Tag: تاجر دوست اسکیم

کوآرڈینیٹر تاجر دوست اسکیم نے کہا ہے کہ ہول سیل، رٹیل سیکٹر سے ٹیکس وصولی چیلنج ہے جسے پوری کوشش کرکے حاصل کیا جائیگا۔

تفصیلات کے مطابق چیف کوآرڈینیٹر تاجر دوست اسکیم نعیم میر اور رٹیلرز کے وفد کے درمیان سینٹرل سیکریٹریٹ میں گفتگو ہوئی، نعیم میر کا اس موقع پر کہنا تھا کہ ہول سیل اور رٹیل سیکٹر سے ٹیکس کی وصولی ایک اہم چیلنج ہے۔

انھوں نے کہا کہ ریاست نے تاجروں کو 77 سال بڑے نازونعم سے پالا ہے، نخرے اٹھائے ہیں لیکن اب ریاست ان سے ٹیکس وصولی میں نہایت ہی سنجیدہ ہے۔

کوآرڈینیٹر تاجردوست اسکیم نعیم میر نے مزید کہا کہ ٹیکس ادا نہ کرنے کا رواج نسل در نسل چلتا آرہا ہے جسے اب ہرصورت تبدیل ہونا ہے۔

نعیم میر نے کہا کہ ملک ایک ایسے موڑ پر کھڑا ہے جہاں اس کے وسائل کو بڑھانے کی اشد ضرورت ہے، وسائل میں اضافہ تاجروں سے ٹیکس وصولی کے بغیر ممکن نہیں۔

اسلام آباد : فیڈرل بورڈ آف ریونیو(ایف بی آر) نے نان فائلرز کے لئے آسان ٹیکس ریٹرن فارم جاری کردیا، فارم پُر کریں اور فائلر بن جائیں۔

چیف کوآرڈینیٹر تاجر دوست اسکیم نعیم میر نے اپنے بیان میں کہا ہے کہ آسان ٹیکس ریٹرن فارم تاجر دوست اسکیم کے تحت جاری کیا گیا ہے تاکہ نان فائلرز آسان ٹیکس ریٹرن فارم پُر کریں اور فائلر بن جائیں۔

نعیم میر کا کہنا تھا کہ تاجر پرچیز پر ودہولڈنگ ٹیکس کی کٹوتی سے پریشان تھے، اب آسان ٹیکس ریٹرن کے ذریعے فائلر بنتے ہی 236 G اور 236 H کا ٹیکس 2فیصد اور 2.5 فیصد کی شرح سے کم ہوکر بلترتیب 0.1 فیصد اور 0.5 فیصد ہوجائے گا جو ایڈجسٹ ایبل ہوگا۔

چیف کوآرڈینیٹر نے بتایا کہ تاجر دوست اسکیم کے تحت وصول کیا گیا ایڈوانس ٹیکس بھی ایڈجسٹ ایبل ہوگا، غلط فہمی دور کر لی جائے کہ یہ مینیمم ایڈوانس ٹیکس ہے جو لازمی ادا کرنا ہوگا، ایسا ہر گز نہیں یہ ایڈوانس ٹیکس بھی بجلی کے بلوں و دیگر کے ایڈوانس ٹیکسز ہی کی طرح ایڈجسٹ ایبل ہے۔

ان کا کہنا تھا کہ آسان ٹیکس ریٹرن میں ٹریڈر اپنا بینک اکاونٹ نمبر درج کرے گا اور اس بینک اکاونٹ میں ریفنڈ کی رقم خودکار طریقے سے واپس مل جائے گی۔

مزید یہ کہ آسان ٹیکس ریٹرن میں ظاہر کی گئی آمدن پر نارمل ٹیکس سلیب اپلائی ہوگا اور خودکار طریقے سے ٹریڈر کا واجب الادا ٹیکس بتا دیا جائے گا، تاجر کے کم سے کم اثاثہ جات کا اظہار بھی ٹیکس ریٹرن میں ممکن ہوگا۔

نعیم میر کا کہنا تھا کہ اب ہم اب وعدوں کی تکمیل کی جانب بڑھ رھے ہیں ، تاجر بھی احتجاج کا راستہ چھوڑیں اور مزاکرات کی میز پر آجائیں ، یہ ہم سب کا ملک ھے اور ہم نے ملکر ہی چلانا ہے۔

حکومت تاجر دوست اسکیم کے ایس آراو میں ترمیم کیلئے تیار ہے، تاجروں پر بہت کم شرح سے ایڈوانس انکم ٹیکس لگایا گیا۔

تاجر دوست اسکیم اور بجلی بلوں میں اضافی ٹیکس کیخلاف تاجروں کی ہڑتال کی کال کے بعد ذرائع ایف بی آر نے بتایا ہے کہ حکومت تاجر دوست اسکیم میں ترمیم کیلئے تیار ہے، ایس آر او میں ترمیم کا نوٹیفکیشن جلد جاری کیا جائے گا۔

ملک کی دونوں بڑی تاجرتنظیموں نے ایف بی آر سے مذاکرات سے انکار کردیا ہے، مرکزی انجمن تاجران اور تنظیم تاجران پاکستان نے کل شٹر ڈاون ہڑتال کا اعلان کررکھا ہے۔

ذرائع ایف بی آر نے بتایا کہ چیئرمین ایف بی آرکی دعوت کے باوجود تاجرمذاکرات میں نہیں آئے، چھوٹے تاجروں کو ٹیکس سے مستثنیٰ قرار دینے کی ترمیم مسودے میں شامل ہے،

انکم ٹیکس گوشوارے کا فارم سادہ اور آسان اردو زبان میں جاری کیا جائےگا، 10 کروڑ روپے سالانہ ٹرن اوور پر سیلز ٹیکس کا اطلاق نہ کرنے کی تجویز سامنے آئی ہے۔

ذرائع نے اس حوالے سے مزید بتایا کہ فیڈرل بورڈ آف ریونیو کی جانب سے تاجروں کیلئے انکم ٹیکس ٹیبل میں ترمیم کا امکان ہے۔

اسلام آباد :ترجمان ایف بی آر بختیار محمد نے تاجردوست اسکیم میں اب تک رجسٹریشن کرانے والے تاجروں کی تفصیلات بتادیں۔

تفصیلات کے مطابق ترجمان ایف بی آر بختیار محمد نے اے آر وائی نیوز سے گفتگو کرتے ہوئے کہا کہ تاجر دوست اسکیم میں تاجروں کی رجسٹریشن جاری ہے، اب تک 53ہزار 426 تاجروں نے رجسٹریشن کرالی ہے۔

ترجمان ایف بی آر نے بتایا کہ کراچی میں 7ہزار 312 تاجروں نے رجسٹریشن کرائی جبکہ لاہور19ہزار955،راولپنڈی میں 8ہزارسےزائد رجسٹرڈ ہوئے۔

اس کے علاوہ اسلام آباد میں 4ہزار 822، پشاورمیں4ہزار531تاجر ، کوئٹہ میں 2ہزار816 تاجر رجسٹر کیے گئے۔