Tag: تحریکِ انصاف کے رہنماء

ملتان: تحریک انصاف کے رہنماء شاہ محمود قریشی کا کہنا ہے کہ حکومت جرگے کوئی اہمیت نہیں دے رہی اور نہ ہی جرگے کی تجاویز پرعمل کررہی ہے۔

اسلام آباد میں پارلیمانی کمیٹی کے اجلاس بعد میڈیا سے گفتگو کرتے ہوئے شاہ محمود قریشی کا کہنا تھا کہ حکومت کی حکمت عملی مناسب نہیں تحریک انصاف آئین کا احترام کرتی ہے اور جمہوری طریقے سے مذاکرات کی حامی ہے۔

استعفوں کے معاملے پر شاہ محمود قریشی کا کہنا تھا کہ تحریک انصاف کہ ارکان پارلمینٹ نے اجتماعی طور اسپیکر قومی اسمبلی کے سامنے پیش ہونے فیصلہ کیا ہے، تحریک انصاف کی پارلیمانی کمیٹی کے اجلاس میں شیریں مزاری،عارف علوی سمیت دیگر رہنماء شریک ہوئے تاہم عمران خان نجی مصروفیت کے باعث اجلاس میں شریک نہ ہوسکے۔

لاہور: پاکستان تحریک انصاف کے وائس چئیرمین شاہ محمود قریشی نے کہا ہے کہ نوازشریف کے استعفے کا مطلب کسی ایک شخص کو اقتدار سے الگ کرنا نہیں بلکہ دھونس اور دھاندلی کے نظام کو دفن کرنا ہے۔

لالک جان چوک میں تحریک انصاف کی جانب سے دئیے جانے والے دھرنے سے خطاب کرتے ہوئے شاہ محمود قریشی نے کہا کہ اب پاکستانی سیاست میں وہ پڑھا لکھا طبقہ اپنا حق لینے کے لیے باہر نکلا ہے جس کا اس سے پہلے سیاست سے کوئی تعلق نہیں تھا کیونکہ وہ سمجھتے ہیں اب خاموش رہنا اپنی نسلوں پر ظلم کرنے کے مترادف ہوگا۔

انہوں نے کہا کہ پاکستان کے لوگ صرف چہروں کی تبدیلی نہیں چاہتے بلکہ وہ اس سوچ کو تبدیل کرنا چاہتے ہیں جس نے پاکستان کو تباہ کیا ہے ، شاہ محمود قریشی نے کہا کہ لالک جان چوک آزادی کا ایک نشان بن چکا ہے اور جب پاکستان کے ہرلالک جان چوک سے آزادی کی آوازیں اٹھیں گی تو غربت اور بے روزگاری کی دیواریں خودگر پڑیں گی۔

انہوں نے امیدظاہر کی کہ کل اسلام آباد ہائیکورٹ سے کنٹینر ہٹانے کا فیصلہ آجائے گا مگر وہ لوگ انتہائی ناسمجھ ہیں جو کنٹینررکھ کرعمران خان کو عوام سے دور کرنا چاہتے ہیں۔

لاڑکانہ: تحریکِ انصاف کے رہنماء شاہ محمود قریشی ممتاز بھٹو سے ملاقات کیلئےلاڑکانہ پہنچ گئے ہیں، شاہ محمود قریشی ممتاز بھٹو کو عمران خان کا خصوصی پیغام پہنچائیں گے اور انکو تحریکِ انصاف میں شمولیت کی دعوت دیں گے۔

تحریکِ انصاف کے وائس چیئرمین شاہ محمود قریشی سندھ کے دورے کےدوران لاڑکانہ پہنچ گئے ہیں، اس موقع پر شاہ محمود قریشی کا کہنا تھا کہ تحریکِ انصاف اب سندھ میں بھر پور طریقے سے داخل ہوگئی ہے اور عوامی دباؤ کی وجہ سے سندھ کا وڈیرہ بھی تحریکِ انصاف میں آنا شروع کرے گا۔

انکا کہنا تھا کہ سندھ کے متعدد وڈیرے اور سیاستدان تحریک انصاف سے رابطے میں ہیں اور شمولیت اختیار کرنا چاہتے ہیں۔

انہوں نے کہا ہے کہ عوام آزاد اور خود مختار الیکشن کمیشن چاہتے ہیں، انہوں نے مزید کہا ہے کہ تحریکِ انصاف نےعوامی سیاست کی تو پنجاب سے مکمل حمایت ملی اورعوامی سیاست کے باعث پنجاب میں پیپلز پارٹی کی جگہ لے لی ہے۔

شاہ محمود قریشی کا کہنا تھا کہ سندھ کے ہر ضلع میں پی ٹی آئی کا پیغام لے کر جاؤں گا، میرے خیال میں سندھ بھی تبدیلی کے لئے تیار ہے۔