ARYNews.tv | Urdu – Har Lamha Bakhabar

Tag: تبت سینٹر

  • پاک سرزمین پارٹی آج کراچی میں سیاسی قوت کامظاہرہ کرے گی

    پاک سرزمین پارٹی آج کراچی میں سیاسی قوت کامظاہرہ کرے گی

    کراچی : پاک سرزمین پارٹی آج شہر قائد میں عوامی طاقت کا مظاہرہ کرے گی،پارٹی رہنما انیس قائم خانی کا کہناہےکہ اہلیان کراچی جب بھی اٹھےپوراپاکستان اٹھ جاتاہے۔

    تفصیلات کےمطابق پاک سرزمین پارٹی کے رہنماانیس قائم خانی کا کہناہےکہ آج تین بجے کراچی میں پاک سرزمین پارٹی سیاسی قوت کا مظاہرہ کرے گی،انہوں نےکہا کہ شہری جلسے میں شرکت کے لیے گھروں سے نکلیں۔

    انیس قائم خانی کا کہناہےکہ پاک سرزمین پارٹی سمجھتی ہےکراچی اسلحےسےپاک ہوناچاہیے،انہوں نے کہا کہ آج کا جلسہ بہت بڑا جلسہ ہوگا۔

    مزید پڑھیں: جلسے کا مقصد مصطفیٰ کمال کو وزیر اعظم بنانا نہیں، انیس قائم خانی

    اس سے قبل گزشتہ روز پاک سرزمین پارٹی کے تحت منعقد ہونے والے جلسے کے انتظامات کا جائزہ لینے کے بعد انیس قائم خانی نے جلسہ گاہ میں موجود کارکنان سے خطاب کرتے ہوئے کہاتھا کہ آپ لوگ آج جس نیک مقصد کے لیے محنت کررہے ہیں وہ بہت بڑا کام ہے، آپ کی محنت رائیگاں نہیں جائے گی۔

    پاک سرزمین پارٹی کے صدر نے عوام سے اپیل کی تھی کہ جلسے میں شرکت کریں کیونکہ جلسہ مصطفیٰ کمال کو وزیر اعظم بنانے کے لیے نہیں بلکہ غربت اور مسائل کی چکی میں پسی ہوئی عوام کے جائز حقوق کی جدوجہد کا حصہ ہے۔

    مزید پڑھیں:کراچی، 29 جنوری کو تبت سینٹر پر جلسہ عام کریں گے، مصطفیٰ کمال

    واضح رہےکہ 12جنوری کوسربراہ پاک سرزمین پارٹی نے کراچی میں 29 جنوری کو تبت سینٹر پر ایک عظیم الشان جلسہ عام کا اعلان کرتے ہوئے کہا تھاکہ کراچی کا ہر میدان ہمارے لیے چھوٹا پڑ رہا ہے اس لیے تبت سینٹر کو منتخب کیا ہے۔

  • کراچی، 29 جنوری کو تبت سینٹر پر جلسہ عام کریں گے، مصطفیٰ کمال

    کراچی، 29 جنوری کو تبت سینٹر پر جلسہ عام کریں گے، مصطفیٰ کمال

    کراچی : پاک سرزمین پارٹی کے سربراہ مصطفیٰ کمال نے کہا ہے کہ تبت سینٹر پر 29 جنوری کو پاکستان کی تاریخ کا سب سے بڑا جلسہ عام کریں گے۔

    وہ کراچی میں اپنے دفتر پاکستان ہاؤس میڈیا سے گفتگو کر رہے تھے، مصطفیٰ کمال نے پکا قلعہ پاک سرزمین کے کامیاب جلسے پر حیدرآباد کے لوگوں کا ادا کرتے ہوئے کہا کہ حیدرآباد کے لوگوں کی امیدوں پرپورا اتریں گے۔

    اس موقع پر سربراہ پاک سرزمین پارٹی نے کراچی میں 29 جنوری کو تبت سینٹر پر ایک عظیم الشان جلسہ عام کا اعلان کرتے ہوئے کہا کہ کراچی کا ہر میدان ہمارے لیے چھوٹا پڑ رہا ہے اس لیے تبت سینٹر کو منتخب کیا ہے۔

    انہوں نے ایم کیو ایم پاکستان کا نام لیے بغیر تنقید کا نشانہ بناتے ہوئے کہا کہ لوگ ان میدانوں میں جلسہ کر رہے ہیں جہاں ہم نے تیس دن کی پارٹی ہونے کے باوجود نہیں کیا کیوں کہ وہاں چار ہزار سے زائد کرسیاں لگانے کی ہی جگہ نہیں ہے۔

    مصطفیٰ کمال کا کہنا تھا کہ کراچی وہ امانت ہے جو پاکستان کی ضمانت ہے، کراچی کاحال پاکستان کا مستقبل ہے، اگر یہاں ترقیقاتی کام کیےجاتے تو آج کراچی جیسے شہرکایہ حال نہ ہوتا۔

    انہوں نے کہا کہ 29 جنوری کو ایک ایک شہری کو نکلنا ہوگا کیوں کہ کراچی والے ہی گلگت بلتستان سے فاٹا اور کشمور سے کراچی تک حکومت کو کام کرنے پر مجبور کر سکتے ہیں۔

  • کراچی: قوم حرمین الشریفین کےدفاع کیلئےتیارہے،مولانا فضل الرحمٰن

    کراچی: قوم حرمین الشریفین کےدفاع کیلئےتیارہے،مولانا فضل الرحمٰن

    کراچی : مولانا فضل الرحمٰن نے کہا ہے کہ قوم حرمین شریفین کےدفاع کیلئےتیارہے،پاکستان اور سعودی عرب کی دوستی ہر امتحان میں پوری اترے گی۔

    کراچی میں تبت سینٹر پر دفاع حرمین الشریفین ریلی کے شرکا سے خطاب میں مولانا فضل الرحمٰن کا کہنا تھا کہ پاکستانی قوم اورامت مسلمہ تحفظ حرمین الشریفین کیلئےسعودی عرب کےساتھ ہے ۔

    مولانا فضل الرحمٰن نے کہا کہ دہشت گردی کےخلاف جنگ ملکوں پرقبضے کیلئےتھی،ہمیں سوچنا ہوگاکہ اس جنگ نے ہمیں کہاں پہنچایا۔

    فضل الرحمان نے کہا کہ چھوٹے ملازمین کاتحفظ جمعیت علمائے اسلام کا منشور ہے، مولانافضل الرحمان نے کہا کہ اکیسویں ترمیم کی کوئی وقعت نہیں۔

    یہ ترمیم دینی مدارس کےخلاف لائی گئی اورپارلیمان کوبھی دینی مدارس کےخلاف استعمال کیاگیا،انہوں نے کہا کہ خالد محمود سومرو کے قاتلوں کو کسی عدالت میں پیش نہیں کیا گیا۔