Tag: بے دردی سے قتل

عمرکوٹ : سفاک چچا نے دو معصوم بھتیجوں کو بے دردی سے قتل کر دیا، پولیس نے ملزم کو گرفتار کرلیا ہے۔

تفصیلات کے مطابق عمرکوٹ کے نواحی گاؤں رانا جاگیر میں افسوسناک واقعہ پیش آیا، جہاں سگے چچا نے کلہاڑی کے وار سے دو معصوم بھتیجوں کو بے دردی سے قتل کر دیا۔

ورثاء نے بتایا کہ ملزم سترام میگھواڑ نے بچوں کو چیز دلانے کے بہانے گھر سے لے کر جنگل میں بے دردی سے قتل کیا اور خود غائب ہو گیا۔

ورثاء کا کہنا تھا کہ جب شام کو تلاش کرنے بعد اسے پوچھا تو اس بتایا کہ میں نے بچوں کو قتل کر دیا ہے تاہم ملزم نے قتل کا سبب نہیں بتایا۔

پولیس نے سفاک چچا سترام کو گرفتار کرلیا اور ملزم کی نشاندہی پر لاشیں تحويل میں لا کر پوسٹ مارٹم کے لئے اسپتال منتقل کر دیں۔

حکام کا کہنا تھا کہ بچوں کو کیوں قتل کیا گیا تفتیش جاری ہے، بچوں کی عمریں ڈیڑھ سال سے ڈھائی سال کے درمیان ہیں۔

مزید پڑھیں : چچا اور چچی نے 7 سالہ بھتیجے کو تشدد کرکے قتل کر ڈالا

یاد رہے گوجرانوالہ میں تھانہ اروپ کے علاقہ رحمان آباد میں سلطان نامی بچے کے قتل کا واقعہ پیش آیا تھا، جہاں چچا غلام دستگیر اور چچی عاشی معصوم بچوں کے دشمن بن گئے تھے۔

معمولی بات پر 7 سالہ سلطان اور 2سالہ ثقلین پر ڈنڈوں سے مبینہ طور پر تشدد کیا، جس سے 2 سالہ بچہ زخمی ہوا جبکہ 7 سالہ سلطان زخموں کی تاب نہ لاتے ہوئے جان کی بازی ہار گیا تھا۔