Tag: تامل اداکارہ

نئی دہلی: پاکستان کی تعریف کرنے اور حمایت میں بیان دینے پر ہندوستان کی تامل فلموں کی اداکارہ رامیا پر غداری کا مقدمہ درج کر لیا گیا۔

رامیا کانگریس کی رکن بھی ہیں جبکہ وہ تامل فلموں کی مشہور اداکارہ ہیں۔ انہوں نے مذکورہ بیان ہندوستانی وزیر دفاع منوہر پاریکر کے بیان کے جواب میں دیا تھا جس میں انہوں نے کہا تھا کہ پاکستان جانا جہنم جانے کے برابر ہے۔

حال ہی میں سارک وفد کے رکن کی حیثیت سے اسلام آباد کا دورہ کرنے والی رامیا نے ان کے بیان کی نفی کرتے ہوئے پاکستانی عوام کو مہمان نواز اور محبت کرنے والے لوگ قرار دیا۔

انہوں نے کہا، ’پاکستانی عوام مہمان نواز اور محبت کرنے والے لوگ ہیں اور یہ ہمارے جیسے ہی ہیں۔ پاکستان جہنم جیسا ہرگز نہیں ہے‘۔

انہوں نے مزید کہا، ’سیاست ہمارے درمیان نفرت پیدا کر رہی ہے۔ بھارت میں غداری کے قوانین کا استعمال سب کے لیے غلط انداز میں کیا جاتا ہے‘۔

رامیا کے بیان پر جنوبی کرناٹک کی ضلعی عدالت میں ایک وکیل نے ان کے خلاف غداری کا مقدمہ درج کروا دیا۔

رامیا کو اپنے بیان کے بعد تنگ نظر بھارتی عوام کی جانب سے سوشل میڈیا پر بھی سخت تنقید کا سامنا ہے، تاہم انہوں نے معافی مانگنے سے انکار کرتے ہوئے کہا، ’میں نے کچھ غلط نہیں کہا۔ اپنے خیالات کی ذمہ دار میں خود ہوں اور خیالات کے اظہار ہی کو جمہوریت کہتے ہیں‘۔

اس سے قبل بالی وڈ اداکاروں شاہ رخ خان اور عامر خان نے بھی ہندوستان میں بڑھتی ہوئی عدم برداشت کے حوالے سے بیانات دیے تھے جس کے بعد دونوں کے خلاف غداری کے مقدمات درج کرواد یے گئے جبکہ ہندو انتہا پسندوں نے انہیں غدار اور پاکستانی ایجنٹ قرار دیا تھا۔

ممبئی : بھارت کی مقامی تامل اداکارہ پوجا نے سسرالیوں کی جانب سے فلموں میں کام کرنے سے روکنے پر دل بر داشتہ ہو کر خود کو آگ لگا کر خودکشی کر لی۔

بھارت کی مقامی علاقے تا مل کی فلم انڈسٹری ” ٹالی ووڈ ” کی اداکارہ پوجا ایچ نے مبینہ طور پر سسرالیوں کے رویے سے دل برداشتہ ہو کر خود کو آگ لگا لی تھی جنہیں نہایت تشویشناک حالت میں اسپتال منتقل کیا گیا تھا جہاں چار روز تک موت و زندگی کی کشمکش میں مبتلا تامل اداکارہ زندگی کی بازی ہار گئیں۔

ذرائع کے مطابق تامل فلم انڈستری کی مقبول اداکارہ پوجا ایچ شادی شدہ تھیں اورانہیں سسرال کی جانب سے فلموں میں کام کرنے پر تنقید کا نشانہ بنایاجاتا تھا اور انہیں طعنے دیے جاتے ہیں روز روز کے جھگڑوں کے بعد جب سسرالیوں نے انہیں فلم میں کام کرنے سے روکا تو انہوں نے دل بر داشتہ ہو کر خود کو آگ لگالی تھی۔

اسی سے متعلق : بھارتی ٹی وی اداکارہ پرتُیوشا بنرجی نے خود کشی کر لی

ڈاکٹروں کا کہنا تھا کہ تامل اداکارہ کو جھلسی ہو ئی حالت میں اسپتال میں لایا گیا تھا،اُن کا جسم 90 فی صد تک جھلس چکا تھا اور اُن کی حالت نہایت نازک تھی، انہیں ما ہر معالجین نے طبی امدا فراہم کر رہے تھے تا ہم چار دن تک موت سے لڑنے کے بعد اداکارہ خالق حقیقی سے جا ملیں۔

دوسری جانب اداکارہ کے انتقال کے بعد پوجا کے والدین نے سسرال والوں پر قتل کا الزام عائد کرتے ہوئے مقدمہ درج کرادیا ہے جس کے بعد کولکتہ پولیس نے تفتیش شروع کردی ہے اور سسرالیوں کو گرفتار کر لیا ہے۔