ARYNews.tv | Urdu – Har Lamha Bakhabar

Tag: بے روزگار

  • بھارت: لاک ڈاؤن کے دوران بے روزگار ہونے والے شخص کا ہولناک اقدام

    بھارت: لاک ڈاؤن کے دوران بے روزگار ہونے والے شخص کا ہولناک اقدام

    نئی دہلی: بھارت میں لاک ڈاؤن کے دوران بے روزگار ہونے والے شخص نے بیوی اور 14 ماہ کے بیٹے کو قتل کر کے خودکشی کرلی، پولیس معاملے کی مزید تحقیقات کر رہی ہے۔

    بھارتی میڈیا کے مطابق ریاست مہاراشٹرا میں جاری لاک ڈاؤن کے دوران بے روزگار شخص نے اپنی بیوی اور 14 ماہ کے بیٹے کو قتل کرنے کے بعد خودکشی کرلی۔

    پونا کے نواح میں پیش آنے والے اس واقعے میں 38 سالہ ہنومنتھا دریا پاشندے نے اپنی 28 سالہ بیوی اور 14 ماہ کے بیٹے ​​کو قتل کیا اور پھر خود بھی خودکشی کرلی۔

    شندے کا تعلق سولا پور سے تھا اور وہ کام کی تلاش میں کچھ ماہ قبل پونا کے نواح میں منتقل ہوا تھا اور ایک معمولی ملازمت کرتے ہوئے کرائے کے گھر میں مقیم تھا۔

    تاہم لاک ڈاؤن کے دوران بے روزگار ہوچکا تھا، ابتر معاشی حالات کی وجہ سے شندے نے مایوس ہو کر اتوار کی دوپہر اپنی بیوی اور بیٹے کا گلا دبا کرقتل دیا اس کے بعد خود بھی پنکھے سے لٹک گیا۔

    پولیس نے مقدمہ درج کرتے ہوئے لاشوں کو پوسٹ مارٹم کے لیے اسپتال منتقل کردیا جبکہ معاملے کی مزید تحقیقات بھی جاری ہیں۔

  • امریکا: بے روزگار افراد کو 400 ڈالر ہفتہ وار دیے جائیں گے، حکم نامے پر دستخط ہو گئے

    امریکا: بے روزگار افراد کو 400 ڈالر ہفتہ وار دیے جائیں گے، حکم نامے پر دستخط ہو گئے

    واشنگٹن: امریکا میں بے روزگار افراد کو 400 ڈالر ہفتہ وار دیے جائیں گے، اس سلسلے میں حکم نامے پر دستخط ہو گئے۔

    غیر ملکی میڈیا کے مطابق آج امریکی صدر ڈونلڈ ٹرمپ نے 4 مزید ایگزیکٹو حکم ناموں پر دستخط کر دیے، ان حکم ناموں میں بے روز گاری الاؤنس سمیت دیگر سہولتیں شامل ہیں۔

    حکم نامے کے مطابق بے روز گار افراد کو 400 ڈالرہفتہ وار دیے جائیں گے، الاؤنس کا 75 فی صد وفاق اور 25 فی صد ریاست ادا کرے گی۔

    خیال رہے کہ ڈیموکریٹ پارٹی سے مذاکرات ناکام ہونے پر یہ ایگزیکٹو حکم نامے جاری کیے گئے ہیں، ادھر ڈیموکریٹ پارٹی نے ایگزیکٹو حکم ناموں کو چیلنج کرنے کا فیصلہ کر لیا ہے۔

    ٹرمپ نے ٹک ٹاک، وی چیٹ کے خلاف 2 حکم نامے جاری کر دیے

    قبل ازیں، ریلیف بل پر وائٹ ہاؤس اور ڈیموکریٹ پارٹی میں مذاکرات ہوئے لیکن یہ کامیاب نہ ہو سکے، جس کے بعد ٹرمپ نے حکم نامہ جاری کرنے کا فیصلہ کیا، ڈیموکریٹ کنٹرولڈ ہاؤس کی جانب سے 3 کھرب ڈالرز کا امدادی پیکج منظور کیا گیا تھا تاہم ری پبلکن کنٹرول سینیٹ نے 3 کھرب ڈالرز کے بل کو مسترد کر دیا تھا۔

    دوسری طرف وائٹ ہاؤس نے صرف 1 کھرب ڈالرز کا پیکج منظور کرانا چاہا، جس پر ہاؤس اسپیکر نینسی پلوسی نے 1 کھرب ڈالرز کم کرنے کی پیش کش بھی کی، لیکن مذاکرات پھر بھی کامیاب نہ ہو سکے۔

    نینسی پلوسی نے کہا کہ ہاؤس 2 کھرب ڈالرز سے کم کا پیکج منظور نہیں کرے گا، 1 کھرب ڈالرز ہم نے کم کیے، 1 کھرب ری پبلکن پارٹی بڑھائے، لیکن وائٹ ہاؤس نے نینسی پلوسی کی پیش کش مسترد کر دی۔

  • وزیر اعظم کی ہدایت پر بے روزگار اوورسیز پاکستانیوں کے لیے اقدامات شروع

    وزیر اعظم کی ہدایت پر بے روزگار اوورسیز پاکستانیوں کے لیے اقدامات شروع

    اسلام آباد: کرونا وبا کے باعث بیرون ملک پاکستانی محنت کشوں کے بے روزگار ہونے کا معاملہ سامنے آنے کے بعد وزیر اعظم عمران خان کی ہدایت پر ان کے لیے اقدامات شروع کر دیے گئے۔

    اے آر وائی نیوز کے مطابق اس سلسلے میں معاون خصوصی برائے اوورسیز پاکستانیز زلفی بخاری کی زیر صدارت اجلاس منعقد ہوا جس میں ثانیہ نشتر، معید یوسف، عثمان ڈار اور اہم اداروں کے حکام نے شرکت کی، اجلاس میں اوورسیز ایمپلائمنٹ اینڈ اوورسیز پاکستانیز فاؤنڈیشن کے حکام بھی موجود تھے۔

    اجلاس میں ہنرمندوں کو دوبارہ ورک فورس میں شامل کیے جانے کے پلان پر مشاورت کی گئی، اس کے لیے کامیاب جوان، احساس پروگرام اور تکنیکی تربیتی اداروں سے معاونت لینے کا فیصلہ کیا گیا۔

    بریفنگ میں بتایا گیا کہ کرونا وبا کے باعث 2 لاکھ پاکستانی مزدور اپنی ملازمتوں سے ہاتھ دھو بیٹھے ہیں، وطن آنے والے ہنر مند کارکنوں کو روزگار فراہم کرنا ضروری ہے، اجلاس میں مہینوں سے بے روزگار اوورسیز پاکستانیوں کو مالی مدد پہنچانے پر بھی غور کیا گیا۔

    معاون خصوصی زلفی بخاری نے کہا کہ اوورسیز پاکستانیوں کا مکمل ڈیٹا اکٹھا کیا جا رہا ہے، ہمیں کٹھن حالات میں ہم وطنوں کی مشکلات کا مکمل احساس ہے، وزیر اعظم کی خواہش ہے کہ پاکستانی مزدوروں کو سہولتیں دی جائیں۔

    زلفی بخاری کا کہنا تھا پاکستانی محنت کشوں کو دوبارہ ورک فورس کا حصہ بنایا جائے گا، ان کی محفوظ وطن واپسی کے ساتھ روزگار کی فراہمی بھی حکومت کی ترجیح ہے۔

  • لاک ڈاؤن: بے روزگار افراد کے لیے وزیر اعظم کا بڑا اقدام

    لاک ڈاؤن: بے روزگار افراد کے لیے وزیر اعظم کا بڑا اقدام

    اسلام آباد: وزیر اعظم عمران خان نے نوکریوں سے بر طرف افراد کو خصوصی پیکج دینے کا فیصلہ کر لیا ہے۔

    تفصیلات کے مطابق کرونا وائرس کے باعث لاک ڈاؤن سے متاثر ہو کر ملازمتیں کھونے والے افراد کے لیے وزیر اعظم عمران خان نے خصوصی پیکج کا فیصلہ کیا ہے۔

    اس پیکج کے تحت ملازمتوں سے برطرف افراد کو حکومت 12000 روپے فی کس دے گی، وزیر اعظم کی ہدایت پر بے روزگار افراد کے لیے خصوصی پورٹل بھی تیار کر لیا گیا ہے، جس کا افتتاح آج وزیر اعظم عمران خان خود کریں گے۔

    اس پورٹل کے ذریعے معیار پر پورا اترنے والے بے روزگار شخص کو وفاقی حکومت 12 ہزار روپے دے گی۔

    یاد رہے کہ گزشتہ روز فافن (فری اینڈ فیئر الیکشن نیٹ ورک) نے خواتین سے متعلق ایک سروے میں انکشاف کیا تھا کہ کرونا لاک ڈاؤن کے دوران اب تک 24 فی صد خواتین ملازمت سے برطرف کی جا چکی ہیں۔

    کرونا لاک ڈاؤن کے دوران 14 فیصد خواتین ملازمت سے برطرف، سروے

    فافن نے سروے میں بتایا کہ 14 فی صد خواتین کو مستقل طور پر نوکری سے نکال دیا گیا ہے جب کہ کچھ خواتین کی خدمات عارضی طور پر معطل کر دی گئی ہیں، بے روز گار ہونے والی خواتین میں 15 فی صد کا تعلق صوبہ سندھ سے ہے جب کہ 3 فی صد کا تعلق بلوچستان سے ہے، ایک فی صد خواتین بی آئی ایس پی میں رجسٹرڈ ہیں جب کہ 28 فی صد خواتین نے احساس پروگرام میں امداد کے لیے درخواست دے رکھی ہے۔

    فافن نے مطالبہ کیا تھا کہ کرونا وائرس لاک ڈاؤن کے دوران حکومت ملازمین کو تحفظ فراہم کرے۔

  • تاجروں کا 3 ماہ کا بجلی کا بل حکومت ادا کرے گی، حماد اظہر

    تاجروں کا 3 ماہ کا بجلی کا بل حکومت ادا کرے گی، حماد اظہر

    اسلام آباد:وفاقی وزیر صنعت وپیداوار حماد اظہر کا کہنا ہے کہ حکومت نے لاک ڈاؤن میں بے روزگار اور چھوٹے کاروبار کرنے والوں کے لیے وزیراعظم کا چھوٹا کاروبار امدادی پیکیج متعارف کرا دیا۔

    تفصیلات کے مطابق وفاقی دارالحکومت اسلام آباد میں پریس کانفرس کے دوران وفاقی وزیر صنعت حماد اظہر نے کہا کہ صنعت، کاروبار اور ملازمتوں سے متعلق دو پیکج ای سی سی نے منظور کیے ہیں جو کل وفاقی کابینہ میں پیش کیے جائیں گے، کابینہ سے منظوری کے بعد پیکج کی تفصیلات ویب سائٹ پر ڈل دی جائیں گی۔

    حماد اظہر کا کہنا تھا کہ بے روزگار ہونے والوں کے لیے 75 ارب روپے کا پیکج منظور کیا ہے، ملازمتوں سے بے روزگار ہونے والے خود کو پورٹل پر رجسٹرڈ کرائیں، احساس پروگرام اور وزارت صنعت وپیداوار پورٹل لانچ کرے گی۔

    وفاقی وزیر کے مطابق پیکج کی تفصیلات وزارت صنعت وپیداوار اور احساس پروگرام کی ویب سائٹ پر ڈالی جائیں گی، پیکج کے تحت بے روزگار ہونے والوں کو فی کس 12 ہزار روپے دیے جائیں گے جبکہ دوسرے پیکج کے تحت چھوٹے کاروبار والوں کے 3 ماہ کا بل حکومت ادا کرے گی اس طرح 80 فیصد صنعتیں بل ادائیگی کے سلسلے میں مستفید ہوں گی۔

    انہوں نے مزید کہا کہ حکومت کا یہ پروگرام احساس پروگرام سے الگ ہے، احساس پروگرام کے ایک کروڑ 20 لاکھ افراد کے علاوہ یہ 60 لاکھ افراد الگ ہوں گے۔

  • کورونا وائرس ، امریکا میں 2 کروڑ سے زائد افراد بے روزگار ہوگئے

    کورونا وائرس ، امریکا میں 2 کروڑ سے زائد افراد بے روزگار ہوگئے

    واشنگٹن : امریکا میں تعینات پاکستانی سفیر اسد مجید خان نےکہاہےکہ امریکا میں 2 کروڑ 20 لاکھ افراد بے روزگار ہوگئے، یہ بے روزگاری امریکی معیشت پردور رس اثرات مرتب کرے گی۔

    تفصیلات کے مطابق امریکامیں پاکستان کے سفیرڈاکٹراسدمجیدخان نے سرکاری ٹی وی کوانٹرویو دیتے ہوئے کہا کہ مہلک وائرس سے نیویارک، نیوجرسی سب سے زیادہ متاثرہوئے ہیں، پاکستانیوں کی تعداد ان ریاستوں میں زیادہ ہے۔

    ڈاکٹراسدمجیدخان کا کہنا تھا کہ سفارتخانہ،قونصلیٹ امریکا میں موجودپاکستانیوں سےمسلسل رابطےمیں ہیں اور تارکین وطن ہماری اولین ترجیح ہیں، سفارتخانہ اور قونصلیٹ ہم وطنوں کوہرممکن مددفراہم کررہاہے،امریکامیں اس وقت سات سوپچاس پاکستانی واپس جانا چاہتے ہیں۔

    پاکستانی سفیر نے مزید کہا کہ امریکامیں22ملین افرادبےروز گارہوگئے ہیں ، بےروزگاری کے امریکی معیشت پردوررس اثرات مرتب ہوں گے۔

    خیال رہے امریکا میں کورونا وائرس 34 ہزار 641 افراد کی زندگیاں نگل گیا اور متاثرین کی تعداد 6 لاکھ 78 ہزار سے زائد ہوگئی ہے جبکہ نیویارک میں وائرس سے 16 ہزارافراد جان سےچلےگئے اور2 لاکھ 26 ہزارسےزیادہ افراد متاثرہیں۔

    معیشیت کے بحران سے پریشان صدرٹرمپ کا کہنا ہے کہ ملک کو کھول رہے ہیں۔ ریاستوں کو باری باری کھولاجائےگا، کچھ ریاستیں جلد کھل جائیں گی،کچھ کو وقت لگے گا جبکہ معیشت کی بحالی تین مراحل پرمشتمل ہوگی۔امریکی صدر نے چین اورعالمی ادارہ صحت سے شکوہ کرتے ہوئے کہا کہ وائرس سے متعلق مناسب انداز سے خبردارنہیں کیا گیا۔

    امریکا میں کورونا وائرس کے باعث دو کروڑ سے زیادہ افراد بیروز گارہوئے ہیں تاہم ماہرین کا کہنا ہے کہ یہ شرح دگنی ہو سکتی ہے۔

  • ‘گیس بحران کے باعث ملک بھر میں سینکڑوں کارخانے بند ہوگئے، بےروزگاری بڑھنے کا بھی خطرہ ہے‘

    ‘گیس بحران کے باعث ملک بھر میں سینکڑوں کارخانے بند ہوگئے، بےروزگاری بڑھنے کا بھی خطرہ ہے‘

    کراچی: پاکستان اکانومی واچ کے صدر ڈاکٹر مرتضیٰ مغل کا کہنا ہے کہ گیس بحران کے باعث ملک بھر میں سینکڑوں کارخانے بند ہوگئے جس کے باعث بےروزگاری میں اضافے کا بھی خطرہ ہے۔

    پاکستان اکانومی واچ کے صدر کا اپنے بیان میں کہنا تھا کہ گیس کے بحران نے ملک کو پوری طرح اپنی لپیٹ میں لے لیا ہے، ملک میں روزانہ ایک ارب مکعب فٹ قدرتی گیس چوری ہو رہی ہے۔

    انہوں نے کہا کہ گیس چوری پر قابو پانے یا اصلاحات کا عمل شروع کرنے کے بجائے گیس کی قیمت میں اضافہ کر کے ایماندار صارفین کو سزا دی جا رہی ہے۔

    ان کا کہنا تھا کہ گیس کمپنیوں کے سربراہان کی برطرفی اور قیمت میں حالیہ اضافہ سے گیس سپلائی سمیت مجموعی صورتحال بہتر نہیں ہوئی مگر عوام کی کمر ٹوٹ گئی جبکہ ملک بھر میں سینکڑوں کارخانے بند اور لاکھوں مزدور بے روزگار ہوگئے۔

    ملک بھر میں ایک بار پھر گیس بحران پیدا ہونے کا خدشہ

    ڈاکٹر مرتضیٰ مغل کا کہنا تھا کہ گیس کی قیمت بڑھنے کے بعد جہاں معیشت کو نقصان پہنچا ہے وہاں عام شہری صرف توانائی کی مد میں اپنی آمدنی کا تیس فیصد تک خرچ کرنے پر مجبور ہو گیا ہے، جس سے انکا صحت، بچوں کی تعلیم ، کرایہ اور دیگر امور کا بجٹ متاثر ہوا ہے۔

    خیال رہے کہ پوٹ قاسم ایل این جی ٹرمینل کو مرمتی کام کے لیے 60 گھنٹوں کے لیے بند کردیا گیا جس کے بعد ملک بھر میں گیس بحران کا بحران شدت اختیار کرسکتا ہے۔

  • ڈپارٹمنٹل کرکٹ ختم کرنے کا فیصلہ، سینکڑوں افراد کے بے روزگار ہونے کا خدشہ

    ڈپارٹمنٹل کرکٹ ختم کرنے کا فیصلہ، سینکڑوں افراد کے بے روزگار ہونے کا خدشہ

    لاہور : پاکستان کرکٹ بورڈ نے آئندہ سیزن سے ڈپارٹمنٹل کرکٹ ختم کرنے کا فیصلہ کرلیا، ڈیپارٹمنٹل کرکٹ کے خاتمے سے سینکڑوں افراد کے بے روزگار ہونے کا خدشہ ہے۔

    تفصیلات کے مطابق پی سی بی حکام نے آئندہ آنے والے سیزن میں ڈپارٹمنٹل کرکٹ کے خاتمے کا فیصلہ کرلیا ہے اسی سلسلے میں ڈومیسٹک کرکٹ کیلئے ٹاسک فورس کمیٹی تشکیل دی جاچکی ہے۔

    اس حوالے سے ذرائع کا کہنا ہے کہ پی سی بی کی تشکیل کردہ ٹاسک فورس کمیٹی کے پہلے اجلاس میں ڈپارٹمنٹل کرکٹ ختم کرنے کا معاملہ زیر بحث لایا گیا تھا جس میں ڈپارٹمنٹل کرکٹ ختم کرنے پر اتفاق کیا گیا۔

    آئندہ سال سے مختلف حکومتی ڈپارٹمنٹس ہر قسم کی کرکٹ سے دور ہو جائیں گے۔ ڈپارٹمنس کو کہا جائے گا کہ اگر وہ کھیل کے فروغ میں کوئی کردر ادا کرنا چاہتے ہیں تو ملک کے کسی بھی ریجن کو اسپانسر کرلیں۔ پی سی بی گورننگ بورڈ کے آئندہ اجلاس میں ڈیپارٹمنٹل کرکٹ کے مستقبل کا فیصلہ ہوگا۔

    دوسری جانب پی سی بی کے ڈائریکٹر ڈومیسٹک ہارون رشید ڈپارٹمنٹل کرکٹ ختم کرنے کے مخالف ہیں۔ ان کا کہنا ہے کہ ڈیپارٹمنٹل کرکٹ بند ہونے سے کھیل سے منسلک سینکڑوں افراد کے بے روزگار ہونے کا خدشہ ہے۔

    ڈیپارٹمنٹل کرکٹ کو ختم کرنے کیلئے ایک بار پھر اقدامات کا فیصلہ کیا گیا ہے لیکن ان اقدامات سے اس پیشے منسلک ہزاروں افراد کے گھر کو چولہے ٹھنڈے ہوجائیں گے، ان لوگوں میں کرکٹرز،گراؤنڈز مین، آفیشلز، فزیو تھراپسٹ اور دیگر شامل ہیں۔

  • ڈیوڈ وارنرکوگھاس کاٹنے کےعوض 60 ڈالرکی پیشکش

    ڈیوڈ وارنرکوگھاس کاٹنے کےعوض 60 ڈالرکی پیشکش

    سڈنی: آسٹریلیا کےبے روزگاراوپنر ڈیوڈ وارنر کو سوشل میڈیا پر دلچسپ کاموں کی پیشکش موصول ہونے لگیں۔

    تفصیلات کےمطابق آسٹریلوی کرکٹ ٹیم کے اوپنر ڈیوڈ وانر نے سماجی رابطے کی ویب سائٹ پرشائقین کی جانب سےان کی سپورٹ کرنے کا شکریہ ادا کیا۔

    ڈیوڈ وانرکا کہناتھاکہ اگرچہ میں بیروزگار ہوچکا مگر مجھے بدستور اپنی بیوی کی سپورٹ حاصل ہے،میرے لیے میری فیملی ہی سب کچھ ہے۔انہوں نے کہاکہ ایسا ہی سوچ میں اپنی سابقہ کام کی جگہ کےبارے میں رکھتا تھا لیکن شاید میں غلط تھا۔

    دوسو سے زائد آسٹریلوی کرکٹرز ’بے روزگار‘ ہوگئے

    آسٹریلوی کرکٹر نے ٹویٹر پرایک شخص نےکہاکہ وہ ان کے لان کی گھاس کاٹ دیں تو وہ 60 ڈالر دے سکتا ہے۔

    آسٹریلوی کرکٹرڈیوڈ وانر نےگھاس کاٹنے کی پیشکش کرنے والے شخص کی ٹویٹ کےجواب میں اس شخص کا شکریہ ادا کیا۔

    یاد رہےکہ گزشتہ روز کرکٹ آسٹریلیا اور ملک کے کرکٹ کھلاڑیوں کے درمیان نئے معاہدے کو تسلیم کیے جانے کی ڈیڈلائن گزر جانے کے بعد دو سو سے زائد سینیئر کرکٹرز عملی طور پر بے روزگار ہوگئےتھے۔

    واضح رہےکہ کرکٹ آسٹریلیا اور ملک کے بڑے کھلاڑیوں کے درمیان حالیہ معاہدہ 30 جون کو ختم گیا تھا جبکہ کوئی نیا معاہدہ طے نہیں پاسکا۔