Tag: تحریک انصاف میں شامل

لاہور: پی ٹی آئی نے ن لیگ کی ایک اور اہم وکٹ گرا دی، مسلم لیگ ن کے سابق ایم پی اے رائے حیدر علی تحریک انصاف میں شامل ہوگئے۔

تفصیلات کے مطابق جڑانوالہ سے مسلم لیگ ن کے سابق ایم پی اے رائے حیدر علی نے تحریک انصاف میں شمولیت اختیار کرلی۔

چیئرمین پی ٹی آئی عمران خان سے رائے حیدر علی خان نے ساتھی سمیت ملاقات کی، جس میں عمران خان کی قیادت اور پی ٹی آئی کے سیاسی ایجنڈے کی بھرپور تائید کا اعلان کیا۔

رائے حیدر علی نے کہا کہ عمران خان فسطائیت کیخلاف جدوجہد، قومی قیادت کی اہلیت کا لوہا منوا چکے، عمران خان کی سیاست کاجواب فسطائیت سے دیا جارہا ہے۔

مشکلات سے نکل کر ترقی کی راہ پر چلتی معیشت تباہ کردیاگیا، حقیقی آزادی کی جدوجہد عمران خان کے شانہ بشانہ لڑیں گے۔

عمران خان نے رائے حیدر علی کی ساتھیوں سمیت پی ٹی آئی میں شمولیت کا خیر مقدم کیا۔

خیال رہے رائے حیدر علی خان پی پی 101 جڑانوالہ سے پنجاب اسمبلی کے رکن منتخب ہوئے تھے۔

لاہور : مسلم لیگ ق تحریک انصاف میں شامل ہونے کا حتمی فیصلہ نہ کر سکی، اجلاس میں چوہدری پرویز الٰہی کی قیادت پر اعتماد کا اظہار کردیا۔

تفصیلات کے مطابق وزیراعلیٰ پنجاب چوہدری پرویز الٰہی کی زیر صدارت مسلم لیگ قائداعظم کا مشاورتی اجلاس لاہور میں منعقد ہوا۔

اجلاس میں چوہدری وجاہت حسین، حسین الٰہی، سینیٹر کامل علی آغا، حافظ عمار یاسر اور دیگر رہنما شریک ہوئے۔

اجلاس میں پاکستان تحریک انصاف کے ساتھ ضم ہونے کے حوالے سے تفصیلی مشاورت کی گئی، شرکا نے پی ٹی آئی کیساتھ ضم ہونے کے حوالے سے اپنی تجاویز پیش کیں۔

اجلاس میں شرکا کی جانب سے چوہدری پرویزالٰہی کی قیادت پر مکمل اعتماد کا اظہار کرتے ہوئے انہیں تمام فیصلوں کا اختیار تفویض کر دیا گیا۔

مسلم لیگ ق کے اجلاس میں مشاورتی عمل کو مزید بڑھانے کا فیصلہ کرتے ہوئے کہا کہ ضلع کی سطح پر پارٹی عہدیداران سے بھی مشاورت کی جائے گی۔

اجلاس میں فیصلہ کیا گیا کہ تمام ضلعی عہدیداران کےاجلاس منعقد کیے جائیں گے، مسلم لیگ ہاؤس میں بھی عہدیداران کا اجلاس بلایا جائے گا، جس میں چوہدری پرویزالٰہی خودبھی عہدیداران سےخطاب کریں گے۔

صدر خواتین ونگ پنجاب خواتین عہدیداران سے مشاورت کاآغازکریں گی اور وکلا ونگ، لیبر، اقلیتی، یوتھ، علما، کسان، تاجر، ڈاکٹر سمیت تمام ونگز سے مشاورت ہو گی۔

اجلاس میں تمام عہدیداران نے اعلان کیا کہ چوہدری پرویزالٰہی کیساتھ کھڑےہیں اورکھڑے رہیں گے، چوہدری پرویزالٰہی ہمارےلیڈر ہیں۔

مسلم لیگی عہدیدار کا کہنا تھا کہ پوری سیاسی اورعوامی قوت کیساتھ پرویزالٰہی کےشانہ بشانہ ہیں،ق لیگ،پی ٹی آئی کےمثالی اتحاد نے عوام کوحقیقی معنوں میں ڈیلیور کیا۔

اجلاس سے خطاب میں چودھری پرویز الہی نے کہا آئندہ کے لائحہ عمل کیلئے مشاورت کا آغاز کر دیا ہے، پی ٹی میں ضم ہونے کے حوالے سے حتمی فیصلہ اتفاق رائے سے فیصلہ کریں گے۔