Tag: بے روزگاری

بھارتی عوام بے روزگاری کےباعث شدید مالی عدم استحکام کا شکار ہے، بھارت کے نصف سے زیادہ نوجوان آن لائن نوکریاں کرکے اپنا پیٹ پال رہے ہیں۔

مودی سرکار دنیا کی سب سے بڑی اکانومی ہونے کا دعویٰ کر رہی ہے وہیں بھارت بےروزگاری کے باعث شدید عدم استحکام کا شکار ہے۔

مودی سرکار کے زیر اقتدار بھارت میں بےروزگاری اور غربت انتہائی سنگین حد تک پہنچ گئی اور بھارت سے بے روزگاری ختم کرنے کے تمام تر وعدے اور دعوے جھوٹے ثابت ہوئے۔

انڈیا ایمپلائمنٹ رپورٹ کے مطابق بھارت کی بے روزگار عوام کا 83 فیصد حصہ نوجوانوں کا ہے، بےروزگاری اور مودی سرکار کی بے حسی سے تنگ آکر بھارتی نوجوان غیر رسمی نوکریاں کرنے پر مجبور ہیں ، بھارت کے نصف سے زیادہ نوجوان آن لائن نوکریاں کرکے اپنا پیٹ پال رہے ہیں۔

تحقیق میں بتایا گیا کہ بھارت میں بے روزگاری کے باعث تقریباً 70 فیصد تعمیراتی مزدور کم سے کم اجرت پر کام کرنے پر مجبور ہیں۔

بھارتی تھنک ٹینک کی رپورٹ کے مطابق مودی سرکار کے اقتدار میں آنے کے بعد سے بھارت میں ملازمتوں کا معیار بہت گر چکا ہے۔

نئی دہلی میں قائم انسٹی ٹیوٹ فار ہیومن ڈیولپمنٹ کے سینٹر فار ایمپلائمنٹ اسٹڈیز کے ڈائریکٹر نے کہا کہ ’’بھارتی معیشت میں غیر رسمی نوکریوں میں بہت اضافہ ہوا ہے۔‘‘

ایک رپورٹ کے مطابق بھارت میں 90 فیصد عوام غیر رسمی نوکریاں کرنے پر مجبور ہے اور اور رسمی ملازمت کا گراف بہت نیچے آگیا ہے۔

الجزیرہ رپورٹ میں کہا گیا کہ 2022 میں باقاعدہ ملازمت 24.2 فیصد سے گر کر 22.7 رہ گئی ہے۔

الجزیرہ کو بھارتی شہری روہیت کمار ساھو نے انٹرویو میں کچھ حیرت انگیز انکشافات کیے، ساھو نے الجزیرہ کو بتایا کہ، "مجھے مجبوراً ڈیلیوری بوائے کی نوکری کرنا پڑ رہی ہے تا کہ اپنے کالج کی فیس بھر سکوں”

اس کا کہنا تھا کہ "ملک میں بے روزگاری اور مالی استحصال کی وجہ سے میں غیر رسمی نوکریاں کرنے پر مجبور ہوں لیکن اسکے باوجود میری تعلیم کے اخراجات پورے کرنے میں قاصر ہوں”۔

ساھو کے مطابق گورمنٹ کی 12 ہزار سیٹوں پر 4 لاکھ بھارتی درخواستیں جمع کرواتے ہیں۔ اب ایسے حالات میں ہمیں کون نوکری دے گا۔

بے روزگاری کے خوف سے بھارتی عوام ہر قسم کا قانونی اور غیر قانونی راستہ اپنانے پر مجبور ہیں،بھارت میں بے روزگاری سے تنگ عوام غیر قانونی طور پر امریکااور برطانیہ منتقل ہو رہی ہے، بھارت میں بڑھتی بےروزگاری سے انسانی اسمگلنگ عروج پر پہنچ چکی ہے۔

بھارت کے جاری انتخابات میں جہاں مودی سرکارکوبہت سارے مسائل کا سامنا ہے وہ ملک میں بڑھتی ہوئی بے روزگاری میں بھی سب سے اہم مسئلہ ہے۔

خبر رساں ایجنسی رائٹرز کی رپورٹ میں کہا گیا ہے کہ مودی سرکار بھارت کی بڑھتی ہوئی نوجوان آبادی کے لیےملازمتیں پیدا کرنے میں ناکام رہی ہے اور بھارت میں آنے والی نئی حکومت کے لیے بے روزگاری ایک بہت بڑا چیلنج ثابت ہو گی۔

رپورٹ میں کہنا تھا کہ بھارتی لیبر فورس بے روزگاری کی بڑھتی شرح کے باعث شدیدخوف اورحوصلہ شکنی کا شکارہے، ملک کے بے روزگار نوجوانوں کی تعداد تقریباً 83فیصد ہے جبکہ تقریباً 90فیصد بھارتی اپنے شعبے سے ہٹ کرملازمتیں کرنے پر مجبور ہیں۔

رائٹرز کی رپورٹ کے مطابق 2010سے 2019 کے درمیان تقریباً 29.2 فیصد نوجوان بے روزگاراور تعلیم یا تربیت یافتہ نہیں ہیں یہ تعداد جنوبی ایشیا میں سب سے زیادہ ہے۔

حال ہی میں انٹرنیشنل لیبر آرگنائزیشن کی جاری کردہ انڈیا امپلائمنٹ رپورٹ 2024 کے مطابق ہر 3 میں سے 1 بھارتی نوجوان بے روزگار ہے ، لیبر فورس سروے کے اعداد و شمار کے مطابق بے روزگاری کی شرح جو کہ 2013میں 3.4 فیصد تھی 2022میں صرف 3.2 فیصد پر معمولی کم تھی۔

سنٹر فار مانیٹرنگ انڈین اکانومی ایک اقتصادی رپورٹ کے مطابق مارچ میں بے روزگاری کی شرح 7.6 فیصد تھی جبکہ سروے کے مطابق 31 مارچ کو ختم ہونے والے بھارت کے گزشتہ مالی سال میں معیشت میں ممکنہ طور پر 6.5 فیصد اور اس سال میں 7.6 فیصد اضافہ ہوا۔

بے روزگاری کے خوف سے بھارتی عوام ہر قسم کا قانونی اور غیر قانونی راستہ اپنانے پر مجبور ہیں اور بھارت میں بے روزگاری سے تنگ عوام غیر قانونی طور پر امریکا اور برطانیہ منتقل ہو رہی ہے۔

بھارت میں بڑھتی بےروزگاری سے انسانی سمگلنگ عروج پر پہنچ چکی ہے، حال ہی میں 40 ہزار سے زائد بھارتی غیر قانونی طور پر اسرائیل میں روزگار کے حصول کے لئے جا چکے ہیں۔

مودی حکومت نےاپنےدورمیں اقلیتوں بالخصوص مسلمانوں کیخلاف نفرت انگیزاقدامات کےسوا کچھ نہیں کیا اور ہر انتخابات کے قریب آنے پر نوجوانوں کوروزگاردینےکے وعدے کئے مگر وہ جھوٹ ثابت ہوئے اور اب بھی ایسا ہی ہونے جا رہا ہے۔

نئی دہلی: بھارتی شہر پانی پت میں بے روزگاری نے نوبیتا جوڑے آوید اور نجمہ کی جان لے لی۔

تفصیلات کے مطابق بھارتی شہر پانی پت کے علاقے راج نگر میں آوید کا نکاح گزشتہ ماہ 10 اگست کو وکاس نگر کی نجمہ کے ساتھ ہوا تھا، آوید ویلڈنگ کا کام کرتا تھا جس سے اچھا گزارا ہو جاتا تھا، لیکن لاک ڈاؤن نے اسے بے روزگار بنا دیا

حکومت کی جانب سے جب لاک ڈاؤن ختم ہوا تو اسے امید تھی کہ اب حالات بہتر ہوجائیں گے، اور اس دوران شادی بھی ہوگئی، لیکن بہتر ہونے کی جگہ مزید خراب ہوگئے، آوید روز صبح گھر سے کام کی تلاش میں نکلتا اور شام کو خالی ہاتھ واپس آتا تھا۔

بے روزگاری اور معاشی پریشانی کے باعث آوید اور نجمہ نوک جھوک بھی شروع ہو گئی، حالات اس قدر خراب ہوئے کہ دونوں نے پھانسی لگا کر اپنی زندگی ختم کر لی، گھر والوں کو جب واقعے کا پتہ چلا تو انہوں نے فوراََ پولیس کو اطلاع دی۔

پولیس نے دونوں کی لاشوں کو قبضے میں لے کر پوسٹ مارٹم کے لیے بھجوایا اور پھر بعد میں انہیں اہل خانہ کے حوالے کر دیا۔

آوید کے بڑے بھائی جاوید نے بتایا کہ وہ ساتھ ہی رہتے تھے، آوید پہلی منزل پر فیملی کے ساتھ رہتا تھا، ان کی دو چھوٹی بہنیں ہیں ان کی بھی شادی ہوچکی ہے، ایک بہن کی شادی تو اسی دن ہوئی تھی جس دن آوید کا نکاح ہوا۔

جاوید کا کہنا تھا کہ کچھ دنوں سے آوید پریشان ضرور نظر آ رہا تھا، لیکن امید تھی کہ جلد ہی سب ٹھیک ہوجائے گا۔انہوں نے بتایا کہ صبح جب وہ نیچے اترا تو آوید اور اس کی بیوی نجمہ دکھائی نہیں دیے، کھڑکی سے جھانک کر دیکھنے پر پتہ چلا کہ دونوں نے پھندا لگا کر خودکشی کر لی تھی۔