Tag: تاجروں

کوئٹہ : متحدہ عرب امارات ( یو اے ای) کے قونصل جنرل تاجروں کے لئے بڑا اعلان کردیا ، اب بغیر رکاوٹ خصوصی ویزے جاری ہوں گے۔

تفصیلات کے مطابق متحدہ عرب امارات کے قونصل جنرل سے بلوچستان سرمایہ کاری بورڈ کے وائس چیئرمین اور سی ای او کی ملاقات ہوئی، جس میں متحدہ عرب امارات ( یو اے ای) نے بلوچستان کی بزنس کمیونٹی کیلئے الگ ویزا فیسلی ٹیشن ڈیسک قائم کرنے کا اعلان کردیا۔

قونصل جنرل نے کہا کہ بلوچستان کے تاجروں کیلئے بغیر رکاوٹ خصوصی ویزے جاری ہوں گے۔

ملاقات میں فریقین نے خلیفہ پورٹ سمیت اسٹرٹیجک منصوبوں میں شراکت داری پر زور دیتے ہوئے گورنمنٹ ٹو گورنمنٹ تعاون کے ذریعے منصوبوں کو آگے بڑھانے پر اتفاق کیا۔

قونصل جنرل کا کہنا تھا کہ بلوچستان کے سرمایہ کاری منصوبوں کو اپنے سرمایہ کاری پورٹل پر شائع کریں گے۔

یاد رہے گورنر خیبر پختونخواہ فیصل کریم کنڈی نے متحدہ عرب امارات کے قونصل جنرل بخیت عتیق الرمیتھی سے ملاقات کی تھی۔

ملاقات میں باہمی دلچسپی کےامور پرتبادلہ خیال کیا گیا، اس موقع پر گورنر کے پی نے یو اے ای قونصلیٹ کےبزنس ویزا سیکشن کا افتتاح کیا تھا۔

یو اے ای قونصل جنرل کا کہنا تھا کہ پاکستانی شہری اب 5 سالہ ویزا پروگرام حاصل کرنے کے اہل ہیں، ویزاپروگرام دونوں برادر ممالک میں دوطرفہ تعلقات مزیدمضبوط کرے گا۔

لاہور : تاجروں نے انکم ٹیکس ترمیمی آرڈیننس مسترد کردیا اور حکومت کو خبردار کیا  آرڈیننس واپس لیا جائے ورنہ سڑکوں پر آنے پر مجبور ہوں گے۔

تفصیلات کے مطابق صدر انجمن تاجران مجاہد مقصود بٹ کی زیر صدارت اجلاس منعقد ہوا، انجمن تاجران نے انکم ٹیکس ترمیمی آرڈیننس پر شدید تحفظات کا اظہار کیا۔

مجاہد مقصود بٹ نے کہا کہ انکم ٹیکس ترمیمی آرڈیننس کو مسترد کرتے ہیں، حکومت فوری طور پر جبری انکم ٹیکس ترمیمی آرڈیننس واپس لے۔

ان کا کہنا تھا کہ ایف بی آر کو اکاؤنٹ منجمد کرنے کا اختیار دینا ناقابل قبول ہیں، کاروباری مقامات پر ٹیکس افسران کو کسی صورت تعینات نہیں ہونے دیں گے۔

تاجروں نے خبردار کیا کہ حکومت آرڈیننس واپس لے ورنہ سڑکوں پر آنے پر مجبور ہوں گے۔

صدر لاہور چیمبر میاں ابوذر شاد نے کہا نوٹس کے بغیر اکاؤنٹ منجمد کرنا ناقابل قبول ہے جبکہ صدر چیمبر سینیر نائب صدر خالد عثمان کا کہنا تھا کہ مختلف اداروں کو ضبطی اور معائنہ کے اختیارات خطرناک قدم ہے۔

نائب صدر شاہد نزیر چودھری نے کہا کہ بزنس کمیونٹی میں بے چینی ہے اور انہوں نے بینکوں سے رقوم نکلوانا شروع کردیں۔

کراچی :  جوڑیا بازار  کی ہول سیل مارکیٹ کے تاجروں نے چینی کی ایکسپورٹ پر تین ماہ کیلئے پابندی لگانے کا مطالبہ کر دیا۔

تفصیلات کے مطابق کراچی میں ریٹیل سطح پر چینی کی قیمتیں 160 روپے فی کلو تک پہنچ گئیں۔

چیئرمین ہول سیل گروسرز ایسوسی ایشن رؤف ابراہیم نے مطالبہ کیا ہے کہ حکومت3ماہ کیلئےچینی ایکسپورٹ پر پابندی عائد کرے۔

رؤف ابراہیم کا کہنا تھا کہ ہول سیل بازارمیں چینی کی قیمت 150 روپے تک پہنچ گئی، مارکیٹ میں ذخیرہ مافیا سرگرم ،مارچ کے ایڈوانس سودے ہو رہے ہیں۔

چیئرمین ہول سیل گروسرز نے کہا کہ چینی کے مارچ کےایڈوانس سودے152روپے فی کلوتک پہنچ گئے، رمضان میں چینی کی قیمتوں میں ہوشربا اضافے کا خدشہ ہے۔

مزید پڑھیں : ملک میں چینی کی فی کلو قیمت 160 روپے تک جا پہنچی

ان کا کہنا تھا کہ ملک بھر میں چینی کی ماہانہ کھپت ساڑھے 5لاکھ ٹن ہے، رمضان میں یہ کھپت 10لاکھ ٹن پہنچ جاتی ہے۔

رؤف ابراہیم نے بتایا کہ دسمبر سے چینی کی قیمتوں میں 26 روپے کلو کا اضافہ ہوچکا ہے جبکہ گزشتہ سال بھی منافع خوروں نے چینی کی قیمت 180 روپے پر پہنچا دی تھی۔

خیال رہے یوٹیلٹی اسٹورزپربھی چینی 5 روپےاضافے سے145 روپے فی کلو پر پہنچ گئی ہے۔

اسلام آباد اور پنڈی میں کاروبار کی بندش پر تاجر پھٹ پڑے اور انہوں نے امن وامان کی بحالی کے لیے خیبر پختونخوا میں گورنر راج لگانے کا مطالبہ کر دیا۔

اے آر وائی نیوز کے مطابق پی ٹی آئی کے احتجاج اور حکومتی رکاوٹوں کی وجہ سے جڑواں شہروں اسلام آباد اور پنڈی میں کاروبار زندگی معطل ہے، جس پر تاجروں میں تشویش پائی جاتی ہے اور انہوں نے حکومت سے امن وامان کی بحالی کے لیے صوبہ خیبر پختونخوا میں گورنر راج لگانے کا مطالبہ کر دیا ہے۔

فیڈریشن آف پاکستان چیمبر آف کامرس (ایف پی سی سی آئی) کے صدر عاطف اکرام شیخ نے کہا ہے کہ وفاقی حکومت خیبر پختونخوا کے کنٹرول سمیت جو بھی اقدام کرے گی، تاجر برادری اس کی حمایت کرے گی۔

سابق صدر ایف پی سی سی آئی زبیر طفیل کا کہنا ہے کہ روازنہ کی بندش سے ملک بھر میں کاروبار کا اربوں روپے کا نقصان ہو رہا ہے۔ حکومت امن وامان کی بحالی کے لیے کے پی میں گورنر راج لگائے۔

سینئر نائب صدر ثاقب فیاض مگوں نے کہا کہ وفاقی حکومت امن وامان کو برقرار رکھنے کے لیے جو بھی اقدام کرے، ایف پی سی سی آئی اس کی حمایت کرے گی۔

ایف پی سی سی آئی کے رہنماوں کا کہنا تھا کہ امن وامان کی صورتحال خراب ہونے سے کارخانے بند پڑے ہیں جب کہ تاجروں کا کہنا ہے کہ آخر کب تک ایسے احتجاج جاری رہیں گے۔

واضح رہے کہ پی ٹی آئی کے احتجاج کے باعث اسلام آباد، پنڈی میں حکومتی رکاوٹوں کے باعث لوگوں کے معمولات زندگی، تجارتی سرگرمیاں، آمدورفت، بچوں کی تعلیم سب کچھ معطل ہو چکا ہے۔

https://urdu.arynews.tv/country-goods-delivery-stopped-there-fear-of-food-shortage/

اسلام آباد : پی ٹی آئی کا احتجاج روکنے کے لئے تاجروں نے عدالت سے رجوع کرلیا اور استدعا کی کہ سیکریٹری داخلہ ، چیف کمشنر ، آئی جی کو احتجاج روکنے کا حکم دیا جائے۔

تفصیلات کے مطابق اسلام آباد ہائی کورٹ میں پی ٹی آئی احتجاج روکنے اور غیرقانونی قرار دینے کیلئے تاجروں نے درخواست دائر کردی۔

جناح سپر مارکیٹ کے صدر اسد عزیز  نے ہائیکورٹ میں درخواست کی، جس میں کہا گیا ہے کہ احتجاج بنیادی انسانی حقوق کی خلاف ورزی ہے۔

درخواست میں کہا گیا کہ پُر امن کاروبار اوردیگرفرائض کی ادائیگی ہر شہری کا بنیادی حق ہے، احتجاج سے شہریوں کے بنیادی حقوق متاثر ہوسکتے ہیں، استدعا ہے چیئرمین پی ٹی آئی ،کارکنان کو غیر قانونی احتجاج سے روکنے کی انتظامیہ کو ہدایت کی جائے۔

درخواست میں کہنا تھا کہ وزیراعلیٰ کی سرپرستی میں اسلام آباد کی طرف احتجاج کیلئے آنے کا پروگرام ہے ، احتجاج سے اسلام آباد پر لشکر کشی کا تاثر ملا رہا ہے ، حال ہی میں اسلام آباد احتجاج کے حوالے سے قانون سازی بھی ہوئی ،بغیر اجازت اس قسم کے احتجاج سے ملک میں لا قانونیت کاتاثر ملتا ہے۔

درخواست میں استدعا کی گئی کہ سیکریٹری داخلہ ، چیف کمشنر ، آئی جی کو احتجاج روکنے کا حکم دیا جائے۔

درخواست میں وزارت داخلہ، چیف کمشنر، ڈسٹرکٹ مجسٹریٹ سمیت آئی جی اسلام آباد ،چیئرمین پی ٹی آئی بیرسٹر گوہر کوفریق بنایا گیا ہے۔