Tag: تحریک

  • عوام کرونا جیسی آفت سے نمٹنے کی تحریک میں ہمارا ساتھ دے،وزیراعظم

    عوام کرونا جیسی آفت سے نمٹنے کی تحریک میں ہمارا ساتھ دے،وزیراعظم

    اسلام آباد: وزیراعظم عمران خان کا کہنا ہے کہ عوام کرونا جیسی آفت سے نمٹنے کی تحریک میں ہمارا ساتھ دے۔

    تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ کرونا وائرس پر عوام آگے بڑھنا صورت حال کا تقاضا ہے۔

    وزیراعظم نے کہا کہ عوام کرونا جیسی آفت سے نمٹنے کی تحریک میں ہمارا ساتھ دے، کسی حکومتی فرمان کا انتظار کیے بغیر خود کوگھروں تک محدود رکھیں۔

    وزیراعظم پاکستان نے اپنے پیغام میں مزید کہا کہ عوام رضاکارانہ لاک ڈاؤن کی راہ اختیار کریں، جو محدود ہے وہ محفوظ ہے۔

    چین کی طرح ہم بھی وبا کو شکست دے سکتے ہیں، عوام حکومت پر اعتماد رکھے: وزیر اعظم

    اس سے قبل وزیر اعظم عمران خان نے قوم سے خطاب کرتے ہوئے کہا کہ ملک میں بحث چل رہی ہے کہ لاک ڈاؤن کر دینا چاہیئے، مکمل لاک ڈاؤن کا مطلب ہے شہریوں کو گھر میں بند کر کے پولیس اور فوج پہرا دے۔

    وزیر اعظم عمران خان کا کہنا تھا کہ مکمل لاک ڈاؤن نہیں کرسکتے، 25 فیصد پاکستانی غربت کی لکیر سے نیچے ہیں، لاک ڈاؤن کر دیا تو ان کا کیا بنے گا۔

  • بلاول بھٹو کا مہنگائی کے خلاف تحریک شروع کرنے کا اعلان

    بلاول بھٹو کا مہنگائی کے خلاف تحریک شروع کرنے کا اعلان

    کراچی: چیئرمین پیپلزپارٹی بلاول بھٹو زرداری نے مہنگائی کے خلاف مارچ سے تحریک شروع کرنے کا اعلان کر دیا۔

    تفصیلات کے مطابق کراچی میں تقریب سے خطاب کرتے ہوئے بلاول بھٹو زرداری نے کہا کہ ہماری جمہوری جدوجہد میں لیاری کا بڑا کردار ہے، اربن فاریسٹ کےنام سے منصوبہ شروع کر رہے ہیں۔

    پیپلزپارٹی کے سربراہ کا کہنا تھا کہ جلد ہی ملیر ندی پربھی اس طرح کا منصوبہ شروع ہوگا، جہاں زیادہ آلودگی ہوگی وہاں بھی ایسا منصوبہ شروع کریں گے، کم وسائل،سازشوں کے باوجود پوری توجہ ترقیاتی منصوبوں پر ہے۔

    بلاول بھٹو کا کہنا تھا کہ زیادہ محنت کرکے صوبے کو وسائل دلائیں گے، سندھ حکومت دیگرصوبوں کے مقابلے زیادہ کام کر رہی ہے، یہ حکومت معاشی حقوق چھیننے کی کوشش کر رہی ہے۔

    انہوں نے تقریب سے خطاب کرتے ہوئے کہا کہ اس سال بھی140 بلین روپے این ایف سی کے تحت کم ملے، 140بلین روپے ملتے تو غریبوں کے لیے گھر بناسکتے تھے۔

    چیئرمین پیپلزپارٹی کا کہنا تھا کہ وفاق حکومت آئی ایم ایف کے ساتھ دوبارہ بات کرے، عوام کے حقوق پر سودے بازی نہیں ہونی چاہیے۔ انہوں نے مزید کہا کہ مارچ سے پورے ملک میں ایک جدوجہدشروع کریں گے۔

    لیاری ایکسپریس وے کے دونوں اطراف ایک ملین درخت لگائیں گے، وزیراعلیٰ سندھ

    اس سے قبل وزیراعلیٰ سندھ مراد علی شاہ کا کہنا تھا کہ لیاری ایکسپریس وے کے دونوں اطراف ایک ملین درخت لگائیں گے۔

  • جرمن پارلیمنٹ میں اسرائیل مخالف تحریک کی مذمت  جانبداری قرار

    جرمن پارلیمنٹ میں اسرائیل مخالف تحریک کی مذمت جانبداری قرار

    برلن : فلسطینی تنظیم نے مؤقف اختیار کیا ہے کہ بائیکاٹ تحریک کی مذمت کے اقدام نے جرمنی کے جمہوری ملک ہونے کے دعوے کی نفی کردی۔

    تفصیلات کے مطابق جرمنی کی پارلیمان میں اسرائیلی ریاست کے بائیکاٹ کی عالمی تحریک بی ڈی ایس کی مذمت کے فیصلےپر فلسطینی سیاسی اور عوامی حلقوں کی طرف سے شدید ردعمل سامنے آیا ہے۔

    مرکز اطلاعات فلسطین کے مطابق فلسطین کی قومی سیاسی اور مزاحمتی تنظیم پاپولر فرنٹ برائے آزادی فلسطین کی طرف سے جاری ایک بیان میں کہا گیاکہ جرمنی کی پارلیمنٹ میں بی ڈی ایس کی مذمت میں قرارداد کی منظوری اسرائیلی ریاست کی اندھی طرف داری، شرمناک اقدام اور مظلوم فلسطینی قوم کے حقوق کی نفی کے مترادف ہے۔

    پاپولر فرنٹ کی طرف سے جاری بیان میں کہا گیا کہ جرمن پارلیمان میں اسرائیلی ریاست کے بائیکاٹ کی تحریک کی مذمت کے اقدام نے جرمنی کے جمہوری ملک ہونے کے دعوے کی نفی کردی۔

    بیان میں مزید کہا گیا کہ جرمنی پارلیمنٹ میں عالمی بائیکاٹ تحریک کی مذمت اسرائیلی جرائم پر پردہ ڈالنے اور یورپی ملکوں میں انسانی حقوق کے لیے اٹھنے والی آوازوں کو دبانے کی مجرمانہ کوشش ہے۔

    بیان میں کہا گیا کہ جرمنی کو بین الاقوامی قوانین کا احترام کرتے ہوئے جمہوریت، آزادی، انسانی حقوق اور فلسطینی قوم کے بنیادی حقوق اور مطالبات کا احترام کرتے ہوئے بی ڈی ایس تحریک کی مخالفت کے بجائے اس کی حمایت کرنی چاہیے۔

  • آصف زرداری، مولانا فضل الرحمان میں عید کے بعد حکومت مخالف تحریک چلانے پر اتفاق

    آصف زرداری، مولانا فضل الرحمان میں عید کے بعد حکومت مخالف تحریک چلانے پر اتفاق

    اسلام آباد: پاکستان پیپلز پارٹی کے شریک چیئرمین آصف علی زرداری اور جے یو آئی  (ف) کے سربراہ مولانا فضل الرحمان نے عید کے بعد حکومت کے خلاف تحریک چلانے پر اتفاق کیا ہے۔

    تفصیلات کے مطابق دونوں‌ رہنما متفق ہیں‌کہ رمضان میں عوام کے مسائل مزید بڑھ جائیں گے، عوامی کا ردعمل تحریک کو جلا بخشے گا۔

    [bs-quote quote=”عید کے بعد تحریک نہ چلائی تو اپوزیشن کا شیرازہ بکھر سکتا ہے” style=”style-8″ align=”left” author_name=”آصف زرداری”][/bs-quote]

    موصولہ اطلاعات کے مطابق آصف زرداری نے تحریک کے لئے نوازشریف کو پیغام بھجوا دیا، جس میں کہا گیا ہے کہ عید کے بعد تحریک نہ چلائی تو اپوزیشن کا شیرازہ بکھر سکتا ہے۔

    ن لیگ اگر تحریک حکومت مخالف تحریک کا حصہ نہ بنی، تو ن لیگ کو نقصان کا خدشہ ہے۔

    مزید پڑھیں: فضل الرحمان نے زرداری کو نواز شریف سے ملاقات کے لیے راضی کرلیا

    آصف علی زر داری نے کہا ہے کہ عوامی تحریک کے بغیر  پیپلز پارٹی بھی خود نقصان سے نہیں بچا سکے گی۔ پیپلز پارٹی کے ذرائع کے مطابق حکومت کی کمزوریوں کا فائدہ اٹھانے کے لئے عید کے بعد عوامی تحریک ناگزیر ہے۔آصف علی زر داری نے موقف اختیار کیاکہ اپوزیشن نے تحریک نہ چلائی تو عوام خود سڑکوں پرآئیں گے۔

    ذرائع کے مطابق مولانا فضل الرحمن اور آصف زرداری ہر صورت تحریک چلانے کے لئے پر عزم ہیں، نوازشریف کے جواب کے بعد حتمی فیصلہ کیا جائےگا۔

  • بلاول کی تحریک ابو بچاؤ نہیں ابومرواؤ تحریک ہے، شیخ رشید

    بلاول کی تحریک ابو بچاؤ نہیں ابومرواؤ تحریک ہے، شیخ رشید

    راولپنڈی : وفاقی وزیر ریلوے شیخ رشید کا کہنا ہے کہ بلاول بھٹو زرداری کے مارچ میں دیہاڑی والے لوگ شامل ہیں، ٹرین میں 714 سیٹیں دی گئیں وہ بھی پوری نہیں۔

    تفصیلات کے مطابق وفاقی وزیر ریلوے شیخ رشید نے چیئرمین پاکستان پیپلز پارٹی بلاول بھٹو زرداری پر تنقید کرتے ہوئے کہا ہے کہ بلاول کی یہ تحریک ابو بچاؤ تحریک نہیں بلکہ ابو مرواؤ تحریک ہے۔

    شیخ رشید کا کہنا تھا کہ بلاول بھٹو اثر سے نکل آئے تو اپنی سیاست کرسکیں گے، ہم نے ٹرین کے کرائے کی مد میں 10 لاکھ 44 ہزار روپے وصول کیے ہیں۔

    وفاقی وزیر ریلوے کا کہنا تھا کہ ریلوے حکام نے اتنے ہی پیسے لیے ہیں جتنے بنتے تھے، زیادہ نہیں لیے، اگر ٹرین کو کوئی نقصان پہنچا تو اس کے پیسے الگ سے وصول کریں گے۔

    اس سے قبل شیخ رشید احمد نے کہا تھا کہ بلاول اگرکرپشن کے خلاف ہوتا تو قومی ہیرو ہوتا، اس نے اپنی زندگی میں حماقت کی ہے۔

    مزید پڑھیں : بلاول بھٹو کی قیادت میں ٹرین مارچ نواب شاہ پہنچ گیا

    خیال رہے کہ چیئرمین پیپلز پارٹی بلاول بھٹو زرداری کا حکومت مخالف ٹرین مارچ رات نواب شاہ پہنچا تھا، ٹرین مارچ کے شرکا رات نواب شاہ میں قیام کے بعد کچھ دیر بعد براستہ سکھر اسٹیشن لاڑکانہ کےلیے روانہ ہوں گے۔

    بلاول بھٹو کا کہنا تھا کہ احتساب پر اعتراض نہیں، پر احتساب کے نام پر سیاسی انتقام قبول نہیں، یہ آپ کے حقوق اور وسائل چھیننا چاہتے ہیں، یہ شہید بھٹو کے دیے ہوئے آئین کو ختم کرنا چاہتے ہیں، ہم آئین پر آنچ نہیں آنے دیں گے۔

  • مقبوضہ کشمیرکی ہرعورت انصاف چاہتی ہے‘ مشعال ملک

    مقبوضہ کشمیرکی ہرعورت انصاف چاہتی ہے‘ مشعال ملک

    اسلام آباد: حریت رہنما یاسین ملک کی اہلیہ مشعال ملک کا کہنا ہے کہ کشمیرکی تحریک آزادی میں شریک خواتین کومظالم کا سامنا ہے۔

    تفصیلات کے مطابق چیئرمین جموں وکشمیر لبریشن فرنٹ یاسین ملک کی اہلیہ مشعال ملک نے خواتین کےعالمی دن پراپنے پیغام میں کہا کہ مقبوضہ کشمیرکی ہرعورت انصاف چاہتی ہے۔

    انہوں نے کہا کہ مقبوضہ کشمیرمیں بھارتی فوج عصمت دری کوبطور ہتھیاراستعمال کرتی ہے، مقبوضہ کشمیرمیں سب سے بڑی تعداد میں آدھی بیوہ خواتین ہیں۔

    مشعال ملک نے اپنے پیغام میں مزید کہا کہ کشمیرکی تحریک آزادی میں شریک خواتین کومظالم کا سامنا ہے، مقبوضہ کشمیرمیں خواتین کوحقوق کب ملیں گے۔

    آج پاکستان سمیت دنیا بھر میں خواتین کا عالمی دن منایا جارہا ہے

    واضح رہے کہ پاکستان سمیت دنیا بھر میں آج خواتین کا عالمی دن منایا جارہا ہے، اس دن کو منانے کا مقصد خواتین کی سماجی، سیاسی اور اقتصادی جدوجہد کو خراج تحسین پیش کرنا ہے۔

    خواتین کا عالمی دن کیوں منایا جاتا ہے؟

    آج سے تقریباً سو سال قبل نیو یارک میں کپڑا بنانے والی ایک فیکٹری میں مسلسل دس گھنٹے کام کرنے والی خواتین نے اپنے کام کے اوقات کار میں کمی اور اجرت میں اضافے کے لیے آواز اٹھائی تو ان پر پولیس نے نہ صرف وحشیانہ تشدد کیا بلکہ ان خواتین کو گھوڑوں سے باندھ کرسڑکوں پرگھسیٹا گیا تاہم اس بد ترین تشدد کے بعد بھی خواتین نے جبری مشقت کے خلاف تحریک جاری رکھی۔

    خواتین کی مسلسل جدوجہد اور لازوال قربانیوں کے نتیجے میں 1910 میں کوپن ہیگن میں خواتین کی پہلی عالمی کانفرنس منعقد ہوئی، جس میں 17 سے زائد ممالک کی سو کے قریب خواتین نے شرکت کی۔

    اس کانفرنس میں عورتوں پر ہونے والے ظلم واستحصال کا عالمی دن منانے کا فیصلہ کیا گیا۔ اقوام متحدہ نے 1656 میں 8 مارچ کو عورتوں کے عالمی دن کے طورپرمنانے کا فیصلہ کیا۔

  • بے دلی اور بیزاری سے نجات پانے کے طریقے

    بے دلی اور بیزاری سے نجات پانے کے طریقے

    ہم میں سے اکثر افراد اپنی زندگی میں بوریت کا شکار ہوجاتے ہیں۔ بعض دفعہ ایسا بھی ہوتا ہے کہ ہمارا کوئی کام کرنے کو دل نہیں چاہتا۔ دراصل یہ علامت ڈپریشن اور ٹینشن کی نشانی ہیں۔

    بوریت اور بے دلی اس وقت پیدا ہوتی ہے جب آپ ایک ہی کام کافی عرصے تک کرتے رہیں۔ اس بے دلی سے جان چھڑانے کا سب سے آسان طریقہ تو یہ ہے کہ کوئی نیا کام کریں۔

    اپنے دفتر سے چند دن کی چھٹی لیں اور کسی پر فضا مقام پر چلے جائیں۔ کوئی فلم دیکھیں یا کوئی اچھی کتاب پڑھیں۔ یہ سب آپ کی بے دلی کو ختم کرے گا اور آپ کو پھر سے کام کی طرف متوجہ کرے گا۔

    ماہرین کے مطابق اس بے دلی اور کاہلی سے جان چھڑانے کے کچھ مفید طریقے ہیں جنہیں اپنا کر آپ اپنی صلاحیتوں کو مہمیز کر سکتے ہیں اور خود کو کام کرنے کی تحریک دلا سکتے ہیں۔


    تازہ ہوا سے لطف اٹھائیں

    بے دلی ختم کرنے کے لیے صبح یا شام کے وقت کسی پارک میں چلے جائیں اور تازہ ہوا سے لطف اندوز ہوں۔ سبزہ زار کو دیکھنا دماغ کو سکون پہنچاتا ہے۔

    باغ میں بھانت بھانت کے لوگوں اور ان کے مشغلوں کو دیکھنا بھی آپ کی توجہ وقتی طور پر اپنے اوپر سے ہٹا دے گا اور آپ اپنے آس پاس موجود چیزوں سے لطف اندوز ہوں گے۔

    اسی طرح چہل قدمی کرنا بھی اعصاب اور دماغ کو پرسکون کرتا ہے۔ پارک میں جا کر ٹھنڈی ہوا میں چہل قدمی کرنا دماغی و جسمانی صحت کے لیے فائد مند ہیں۔


    زندگی کا مقصد بنائیں

    اپنی زندگی کا کوئی مقصد بنائیں اور روز قدم قدم اس کی جانب بڑھیں۔ یاد رکھیں اگر آپ کی زندگی کا کوئی مقصد ہے تو آپ کبھی نا امید اور مایوس نہیں ہوں گے۔

    اس کے برعکس اگر آپ کسی مقصد کے بغیر زندگی جی رہے ہیں تو بہت جلد آپ اپنی زندگی سے اکتا جائیں گے اور پھر کوئی چیز آپ کو خوشی نہیں دے سکے گی۔


    اپنے آپ کو ’ٹریٹ‘ دیں

    اپنے آپ کو کوئی خوشی دینا بھی ضروری ہے۔ اپنی پسند کی کوئی نئی کتاب خریدیں، یا کسی ایسی جگہ شام گزاریں جہاں آپ جانا چاہتے ہوں۔ بغیر کسی تفریح کے ہر وقت کام آپ میں اداسی اور چڑچڑاہٹ پیدا کردیتا ہے۔

    یہ ضروری ہے کہ آپ کچھ وقت اپنے لیے نکالیں اور کام کے بوجھ سے آزاد ہو کر اپنے آپ کو ٹریٹ دیں۔


    چیزوں کو منظم کریں

    بعض دفعہ بہت زیادہ بکھراؤ بھی زندگی میں سستی اور بے دلی پیدا کردیتا ہے۔ اس سے بچاؤ کا آسان حل یہ ہے کہ اپنے تمام کاموں کی ایک فہرست بنائیں اور ترجیحات کے مطابق ان کاموں کو نمٹاتے جائیں۔

    زیر التوا کاموں کی تکمیل بھی آپ کو خوشی دے گی اور آپ نیا کام کرنے کی طرف متوجہ ہوں گے۔


    کافی کا استعمال

    چائے یا کافی میں موجود کیفین فوری طور پر آپ کے دماغ کو جگا کر اسے متحرک کردیتی ہے۔ اگر آپ تھکن یا سستی محسوس کر رہے ہیں تو ایک کپ کافی جادو کا اثر کرسکتی ہے۔

    ماہرین کے مطابق سیب کھانا بھی دماغ کو متحرک کرتا ہے اور یہ صحت کے لیے بھی مفید ہے۔ اسی طرح منہ پر ٹھنڈے پانی کے چھپاکے مارنا بھی وقتی طور پر آپ کی تھکن دور بھگا دے گا۔

    ان طریقوں پر عمل کریں اور پھر ہمیں بتائیں کہ آپ دماغی طور پر کتنے متحرک ہوئے۔


    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • شہبازشریف نے پنجاب کو کنگال کردیا، چودھری پرویزالہی

    شہبازشریف نے پنجاب کو کنگال کردیا، چودھری پرویزالہی

    لاہور: مسلم لیگ ق کے مرکزی رہنما چودھری پرویزالہی نے کہا ہے کہ شہبازشریف نے پنجاب کو کنگال کردیا، جن منصوبوں سے پیسے بنتے ہیں حکومت وہ منصوبے لگا رہی ہے، مسلم لیگ ق طاہرالقادری کے17جون کے دھرنے میں شرکت کرے گی۔

    لاہور میں پریس کانفرنس کرتے ہوئے چودھری پرویز الہی نے کہا کہ پاناما لیکس پر حکومت اور اپوزیشن میں ڈیڈ لاک برقرار ہے 17 جون کو پاکستان عوامی تحریک کے دھرنے میں بھرپور شرکت کریں گے۔

    انہوں نے کہا کہ پنجاب کا بجٹ عوام دشمن بجٹ ہے جسے مسترد کرتے ہیں، حکومت کی ترجیحات صحت تعلیم نہیں بلکہ جنگلا بس اور اورنج ٹرین ہے۔

    چودھری پرویزالہی نے کہا کہ شہبازشریف سب سے بڑے شعبداباز ہیں انکی پالیسیوں نے پنجاب کو کنگال کردیا ہے ، انہوں نے کہا کہ پانامالیکس پر مونس الہی سمیت ہم احتساب کے لیے تیار ہیں لیکن وزیر اعظم کا بھی احتساب ہونا چاہیے۔

  • متفقہ قراردادکےذریعےسعودیہ کی حمایت کااعلان کیاجائے، پرویزالہی

    متفقہ قراردادکےذریعےسعودیہ کی حمایت کااعلان کیاجائے، پرویزالہی

    لاہور: مسلم لیگ ق کےمرکزی رہنماچوھدری پرویز الٰہی نے مطالبہ کیا ہے کہ پارلیمنٹ متفقہ قرارداد کے ذریعے سعودی عرب کا ساتھ دینے کا اعلان کرے۔

    ایک بیان میں پرویز الہی کا کہنا تھا کہ سعودی عرب نے ہر مشکل وقت میں کھل کرپاکستان کاساتھ دیا، قوم کافرض ہےکہ وہ بھی سعودی عرب کا ساتھ دے۔

    انہوں نے پارلیمنٹ کے مشترکہ اجلاس کا خیرمقدم کرتے ہوئے کہا کہ پارلیمنٹ کی طرف سے پوری دنیا کو متفقہ طور پر یہ پیغام جانا چاہیئے کہ حرمین شریفین کے دفاع کیلئے پاکستانی قوم اور مسلح افواج سیسہ پلائی دیوار ثابت ہوں گی۔

  • پاکستان مسلم لیگ ق نے کالاباغ ڈیم بنانے کیلئے مہم چلانے کااعلان کردیا

    پاکستان مسلم لیگ ق نے کالاباغ ڈیم بنانے کیلئے مہم چلانے کااعلان کردیا

    اسلام آباد: پاکستان مسلم لیگ ق نے کالاباغ ڈیم بنانے کیلئے مہم چلانے کااعلان کردیا،چوہدری پرویز الہیٰ کہتے ہیں ڈیم کے حق میں بائیس نومبر کو بہاولپور میں جلسہ ہوگا، نام کا مسئلہ ہے تو کالاباغ کو پاکستان ڈیم کا نام دے دیا جائے۔

    اسلام آباد میں کالاباغ ڈیم کے معاملے پر سیمینار منعقد ہوا جس  سے خطاب میں چوہدری پرویز الہیٰ نے کالا باغ ڈیم کے حق میں ملک گیر مہم چلانے کا اعلان کردیا،مسلم لیگ ق کے سینئر رہنما چوہدری پرویز الہیٰ نےکہا بلاوجہ کالا باغ ڈیم کی مخالفت کی جا رہی ہے، کسی کوکالاباغ پسند نہیں تو اس کا نام کوپاکستان ڈیم رکھ دیا جائے۔

    چوہدری پرویز الہیٰ نے بتایا کہ انہوں نے اپنے دور میں دیگر تینوں وزراء اعلی کو کہا تھا کہ کالاباغ ڈیم پردستخط کریں اور پنجاب کوکچھ نہ دیں، چوہدری پرویز الہیٰ نے کانفرنس کے بعد میڈیا سے بات چیت کرتے ہوئے اعلان کیا قاف لیگ بائیس نومبر کو کالاباغ ڈیم کے حق میں بہاولپور میں جلسہ کرے گی۔

    کانفرنس میں دیگر مقررین نے بتایا کالا باغ ڈیم سے ماہانہ چھتیس سومیگاواٹ بجلی پیدا ہوگی، جس کی قیمت دوروپے فی یونٹ ہوگی۔ اور چاروں صوبوں کوپانی کا وافر ذخیرہ بھی میسرہوگا۔