ویب سیریز ’ہیرامنڈی‘ میں ’تاجدار‘ نے ہالی ووڈ انڈسٹری کے بے تاج بادشاہ ٹام کروز سے ملاقات کی یادگار تصویر اور ویڈیو شیئر کردی۔
فوٹو اینڈ شیئرنگ ایپ انسٹاگرام پر بالی ووڈ کے معروف اداکار طہٰ شاہ نے بالی ووڈ کے بادشاہ ٹام کروز کے ہمراہ یادگار تصویر اور ویڈیو جاری کی ہیں جس میں انہیں حیران ہوتے ہوئے دیکھا جاسکتا ہے۔
View this post on Instagram
تصویر میں طہٰ شاہ سیاہ شرٹ پر سرمئی کوٹ پہنے نظر آئے جبکہ ٹام کروز نے سفید شرٹ پہن رکھی ہے، تصویر میں طہٰ شاہ مسکراتے ہوئے ٹام کروز کے ساتھ کھڑے ہیں جبکہ ویڈیو میں طہٰ کو ٹام کروز سے کچھ کہتے دیکھا جاسکتا ہے جس پر وہ زور سے ہنستے ہیں۔
طہٰ شاہ نے ٹام کروز سے ملاقات کو ایک خواب قرار دیتے ہوئے لکھا کہ ’ کوئی مجھے چٹکی کاٹے، میں نے اپنی زندگی کے سب سے پسندیدہ اداکار ٹام کروز سے ملاقات کی‘۔
واضح رہے کہ ٹام کروز اپنی خوبصورتی کے علاوہ ایکشن فلمز اور ان میں کیے گئے ایکش سینز کی وجہ سے بے حد مشہور ہیں جبکہ بالی ووڈ اداکار طہٰ شاہ نے فلمساز سنجے لیلا بھنسالی کی پہلی ویب سیریز ’ہیرامنڈی میں ایک خوبرو نواب ’تاجدار‘ کا کردار ادا کیا تھا جسے بے حد پسند کیا گیا۔