ARYNews.tv | Urdu – Har Lamha Bakhabar

Tag: تارکین وطن

  • یورپین مائیگریشن فورم کا چوتھا اجلاس، تارکین وطن اور پناہ گزینوں‌ کے مسائل پرغور

    یورپین مائیگریشن فورم کا چوتھا اجلاس، تارکین وطن اور پناہ گزینوں‌ کے مسائل پرغور

    برسلز: یورپ میں تارکین وطن اور پناہ گزینوں کے مسائل سے متعلق یورپی یونین کی اقتصادی و سماجی کمیٹی اور یورپین کمیشن کے محکمہ داخلہ کی جانب سے برسلز میں چوتھے يورپین مائگریشن فورم منعقد ہوا۔

    اے آر وائی کے نمائندہ عامر سہروردی کے مطابق فورم میں ترقی پذیر ممالک سے یورپ آنے والے پناہ گزینوں اور ہنرمند افراد کی منتقلی کا جائزہ لیا گیا۔ یورپی ممالک کے وزراء سمیت معروف سیاسی و سماجی کارکنوں نے اجلاس میں شرکت کی۔ پاکستان کے معروف صحافی اظفر بخاری بھی اجلاس میں شریک ہوئے۔

    فورم سے خطاب کرتے ہوئے اظفر بخاری کا کہنا تھا کہ یورپ میں غیرقانونی تارکین وطن اور پناہ گزینوں کی آمد کو روکا نہیں جا سکتا، مستقبل میں یہ بحران  شدت اختیار کر سکتا ہے، سرحدوں کو بند کرکے تارکین وطن کی آمد کو روکا نہیں جاسکتا، دنیا گلوبل ولیج بن چکی ہے، ایسی پالیسیاں بنائیں، جن سے قانونی طور پر تارکین کی آمد کو روکنا ممکن ہو۔

    شرکاء کے سوالات کے جواب میں اظفر بخاری کا کہنا تھا کہ گذشتہ دو برس  میں یورپ نے پناہ گزینوں کے مسائل حل کرنے کے لیے مثبت اقدامات کیے، البتہ ابھی مزید اقدامات کی ضرورت ہے۔ یورپ کو لیبیا اور شام کے ہزاروں تارکین وطن کے ری سیٹلمنٹ کے وعدوں اور معاہدوں کو عملی شکل دینی ہوگی۔

    ایک سوال کے جواب میں ان کا کہنا تھا کہ غیر قانونی تارکین وطن کی یلغار روکنے کے لیے ہنرمند افراد کی قانونی منتقلی کے راستے کھولنے ہوں گے، پاکستان یورپی ممالک کو ماہر ہنرمند افراد کی وسیع تعداد فراہم کرنے میں اہم کردار ادا کر سکتا ہے۔

    بلغاریا کے ڈپٹی وزیر برائے محنت اور سماجی بہبود لذر لاروف نے اجلاس کے دوران اظفر بخاری سے ملاقات کی، اظفر بخاری نے بلغارین وزیر کو تحریری طور پر پاکستان سے ہنرمند افراد کی فراہمی کی تجاویز پیش کیں۔ مذکورہ وزیر نے  تجاویز کو اپنی کابینہ سے منظور کرانے کا وعدہ کیا۔

    یووروسٹیز کی پالیسی ڈائریکٹر سلویا گنزریلا نے اظفر بخاری کو یورپین ایر آف کلچرل ہیریٹیج 2018 پروگرام سے متعلق تفصیلات بتاتے ہوئے کہا کہ یورپ میں 2018 کو ثقافت سیاحت اور قومی ورثے کے سال کے طور پر منایا جارہا ہے۔

    صدر ٹرمپ کی تارکین وطن کے حوالے سے مؤقف میں بڑی تبدیلی

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • لیبیا: مسافر کشتی الٹنے سے پاکستانیوں سمیت 90 افراد ہلاک

    لیبیا: مسافر کشتی الٹنے سے پاکستانیوں سمیت 90 افراد ہلاک

    ترپولی: غیر قانونی طریقے سے یورپ جانے کی خواہش تارکین وطن کےلیے آخری سفر بن گئی، کشتی سمندر برد ہونے سے 90 افراد جان سے گئے۔

    تفصیلات کے مطابق لیبیا کے قریب بحیرہ احمر میں مسافروں سے بھری کشتی ڈوب گئی جس کے نتیجے میں 90 افراد ہلاک ہوگئے، دس افراد کی لاشیں نکال لی گئیں ہیں جن میں سے آٹھ کا تعلق پاکستان سے ہے۔

    آئی او ایم (انٹرنیشنل آرگنائیزیشن فار مائگریشن) کے جاری اعلامیے میں کہا گیا ہے کہ اس سے قبل ایسے بیشتر واقعات رونما ہوچکے ہیں جن میں مختلف ممالک کے افراد ہلاک ہوئے لیکن اس بار ڈوبنے والوں میں پاکستانی بھی شامل ہیں۔

    اقوام متحدہ کی تنظیم برائے مہاجرین (آئی او ایم) کا کہنا ہے کہ سینکڑوں ڈوبنے والے افراد میں سے تین کو زندہ نکال لیا گیا ہے، کشتی میں سوار افراد غیر قانونی طور پر یورپ جانے کی کوشش کررہے تھے۔

    یار رہے گزشتہ برس یورپی یونین نے لیبیا کے ساتھ ایک معاہدہ کیا تھا جس کے تحت لیبیا کے ساحلی علاقوں پر محافظ کڑی نگرانی کریں گے اور کسی بھی تارکین وطن کو یورپ میں داخلے کی اجازت نہیں دی جائے گی۔

    واضح رہے مختلف ممالک سے تارکین وطن کی بڑی تعداد نوکریوں کی غرض سے ترکی، یونان اور یورپی ممالک کا غیر قانونی سمندری سفر کرتی ہے اور اس کوشش کے دوران اکثر و بیشتر کشتی ڈوبنے کے واقعات بھی پیش آتے ہیں جن میں متعدد افراد اپنی جانوں سے ہاتھ دھو بیٹھتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پرشیئر کریں۔

  • سعودی عرب، تارکین وطن کے اقامے کی فیس 200 ریال ماہانہ مقرر

    سعودی عرب، تارکین وطن کے اقامے کی فیس 200 ریال ماہانہ مقرر

    جدہ : سعودی عرب میں تارکین وطن کے اقامے کی تجدید کے لیے فیس میں 100 ریال کا اضافہ کردیا گیا ہے اور نادہنددگان تارکین وطن کو خروج و عودہ کا اجراء بھی نہیں کیا جائے گا.

    بین الااقوامی میڈیا کے مطابق اس بات کا اعلان سعودی محکمہ پاسپورٹ کی جانب سے جاری کردہ وژن 2030 کے تحت اگلے دو سال کے لیے تارکین فیس کی وصولی کے طریقہ کار کے اجراء کے موقع پر کیا گیا.

    نئے طریقہ کار کے مطابق محکمہ پاسپورٹ سے کسی بھی معلومات کے لیے رجوع کرنے والے تارکین وطن سے یہ فیس وصول کرلی جائے گی جس کی ادائیگی بینکوں کے ذریعے ہو گی.

    اس کے علاوہ تارکین وطن ” ابشر“ کے ذریعے ھویہ مقیم (اقامہ) کی باقی ماندہ مدت سے متعلق معلومات بھی حاصل کر سکتے ہیں تاہم اس کے لیے بھی تارکین فیس کی ادائیگی لازمی قرار دی گئی ہے جو کہ 200 ریال ماہانہ ہے.

    محکمہ پاسپورٹ کے مطابق تارکین وطن کے لیے لازمی شرط خروج و عودہ کے اجراء کی کارروائی بھی تارکین فیس کی ادائیگی کے بغیر نہیں ہوگی اور خروج نہائی بھی مذکورہ فیس کی ادائیگی کے بغیر نہیں دیا جائے گا

    نئے قوانین کے تحت نجی اداروں میں کام کرنے والے ملازمین کے لیے مختلف اقدامات کا فیصلہ کیا گیا ہے جس کے تحت نجی اداروں کے غیر ملکی ملازمین کے بیوی، بچوں، والدین، ساس، سسر اور گھریلو عملے پر بھی تارکین وطن فیس اتنی ہی عائد ہو گی جتنا کے ملازم پر ہے.

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ہمارے ملک میں گھٹیا ممالک سےلوگ کیوں آرہے ہیں‘ ڈونلڈ ٹرمپ

    ہمارے ملک میں گھٹیا ممالک سےلوگ کیوں آرہے ہیں‘ ڈونلڈ ٹرمپ

    واشنگٹن : امریکی صدر ڈونلڈٹرمپ نے تارکین وطن کے حوالے سے ہونے والے مذاکرات کے دوران کانگریس ممبران سے کہا کہ ہمارے ملک میں گھٹیا ممالک سےلوگ کیوں آرہے ہیں۔

    تفصیلات کے مطابق امریکی صدر ڈونلڈ ٹرمپ نے تارکین وطن کے خلاف نازیبا الفاظ استعمال کرتے ہوئے کہا کہ ہمارے ملک میں گھٹیا ممالک سےلوگ کیوں آرہے ہیں۔

    امریکی اخبار کے مطابق صدر ٹرمپ نے کہا کہ ہمیں ہیٹی سے مزید افراد کی کیوں ضروت ہےِ؟ انہیں باہر نکالو۔

    دوسری جانب ڈیموکریٹک سینیٹر ڈک ڈربن نے کہا کہ صدر ڈونلڈ ٹرمپ نے نسل پرستانہ زبان استعمال کی ہے اور انہوں نے کچھ افریقی ممالک کو گھٹیا کہا تھا۔

    انہوں نے کہا کہ میں نے خود صدرٹرمپ کو کہتے سنا ہے وہ نہیں سمجھتے کہ اس سے پہلے کسی امریکی صدر نے ایسی زبان استعمال کی ہو۔

    امریکی انتظامیہ نے حالیہ عرصے میں ملک میں آنے والے تارکین وطن کی تعداد کم کرنے اور پہلے سے ملک میں موجود تارکین وطن کے حقوق محدود کرنے کے حوالے سے اقدامات کیے ہیں۔

    خیال رہے کہ تارکین وطن کے حوالے سے معاہدے پربات چیت کے لیے دو روز قبل ڈیموکریٹ اور ریپبلکن ارکان کانگریس نے صدر ٹرمپ کے دفترمیں ان سے ملاقات کی تھی جس دوران ڈونلڈ ٹرمپ نے یہ متنازع بیان دیا۔

    امریکہ کا ایل سلواڈورکے2 لاکھ شہریوں کوملک سےنکالنےکا اعلان

    یاد رہے کہ رواں ہفتے 9 جنوری کو ٹرمپ انتظامیہ نےاعلان کیا تھا کہ امریکہ میں رہنے اور کام کرنے والے 2 لاکھ ایل سلواڈور کے شہریوں کے پرمٹ منسوخ کردیے جائیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • تارکین وطن کی کشتی ڈوبنے سے 23 افراد ہلاک

    تارکین وطن کی کشتی ڈوبنے سے 23 افراد ہلاک

    روم: بحیرہ روم میں تارکین وطن کی کشتی ڈوبنے سے 23 افراد جاں بحق جبکہ 700 افراد کو بچا لیا گیا۔

    تفصیلات کے مطابق اطالوی کوسٹ گارڈ کے ترجمان کے مطابق بحیرہ روم میں تارکین وطن کی کشتی ڈوبنے سے 23 افراد جان کی بازی ہار گئے جبکہ 700 افراد کو بچالیا گیا۔

    ترجمان اطالوی کوسٹ گارڈ کا کہنا ہے کہ کشتی میں گنجائش سے زیادہ افراد موجود تھے جس کے نتیجے میں کشتی الٹ گئی۔

    خیال رہے کہ رواں برس جنوری میں لیبیا میں تارکینِ وطن کی کشتی الٹ گئی تھی، جس کے نتیجے میں ہلاک ہونے والے آٹھ افراد کی لاشوں کو نکال لیا گیا تھا جبکہ 100 کے قریب افراد لاپتہ ہوگئے تھے۔

    یاد رہے کہ حال ہی میں اطالوی حکومت نے لیبیا کے ساتھ معاہدہ کیا تھا جس کے تحت تارکین وطن کے لیبیا کے راستے اٹلی میں غیرقانونی داخلے پر پابندی عائد کی گئی تھی۔

    تارکین وطن کی کشتی اُلٹنے سے پینتالیس افراد ہلاک

    واضح رہے کہ یو این ایچ سی آر کا کہنا ہے کہ گذشتہ سال پانچ ہزار افراد سمندر کے راستے یورپ جانے کی کوشش میں ہلاک ہوئے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • سات لاکھ تارکین وطن نے سعودی عرب چھوڑ دیا، 75 ہزار پاکستانی شامل

    سات لاکھ تارکین وطن نے سعودی عرب چھوڑ دیا، 75 ہزار پاکستانی شامل

    ریاض: سعودی عرب میں غیر قانونی تارکین وطن کو دی گئی ایمسنٹی اسکیم سے 7 لاکھ افراد نے فائدہ اٹھالیا اور اپنے وطن روانہ ہوگئے،  ان میں 75 ہزار سے زائد پاکستانی شامل ہیں، سعودی حکام نے مزید 46 ہزار افراد کی تلاش شروع کردی جنہیں ملک بدر کرکے سعودی عرب آنے پر ہمیشہ کے لیے پابندی عائد کردی جائے گی۔

    سعودی گزٹ کے مطابق سعودی عربیہ کے پاسپورٹ آفس جوازات کے ڈائریکٹر جنرل سلیمان بن عبدالعزیز الیحییٰ نے بتایا کہ یہاں غیر قانونی طور پر مقیم تارکین وطن کے لیے جاری کی گئی ایمنسٹی اسکیم کے تحت 7 لاکھ سے زائد غیر قانونی مقیم افراد باعزت طریقے سے اپنے وطن روانہ ہوچکے ہیں۔

    فنگر پرنٹس نہیں لیے گئے

    ڈائریکٹر جنرل کے مطابق ان افراد کو بلیک لسٹ نہیں کیا گیا اور ان کے فنگر پرنٹس نہیں لیے گئے جس کے بعد اب وہ اس قابل ہیں کہ دوبارہ قانونی طریقے سے سعودی عرب آسکیں۔

    75 ہزار پاکستانی شہری بھی شامل

    اسی ضمن میں خلیج ٹائمز نے بتایا تھا کہ 75 ہزار سے زائد پاکستانی شہریوں نے ایمنسٹی اسکیم سے فائدہ اٹھانے کے لیے اپنے سفارت خانے سے رابطہ کیا تھا

    یہ پڑھیں: سعودی عرب ایمنسٹی اسکیم: 75 ہزار پاکستانیوں کا سفارت خانے سے رابطہ

    46 ہزار افراد کی تلاش

    ایمنسٹی اسکیم میں مزید توسیع نہیں کی گئی تاہم سلیمان بن عبدالعزیز نے سعودی گزٹ سے بات کرتے ہوئے امید ظاہر کی کہ اس اسکیم کے اگلے مرحلے میں تقریبا 46 ہزار مزید افراد اپنے وطن بھیجے جائیں گے جنہیں تلاش کیا جارہا ہے ان افراد کے فنگر پرنٹس لیے جائیں گے اور انہیں بلیک لسٹ کردیا جائے گا۔

    خیال رہے کہ غیر قانونی طور پر مقیم افراد کی بڑی تعداد کا تعلق افریقا، بھارت، بنگلہ دیش، پاکستان، ایتھوپیا، سوڈان اور دیگر ممالک سے ہے۔

    اسی سے متعلق: ایمنسٹی اسکیم: 5 لاکھ 72 ہزار غیر قانونی مقیم مستفید

    واضح رہے کہ ایمنسٹی اسکیم تین ماہ تک جاری رہی جس میں ایک ماہ کی توسیع کی گئی بعدازاں 24 جولائی کو یہ اسکیم ختم ہوگئی، ایمنسٹی اسکیم کے اجرا سے قبل لگائے گئے ایک اندازے کے مطابق 10 لاکھ کے قریب افراد غیر قانونی طور پر سعودی عرب میں موجود ہیں۔

    بڑا کریک ڈاؤن

    اب جن 46 ہزار افراد کو سعودی حکام تلاش کررہے ہیں ان کے لیے خلاف بڑا کریک ڈاؤن شروع کیا جارہا ہے جس میں پکڑے گئے افراد کو ملک بدر کرنے سے قبل جرمانے اور سزاؤں کا بھی سامنا کرنا ہوگا جب کہ ان کے فنگر پرنٹس لے کر بلیک لسٹ افراد کی فہرست میں شامل کردیے جائیں گے جس کے بعد انہیں آئندہ سعودی عرب آنے کا ویزا نہیں ملے گا۔

  • رقم کا درست استعمال ہو تو تارکین وطن ملکی قرضہ اتار دیں، عبدالغفور حیدری

    رقم کا درست استعمال ہو تو تارکین وطن ملکی قرضہ اتار دیں، عبدالغفور حیدری

    کراچی: ڈپٹی چئیرمین سینیٹ عبدالغفور حیدری نے کہا ہے کہ بیرون ملک مقیم پاکستانی کہتے ہیں ہم ملک کا قرض اتارنے کے لیے تیار ہیں، لیکن انہیں اعتماد نہیں ہے کہ رقم اسی مقصد کے لیے استعمال ہوگی، اقتدار میں رہنے والے آف شور کمپنیاں بناتے ہیں پیسہ باہر منتقل کرتے ہیں تو ہم کیسے ملک میں سرمایہ کاری کر سکتے ہیں؟

    کراچی فیڈریشن ہاؤس میں صنعت کاروں سے خطاب کرتے ہوئے ڈپٹی چئیرمین سینیٹ عبدالغفور حیدری نے کہا کہ آئین میثاق ہے ریاست کو چلانے کا ضابطہ ہے لیکن جو طاقتور ہے وہ جو چاہے کردے اور اسے آئین کا لبادہ اوڑھا دے، آئین پر عمل کرتے تو تمام ادارے مستحکم ہوتے، آج سسٹم کو ٹھیک کرنے کی ضرورت ہے۔

    مولانا عبد الغور حیدری کا کہنا تھا کہ ملک پر طویل عرصے عسکری قیادت رہی، دو بڑی سیاسی جماعتوں کی حکومتیں رہیں لیکن سسٹم بہتر ہونے کے بجائے خراب ہوا اب ہمیں متبادل دیکھنا ہوگا۔

    ملکی میں حالیہ تبدیلیوں سے کاروبار متاثر نہیں ہوگا، زبیر طفیل

    ایف پی سی سی آئی کے صدر زبیر طفیل کا کہنا تھا کہ ملک ہونے والی تبدیلی سے کاروبار متاثر نہیں ہو گا، پاکستان کا مستقبل روشن ہے، تاجر ملک کی ترقی کے لیے کام کرتے رہیں گے۔

  • ٹرمپ کاحکم نامہ معطل کرنےوالےجج کوقتل کی دھمکیاں

    ٹرمپ کاحکم نامہ معطل کرنےوالےجج کوقتل کی دھمکیاں

    واشنگٹن: امریکی صدرڈونلڈ ٹرمپ کا حکم نامہ معطل کرنےوالے فیڈرل جج کو قتل کی دھمکیاں موصول ہو رہی ہیں۔

    تفصیلات کےمطابق ڈونلڈٹرمپ کاحکم نامہ معطل کرنےوالے ہوائی کے فیڈرل جج کوقتل کی دھمکیاں موصول ہونےپرجج کی حفاظت کے لئے یوایس مارشلز کا دستہ ہوائی پہنچ گیا.

    دوسری جانب ایف بی آئی نے ہوائی کے فیڈرل جج کودھمکیاں دینے والوں کو بے نقاب کرنےکےلیےتعاون کی پیش کش کی ہے.

    مزید پڑھیں:ڈونلڈٹرمپ کاسفری پابندی سے متعلق نیاحکم نامہ معطل

    خیال رہےکہ گزشتہ دنوں ہوائی کےوفاقی جج ڈیریک واٹسن نےامریکی صدر کی سفری پابندی کےحکم نامے کےخلاف فیصلہ سناتے ہوئے اسےمسلمانوں سے تعصب پر مبنی حکم نامہ کہاتھا۔

    مزید پڑھیں:سفری پابندی کےحکم نامہ پر ہار نہیں مانوں گا،ڈونلڈٹرمپ

    بعدازاں امریکی صدرڈونلڈ ٹرمپ نےکہاتھاکہ سفری پابندی کے حکم نامہ پر ہار نہیں مانوں گا، سفری پابندیوں کامعاملہ امریکی سلامتی کا ہے۔

    یاد رہےکہ رواں ماہ کے آغاز پر ڈونلڈ ٹرمپ نے نئے صدارتی حکم نامے پر دستخط کیے تھے جس کے مطابق چھ مسلم ممالک کے شہریوں پر 90 دن کے لیے پابندی لگا دی گئی تھی۔

    نئے حکم نامے کے مطابق ایران، لیبیا، شام، صومالیہ، سوڈان اور یمن کے شہریوں کی امریکہ داخلے پر 90 روز کے لیے پابندی عائد کی گئی تھی۔

    مزید پڑھیں: سفری پابندی کےصدارتی حکم نامے کی معطلی‘فیصلہ برقرار

    واضح رہے کہ جنوری میں بھی سفری پابندیوں سے متعلق جاری کیے گئے ایک حکم نامے کے خلاف ملک بھر میں مظاہرے دیکھنے میں آئے تھےاس حکم نامے کو فیڈرل کورٹ نے فروری میں معطل قراردے دیا تھا۔

  • یونان، غاروں میں چھپے پاکستانی سمیت 131 تارکین وطن گرفتار

    یونان، غاروں میں چھپے پاکستانی سمیت 131 تارکین وطن گرفتار

    یونان : جزیرے کریٹ کے غاروں میں چھپے 131 تارکین وطن اور انسانی اسمگلنگ میں ملوث میں بین الااقوامی گروہ کے 13 اراکین کو حراست میں لے لیا گیا۔

    تفصیلات کے مطابق یونانی اور برطانوی سیکیورٹی اداروں کی یہ مشترکہ کارروائی یونان کے جنوبی علاقے میں واقع جزیرے کریٹ میں کی گئی جو شمال میں مصر اور لیبیا سے جا ملتا ہے اور جہاں پاکستان، مصر اور شام سے تعلق رکھنے والے تارکین وطن غاروں میں چھپے بیٹھے تھے کہ گرفتار کرلیے گئے۔

    یونانی حکام کے مطابق سیکیورٹی ادارے کی جانب سے انسانی اسمگلنگ میں ملوث گروہ کے خلاف چھاپہ مار کارروائیاں جاری ہیں جن میں ایک اہم کامیابی حاصل ہوئی ہے جس کے دوران نہ صرف یہ کہ 13 انسانی اسمگلر بلکہ 131 تارکینِ وطن کو بھی حراست میں لے لیا گیا ہے۔

    یونانی حکام نے بتایا کہ انسانی اسمگلنگ میں ملوث بین الااقوامی گروہ کی بیخ کنی میں برطانیہ کے سیکیورٹی اداروں کا بھی تعاون حاصل رہا اور گرفتار 131 تارکین وطن میں پاکستانی سمیت مصر اور شام کے باشندے شامل ہیں۔

    یونانی حکام کا کہنا ہے کہ اس جزیرے کے ذریعے تارکین وطن کو اچھے مستقبل کے خواب دیکھا کر یورپ سمیت دیگر ممالک میں بھیجے جانے کی اطلاعات تھیں تاہم شواہد ہاتھ نہیں آئے تھے تاہم اس بار مسلسل ریکنگ اور نگرانی کے بعد بین الاقوامی گروہ کو پکڑنے میں کامیابی حاصل ہوئی۔

    واضح رہے کہ شام میں خانہ جنگی کے باعثٍ کئی شامی دیگر ملکوں کی جانب ہجرت کر رہے ہیں جس کے لیے غیر قانونی راستے اور ذرائع استعمال کیے جارہے ہیں اسی طرح پسماندہ ممالک سے اچھے مستقبل کی خاطر یورپ سمیت دیگر ملکوں کی جانب ہجرت کا عمل بھی تیزی سے جا رہی ہے۔

    لہذا ملک میں خانی جنگی کا دور دورہ ہو یا غربت ڈیرے ڈال رکھے ہوں دونوں صورتوں میں انسانی اسمگلر مجبور اور غریب لوگوں کی مجبوری کا فائدہ اٹھا کر غیر قانونی طور پر انسانی اسمگلنگ کا باعث بنتے ہیں۔

  • امریکہ میں غیرقانونی تارکین وطن کےخلاف آپریشن‘560افراد گرفتار

    امریکہ میں غیرقانونی تارکین وطن کےخلاف آپریشن‘560افراد گرفتار

    کیلیفورنیا: امریکہ میں گرجاگھروں،اسکول،کورٹ ہاؤسزپرچھاپوں کے دوران 650سے زائد تارکین وطن کوگرفتارکرلیاگیا۔

    تفصیلات کےمطابق امریکی ریاست کیلیفورنیامیں ٹرمپ انتظامیہ کی جانب سے احکامات کے بعد کیے جانے والے آپریشن میں گھرجاگھروں،اسکول،کورٹ ہاؤسز میں چھاپے مارکر650سے زائد تارکین وطن کو حراست میں لےلیاگیا۔

    امریکی ریاست کیلیفورنیا نے ٹرمپ انتظامیہ سے تارکین وطن کے خلاف کیےجانے والےآپریشن کی تفصیلات مانگ لیں۔کیلفورنیا حکومت کےمطابق بے رحمانہ آپریشن میں خاندانوں کو جداکیاجارہاہےاور جرائم میں ملوث نہ ہونےوالےافرادکوبھی گرفتارکیاجارہاہے۔

    کیلفورنیاحکومت نےفریڈم آف انفارمیشن ایکٹ کےتحت ٹرمپ انتظامیہ سےتارکین وطن کےخلاف کیے جانے والےآپریشن کی تفصیلات کامطالبہ کیاگیاہے۔اس وقت کیلفورنیا میں بغیردستاویز30لاکھ سےزائدتارکین آبادہیں۔

    مزید پڑھیں:امریکہ: ایک کروڑ دس لاکھ تارکین وطن کو بے دخل کرنے کا فیصلہ

    یاد رہےکہ گزشتہ ہفتےامریکہ نےایک کروڑ دس لاکھ تارکین وطن کوملک سے بےدخل کرنے کااعلان کیاتھا۔ہوم لینڈ سیکورٹی کا کہناتھاکہ غیر قانونی تارکین وطن کی گرفتاریوں کےلیےدس ہزار اضافی اہلکار بھرتی کیےجائیں گے۔

    مزید پڑھیں: جرمنی میں مہاجرین پرروزانہ 10حملے رپورٹ

    واضح رہےکہ گزشتہ روز جرمن وزارت داخلہ کا کہناتھاکہ جرمنی میں آنے والے تارکین وطن پرسال2016 کےدوران روزانہ 10حملے رپورٹ ہوئےجن میں43 بچوں سمیت 560 افراد زخمی ہوئےتھے۔