٹاسک دیا جائے گا۔

بی سی سی آئی کے ایک ذرائع نے ملکی میڈیا کو بتایا کہ فلیمنگ نے بھارتی ہیڈ کوچ بننے کے لیے انکار نہیں کہا ہے، انھوں نے معاہدے کی مدت کے بارے میں اپنے خدشات ظاہر کیے ہیں اور یہ کوئی غیر معمولی بات نہیں ہے۔

آفیشل نے کہا کہ راہول ڈریوڈ بھی شروع میں ہیڈ کوچ بننے کے خواہشمند نہیں تھے، انھیں بھی راضی کر لیا گیا تھا۔ ایسا ہونا حیران کن نہیں کہ فلیمنگ کے ساتھ بھی ایسا ہی اور اور انھیں منانے کے لیے ایم ایس دھونی سے بہتر کون ہے؟

ایم ایس دھونی بھارتی کرکٹ ٹیم کے اگلے ہیڈ کوچ کے انتخاب کے حوالے سے اہم کردار ادا کرسکتے ہیں۔ بی سی سی آئی اس بات پر غور کررہا ہے کہ چنئی کے کوچ اسٹیفن فلیمنگ سے ڈیل کرنے کے لے لیجنڈری کرکٹر دھونی کی مدد لی جائے۔

ٹی ٹوئنٹی ورلڈکپ کے بعد راہول ڈریوڈ کو بھارتی ہیڈ کوچ کے طور پر تبدیل کرنے کے لیے بورڈ کا پہلا انتخاب فلیمنگ تھے، تاہم سابق کیوی اوپنر 2027 تک عہد کی معیاد کی وجہ سے ہچکچاہٹ کا اظہار کررہے ہیں۔۔

خیال رہے کہ دھونی کی ٹیم چنئی سپر کنگز آئی پی ایل میں اپنا آخری لیگ میچ رائل چیلنجرز بنگلور سے ہارنے کے بعد ٹورنامنٹ سے باہر ہو گئی تھی جبکہ اسٹیفن فلیمنگ اس چنئی کے ہیڈ کوچ تھے۔

اسٹیفن فلیمنگ 303 میچوں میں نیوزی لینڈ کی کپتانی کرچکے ہیں اور آئی پی ایل میں کسی ٹیم کے ساتھ سب سے طویل عرصے تک برقرار رہنے والے کوچ بھی ہیں۔

بی سی سی آئی نے اپنے پلیئرز کو ریڈ بال کرکٹ کی طرف راغب کرنے کے لیے انھیں بڑی لالچ دینے کا فیصلہ کیا ہے۔

بورڈ آف کنٹرول فار کرکٹ ان انڈیا کھلاڑیوں کو روایتی فارمیٹ کی طرف راغب کرنے کے لیے اضافی مراعات دینے کے ساتھ ساتھ ٹیسٹ میچ فیس میں اضافہ کرنے پر بھی غور کررہا ہے۔

ایشان کشن اور شریاس آئیر جیسے کھلاڑیوں کی ڈومیسٹک کرکٹ کھیلنے میں ہچکچاہٹ کے بعد یہ اقدام سامنے آیا ہے، دنوں کرکٹرز آئی پی ایل کو ترجیح دیتے ہوئے ڈومیسٹک سطح پر ٹیسٹ کرکٹ کھیلنے سے گریز کررہے ہیں۔

بی سی سی آئی کے سیکریٹری جے شاہ کی بار بار وارننگ کے باوجود، دنوں پلیئرز ریڈ بال کرکٹ کو چھوڑنے کے اپنے فیصلے پر قائم ہیں۔

ڈومیسٹ کرکٹ نہ کھیلنے والے پلیئرز کو ممکنہ طور سینٹرل کنٹریکٹ کی فہرست سے خارج کرنے کے بارے میں بھی بات چیت جاری ہے، تاہم یہ سخت قدم اٹھانا غیریقینی ہے۔

بی سی سی آئی ٹیسٹ کرکٹ کی کشش کو برقرار رکھنے کی کوشش کر رہا ہے۔ اس حوالے سے مختلف آرا سامنے آرہی ہیں۔

بی سی سی آئی ذرائع نے بتایا کہ مثال کے طور پر اگر کوئی پلیئر ایک کیلنڈر ایئر میں تمام ٹیسٹ سیریز کھیلتا ہے، تو اسے سالانہ معاہدے کے علاوہ اضافی انعام بھی دیا جائے۔ یہ ٹیسٹ کرکٹ کھیلنے کا ایک اضافی فائدہ ہو گا۔

فی الحال، بھارتی پلیئرز فی ٹیسٹ15 لاکھ، فی ون ڈے 6 لاکھ اور فی ٹی ٹوئنٹی 3 لاکھ روپے کماتے ہیں۔ رپورٹس کے مطابق ٹیسٹ میچ کی تنخواہوں کے اسٹرکچر میں اہم تبدیلی ہوسکتی ہے۔

یہ بات تو سب جانتے ہیں کہ بھارتی کرکٹ بورڈ دنیا کا امیر ترین کرکٹ بورڈ ہے مگر اس کے ہوشربا اثاثوں کی تفصیلات بھی سامنے آگئی ہیں۔

بھارتی میڈیا رپورٹس کے مطابق مبینہ طور پر بی سی سی آئی کے پاس 2.25 بلین امریکی ڈالرز کی مجموعی مالیت ہے اور یہ حیرت انگیز طو پر کرکٹ آسٹریلیا کے مقابلے میں 28 گنا زیادہ ہے۔

آئی سی سی کے مجموعی ریونیو پول کا ایک بڑا حصہ بھی بھارتی بورڈ کے پاس جاتا ہے۔ بھارتی روپوں میں بی سی سی آئی کے اثاثوں کی کُل مالیت 18 ہزار 760 کروڑ کے قریب بنتی ہے جبکہ آسٹریلوی کرکٹ بورڈ 658 کروڑ کے اثاثوں کے ساتھ دوسرا امیر ترین بورڈ ہے۔

انڈین پریمئیر لیگ جس کا آغاز 2008 میں ہوا تھا، اس کے انعقاد نے بھارتی کرکٹ بورڈ کو دنیا کا سب سے امیر ترین بورڈ بننے میں کافی مدد فراہم کی ہے۔

آسٹریلوی بگ بیش لیگ جسے دنیا کی بہترین لیگز میں سے ایک سمجھا جاتا ہے اس کے بورڈ کے پاس محض (79 ملین ڈالرز) کے مجموعی اثاثے ہیں۔

کرک بز کے مطابق چارٹ میں تیسرے نمبر پر انگلینڈ اینڈ ویلز کرکٹ بورڈ (ECB) ہے جس کی مالیت 59 ملین امریکی ڈالر ہے۔ درحقیقت بی سی سی آئی کے پاس ٹاپ 10 بورڈز کی مجموعی مجموعی مالیت کا تقریباً 85 فیصد حصہ ہے۔

واضح رہے کہ بھارت میں اس سال ہونے والے آئی سی سی ورلڈکپ 2023 سے ہندوستانی معیشت کو سرکاری اعداد وشمار کے مطابق 22 ہزار کروڑ بھارتی روپے کا فائدہ ہوا ہے۔

بھارتی کرکٹ بورڈ نے ورلڈکپ فائنل میں شکست کے بعد آسٹریلیا کے خلاف ٹی ٹوئنٹی سیریز کے لیے اسکواڈ کا اعلان کردیا۔

بی سی سی آئی نے آئی سی سی فائنل میں اپنی ٹیم کی شکست کے اگلے دن ہی آسٹریلیا کے خلاف ٹی ٹوئنٹی ہوم سیریز کے لیے کھلاڑیوں کو منتخب کرلیا ہے۔ سوریا کمار یادیو کو بھارتی ٹیم کی کپتانی کی ذمہ داری سونپی گئی ہے۔

نائب کپتان کی حیثیت سے آر گیکوار فرائض نبھائیں گے، ان کے علاوہ ایشان کشن، جیسوال، ٹی ورما، آر سنگھ بھی ٹیم میں شامل ہیں۔

جے شرما کو وکٹ کیپر کے طور پر ٹیم میں منتخب کیا گیا ہے، ان کے علاوہ ڈبلیو سندر، اے پٹیل، ایس ڈوبے، آر بشنوئی، اے سنگھ، آر کرشنا، اویش خان اور آر کمار کو چنا گیا ہے۔

🚨BREAKING🚨

India's squad for the T20I series against Australia at home:

S Yadav (Captain),
R Gaikwad (vice-captain),
I Kishan,
Y Jaiswal,
T Varma,
R Singh,
J Sharma (wk),
W Sundar,
A Patel,
S Dubey,
R Bishnoi,
A Singh,
P Krishna,
Avesh Khan,
M Kumar

— CricTracker (@Cricketracker) November 20, 2023

ورلڈکپ فائنل میں شکست کے بعد بھارتی سینئرز پلیئرز پر بھی کافی تنقید کی جارہی ہے جس کے بعد بھارتی بورڈ نے آسٹریلیا کے خلاف ٹی ٹوئنٹی سیریز کے لیے نوجوان کھلاڑیوں کو موقع دیا ہے۔

بھارتی پارلیمنٹ میں یہ انکشاف سامنے آیا ہے کہ دنیا کے امیر ترین بھارتی کرکٹ بورڈ نے گزشتہ پانچ سالوں کے دوران ڈیڑھ ارب ڈالر کا خطیر منافع حاصل کیا ہے۔

غیرملکی میڈیا رپورٹس کے مطابق انڈیا کی پارلیمنٹ کو بتایا گیا ہے کہ بورڈ آف کنٹرول فار کرکٹ ان انڈیا (بی سی سی آئی) کے لیے پچھلے پانچ سال نہایت فائدہ مند رہے اور اسے تقریباً 1.5 ارب ڈالر کا سرپلس حاصل ہوا ہے۔

دنیا کی سب سے زیادہ منافع بخش گورننگ باڈیز میں سے ایک بھارتی بورڑ عام طور پر اپنے مالی معاملات کو تفصیل سے شائع نہیں کرتا، حکومت کے ایک وزیر نے منگل کو پارلیمنٹ میں بی سی سی آئی کی حالیہ آمدنی کے حوالے سے تذکرہ کیا تھا۔

بورڈ کو مارچ 2022 کو ختم ہونے والے سال کے لیے 91.9 کروڑ ڈالر کی آمدنی اور 37 کروڑ ڈالر کے اخراجات کا انکشاف ہوا، جس سے ظاہر ہوتا ہے کہ بورڈ کو 54.9 کروڑ ڈالر کی آمدنی حاصل ہوئی۔

2017-18 کے پانچ سالوں میں بورڈ کو 3.3 ارب ڈالرز کی آمدنی حاصل ہوئی جب کہ 1.8 ارب ڈالرز کے اخراجات ہوئے۔

واضح رہے کہ گذشتہ سال بی سی سی آئی نے آئی پی ایل کے میڈیا رائٹس 6.2 ارب ڈالر میں فروخت کیے تھے جب کہ بھارتی بورڈ نے اپنے بین الاقوامی اور ڈومیسٹک میچز کے میڈیا حقوق کے لیے ٹینڈر جاری کیا ہے جس سے اسے ایک اور بڑی آمدنی متوقع ہے۔

نئی دہلی: بھارتی کرکٹ بورڈ (بی سی سی آئی) نے ورلڈکپ سے قبل سابق فاسٹ بولر اجیت اگرکر کو ٹیم کا نیا چیف سلیکٹر منتخب کرلیا۔

بھارتی میڈیا کی رپورٹس کے مطابق بی سی سی آئی کی جانب سے جاری کردہ بیان کے مطابق کرکٹ ایڈوائزری کمیٹی (سی اے سی) نے مینز سلیکشن کمیٹی میں سلیکٹر کے عہدے کیلئے درخواست دہندگان کا انٹرویو کیا تھا، تین رکنی کمیٹی نے اجیت اگرکر کے نام کو فائنل کیا۔

بھارتی میڈیا کے مطابق اجیت اگرکر کو سلیکشن کمیٹی کا سربراہ نامزد کیا گیا ہے کہ جبکہ انکے علاوہ جو شیو سندر داس، سبروتو بنرجی، سلیل انکولا اور سریدھرن شرتھ بھی کمیٹی کا حصہ ہیں۔

بھارتی کرکٹ ٹیم کے راز افشا کرنے والے چیف سلیکٹر مستعفی

واضح رہے کہ سابق چیف سلیکٹر چیتن شرما کی ٹی وی چینل کے اسٹنگ آپریشن کے بعد انہیں عہدے سے برطرف کردیا تھا۔

سابق چیف سلیکٹر چیتن شرما نے اسٹنگ آپریشن میں کھلاڑیوں پر الزام عائد کیا تھا کہ پلئیرز خود کو فٹ رکھنے کیلئے انجکشن لگاتے ہیں، جس کے بعد انہیں آسٹریلیا میں شیڈول ٹی20 ورلڈکپ کے بعد عہدے سے برطرف کیا گیا۔

حال ہی میں سابق بھارتی فاسٹ بولر اجیت اگرکر انڈین پریمیئر لیگ (آئی پی ایل) کی ٹیم دہلی کیپٹلز کے کوچ تھے تاہم ٹورنامنٹ کے بعد انہوں نے اس عہدے کو چھوڑ دیا تھا۔

45 سالہ اگرکر نے بھارت کیلئے 26 ٹیسٹ، 191 ون ڈے انٹرنیشنل جبکہ 4 ٹی20 میچز کھیلے ہیں، تینوں فارمیٹس میں انکی وکٹوں کی تعداد 349 ہے۔