کراچی کنگز کے پلیئر تبریز شمسی کا پی ایس ایل کے حوالے سے کہنا ہے کہ نوجوان کھلاڑیوں نے عمدہ پرفارم کیا یہی لیگ کی خوبصورتی ہے۔
تفصیلات کے مطابق کراچی کنگز کے تبریز شمسی کا میڈیا سے گفتگو کرتے ہوئے کہا کہ پی ایس ایل ایک معیاری لیگ ہے۔ پاکستان میں بولرز بہت اچھے ہیں پاکستان نے ہمیشہ اچھے فاسٹ بولرز پیدا کیے ہیں۔
انھوں نے کہا کہ یہ نوجوان باصلاحیت کھلاڑیوں کے لیے اپنی مہارت سامنے لانے کا ایک اچھا پلیٹ فارم ہے۔ گزشتہ سیزنز کی کارکردگی اب ماضی کا حصہ ہے۔
تبریز شمسی نے کہا کہ آپ چیمپئین بھی ہوں تو پھر بھی آپ کو زیرو سے شروع کرنا پڑتا ہے۔ ہماری مینجمنٹ نئی ہے ماحول اچھا بنا ہوا ہے اور ٹریننگ اچھی جا رہی ہے۔ بیٹنگ ہمارا مسئلہ نہیں ہے ابھی صرف ایک میچ ہوا ہے۔
بابر اعظم کے بارے میں اظہار خیال کرتے ہوئے انھوں نے کہا کہ وہ ایک اسپیشل کھلاڑی ہیں وہ ہر جگہ اچھا پرفارم کرتے ہیں۔ بابر اعظم اکیلے ٹیم میں بیٹر نہیں دیگر بیٹرز بھی ہیں ہم صرف ایک پر فوکس نہیں کررہے۔
انھوں نے کہا کہ میں یہ بہت لطف اندوز ہورہا ہوں۔ پی ایس ایل میں اچھی چیز یہ ہے کہ کراؤڈ دونوں ٹیموں کو سپورٹ کرتا ہے۔
تبریز شمسی نے کہا کہ لاہور میں ساؤتھ افریقہ کی جانب سے ایک میچ کھیل چکا ہوں لیکن یہ کوویڈ کے دن تھے اب لاہور کے کراوڈ کو انجوائے کروں گا۔
