ARYNews.tv | Urdu – Har Lamha Bakhabar

Tag: تحائف

  • صدر جوبائیڈن کو دوران صدارت ملنے والے تحائف کی تفصیلات سامنے آگئی

    صدر جوبائیڈن کو دوران صدارت ملنے والے تحائف کی تفصیلات سامنے آگئی

    واشنگٹن: امریکی صدر جو بائیڈن کو دوران صدارت ملنے والے تحائف کی تفصیلات سامنے آگئی۔

    امریکی محکمہ خارجہ کی طرف سے شائع ہونے والی سالانہ رپورٹ کے مطابق صدر جو بائیڈن اور ان کے اہل خانہ کو 2023 میں غیر ملکی رہنماؤں کی طرف سے ہزاروں ڈالر کے تحائف دیے گئے تھے۔

    اس فہرست کے مطابق سن 2023 میں امریکی خاتون اول جِل بائیڈن کو سب سے مہنگا تحفہ بھارتی وزیر اعظم نریندر مودی کی طرف سے موصول ہوا، جو کہ 7.5 قیراط کا ایک ہیرا تھا جس کی قیمت تقریباً 20 ہزار امریکی ڈالر بنتی ہے۔

    رپورٹ کے مطابق خاتون اول کو یوکرینی سفیر کی جانب سے 14 ہزار ڈالرز مالیت کا بروچ اور ایک بریسلیٹ بھی تحفے میں ملا جبکہ مصر کے صدر نے 4500 ڈالر مالیت کا تصویری البم اور بریسلٹ دیا۔

    اس کے علاوہ خود امریکی صدر نے کئی مہنگے تحائف وصول کیے جن میں جنوبی کوریا کے حال ہی میں مواخذہ کیے جانے والے صدر سک یول یون کی جانب سے 7100 ڈالر کی یادگاری تصویری البم تھی۔

    ملنے والے تحائف میں منگول وزیراعظم کا 3500 ڈالر کا منگول جنگجو کا مجسمہ، برونائی کے سلطان کی جانب سے 3300 ڈالر کا چاندی کا پیالہ شامل ہے۔

    رپورٹ کے مطابق امریکی صدر جوبائیڈن کو اسرائیل کے صدر کی جانب سے 3100 ڈالر کی اسٹرلنگ سلور ٹرے، یوکرین کے صدر ولادیمیر زیلنسکی کی طرف سے 2400 ڈالر مالیت کا کولاج دیا گیا۔

    رپورٹ کے مطابق صدارت کی مدت ختم ہونےکے بعد تمام تحفے محکمہ آرکائیو میں جمع ہوجائیں گے، صدراتی جوڑے کے پاس تحفے خریدنے کا آپشن بھی ہوگا۔

    ٹرمپ نے بائیڈن کو امریکہ کا بدترین صدر قرار دے دیا

  • ڈونلڈ ٹرمپ نے تحائف توشہ خانہ میں جمع کرائے یا ساتھ لے گئے، تحقیقات شروع

    ڈونلڈ ٹرمپ نے تحائف توشہ خانہ میں جمع کرائے یا ساتھ لے گئے، تحقیقات شروع

    واشنگٹن: سابق امریکی صدر ڈونلڈ ٹرمپ نے دوران صدارت ملنے والے تحائف توشہ خانہ میں جمع کرائے تھے یا ساتھ لے گئے، اس سلسلے میں تحقیقات شروع ہو گئی ہے۔

    امریکی میڈیا کے مطابق ڈونلڈ ٹرمپ اور ان کے خاندان کو غیر ملکی سربراہان کی جانب سے دیے گئے درجنوں تحائف توشہ خانے سے غائب ہو گئے ہیں، ایوان کی کمیٹی نے صدارتی تحائف رکھنے والے ادارے نیشنل آرکائیو سے اس سلسلے میں مدد مانگ لی ہے۔

    کانگریشنل تفتیش کاروں نے سابق صدر کو ملے درجنوں قیمتی تحائف کی تحقیقات شروع کر دی، ڈونلڈ ٹرمپ کو تحفے میں ملا گالف کا سامان، ہیرے کے ٹاپس اور روسی صدر پیوٹن کی دی گئی فٹ بال غائب ہیں۔

    توشہ خانے سے سعودی عرب کے بادشاہ سلمان کی جانب سے ڈونلڈ ٹرمپ کو دیا گیا عبدالعزیز السعود اعزاز بھی غائب ہے۔

    ڈونلڈ ٹرمپ کو جاپانی وزیر اعظم شنزوآبے نے گالف کھیلنے کا قیمتی سامان تحفے میں دیا تھا، روس کے صدر پیوٹن نے 2018 ورلڈ کپ کی فٹبال ڈونلڈ ٹرمپ کو دی تھی، مصر کے قدیم دیوتا کا سنہری مجسمہ بھی انھیں تحفے میں ملا تھا۔

    ایلسلواڈور کے صدر نے ڈونلڈ ٹرمپ کو ان کی بڑی پینٹنگ تحفے میں دی تھی، ملکہ الزبتھ دوم کی دستخط شدہ نایاب تصویر، مہاتما گاندھی کا مجسمہ، اور افغان دری بھی غائب ہیں۔

    رپورٹس کے مطابق سابق صدر ڈونلڈ ٹرمپ کو دیے گئے تحائف کی مالیت 50 ہزار ڈالر سے زیادہ تھی۔

  • وزیر اعظم کو بیرون ممالک سے ملنے والے تحائف، شہباز شریف نے نئی روایت قائم کر دی

    وزیر اعظم کو بیرون ممالک سے ملنے والے تحائف، شہباز شریف نے نئی روایت قائم کر دی

    اسلام آباد: وزیر اعظم شہباز شریف نے بیرون ممالک سے ملنے والے تحائف سرکاری خزانے میں جمع کروا دیے اور ان کی ہدایت پر تحائف کو مستقل طور پر وزیر اعظم ہاؤس میں رکھا جائے گا جنہیں عوام بھی دیکھ سکیں گے۔

    تفصیلات کے مطابق وزیر اعظم شہباز شریف نے وزیر اعظم ہاؤس میں نئی روایت قائم کر دی، وزیر اعظم کو ملنے والے غیر ملکی تحائف وزیر اعظم ہاؤس میں مستقل طور پر رکھے جائیں گے۔

    بیرون ممالک سے ملنے والے تحائف عوام بھی دیکھ سکیں گے، وزیر اعظم کی ہدایت پر وزیر اعظم ہاؤس میں جگہ بھی مختص کر دی گئی۔

    بیرون ممالک سے ملنے والے تحائف وزیر اعظم نے سرکاری خزانے میں جمع کروا دیے ہیں، توشہ خانے میں جمع کروائے گئے تحائف کی مالیت 27 کروڑ روپے ہے۔ قیمتی تحائف وزیر اعظم کو خلیجی ممالک کے دوروں کے دوران ملے تھے۔

    تحائف میں ہیرے جڑی 2 قیمتی گھڑیاں بھی شامل ہیں، ایک گھڑی کی مالیت 10 کروڑ اور دوسری کی قیمت 17 کروڑ روپے بتائی گئی ہے، اس کے علاوہ قیمتی قلم، انگوٹھی، کف لنکس اور خوشبویات کے تحائف بھی توشہ خانےمیں جمع کروائے گئے ہیں۔

    شہباز شریف اس سے قبل بطور وزیر اعلیٰ بھی 10 سال تک ملنے والے تحائف توشہ خانہ میں جمع کرواتے رہے ہیں۔

  • حجاج کرام وطن واپسی پر اپنے پیاروں کے لیے کیا تحائف لا رہے ہیں؟

    حجاج کرام وطن واپسی پر اپنے پیاروں کے لیے کیا تحائف لا رہے ہیں؟

    ریاض: سعودی عرب میں فریضہ حج کے بعد حجاج کرام اپنے عزیزوں اور دوستوں کے لیے تحائف کی خریداری کر رہے ہیں، حجاج کے درمیان عربی لباس ثوب اور غترہ کافی مقبول ہورہا ہے۔

    سعودی ویب سائٹ کے مطابق فریضہ حج کی ادائیگی کے بعد حجاج کرام مکہ مکرمہ میں تحائف خریدنے میں مصروف ہیں، جس سے بازاروں کی رونق دوبالا ہوگئی ہے۔

    حج سیزن بخیر و خوبی مکمل ہونے کے بعد مختلف ممالک سے آنے والے حجاج کرام ان دنوں مکہ مکرمہ کے بازاروں میں اپنے عزیزوں اور دوستوں کے لیے تحائف کی خریداری کر رہے ہیں۔

    مسجد الحرام کی قریبی مارکیٹوں میں حجاج کرام کی بڑی تعداد دیکھی جا سکتی ہے جو فجر کی نماز کے بعد اپنی رہائش گاہوں پر جانے سے قبل مارکیٹس میں پہنچتی ہے۔

    حجاج سب سے زیادہ تسبیح کی خریداری کر رہے ہیں جبکہ جائے نمازیں بھی بڑی تعداد میں خریدی جا رہی ہیں، عربی لباس ثوب اور غترہ بھی حجاج میں کافی مقبول ہے جو وہ تحفہ دینے اور خود استعمال کرنے کے لیے بھی خریدتے ہیں۔

    حرمین شریفین اور مقامات مقدسہ کی تصاویر بھی حجاج کی خاص دلچسپی کا باعث ہیں۔

    آئمہ حرم کی آوازوں میں تلاوت پر مبنی ڈیجیٹل قرآن کریم حجاج خاص طور پر تحفہ دینے کے لیے خرید رہے ہیں، دیگر تحائف میں عطر، بخور اور دینی کتب بھی خریدی جا رہی ہیں۔

    مدینہ منورہ میں حجاج کی سب سے زیادہ توجہ کھجوروں پر ہے۔ مدینہ منورہ کی کھجور منڈی کے ایک دکاندار کا کہنا تھا کہ عجوہ کھجور سب سے زیادہ فروخت کی جاتی ہے۔

  • جیکولین فرنینڈز اور نورا فتیحی کے لیے ایک اور بری خبر

    جیکولین فرنینڈز اور نورا فتیحی کے لیے ایک اور بری خبر

    ممبئی: بالی ووڈ اداکاراؤں جیکولین فرنینڈز اور نورا فتیحی کو ملنے والے کروڑوں کے تحائف اب ضبط ہوں گے۔

    تفصیلات کے مطابق نورا فتیحی اور جیکولین فرنینڈز کو ایک اوربری خبر کا سامنا ہے، بھتہ خوری کے ملزم سکیش چندر شیکھر سے ملے کروڑوں کے تحائف ضبط کیے جائیں گے۔

    جیکولین فرنینڈز کو منی لانڈرنگ، بھتہ خوری اورفراڈ کیس میں تفتیش کا سامنا ہے، انھیں بھتہ خوری کے ملزم سکیش چندر شیکھر کی جانب سے کروڑوں روپے کے تحائف ملے تھے، جو اب اداکارہ کے لیے مصیبت بن گئے ہیں۔

    گزشتہ روز انفورسمنٹ ڈائریکٹوریٹ نے جیکولین فرنینڈز  اور نورا کے تحائف ضبط کرنے کا اعلان کیا ہے، ادارہ 200 کروڑ بھارتی روپے کی منی لانڈرنگ کیس کی تفتیش کر رہی ہے۔

    نورا فتیحی اور ملزم سکیش چندر شیکھر کی چیٹ لیک

    انفورسمنٹ ڈائریکٹوریٹ کا کہنا ہے کہ نورا فتیحی کو دیے جانے والے کروڑوں کے تحائف بھی ضبط کیے جائیں گے، منی لانڈرنگ اور بھتہ خوری کے مرکزی کردار سکیش چندرشیکھرنے جیکولین فرنینڈز کو 10 کروڑ روپے کے تحائف دیے تھے۔

    واضح رہے کہ منی لانڈرنگ کیس میں جیکلین فرنینڈز کے علاوہ نورا فتیحی سے بھی تفتیش کی جا رہی ہے۔

  • وزیر اعظم کو ملنے والے تحائف، حکومت نے جواب دینے کے لیے مہلت مانگ لی

    وزیر اعظم کو ملنے والے تحائف، حکومت نے جواب دینے کے لیے مہلت مانگ لی

    اسلام آباد: وفاقی حکومت نے وزیر اعظم عمران خان کو ملنے والے تحائف کی تفصیل دینے کے لیے عدالت سے مہلت مانگ لی، عدالت کا کہنا ہے کہ حکمرانوں کو ملے تحائف ان کے نہیں عوام کے ہیں، حکومت کو چاہیئے 10 سالوں کے تحائف پبلک کر دے۔

    تفصیلات کے مطابق اسلام آباد ہائی کورٹ میں وزیر اعظم عمران خان کو ملنے والے تحائف کی تفصیل دینے کے لیے حکومت نے مہلت مانگ لی، ہائیکورٹ نے وفاقی حکومت کی استدعا پر سماعت ملتوی کردی۔

    دوران سماعت جسٹس گل حسن اورنگزیب نے کہا کہ کوئی دفاعی تحفہ ہو وہ بے شک نہ بتائیں لیکن ہر تحفے پبلک کرنے پر پابندی کیوں ہے؟ کسی ملک نے کوئی ہار تحفے میں دیا تو اسے پبلک کرنے میں کیا ہرج ہے؟

    جج کا کہنا تھا کہ حکومت تحائف نہ بتا کر کیوں شرمندہ ہو رہی ہے؟ حکمرانوں کو ملے تحائف ان کے نہیں عوام کے ہیں۔ کوئی عوامی عہدے پر نہ ہو تو کیا عہدوں پر بیٹھے لوگوں کو تحائف ملیں گے؟

    عدالت کی جانب سے استفسار کیا گیا کہ حکومت کیوں تمام تحائف کو میوزیم میں نہیں رکھتی؟ حکومت کو چاہیئے 10 سالوں کے تحائف پبلک کر دے۔

    جسٹس گل حسن اورنگزیب نے مزید کہا کہ حکومت بتائے کتنے تحائف کا فیڈرل بورڈ آف ریونیو (ایف بی آر) سے تخمینہ لگوایا؟ کس نے کیا تحفہ دیا یہ بات عوام کو بتانے سے تعلقات کیسے خراب ہوں گے۔

    ہائیکورٹ نے کیس کی مزید سماعت 2 ہفتے کے لیے ملتوی کر دی۔

    خیال رہے کہ ایک شہری کو وزیر اعظم کے تحائف کی تفصیلات دینے کا انفارمیشن کمیشن کا حکم کابینہ ڈویژن نے اسلام آباد ہائیکورٹ میں چیلنج کردیا تھا۔

    کابینہ ڈویژن نے عمران خان کو بطور وزیر اعظم ملنے والے تحائف کو کلاسیفائیڈ قرار دیا اور کہا تھا کہ سربراہان مملکت کے درمیان تحائف کا تبادلہ بین الریاستی تعلقات کا عکاس ہوتا ہے، ایسے تحائف کی تفصیل کے اجرا سے میڈیا ہائپ اور غیر ضروری خبریں پھیلیں گی۔

    کابینہ ڈویژن نے مزید کہا تھا کہ بے بنیاد خبریں پھیلنے سے مختلف ممالک کے ساتھ تعلقات متاثر ہوں گے اور ملکی وقار مجروح ہوگا۔

  • اوباما نے قیمتی تحائف سرکاری خزانے میں جمع کرادیے

    اوباما نے قیمتی تحائف سرکاری خزانے میں جمع کرادیے

    واشنگٹن: امریکی صدر باراک اوباما کو اپنے دور اقتدار میں بین الاقوامی شخصیات سے بیش قیمت تحفےملےجو انہوں نے سرکاری خزانے میں جمع کرادیے۔

    تفصیلات کےمطابق امریکی اسٹیٹ ڈپارٹمنٹ سے جاری تفصیلات کے مطابق باراک اوباما اورمشل اوباماکو بیرون ممالک دوروں میں کئی تحائف ملے۔

    صدر اوباما کو گھوڑے کا مجسمہ سعودی بادشاہ نے ستمبر 2015 میں دیا تھا۔چاندی سے بنے اس مجسمے پر سونے کا پانی چڑھا ہوا ہے اور یہ ہیرے، یاقوت، نیلم اور روبی کے پتھروں سے ڈھکا ہوا ہے۔اس مجسمے کی قیمت5لاکھ 23ہزار امریکی ڈالر ہے۔

    سعودی عرب نے ہی امریکی صدر کو ایک تلوار بھی تحفے میں دی تھی جس کا دستہ سونے اور روبی سے بنا تھا اور اس کی قیمت کا اندازہ 87 ہزار نو سو ڈالر لگایا گیا ہے۔

    شہزادہ ہیری نے صدر اوباما کو اپنی دستخط شدہ ایک تصویر تحفے میں دی ہے۔اس تصویر کی قیمت 450 ڈالر کے قریب ہے اور اسے امریکہ کی قومی آرکائیو کے انتظامی ریکارڈ میں بھجوا دیا گیا ہے۔

    قطر کے امیر نے صدر اوباما کو ایک ایسی گھڑی دی ہے جس پر پرندہ بنا ہوا ہےاس کی قیمت ایک لاکھ دس ہزار امریکی ڈالر کے قریب بتائی جاتی ہے۔

    امریکی صدر کو اور بھی کئی بیش قیمت تحائف ملے مگرانہوں نے تمام تحائف سرکاری خزانے میں جمع کرانے کی روایت برقرار رکھی۔

    واضح رہے کہ برطانوی وزیراعظم نے امریکی صدر کو ایک تانبے کی پلیٹ پر بنا فریم تحفے میں دیا تھا جس کی قیمت اندازاً دو ہزار 90 ڈالر ہے۔

  • میچ سے قبل پاکستانی اوربھارتی کرکٹ لیجنڈ زکیلئے تحائف

    میچ سے قبل پاکستانی اوربھارتی کرکٹ لیجنڈ زکیلئے تحائف

    کولکتہ : ورلڈ ٹی ٹونٹی کپ میں پاک بھارت میچ سے قبل بنگال کی وزیراعلٰی ممتا بنرجی نے پاکستانی اور بھارتی کرکٹ لیجنڈ ز کو تحفے دیئے، عمران خان نے بھی اسٹیڈیم میں خطاب کیا۔

    تفصیلات کے مطابق کولکتہ کے ایڈن گارڈن اسٹیڈیم میں میچ سے قبل بنگال کرکٹ ایسوسی ایشن کی جانب سے بنگال کی وزیراعلٰی ممتا بنرجی نے عمران خان کو چادر ،گلدستہ اور تحفہ دیا .

    وسیم اکرم اور وقار یونس کو چادرپہنائی گئی اورگلدستہ دیا گیا۔ گواسکر ،سہواگ اور سچن ٹنڈولکر ،لیجنڈاداکار امیتابھ بچن اور ابھشیک بچن کو تحائف اور لائف ٹائم اچیومنٹ ایوارڈ دیا گیا۔

    بعد ازاں پاکستانی اور بھارتی کرکٹ لیجنڈ ز نے اپنے خیالات کا اظہار کرتے ہوئے پاک بھارت میچ کے لئے نیک تمناؤں کا اظہارکیا۔