Tag: تجاوزات کے خلاف آپریشن

کراچی: کے ایم سی حکام نے عدالتی احکامات پر تجاوزات کے خلاف آپریشن کی رپورٹ تیار کر لی، دوسری طرف کتابوں کے تاریخی اردو بازار میں بھی دکانیں خالی کرنے کا الٹی میٹم جاری کر دیا گیا ہے۔

تفصیلات کے مطابق کے ایم سی حکام نے تجاوزات کے خلاف کارروائیوں کی رپورٹ تیار کر کے کمشنر کراچی اور میئر وسیم اختر کو پیش کر دی ہے۔

[bs-quote quote=”کورنگی میں نالے پر بنی 9 سے زائد دکانیں مسمار، ناگن چورنگی کے اطراف بھی درجنوں دکانیں گرا دی گئیں۔” style=”style-7″ align=”left” color=”#dd3333″][/bs-quote]

رپورٹ 21 دسمبر سے 7 جنوری تک کی کارروائیوں کے ریکارڈ پر مبنی ہے، رپورٹ میں کہا گیا ہے کہ 18 دنوں میں شہر کے 6 اضلاع میں کارروائی کی گئی۔

کے ایم سی رپورٹ کے مطابق کارروائی کے دوران 700 سے زائد دکانوں کو مسمار کیا گیا، آپریشن میں سیکڑوں چبوترے، سائن بورڈز، وال فیکچرز اور سن شیڈز ہٹائے گئے۔

رپورٹ میں کہا گیا ہے کہ دوران آپریشن رفاعی زمینوں پر بنے شادی ہالز، بینکوٹ بھی مسمار کیے گئے، زیادہ تر کارروائیاں ضلع جنوبی میں کی گئیں، جہاں تقریباً 500 دکانوں کو مسمار کیا گیا۔

یہ بھی پڑھیں:  کراچی: انسداد تجاوزات آپریشن، دکان کی چھت گرنے سے متعدد افراد ملبے تلے دب گئے

دریں اثنا آج کراچی میں جاری تجاوزات کے خلاف آپریشن میں شہر کے تین حصوں میں کے ایم سی کی جانب سے کارروائیاں کی گئیں، جس میں کورنگی میں نالے پر بنی 9 سے زائد دکانیں، دیواریں اور چبوترے مسمار کیے گئے۔

ناگن چورنگی کے اطراف بھی درجنوں دکانیں گرا دی گئیں، دوسری طرف گارڈن میں چڑیا گھر کے اطراف ملبہ اٹھانے کا کام جاری تا حال جاری ہے۔

ادھر شہرِ قائد کے تاریخی اردو بازار میں بھی دکان داروں کو دکانیں خالی کرنے کا الٹی میٹم دے دیا گیا ہے جس پر تاجروں نے شدید احتجاج کیا۔

کراچی: سپریم کورٹ کی جانب سے انتظامیہ کو شہرِ قائد میں غیر قانونی عمارتوں کے خلاف سخت کارروائی کے حکم پر ایس بی سی اے نے بھی غیر قانونی تعمیرات میں ملوث افسران کے خلاف کارروائی کا حکم جاری کر دیا۔

تفصیلات کے مطابق سندھ بلڈنگ کنٹرول اتھارٹی نے شہر میں غیر قانونی تعمیرات میں ملوث محکمے کے افسران کے خلاف سخت کارروائی کا حکم دے دیا ہے۔

[bs-quote quote=”سندھ بلڈنگ کنٹرول اتھارٹی نے غیر قانونی تعمیرات کے دھندے میں ملوث افسران کی فہرست کی تیاری کا حکم بھی دے دیا۔” style=”style-7″ align=”left” color=”#dd3333″][/bs-quote]

ایس بی سی اے نے افسران کی نشان دہی کے لیے 2 رکنی کمیٹی بھی قائم کر دی۔

غیر قانونی تعمیرات میں ملوث ریٹائرڈ افسران بھی شکنجے میں آئیں گے، ڈی جی ایس بی سی اے نے لیاری کے ڈائریکٹر ملک اعجاز کے خلاف کارروائی کے احکامات جاری کر دیے۔

سندھ بلڈنگ کنٹرول اتھارٹی کی جانب سے جاری حکم نامے میں کہا گیا ہے کہ جہاں بھی غیر قانونی تعمیرات ہوئیں اس حوالے سے ایکشن لیا جائے گا، افسران متعلقہ علاقوں میں غیر قانونی تعمیرات کے خلاف کارروائی کریں۔

یہ بھی پڑھیں:  کراچی: انسداد تجاوزات آپریشن، دکان کی چھت گرنے سے متعدد افراد ملبے تلے دب گئے

ایس بی سی اے نے حکم جاری کیا ہے کہ افسران اپنے علاقوں میں کارروائی کی رپورٹ 7 دن میں جمع کرائیں، غیر قانونی تعمیرات کے دھندے میں ملوث افسران کی فہرست بھی بنائی جائے۔

یاد رہے کہ کراچی میں سپریم کورٹ کے حکم پر تجاوزات کے خلاف آپریشن جاری ہے، جس کے تحت گزشتہ روز چڑیا گھر کے پاس بنی دکانوں کو گرایا گیا، واقعے میں ایک دکان کی چھت گرنے سے اس کے نیچے متعدد افراد دب کر زخمی ہوئے۔

کراچی: کے ایم سی نے کلین کراچی آپریشن دوبارہ شروع کرنے کی تیاری کر لی، 5 سے 7 جنوری تک چڑیا گھر کے اطراف آپریشن کیا جائے گا۔

تفصیلات کے مطابق بلدیہ عظمیٰ کراچی نے شہرِ قائد کو صاف ستھرا کرنے کے لیے آپریشن کی دوبارہ تیاری کر لی ہے، جس کے تحت چڑیا گھر کے اطراف میں تجاوزات کا خاتمہ کیا جائے گا۔

[bs-quote quote=”چڑیا گھر کے اطراف 200 کانیں اور 204 دفاتر قائم ہیں۔” style=”style-7″ align=”left” color=”#dd3333″][/bs-quote]

چڑیا گھر کے اطراف آپریشن 5 سے 7 جنوری تک کیا جائے گا، جس کے لیے کے ایم سی نے پولیس اور رینجرز کو خط لکھ دیا ہے۔

چڑیا گھر کے اطراف 200 کانیں اور 204 دفاتر قائم ہیں، حکام کا کہنا ہے کہ دکان داروں اور دفاتر مالکان کو نوٹسز بھی جاری کیے جا چکے ہیں۔

واضح رہے کہ کراچی میں اعلیٰ عدلیہ کے حکم پر تجاوزات کے خلاف آپریشن جاری ہے، دسمبر 2018 کے آخر میں تجاوزات کے خاتمے کی کارروائیاں روک دی گئی تھیں۔

یہ بھی پڑھیں:  کراچی : تجاوزات کیخلاف آپریشن کا جمعرات سے دوبارہ آغاز، کے ایم سی نے کمر کس لی

خیال رہے کہ کراچی میونسپل کارپوریشن نے آج کے دن سے مختلف علاقوں میں تجاوزات کے خلاف آپریشن کے دوسرے مرحلے کے آغاز کا اعلان کیا تھا، جس کے تحت سب سے پہلے گلشن اقبال کے علاقے کا انتخاب کیا گیا ہے۔

سینئر ڈائریکٹر اینٹی انکروچمنٹ سیل بشیر صدیقی کا کہنا تھا کہ مذکورہ آپریشن کا فیصلہ مکینوں کی مسلسل شکایات پر کیا گیا ہے۔

کراچی: میئر کراچی وسیم اختر نے ایمپریس مارکیٹ کے متاثرین کو متبادل دکانیں دینے کا اعلان کر دیا، پہلے مرحلے میں 1470 دکانیں اور اسٹالز قرعہ اندازی کے ذریعے دیے جائیں گے۔

اے آر وائی نیوز کے نمائندے رافع حسین کے مطابق میئر کراچی نے ایمپریس مارکیٹ کے متاثرین سے کیا وعدہ نبھانے کا آغاز کر دیا، متاثرین کو قرعہ اندازی کے ذریعے مرحلہ وار متبادل جگہیں دینے کا اعلان کر دیا گیا۔

[bs-quote quote=”مختلف علاقوں میں دکانیں قرعہ اندازی کے ذریعے دی جائیں گی۔” style=”style-7″ align=”left” color=”#dd3333″ author_name=”میئر کراچی”][/bs-quote]

پہلے مرحلے کے بعد دوسرے مرحلے میں متاثرین کو قرعہ اندازی سے 2100 دکانیں دی جائیں گی، لائنز ایریا پارکنگ پلازہ کے گراؤنڈ، میز نائن فلور میں 240 دکانیں دی جائیں گی۔

پی آئی ڈی سی روڈ پر کے ایم سی فرنیچر مارکیٹ میں 250 دکانیں دی جائیں گی، جب کہ پارکنگ پلازہ کے سامنے خالی پلاٹ پر 400 دکانیں دی جائیں گی اور لائنز ایریا شہاب الدین مارکیٹ میں 350 دکانیں دی جائیں گی۔

رنچھوڑ لائن کے ایم سی مارکیٹ میں بھی 61 اسٹال، اکبر روڈ فرنیچر مارکیٹ کے ایم سی میں 42 اسٹالز الاٹ کیے جائیں گے جب کہ لیاری کھڈا مارکیٹ میں 100 متبادل دکانیں، اور کے ایم سی لیاقت آباد سپر مارکیٹ میں 27 اسٹالز دیے جائیں گے۔

یہ بھی پڑھیں:  میئر کراچی وسیم اختر کا خرم شیرزمان کو 50 کروڑ روپے ہرجانے کا نوٹس

قبل ازیں ایمپریس مارکیٹ و دیگر متاثرین کی بحالی کے منصوبے کا جائزہ اجلاس منعقد ہوا جس میں حکمتِ عملی کا تفصیلی جائزہ لیا گیا، اجلاس میں فیصلہ کیا گیا کہ تمام متاثرین کو متبادل دکانیں دی جائیں گی۔

میونسپل کمشنر ڈاکٹر سیف الرحمان نے کہا کہ بحالی منصوبے پر عمل درآمد کے انتظامات مکمل کر لیے گئے، متاثرین کی تفصیلات جمع کر لی گئی ہیں۔

میئر کراچی کا کہنا تھا کہ مختلف علاقوں میں دکانیں قرعہ اندازی کے ذریعے دی جائیں گی، اجلاس میں ایمپریس مارکیٹ کی تاریخی حیثیت کی بحالی کے اقدامات پر غور کیا گیا، محکمہ ثقافت کی مشاورت سے منصوبے پر عمل درآمد کیا جائے گا۔

کراچی: دوبارہ تجاوزات لگانے پر کے ایم سی نے سخت آپریشن کرتے ہوئے رینبو سینٹر، پارکنگ پلازہ اور پریڈی اسٹریٹ پر کارروائی کے دوران ٹھیلے، پتھارے، کرسیاں اور دیگر سامان ضبط کرلیا۔

تفصیلات کے مطابق شہرِ قائد کے مصروف ترین کاروباری علاقے صدر کے مختلف مقامات پر انسدادِ تجاوزات مہم کے بعد دوبارہ تجاوزات لگنے پر کے ایم سی کو سخت ایکشن لینا پڑا۔

[bs-quote quote=”کے ایم سی کی جانب سے جگہ گھیرنے والوں کو آخری وارننگ بھی جاری کر دی گئی۔” style=”style-7″ align=”left” color=”#dd3333″][/bs-quote]

کے ایم سی کے عملے نے رینبو سینٹر، پارکنگ پلازہ اور پریڈی اسٹریٹ پر کارروائی کی، پولیس کی بھاری نفری بھی موجود رہی، دوبارہ لگنے والی تجاوزات کا خاتمہ کر دیا گیا۔

دریں اثنا آئی آئی چندریگر روڈ پر بھی گرینڈ آپریشن کیا گیا، فٹ پاتھ اور جگہ گھیر کر گرل لگانے اور پارکنگ کو مسمار کر دیا گیا، کے ایم سی کی جانب سے جگہ گھیرنے والوں کو آخری وارننگ بھی جاری کر دی گئی۔

یہ بھی پڑھیں:  کراچی: حکومت سندھ کا ایمپریس مارکیٹ کے اطراف نیا منصوبہ شروع کرنے کا فیصلہ

ڈسٹرکٹ سینٹرل میں بھی کے ایم سی اور ڈی ایم سی نے کارروائی کی، جس میں پارک کی زمین پر بنی تجاوزات کو مسمار کیا گیا، نارتھ کراچی میں صرافہ بازار سیکٹر 11 ای میں چبوترے مسمار کیے گئے۔

خیال رہے کہ آج مشیرِ اطلاعات سندھ نے کہا شہرِ قائد کے علاقے ایمپریس مارکیٹ کے اطراف جہانگیر پارک کی طرز کا نیا پارک بنایا جائے گا اور پارک کے ساتھ نئے منصوبے کے تحت چھوٹے کیبن بنائے جائیں گے۔

کراچی: شہرِ قائد کے علاقے ایمپریس مارکیٹ میں تجاوزات کے خلاف بڑا آپریشن مکمل ہو گیا، جس کے دوران 1400 سے زائد غیر قانونی دکانوں اور پتھاروں پر بلڈوزر چلا دیا گیا۔

تفصیلات کے مطابق ایمپریس مارکیٹ میں تجاوزات کے خلاف آپریشن مکمل ہو گیا ہے، پرندہ مارکیٹ، چائے کی پتی اور خشک میوہ جات کی غیر قانونی مارکیٹیں مسمار کر دی گئیں۔

[bs-quote quote=”روزگار چھنتا دیکھ کر کچھ دکان دار دل برداشتہ ہو گئے اور خود ہی دکانوں کو آگ لگا دی۔” style=”style-7″ align=”left” color=”#dd3333″][/bs-quote]

مئیر کراچی وسیم اختر نے کے ایم سی کی غلطی مان لی، کہتے ہیں سابقہ افسران نے لیز غلط دی، تاریخی مارکیٹ کو اصل حالت میں بحال کریں گے، پورے شہر میں قبضہ مافیا کے خلاف ایکشن لیں گے۔

کام یاب آپریشن کے اختتام پر ایڈیشنل آئی جی امیر شیخ نے ایمپریس مارکیٹ کا دورہ کیا، پولیس چیف نے تجاوزات آپریشن کے بعد کی صورتِ حال کا جائزہ لیا، کہا تجاوزات کے خلاف آپریشن سے شہر کا حلیہ تبدیل ہو گیا۔

ایڈیشنل آئی جی نے کہا کہ میئر کراچی وسیم اختر، وزیرِ بلدیات سعید غنی اور کے ایم سی کا شکر گزار ہوں، تجاوزات ہٹانے میں مدد کرنے پر دکان داروں کا بھی شکر گزار ہوں۔

یہ بھی پڑھیں:  کراچی: ایمپریس مارکیٹ میں تجاوزات کے خلاف گرینڈ آپریشن

ڈاکٹر امیر شیخ نے کہا کہ شہر سے تجاوزات کا مکمل طور پر خاتمہ کرنا ہوگا، شہر کی خوب صورتی بگاڑنے کی بجائے سنوارنا ہے، جو دکانیں قانونی ہیں انھیں متبادل جگہ ملنی چاہیے۔

دریں اثنا تجاوزات کے خلاف آپریشن پر تاجروں نے احتجاج کیا، روزگار چھنتا دیکھ کر کچھ دکان دار دل برداشتہ ہو گئے اور خود ہی دکانوں کو آگ لگا دی۔

آپریشن کے دوران ٹن کی چادروں پر  بھی جھگڑا ہوا، مشتعل شخص نے پتھراؤ شروع کر دیا، تاہم عوام نے اسے پکڑ کر مارا پیٹا۔ لوہا چننے والے بھی متحرک نظر آئے، تاہم پولیس نے مستعدی کا مظاہرہ کرتے ہوئے ملبے سے لوہا نکالنے والوں کو موقع پر گرفتار کر لیا۔

کراچی: شہرِ قائد کے مختلف علاقوں میں ناجائز تجاوزات کے خلاف آپریشن جاری ہے، طارق روڈ اور بہادر آباد میں بھی تجاوزات کے خلاف کارروائیاں کی گئیں۔

تفصیلات کے مطابق ناجائز تجاوزات کے خلاف کارروائیوں میں طارق روڈ پر دکانوں کے آگے غیر قانونی قائم چھجے اور سائن بورڈ گرا دیے گئے۔

[bs-quote quote=”طارق روڈ اور بہادر آباد میں آپریشن کے دوران سڑک پر رکھے پتھارے، میزیں اور کرسیاں و دیگر سامان ضبط” style=”style-7″ align=”left” color=”#dd3333″][/bs-quote]

تجاوزات کے خلاف آپریشن کے تحت بہادر آباد میں بھی بھرپور کارروائی کی گئی، 2 شاپنگ اسٹورز کے سامنے قائم اضافی حصوں کو گرا دیا گیا۔

طارق روڈ اور بہادر آباد میں آپریشن کے دوران سڑک پر رکھے پتھارے، میزیں اور کرسیاں و دیگر سامان ضبط کر لیا گیا۔ دوسری طرف کراچی کےعلاقے صدر میں تجاوزات کے خلاف بڑے آپریشن کی تیاری کی جا رہی ہے۔

بلدیہ عظمیٰ کراچی کی ایمپریس مارکیٹ کے اطراف آپریشن کی تیاریاں جا ری ہیں، ایمپریس مارکیٹ اور اطراف میں تجاوزات کا صفایا کیا جائے گا، پولیس اور رینجرز کی بھاری نفری طلب کر لی گئی۔ انسدادِ تجاوزات آپریشن کے لیے بلڈوزر اور واٹر کینن پہنچا دیے گئے، دھرنے دینے والے مظاہرین سے نمٹنے کے لیے پولیس دستے بھی تیار ہیں۔

خیال رہے کہ گزشتہ رات بھی شہرِ قائد کے علاقے گلستانِ جوہر میں ہیوی مشینری کے ذریعے تجاوزات کے خلاف گرینڈ آپریشن کیا گیا، جس میں سماما سے کانٹی نینٹل چوک تک غیر قانونی تجاوزات کو مسمار کیا گیا۔

یہ بھی پڑھیں:  کراچی میں تجاوزات کے خلاف رات گئے گرینڈ آپریشن

کراچی میں چند دن سے جاری آپریشن میں ہیوی مشینری کے ذریعے تجاوزات ہٹائی جا رہی ہیں، گلستان جوہر بلاک 16 میں فرنیچر مارکیٹ سے بھی تجاوزات ختم کر دی گئی ہیں۔

یہ آپریشن کے ڈی اے اسٹیٹ اینڈ انفورسمنٹ سیل کی جانب سے کیا گیا، گلستانِ جوہر بلاک وَن میں فٹ پاتھ اور سڑک پر سے دکانوں اور پتھاروں کو ہٹا دیا گیا ہے۔