Tag: تباہ

  • آسٹریلیا: بربرقبائل نےڈائنوسارکےہزاروں برس قدیم آثار تباہ کردیے

    آسٹریلیا: بربرقبائل نےڈائنوسارکےہزاروں برس قدیم آثار تباہ کردیے

    سڈنی : بربر قبائل نے آسٹریلیا کے نیشنل پارک میں موجود ہزاروں سال قدیم ڈائنوسار کے قدموں کے نشان تباہ کردیے۔

    تفصیلات کے مطابق آسٹریلیا میں واقع نیشنل پارک میں موجود ڈائنوسار کے ساڑھے گیارہ کروڑ سال قدیم آثار بربرقبائل ( مشرقی یورپ اور ایشیائے کوچک سے ہجرت کرنے والے افراد) نے تباہ کردیے۔

    ماہرینِ رکازیات نے سال 2006 میں آسٹریلوی ریاست وکٹوریہ میں تھراپڈ ڈائنوسار کے قدموں کے نشان سمندری چٹان پر دریافت کیے تھے۔

    آسٹریلوی حکام کے مطابق بربرقبائل کی جانب سے ڈائنوسار کے ہزاروں برس قدیم آثار کو نقصان پہنچانے کے لیے ہتھوڑے کا استعمال کیا گیا۔


    ڈائنوسار کے خاندان کی آخری زندہ مخلوق


    نیشنل پارک کے اہلکار مارٹن کا کہنا ہے کہ مجرموں نے دانستہ طور پر ڈائنوسار کے قدموں کے نشان کو نقصان پہنچایا جسےعوام کے لیے چھوڑ دیا گیا تھا۔

    پارک انتظامیہ کے مطابق ڈائنوسارکے ہزاروں برس قدیم آثار کی اہمیت یہ ہے کہ یہ اس لمحے کی یاد تازہ کرتا ہے جب گوشت کھانے کے لیے ڈائناساراس جگہ پرکھڑا ہوا اور اپنے قدموں کے نشان چھوڑ گیا۔

    خیال رہے کہ گزشتہ ہفتے پارک کے ایک اہلکار نے تباہ ہونے والے ڈائنوسار کے آثار کی نشاندہی کی تھی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • فلوریڈا میں چھوٹا طیارہ گرکرتباہ‘ 3 افراد ہلاک

    فلوریڈا میں چھوٹا طیارہ گرکرتباہ‘ 3 افراد ہلاک

    واشنگٹن : امریکی ریاست فلوریڈا میں چھوٹا طیارہ گرکرتباہ ہوگیا، حادثے میں پائلٹ سمیت تین افراد ہلاک ہوگئے۔

    تفصیلات کے مطابق امریکی ریاست فلوریڈا میں چھوٹا طیارہ گر کرتباہ ہوگیا جس کے نتیجے میں 3 افراد جان کی بازی ہار گئے۔

    امریکی حکام کے مطابق نجی کمپنی کا یہ طیارہ دوران پرواز فنی خرابی کے با عث فلوریڈا کی ہرنائی جھیل میں گرکر تباہ ہوگیا۔

    واقعے کی اطلاع ملتے ہی ریسکیو اہلکاروں نے جائے وقوع پر پہنچ کرحادثے میں ہلاک پائلٹ اور مسافروں کی لاشوں کو جھیل سے نکال لیا۔


    امریکی ریاست اوٹا میں طیارہ گرکرتباہ‘ 4 افراد ہلاک


    خیال رہے کہ رواں سال 27 جولائی کو امریکی ریاسٹ اوٹا کے شہر سالٹ لیک سٹی میں ہائی وے پر چھوٹا طیارہ گرکرتباہ ہوگیا تھا، حادثے کے نتیجے میں 4 افراد ہلاک ہوگئے تھے۔


    امریکی فوجی طیارہ گرکر تباہ‘ 16 افراد ہلاک


    یاد رہے کہ 11 جولائی 2017 کو جنوبی امریکی ریاست مسی سپی میں امریکی فوجی طیارہ گرکر تباہ ہوگیا تھا جس کے نتیجے میں 16 افراد ہلاک ہوگئے تھے۔


    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئر کریں۔

  • یمنی سرحد کےقریب ہیلی کاپٹرگرکرتباہ‘ سعودی شہزادہ جاں بحق

    یمنی سرحد کےقریب ہیلی کاپٹرگرکرتباہ‘ سعودی شہزادہ جاں بحق

    ریاض : یمن کی سرحد کے قریب فوجی ہیلی کاپٹر گرنے سے سعودی شہزادے منصور بن مقرن سمیت آٹھ افراد جاں بحق ہو گئے۔

    تفصیلات کے مطابق سعودی عرب کے سرکاری میڈیا کا کہنا ہے کہ یمن کی سرحد کے قریب ہیلی کاپٹرگرکرتباہ ہوگیا جس میں سوارسعودی شہزادے منصور بن مقرن سمیت آٹھ افراد جاں بحق ہوگئے۔

    شہزادہ منصور بن مقرن فوجی حکام کے ساتھ یمن سعودی عرب سرحد کے قریب صوبہ عسیر میں علاقے کا جائزہ لے رہے تھے کہ ان کا ہیلی کاپٹر زمین پرآگرا۔

    سعودی حکام کا کہنا ہے کہ حادثے کی وجہ فور ی طور پرمعلوم نہیں ہو سکی ہے۔ شہزادہ منصور بن مقرن سابق سعودی عرب ولی عہد مقرن ال سعود کے بیٹے اور صوبہ عسیر کےنائب گورنر تھے۔

    خیال رہے کہ گزشتہ روز سعودی عرب کی فوج نے یمن کی جانب سے ریاض میں واقع الخالد ایئرپورٹ کی طرف میزائل حملے کوسعودی ایئر ڈیفنس نے ناکام بنا دیا تھا۔


    سعودی عرب میں کرپشن کےالزام میں 11 شہزادے اور4 وزیرگرفتار


    یاد رہے کہ یہ حادثہ ایک ایسے وقت میں پیش آیا ہے جب گزشتہ روز ہی سعودی عرب میں نئی اینٹی کرپشن کمیٹی نے گیارہ شہزادوں، چار موجودہ اور سابق وزرا کو گرفتار کرلیا گیا ہے جن میں شہزادہ شہزادہ الولید بن طلال بھی شامل ہیں۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شام میں روس کا لڑاکا طیارہ گرکرتباہ‘ 2 افراد ہلاک

    شام میں روس کا لڑاکا طیارہ گرکرتباہ‘ 2 افراد ہلاک

    ماسکو: شام میں روس کا لڑاکا طیارہ گرکر تباہ ہوگیا جس کے نتیجے میں پائلٹ سمیت 2 افراد ہلاک ہوگئے۔

    تفصیلات کے مطابق روس کی وزارت دفاع کا کہنا ہے کہ ایس یو 24 ماڈل کا لڑاکا طیارہ شام میں گرکر تباہ ہوگیا جس کے نتیجے میں طیارے میں سوار پائلٹ سمیت 2 افراد جان کی بازی ہار گئے۔

    روسی کی وزارت دفاع کے مطابق لڑاکا طیارے کو حادثہ شام کے مغرب میں حمیمیم کے علاقے میں روسی فضائیہ کے اڈے پر پیش آیا، طیارہ اڑان بھرنے کے لیے رفتار پکڑرہا تھا کہ اس دوران رن وے سے باہر نکل گیا۔

    روسی وزارت دفاع کا کہنا ہے کہ حادثہ اتنا اچانک تھا کہ طیارے میں سوار عملے کے دونوں افراد کو طیارے سے نکلنے کا موقع بھی نہیں مل سکا۔

    یاد رہے کہ 22 اکتوبر 2016 کو سائبیریا کے شمال مغربی علاقے میں خراب موسم کی وجہ سے ہیلی کاپٹر گرکرتباہ ہونے سے 19افراد ہلاک ہو گئےتھے۔


    شام جانے والا روسی فوجی طیارہ گرکرتباہ،92افراد ہلاک


    واضح رہے کہ گزشتہ سال 26 دسمبر کو روسی فوجی جہاز سمندر میں گر کر تباہ ہوگیا تھا جس کے نتیجے میں اہلکاروں، آرمی میوزک بینڈ اور صحافیوں سمیت 92 افراد جاں بحق ہوگئے تھے ، طیارہ روس سے شام کے لیے روانہ ہوا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • افغانستان سےپاکستان میں داخل ہونےوالی باروسےبھری گاڑی تباہ

    افغانستان سےپاکستان میں داخل ہونےوالی باروسےبھری گاڑی تباہ

    کرم ایجنسی : سیکورٹی فورسز نے کرم ایجنسی میں افغان بارڈر سے پاکستان میں داخل ہونے والی بارود سے بھری گاڑی کو تباہ کردیا۔

    تفصیلات کےمطابق وفاق کے زیرانتظام قبائلی علاقے کرم ایجنسی میں افغان صوبے پکتیا سے بارود سےبھری گاڑی نے پاکستان میں داخل ہونے کی کوشش کی جس پرسیکورٹی فورسز نے کارروائی کرتے ہوئے گاڑی کوتباہ کردیا۔

    اسسٹنٹ پولیتیکل ایجنٹ شاہد علی خان کےمطابق بارود سے بھری گاڑی کو پاراچنار پہنچانے کی کوشش کی جارہی تھی۔


    کرم ایجنسی دھماکا: 13 افراد جاں بحق، جماعت الاحرار نے ذمہ داری قبول کرلی


    خیال رہےکہ گزشتہ ماہ خیبر ایجنسی کے علاقے وسطی کرم میں سڑک کنارے ہونے والے دھماکے کے نتیجے میں13افراد جان کی بازی ہارگئے تھے۔دھماکے کی ذمہ داری جماعت الاحرار نے قبول کی تھی۔


    چمن : افغان فورسز کی گولہ باری و فائرنگ،10 شہری شہید، 45زخمی


    یاد رہےکہ گزشتہ ماہ صوبہ بلوچستان کےسرحدی شہر چمن میں افغان سرزمین سے گھروں پر گولہ باری اور فائرنگ سے 10 شہری شہید جبکہ خواتین اور بچوں سمیت 45افراد زخمی ہوگئے تھے۔


    پارہ چنار دھماکا‘ 24 افراد شہید‘ متعدد زخمی


    واضح رہےکہ رواں سال مارچ میں کرم ایجنسی کے صدر مقام، پارہ چنار میں ہونے والے بم دھماکے میں 24افراد جاں بحق جبکہ درجنوں افراد زخمی ہوگئے تھے۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شمالی کوریا امریکی بحری جہازکوتباہ کرنے کےلیےتیار

    شمالی کوریا امریکی بحری جہازکوتباہ کرنے کےلیےتیار

    پیانگ یانگ:شمالی کوریا کے سرکاری میڈیا کاکہناہےکہ ان کا ملک امریکی بحری جہاز کو ڈبونےکے لیےتیار ہے۔

    تفصیلات کےمطابق شمالی کوریا کے رودونگ سنمن اخبار نے امریکہ کو خبردار کیاہےکہ اس کا ملک امریکی بحری جہاز کارل ونسن کو ایک ہی وار میں تباہ کرسکتاہے۔

    روندونگ سنمن حکومتی جماعت ورکرز پارٹی کا ترجمان اخبار ہے۔جس میں اتوار کو شائع ہونے والےتبصرے میں لکھا ہےکہ ہماری انقلابی افواج ایٹمی طاقت سے چلنے والے امریکی طیارہ بردار جہاز کو ایک ہی وار میں ڈبونے کے لیے تیار ہیں۔

    دوسری جانب سرکاری اخبار منجو جوسون نےبھی کچھ ایسی ہی بات کرتےہوئےلکھا ہے کہ فوج ‘دشمن کےخلاف ایسے بےرحمانہ وارکرے گی کہ وہ دوبارہ زندہ نہ ہو سکے۔’


    امریکہ کا خصوصی بحری بیڑہ شمالی کوریا کی طرف روانہ


    خیال رہےکہ اس بحری جہاز کو امریکی صدر ڈونلڈ ٹرمپ نے اس تنبیہ کے ساتھ جزیرہ نما کوریا کی طرف بھیجا تھا کہ شمالی کوریا کے جوہری عزائم کے معاملے پر امریکہ کے صبر کا پیمانہ لبریز ہو گیا ہے۔

    شمالی کوریا نےآسٹریلیا کو بھی دھمکی دی تھی کہ اگر وہ امریکی کا اتحادی بناتو اسے ایٹمی اسلحے کا نشانہ بنایا جائے گا۔


    شمالی کوریا کی امریکہ کو وارننگ‘میزائل تجربے جاری رکھنےکااعلان


    واضح رہےکہ گزشتہ ہفتےشمالی کوریا نےایک بار پھر امریکہ کو وارننگ دیتےہوئےکہا تھاکہ اگر امریکہ نےفوجی کارروائی کی کوشش کی تو اس کا نتیجہ صرف اور صرف جنگ ہوگی۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • امریکہ نےشام کے20فیصد طیارےتباہ کردیے‘ جیمزمیٹس

    امریکہ نےشام کے20فیصد طیارےتباہ کردیے‘ جیمزمیٹس

    واشنگٹن : امریکی وزیردفاع کا کہناہےکہ شام میں کیمیائی ہتھیاروں کےحملوں کےجواب میں کیےگئےامریکی فضائی حملوں میں شام کے قابلِ استعمال طیاروں میں سے20 فیصد تباہ کر دیےگئے ہیں۔

    تفصیلات کےمطابق امریکہ کے وزیر دفاع جیمز میٹس کا کہنا ہےکہ امریکہ نے شام کے20فیصد طیارے تباہ کردیے ہیں اور شام کو کیمیائی ہتھیاروں کےدوبارہ استعمال کا مشورہ مہنگا پڑے گا۔

    امریکی وزیر دفاع جیمز میٹس کاکہناہےکہ امریکہ کی جانب سے جانچ پرکھ کر اٹھائے گئے اقدام سے ایندھن، بارود اور فضائی دفاع کی صلاحتیوں کو نشانہ بنایا گیا جس کی وجہ سے شام کے20 فیصد فعال طیارے تباہ ہوئے۔

    جیمز میٹس کاکہناتھاکہ شامی حکومت کے پاس شعیرات کے ہوائی اڈے پر اب جہازوں میں ایندھن بھرنے یا مسلح ہونے کی صلاحیت نہیں رہی اور نہ ہے رن وے قابلے استعمال رہا ہے۔

    امریکی وزیردفاع نے کہا ان حملوں سے صاف ظاہر ہے کہ امریکہ شامی صدر بشارالاسد کی کی جانب سے معصوم شہریوں و کیمیائی ہتھیاروں سے نشانہ بنائے جانے کی حمایت نہیں کرتا۔

    دوسری جانب شام فوج نے امریکی حملے کے بعد بڑے پیمانے پر نقصان کا اعتراف کیا تھا تاہم روسی وزیرِ دفاع کا کہنا تھا کہ صرف چھ شامی فضائی فوج کے جہاز اور کئی عمارتیں تباہ ہوئیں جبکہ شعیرات کے اڈے پر صرف 23 میزائل گرے۔


    شام میں کیمیائی حملے میں مرنے والوں کی تعداد 70 ہوگئی


    یاد رہےکہ گزشتہ ہفتےشام کے شمال مغربی حصے میں واقع باغیوں کے زیر کنٹرول علاقے میں جنگی جہازوں کے ذریعے کیے گئے مبینہ مہلک گیس حملے میں متعدد بچوں سمیت 70 سےزائدافراد ہلاک ہوگئے تھے۔


    امریکہ کاشام کےخلاف فضائی کارروائی کا آغاز


    واضح رہےکہ بعدازاں امریکہ نےشامی حکومت کےخلاف کیمیائی حملے کے جواب میں شام پر60 ٹام ہاک کروزمیزائل داغےتھے۔

  • داعش کونیست ونابود کردیں گے‘ڈونلڈ ٹرمپ

    داعش کونیست ونابود کردیں گے‘ڈونلڈ ٹرمپ

    واشنگٹن : امریکی صدر ڈونلڈ ٹرمپ کا کہناہےکہ امریکہ کو ایک بار پھر عظیم ملک بنائیں گےاور دہشت گرد تنظیم دولت اسلامیہ کونیست ونابود کردیں گے۔

    تفصیلات کےمطابق امریکی صدر ڈونلڈ ٹرمپ نے کانگریس سے خطاب کرتے ہوئے کہا کہ ہم ایک ایسا ملک ہیں جو نفرت اور برائیوں کی مذمت کرتاہے۔انہوں نےیہودیوں کے قبرستان میں توڑپھوڑسمیت امریکی ریاست کینسس میں بھارتی شہری کی ہلاکت کی بھی مذمت کی۔

    ڈونلڈٹرمپ نے کانگریس سے اپنے خطاب میں امریکہ سے ملحق میکیسکو کے بارڈر پردیوار بنانے کے ساتھ ساتھ ٹرانس پیسیفک تجارتی معاہدے سےبھی امریکہ کے الگ ہونے کا ذکرکیا۔

    t1

    امریکی صدر کا کہناتھاکہ کہ امیگریشن پالیسیوں سےمتعلق قوانین میں تبدیلی سے بےروزگاروں کو روزگار مہیا سوسکےگا، اربوں ڈالر کی بچت ہوگی اور اس طرح ہم اپنے لوگوں کو مزید محفوظ بناسکےگیں۔

    مزید پڑھیں:سرحد پروقت سے پہلےدیوار کی تعمیرشروع کی جائےگی‘ڈونلڈ ٹرمپ

    ڈونلڈٹرمپ نےتقریب کے دوران امریکی کمانڈو کی بیوہ کو خراج تحسین پیش کیاجویمن میں القاعدہ کےخلاف ایک حالیہ کارروائی میں ہلاک ہوگئے تھے۔

    t3

    دوسری جانب امریکی سیکریٹری دفاع جیمز میٹس نے داعش سے نمٹنے کے لیے وائٹ ہاؤس کے نئے پلان کا اعلان کرتے ہوئے کہا ہے کہ عسکریت پسند تنظیم کو شکست دینے کے اس منصوبے میں فوجی اور غیر فوجی دونوں طریقے استعمال کیے جائیں گے۔

    واضح رہے کہ 2016 میں اپنی انتخابی مہم کے دوران ڈونلڈ ٹرمپ نے اعلان کیا تھا کہ اگر وہ امریکہ کے صدر منتخب ہوجاتے ہیں تو داعش کے خطرے کو شکست دینے کے لیے30 روزہ نظرثانی پلان کا حکم دیں گے۔

    t2

  • شام جانے والا روسی فوجی طیارہ گرکرتباہ،92افراد ہلاک

    شام جانے والا روسی فوجی طیارہ گرکرتباہ،92افراد ہلاک

    ماسکو: روسی فوجی جہاز سمندر میں گر کر تباہ ہوگیا جس کے نتیجے میں اہلکاروں، آرمی میوزک بینڈ اور صحافیوں سمیت 92 افراد جاں بحق ہوگئے ، طیارہ روس سے شام کے لیے روانہ ہوا تھا۔

    روسی میڈیا کے مطابق فوجی جہاز انٹرنیشنل ائیرپورٹ سے شام کے لیے روانہ ہوا تو بحرا سود کے قریب گر کرتباہ ہوا، جس میں روسی فوج، آرمی بینڈ اور صحافیوں سمیت 92 افراد سوار تھے جو حادثے میں ہلاک ہوگئے ہیں۔

    روسی وزیر دفاع نے حادثے کی تصدیق کرتے ہوئے کہا کہ ’’بدقسمت طیارے کی منزل شام تھی، تاہم یہ یوون فائیو فورٹیک کی پرواز ٹیک آف کے سات منٹ بعد ہی ریڈار سے غائب ہوگئی تھی‘‘۔

    russia6

    روسی میڈیا کے مطابق تباہ شدہ طیارے کا چیسس ساحل سے ڈیڑھ کلومیٹر کے فاصلے سے مل گیا تاہم ریسکیو کا عمل جاری ہے۔russian8

    طیارے میں سوار تمام افراد سال نو کا جشن منانے شام کے شہرلتاکیہ میں روسی ائیر بیس جارہےتھے مگر بدقسمت طیارہ حادثے کا شکار ہوگیا اور اس میں سوار تمام ہی لوگ ہلاک ہوگئے۔

    russian7

    ا س سے قبل روسی وزارت دفاع نے اس بات کی تصدیق کی تھی کہ ٹی یو-154 طیارہ بحیرہ اسود کے ساحل پر واقع روس کےشہر سوچی سے اڑان بھرنے کے بعد ریڈار سے غائب ہوا۔ رپورٹس کے مطابق طیارہ جنگ زدہ ملک شام  جا رہا تھا،جہاں روس کے فوجی اڈے پر سال نو کے موقع پر جشن کی تقریبات کا اہتمام کیاگیا تھا۔

    russian5

    طیارے میں 9 صحافیوں اور فوج کے ایک میوزیکل گروپ کے افراد بھی سوار تھے،وزارت دفاع کے مطابق میوزیکل گروپ سال نو کے موقع پر منائے جانے والے جشن میں فن کا مظاہرہ کرنےجا رہے تھے۔ رپورٹس کے مطابق طیارہ سوچی کی ایئرپورٹ سے اڑان بھرنے کے بعد مقامی وقت صبح 5 بج کر 40 منٹ پر ریڈار سے غائب ہوا۔

    russian2

    یاد رہےکہ رواں ماہ 19 دسمبر کو سائیبریا کے شمال مشرقی علاقے میں روس کے فوجیوں کو لے جانے والے ایک طیارے نے کریش لینڈنگ کی تھی۔حادثے میں 32 فوجی اہلکار زخمی ہوئے تھے۔

    مزید پڑھیں: سائبیریامیں روسی ہیلی کاپٹرگرکر تباہ،19افراد ہلاک

    واضح رہے کہ رواں سال اکتوبر میں سائبیریا کے شمال مغربی علاقے میں خراب موسم کی وجہ سے ہیلی کاپٹر گرکرتباہ ہونے سے 19افراد ہلاک ہو گئےتھے۔

  • روس کاطیارہ بحیرۂ روم میں گر کر تباہ

    روس کاطیارہ بحیرۂ روم میں گر کر تباہ

    ماسکو: روس کی وزارت دفاع کا کہناہے کہ روسی لڑاکا طیارہ ایم آئی جی 29 تربیتی پرواز میں تکنیکی خراب کے باعث بحیرہ روم میں گر کرتباہ ہوگیا۔

    تفصیلات کےمطابق روس کی وزارتِ دفاع کا کہنا ہے کہ تکنیکی خرابی کے باعث پیش آنے والے حادثے میں روسی لڑاکا طیارہ ایم آئی جی 29 کا پائلٹ باہر نکلنے میں کامیاب رہا۔

    r1

    روسی حکام کا کہنا ہے کہ جنگی طیارہ بحری بیٹرے سے چند کلو میٹر دور گرا تاہم امدای ٹیم نے پائلٹ کو بچالیا۔حکام کےمطابق پائلٹ دوبارہ پرواز کے لیے تیار ہے۔

    r2

    خیال رہے کہ یہ بحری بیٹرہ روس کی جانب سے حال ہی میں شام کے ساحل کے قریب تعینات روسی جنگی جہازوں کے ایک گروپ کا حصہ ہے۔

    r3

    دوسری جانب نیٹو نے اس بحری بیٹرے کی موجودگی پر تشویس کا اظہار کرتے ہوئے کہا ہے کہ اسے شام کے شہر حلب میں عام شہریوں پر حملہ کرنے کے لیے استعمال کیا جائے گا۔

    r4

    مزید پڑھیں:سائبیریامیں روسی ہیلی کاپٹرگرکر تباہ،19افراد ہلاک

    واضح رہےکہ گزشتہ ماہ سائبیریا کے شمال مغربی علاقے میں خراب موسم کی وجہ سے ہیلی کاپٹر گرکرتباہ ہونے سے 19افراد ہلاک ہو گئےتھے۔