Tag: تحریکِ انصاف کے چیئرمین عمران خان

اسلام آباد : پاکستان تحریک انصاف کے چیئر مین عمران خان نے کہا ہے کہ پاناما لیکس کیس کے معاملے پر آج سپریم کورٹ میں ہونے والی کارروائی سے مطمئن ہوں۔

بنی گالا میں اپنی رہائش گاہ کے باہر میڈ یا سےگفتگو کرتے ہوئے عمران خان نے کہا کہ آپ حیران ہوں گے کہ ہم پاناما کیس پر آج کی عدالتی کارروائی سے مطمئن ہیں ،معزز جج صاحبان کے ریکارکس سے پتہ چلتا ہے کہ وہ خود اس کیس کو جلد از جلد منطقی انجام تک پہنچانا چاہتے ہیں۔

انہوں نے کہا کہ ا س کیس سے پاکستان میں ایک نئی تاریخ رقم ہو رہی ہے،معزز جج صاحبان کا وزیراعظم پاکستان کی تین مختلف تقاریر اور اثاثے سے متعلق ریمارکس حوصلہ افزاء ہیں، آج پہلے سے زیادہ پر امید ہوں کہ کیس کا نتیجہ پاکستان کے لیے مثبت ثابت ہو گا۔

انہوں نے کہا کہ عدالت نے ریمارکس دیئے ہیں کہ وزیراعظم نے اپنی پراپرٹی کی تفصیلات بتاتے ہوئے تین مختلف بیانات دیے ہیں اور اب قطری شہزادے کے خط سے مزید سوالات اور انکشافات پیدا ہو گئے ہیں۔

چیئرمین عمران خان نے کہا کہ آج عدالت میں حامد خان نے وزیراعظم کے پراپرٹی تفصیلات سے متعلق بیانات سنوائے جن میں تضاد تھا ،عدالت نے بھی ریمارکس دئیے کہ وزیراعظم کے بیانات میں تضاد ہے جس کا اثر پڑ سکتا ہے۔

انہوں نے کہا کہ ملک میں حقیقی جمہوریت ہوتی تو وزراء یوں درباری بن کر عدالت میں موجود نہ ہوتے کتنی عجیب بات ہےکہ کیس نواز شریف اور ان کے اہل خانہ کے خلاف ہے اور دفاع وزراء کرتے نظر آ رہے ہیں۔

اسلام آباد : پاکستان تحریک انصاف کے چیئرمین عمران خان نے پنجاب پولیس کو مسلم لیگ ن کا عسکری ونگ قرار دیتے ہوئے کہا کہ کراچی کی طرح پنجاب باالخصوص لاہور میں بھی رینجرز آپریشن کیا جائے۔

تفصیلات کے مطابق پاکستان تحریک انصاف کے چیئرمین عمران خان نے لاہو رمیں رینجرز آپریشن کا مطالبہ کر تے ہوئے کہا پنجاب پولیس ایک ادارہ نہیں بلکہ مسلم لیگ (ن) کا عسکری ونگ ہے جب کہ لاہور میں ٹارگٹ کلنگ میں بے پناہ اضافہ ہو گیا ہے اس لیے کراچی کے طرز پر صوبائی دارلحکومت میں بھی رینجرز کے ذریعے جرائم کش آپریشن کروایاجائے۔

My statement demanding Ranger's actions being conducted in Karachi be extended to Lahorehttps://t.co/Easy18DcdQ pic.twitter.com/TAgUBfKsdC

— Imran Khan (@ImranKhanPTI) August 21, 2016

یہ بیان انہیں نے سماجی رابطے کی ویب سائٹ ٹویٹر پرجاری کیا جس میں انہوں نے تحریک انصاف کے رہنما مرزا تنویر کی ٹارگٹ کلنگ کی مزمت کرتے ہوئے بتایا کہ تنویر پی ٹی آئی کے دوکارکنوں جنہیں بلدیاتی انتخابات کے دوران حمزہ شریف کے حلقے میں قتل کیا گیا تھا کے مدعی تھے انہیں شروع سے ہی دھمکیاں مل رہی تھیں لیکن حکومت پنجاب نے اُن کی حفاظت کا کوئی انتظام نہیں کیا جس کے باعث وہ باآسانی ہدف بن گئے۔

راولپنڈی : تحریک انصاف کی احتساب ریلی لیاقت باغ پہنچ گئی، سربراہ عمران خان نے خطاب کرتے ہوئے کہا ہے کہ اگر ریلی راولپنڈی سے اسلام آباد اور پھر آخری مرحلے میں لاہور پہنچ گئی تو میاں صاحب کو جدہ جانے کا بھی موقع نہیں ملے گا۔

Imran warns of big protest if action not taken… by arynews

احتساب ریلی کے آغاز پر لیاقت باغ میں عوام کے جم غفیر سے خطاب کرتے ہوئے کہا کہ تحریک انصاف کے سربراہ نے کہا کہ اس ریلی کا مقصد پرامن نئے پاکستان کا حصول ہے، یہ عزم کرناہے کہ ملک کے خلاف سازشوں کو مل کر ناکام بنائیں گے،اس ریلی کو اسلام آباد کی طرف لے کر جارہاہوں جہاں یوم آزادی کا جشن منائیں گے۔

اسی سے متعلق : تحریک انصاف آج راولپنڈی سے اسلام آباد تک ریلی نکالے گی

اس موقع پر انہوں نے کہا کہ دنیا میں قومیں 2وجوہات کی بنا پر ترقی کرتی ہیں ایک یہ کہ لوگوں کو تعلیم ، صحت اور دیگر ضروریات زندگی ملیں اور دوسری چیز اداروں کو مضبوط کرکے قومیں آگے بڑھتی ہیں، جب کہ کرپشن اداروں کو تباہ کردیتی ہے،عوام پر پیسہ خرچ کرنے سے ترقی ہوتی ہے لیکن جب عوام کا پیسہ عوام پرخرچ کرنے کے بجائے حکمرانوں کے پیٹ میں جائےتو ملک تباہ ہو جاتے ہیں۔

انہوں نے وزیر اعظم کومخاطب کرتے ہوئے سوال کیا کہ نوازشریف جواب دیں کہ دنیا بھر میں پھیلی ہوئی اربوں روپے کی بنائی گئی جائیداد کے لیے پیسہ کہاں سے آیا اور کس راستے بیرون ملک منتقل ہوا؟ اگر کوئی بینک ٹرانزیکشن سے تو سامنے لائی جائے۔

عمران خان نے قومی احتسابی ادارے نیب کو مخاطب کرتے ہوئے کہا کہ بڑے بڑے چوروں کو تو پکڑ لیتے ہو جب کہ بڑے بڑے ڈاکوؤں کو چھوڑ دیتے ہو،وزیر اعظم اور اُن کے اہل خانہ کی کی گئی کرپشن کے معاملات تو زبان زد عام ہیں لیکن نیب کوئی کارروائی نہیں کررہی ہے۔

ایف بی آر کو آڑے ہاتھوں لیتے ہوئے چیئرمین تحریک انصاف نے کہا کہ معمولی تنخواہ دارٹیکس نہ دے تو اس کا جینا حرام کر دیاجاتا ہے لیکن وزیر اعظم کے اثاثہ جات چھپانے اور ٹیکس چوری کرنےکے ثبوت ملنے کے باوجود کوئی کارروائی نہیں کی گئی ایف بی آر میں ایسے لوگ ہیں ہیں جو نوازشریف اور ان کے اہل خانہ کے کے ٹیکس گوشواروں کو ٹھیک کرتے ہیں اورچھپاتے ہیں ان تمام لوگوں کے نام بتاوں گا۔

انہوں نے الیکشن کمیشن سے اپیل کی کہ اثاثہ جات چھپانے پر وزیر اعظم کے خلاف فوری کارروائی کرے،وزیر اعظم اثاثہ جات چھپانے کے بعد سے صادق و امین نہیں رہے ہیں اس لیے ان کی اسمبلی کی رکنیت ختم کی جائے۔

اگر نیب، ایف بی آر اور الیکشن کمیشن نے وزیر اعظم کے خلاف کارروائی سے گریز کیا تو دیکھ لیں کہ عوام سڑکوں پر نکل آئی ہے اس لیے ابھی سے اپنا قبلہ کر لیں ورنہ پھر عوام فیصلہ کرے گی اور تب کسی کو کہیں پناہ نہیں ملے گی اور اس بار میاں صاحب کو جدہ جانےکا بھی موقع نہیں ملے گا۔