Tag: تجربہ

  • ایک ہفتے کے دوران شمالی کوریا کا ایک اور بلاسٹک میزائل کا تجربہ

    ایک ہفتے کے دوران شمالی کوریا کا ایک اور بلاسٹک میزائل کا تجربہ

    پیانگ یانگ: شمالی کوریا نے اپنی مضبوط دفاعی صلاحیت کا مظاہرہ کرتے ہوئے ایک ہفتے کے دوران دوسرے بلاسٹک میزائل کا کامیاب تجربہ کرلیا۔

    تفصیلات کے مطابق شمالی کوریا کی جانب سے ایک اور شارٹ رینج بلاسٹک میزائل کا تجربہ کیا گیا ہے، جسے شمالی کوریائی ملٹری دفاعی سسٹم میں شامل کیا جائے گا جنوبی کوریا کی فوج کے مطابق شمالی کوریا نے ایک ہفتے کے دوران دوسرا میزائل لانچ کیا ہے۔

    واضح رہے کہ شمالی کوریائی حکومت نے اس سے قبل میزائل تجربے کے بعد مزید میزائل تجربات کرنے کا عندیہ کا دیا تھا، کوریائی حکومت کا پے در پے میزائل تجربات کرنے کا مقصدامریکا کو اپنی طاقت کا احساس دلانا ہے۔

    غیر ملکی خبر رساں ادارے کا کہنا تھا کہ شمالی کوریا کی جانب سے مذکورہ میزائل کا تجربہ سیئول حکومت کے لیے واشنگٹن کے ساتھ مشترکا فوجی مشقوں کی منصوبہ بندی پر ’سنجیدہ انتباہ‘ قرار دیا جارہا ہے۔

    جنوبی کوریا کے لیے جوئنٹ چیف آف اسٹاف نے جاری بیان میں کہا ہے کہ شمالی کوریا کا میزائل 155 میل (250 کلومیٹر)کا فاصلہ طے کرنے کے بعد جاپان کی سمندری حدود میں جاگرا جو ’’مشرقی سمندر‘‘ کے نام سے جانا جاتا ہے۔

    جاپانی وزیر اعظم نےمشرقی سمند رمیں کوریا ئی میزائل گرنے کی تصدیق کرتے ہوئے کہا کہ مذکورہ میزائل تجربے سے جاپان کی سیکیورٹی پر کوئی اثر نہیں پڑا۔

    یاد رہے کہ چھ روز قبل شمالی کوریائی حکومت نے کم فاصلے پر مار کرنے والے دو شارٹ رینج میزائل کا تجربہ کیا تھا، جس میں سے ایک نے 690 کلومیٹر جبکہ دوسرے میزائل نے 430 کلومیٹر کا فاصلہ طے کیا تھا۔

  • شمالی کوریا کا ’ٹیکٹیکل گائیڈڈ میزائل‘ کا کامیاب تجربہ

    شمالی کوریا کا ’ٹیکٹیکل گائیڈڈ میزائل‘ کا کامیاب تجربہ

    پیانگ یانگ : شمالی کوریا نے امریکہ کے ساتھ مذاکرات کی ناکامی کے بعد دوبارہ تابکاری مواد کو بم کے ایندھن میں استعمال کرنا شروع کردیا، شمالی کوریا نے ایک اور میزائل کا کامیاب تجربہ کرلیا۔

    تفصیلات کے مطابق شمالی کوریا کے سرکاری میڈیا کے مطابق کم جونگ ان کی زیرنگرانی ایک نئی قسم کے ’ٹیکٹیکل گائیڈڈ میزائل‘ کا تجربہ کیا گیا ہے جسے شمالی کوریا کی جنگی طاقت میں اہم پیش رفت قرار دیا جا رہا ہے۔

    کورین سینٹرل نیوز ایجنسی (کے سی این اے) کی جمعرات کو شائع ہونے والی رپورٹ کے مطابق یہ میزائل غیر معمولی انداز سے پرواز کرتے ہوئے طاقتور ’وار ہیڈ‘ لے جانے کی صلاحیت رکھتا ہے۔

    ایجنسی نے اس ہتھیار کے بارے میں مزید معلومات فراہم نہیں کیں، تاہم یہ بتایا ہے کہ کم جونگ ان نے اس ہتھیار کو’ پیپلز آرمی کی جنگی طاقت میں اضافے میں اہم پیشرفت قرار دیا ہے‘۔

    رپورٹ میں یہ بھی کہا گیا ہے کہ شمالی کورین رہنما نے اس ہتھیار کو فائر کرنے کے مختلف طریقوں اور اہداف کو نشانہ بنانے کی خودنگرانی کی ہے۔

    شمالی کوریا کی جانب سے نئے میزائل تجربے کا اعلان امریکی نگراں ادارے سینٹر فار سٹریٹیجک اینڈ انٹرنیشنل سٹڈیز کے اس بیان کے ایک روز بعد سامنے آیا ہے جس میں کہا گیا تھا کہ شمالی کوریا کی ایٹمی تنصیبات میں سرگرمی دیکھنے میں آئی ہے۔

    امریکی نگراں ادارے کے مطابق شائد شمالی کوریا رواں سال فروری میں امریکہ کے ساتھ مذاکرات کی ناکامی کے بعد دوبارہ تابکاری مواد کو بم کے ایندھن میں استعمال کر رہا ہے۔

    امریکی صدر ڈونلڈ ٹرمپ اور شمالی کوریا کے رہنما کم جونگ ان کے درمیان امریکہ میں ہونے والی دوسری ملاقات پیانگ یانگ کے جوہری اور میزائل پروگرام کے معاملے پر کسی معاہدے کے بغیر اچانک ختم ہو گئی تھی۔

    اس ملاقات کے بعد شمالی کوریا نے کہا تھا کہ وہ امریکہ کے ساتھ اپنی سفارتکاری کے مختلف آپشنز کا جائزہ لے رہا ہے۔

    مزید پڑھیں : امریکا رویہ مناسب کرے تو ملاقات کے لیے تیار ہوں، کم جونگ اُن

    کم جونگ ان نے گزشتہ ہفتے کہا تھا کہ اگر واشنگٹن مناسب رویہ اپنائے تو وہ صدر ٹرمپ کے ساتھ بات چیت کرنے کو تیار ہیں۔

    سینٹر فار دا نیشنل انٹرسٹ کے تجزیہ کار ہیری کازیانس کا کہنا ہے کہ کم جونگ ان ٹرمپ انتظامیہ کو یہ باور کرانے کی کوشش کر رہے ہیں کہ ان کی فوجی صلاحیت میں روز بروز اضافہ ہوتا جا رہا ہے، ان کی حکومت حالیہ مذاکرات میں واشنگٹن کے غیر لچکدار رویے سے مایوس ہوتی جا رہی ہے۔

    غیر ملکی میڈیا کا کہنا ہے کہ گزشتہ برس نومبر میں کورین سینٹرل نیوز ایجنسی نے اپنی رپورٹ میں کہا تھا کہ کم جونگ ان نے ٹرمپ کے ساتھ اپنی پہلی ملاقات کے بعد نئے اور انتہائی جدید نوعیت کے ہتھیار وںکے تجربے کی نگرانی کی تھی۔

    یہ شمالی کوریا کے جوہری اور میزائل پروگرام پرامریکہ کے ساتھ مذاکرات شروع ہونے کے بعد ہتھیاروں کے تجربے کی پہلی سرکاری رپورٹ تھی۔

  • بلیسٹک میزائل کاتجربہ‘شمالی کوریاکی تصدیق

    بلیسٹک میزائل کاتجربہ‘شمالی کوریاکی تصدیق

    پیانگ یانگ : شمالی کوریا کےحکام کاکہناہےکہ کم جونگ کی نگرانی میں اتوارکو بلیسٹک میزائل کا کامیاب تجربہ کیاگیا۔

    تفصیلات کےمطابق شمالی کوریا کی سرکاری نیوزایجنسی کے اسی این اے کےمطابق بیلسٹک میزائل زمین سے زمین پردرمیانے اور طویل دوری پرمارکرنےکی صلاحیت رکھتاہے۔

    کےسی این اے کا کہناہےکہ پکگکسونگ 2 نامی میزائل میں جوہری اسلحہ لے جانے کی بھی صلاحیت ہےاور اس کی نگرانی خود کم جونگ ان نے کی ہے۔

    مزید پڑھیں:شمالی کوریا کابلیسٹک میزائل کاتجربہ

    سرکاری ایجنسی نے بتایا کہ پڑوسی ممالک کے پیش نظر میزائل کو اونچےزاویے پرلانچ کیاگیا۔بیلسٹک میزائل میں ٹھوس ایندھن والے انجن کا استعمال ہوا ہے۔

    کم جونگ نے میزائل کے کامیاب تجربے پر خوشی کا اظہار کرتےہوئےکہاکہ اس سے ملک کی طاقت میں مزید اضافہ ہواہے۔

    امریکہ،جاپان اورجنوبی کوریا نےشمالی کوریاکی جانب سے میزائل تجربے پر بات چیت کے لیے اقوام متحدہ کی سیکیورٹی کونسل سے فوری اجلاس کی درخواست کی ہے۔

    مزید پڑھیں:امریکہ جاپان کے ساتھ کھڑا ہے‘ڈونلڈ ٹرمپ

    واضح رہےکہ امریکی صدر ڈونلڈ ٹرمپ نےشمالی کوریا کےمیزائل تجربے پرردعمل کا اظہار کرتے ہوئےکہاکہ امریکہ جاپان کےساتھ کھڑا ہے۔

  • شمالی کوریا کابلیسٹک میزائل کاتجربہ

    شمالی کوریا کابلیسٹک میزائل کاتجربہ

    سیول : جنوبی کوریا نےدعویٰ کیا ہےکہ شمالی کوریا نےسطح سےسطح تک پانچ سو کلومیٹرمار کرنے والے بلیسٹک میزائل کاتجربہ کیا ہے۔

    تفصیلات کےمطابق غیر ملکی خبررساں ادارے کی رپورٹ کےمطابق شمالی کوریا نے 500کلو میٹر تک مار کرنے والے بلیسٹک میزائل کا کامیاب تجربہ کیا ہےجو ڈونلڈ ٹرمپ کےصدر بننے کےبعد پہلا تجربہ ہے۔

    جنوبی کوریا کےحکام نے بتایا کہ میزائل کو مقامی وقت کے مطابق صبح 7 بج کر55 منٹ پر لانچ کیاگیا اور یہ مشرق کی سمت میں جاپانی سمندر کی طرف 500 کلومیٹر تک گیا۔

    بلیسٹک میزائل کا تجربہ شمالی پیونگان صوبے کے ایئر بیس سے کیاگیا اور یہ علاقہ کوریائی خطے کےمغرب میں واقع ہے۔

    امریکی دورے پرموجود جاپانی وزیر اعظم نےشمالی کوریا کےاس اقدام پر شدید ردعمل میں میزائل تجربے کو ناقابل قبول قرار دیتے ہوئے شمالی کوریا پر زور دیا کہ وہ اقوام متحدہ کی سلامتی کونسل کی قراردادوں کا احترام کرے۔

    امریکی صدرڈونلڈ ٹرمپ نے اپنے بیان میں کہا ہے کہ ہم سو فیصد جاپان کے ساتھ ہیں ۔شمالی کوریا کے تجربے پر امریکہ اور جنوبی کوریا کے درمیان بھی رابطہ ہوا ہےتاہم ابھی تک شمالی کوریا کی جانب سے کوئی بیان نہیں آیا ہے۔

    مزید پڑھیں:شمالی کوریا کا پانچواں جوہری میزائل کا کامیاب تجربہ

    یاد رہےکہ شمالی کوریا نے گزشتہ سال نومبر میں اپنا پانچواں جوہری تجربہ کیا تھا۔ شمالی کوریا کے حکام نے اعلان کیا تھاکہ جوہری میزائل پروگرام جاری رکھا جائےگا۔

    مزید پڑھیں:شمالی کوریا کےحملے کاسخت جواب دیاجائےگا ‘امریکہ

    واضح رہےکہ گزشتہ ہفتے امریکی وزیردفاع کاکہناتھاکہ شمالی کوریاکی جانب سے جوہری ہتھیاروں کےاستعمال کا سخت جواب دیاجائےگا۔

  • شمالی کوریا کا بلیسٹک میزائل کا کامیاب تجربہ

    شمالی کوریا کا بلیسٹک میزائل کا کامیاب تجربہ

    شمالی کوریا نے ایک اور بلیسٹک میزائل کے کامیاب تجربے کا دعویٰ کیا ہے ۔

    شمالی کوریا نے دور تک حدف کو نشانہ بنانے والے بلیسٹک میزائل انجن کا کامیاب تجربہ کیا ہے،حکام کے مطابق نیا ڈیزائن کردہ یہ بلیسٹک میزائل دشمنوں کی سرزمین پر مطلوبہ ہدف کو نشانہ بنانے کی اہمیت کا حامل ہے۔

    سرکاری خبررساں ادارے کے مطابق بلیسٹک میزائل کا تجربہ مغربی ساحلی کنارے کیا گیا،جنوبی کوریا اور جاپان نے شمالی کوریا کے میزائل تجربے کی مذمت کرتے ہوئے خطے کیلئے عدم استحکام قرار دیا۔

  • شمالی کوریا نے بیلسٹک میزائل کا ایک اور تجربہ کرلیا

    شمالی کوریا نے بیلسٹک میزائل کا ایک اور تجربہ کرلیا

    اقوام متحدہ کی سخت پابندیوں کےباوجودشمالی کوریانےبیلسٹک میزائل ایک اور تجربہ کرلیا۔

    غیرملکی خبررساں ادارےکےمطابق شمالی کوریا نےکم دوری تک مار کرنے والے دو بیلسٹک میزائل مشرقی ساحل کی جانب لانچ کیے۔اطلاعات کےمطابق میزائل نے پانچ سوکلومیٹرکافاصلہ طے کیا۔

    میزائل تجربے پر تبصرہ کرتے ہوئےجنوبی کوریا کےملٹری جنرل کا کہنا ہےکہ حالات کامسلسل جائزہ لےرہے ہیں، شمالی کوریاکی جانب سے کسی بھی جارحیت کےمقابلےکیلئےتیارہیں۔