Tag: تاجکستان کے صدر

  • وزیر خارجہ کا  تاجکستان کیساتھ تعلقات مزید مستحکم بنانے کےعزم کا اعادہ

    وزیر خارجہ کا تاجکستان کیساتھ تعلقات مزید مستحکم بنانے کےعزم کا اعادہ

    دوشنبے : وزیر خارجہ شاہ محمود قریشی نے تاجکستان کیساتھ تعلقات مزید مستحکم بنانے کےعزم کا اعادہ کرتے ہوئے کہا دونوں ممالک دوطرفہ مراسم کومزید وسعت،مستحکم بنانے کیلئے پر عزم ہیں۔

    تفصیلات کے مطابق وزیر خارجہ شاہ محمود قریشی کی تاجکستان کے صدر امام علی رحمان سے ملاقات ہوئی ، وزیرخارجہ نے تاجک صدر کو افغانستان کے حوالے پاکستانی موقف سے آگاہ کیا اور تاجک صدرکووزیراعظم عمران خان کی جانب سے نیک خواہشات کا پیغام دیا۔

    شاہ محمود قریشی نے تاجکستان کیساتھ تعلقات مزید مستحکم بنانے کےعزم کا اعادہ کرتے ہوئے کہا پاکستان،تاجکستان میں تاریخی تعلقات ہیں ، دونوں ممالک دوطرفہ مراسم کومزید وسعت،مستحکم بنانے کیلئے پر عزم ہیں۔

    وزیر خارجہ نے مشترکہ مقاصد کے حصول کیلئے، متفقہ لائحہ عمل اپنانے کی ضرورت پر زور دیتے ہوئے کہا افغانستان میں امن پورے خطے کیلئے یکساں اہمیت کا حامل ہے۔

    تاجک صدر امام علی رحمان نے وزیر خارجہ کو تاجکستان میں آمد پر خوش آمدید کہتے ہوئے کہا افغانستان سے متعلق مربوط مؤقف کی تجویز سے اتفاق کیا۔

    تاجک صدر امام علی رحمان کا کہنا تھا کہ ستمبر کو دوشنبے میں ایس سی اواجلاس میں وزیراعظم عمران خان کے منتظر ہیں۔

  • تاجکستان کے صدر  کی وزیراعظم ہاؤس  آمد، شاندار استقبال ،گارڈ آف آنر پیش

    تاجکستان کے صدر کی وزیراعظم ہاؤس آمد، شاندار استقبال ،گارڈ آف آنر پیش

    اسلام آباد : تاجکستان کے صدر امام علی رحمان کی وزیراعظم ہاؤس آمد پر وزیراعظم عمران خان نے معزز مہمان کا استقبال کیا اور انھیں گارڈ آف آنر پیش کیا گیا۔

    تفصیلات کے مطابق تاجکستان کے صدر کے اعزاز میں وزیراعظم ہاؤس میں استقبالیہ تقریب کا انعقاد کیا گیا ، تاجکستان کے صدر امام علی رحمان وزیراعظم ہاؤس پہنچے ، جہاں وزیراعظم عمران خان نے معزز مہمان کا استقبال کیا۔

    تاجکستان کے صدر کی وزیراعظم ہاؤس آمد پر دونوں ملکوں کےقومی ترانہ بجائے گئے اور امام علی رحمان کو گارڈ آف آنر پیش کیا گیا ، جس کے بعد وزیر اعظم عمران خان نے تاجک صدر سے کابینہ ارکان کا تعارف کروایا۔

    وزیراعظم عمران خان اور تاجک صدر کے مابین ون آن ون اور وفود کی سطح پر ملاقات ہو گی ، جس میں تجارت، سرمایہ کاری، توانائی، دفاع، تعلیم،علاقائی رابطوں پر تبادلہ خیال ہوگا۔

    اس سے قبل وزیر خارجہ شاہ محمود قریشی کی تاجکستان کے صدر امام علی رحمان سے ملاقات ہوئی ، ملاقات میں سیکرٹری خارجہ سہیل محمود اور تاجک سفیر عمران حیدر بھی موجود تھے۔

    ملاقات میں دو طرفہ تعلقات ،تعاون سمیت باہمی دلچسپی کےامورپرتبادلہ خیال کیا گیا ، وزیرخارجہ نے کہا پاکستان، تاجکستان میں دو طرفہ تعلقات کو مزید مستحکم بنانے کیلئےپر عزم ہیں، دو طرفہ تجارتی تعلقات بڑھانے کے حوالے سے وسیع مواقع موجودہیں۔

    شاہ محمود قریشی کا کہنا تھا کہ کاسا1000جیسےاہم منصوبوں کی تکمیل معاون ثابت ہوگی، جنوبی و وسطی ایشیا میں توانائی راہداری کے قیام میں معاون ثابت ہوگی۔

    وزیر خارجہ نے تاجک صدر کو افغانستان میں قیام امن کیلئے پاکستان کی مصالحانہ کوششوں سے آگاہ کرتے ہوئے کہا پاکستان، خطےکی تعمیر و ترقی کیلئے افغانستان میں امن کوناگزیرسمجھتا ہے۔

    خیال رہے کہ تاجک صدر وزیرا عظم عمران خان کی دعوت پاکستان کے دورے پر پہنچے ہیں، امام علی رحمان اپنے دورہ پاکستان کے دوران صدر مملکت ڈاکٹر عارف علوی سے بھی ملاقات کریں گے۔

  • وزیراعظم کی دعوت پر تاجکستان کے صدر کل 2روزہ دورے پر پاکستان پہنچیں گے

    وزیراعظم کی دعوت پر تاجکستان کے صدر کل 2روزہ دورے پر پاکستان پہنچیں گے

    اسلام آباد : وزیراعظم عمران خان کی دعوت پر تاجکستان کے صدر کل 2روزہ دورے پر پاکستان پہنچیں گے، دورے کے دوران متعدد معاہدوں پر دستخط کیے جائیں گے۔

    تفصیلات کے مطابق ترجمان دفترخارجہ کی جانب سے بیان میں کہا گیا ہے کہ تاجکستان کے صدر کل 2روزہ دورے پر پاکستان پہنچیں گے، وزیراعظم کی دعوت پرتاجک صدر امام علی رحمان 2 اور 3جون کو دورہ کریں گے، ان کے ہمراہ ایک اعلیٰ سطح کا وفد بھی آئے گا۔

    ترجمان دفتر خارجہ کا کہنا تھا کہ وزیر اعظم عمران خان اور تاجک صدروفودکی سطح پربات چیت کریں گے ، جس میں تجارت، سرمایہ کاری، توانائی، دفاع، تعلیم،علاقائی رابطوں پر تبادلہ خیال ہوگا۔

    ترجمان نے بتایا کہ دورے کے دوران متعدد معاہدوں پر دستخط کیے جائیں گے جبکہ تاجک صدر صدر مملکت ڈاکٹر عارف علوی سےبھی ملاقات کریں گے۔

    ان کا کہنا تھا کہ پاکستان،تاجکستان کےمشترکہ عقیدے، مشترکہ تاریخ پرقریبی برادرانہ تعلقات ہیں، وسط ایشیاسےقریبی تعلقات ،بہترتعاون کیلئےتاجکستان اہم ملک ہے، تاجکستان کے صدر 1994 سے اب تک 7بار پاکستان کا دورہ کر چکے ہیں۔