Tag: تحریک انصاف کے رہنماؤں

اسلام آباد : تحریک انصاف کے رہنماؤں نے عوام سے بنی گالہ پہنچنے کی گزارش کرتے ہوئے کہا کہ عمران خان ریڈ لائن ہے۔

تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر اپنے بیان میں کہا کہ فیصل آباد سے بسوں میں قافلے بنی گالہ کیلئے رواں دواں ہیں، آپ جہاں بھی ہیں آج بنی گالہ پہنچیں اور عمران خان کے ساتھ یکجہتی کااظہارکریں، عمران خان ہماری ریڈ لائن ہے۔

فیصلُ آباد سے بسوں میں قافلے بنی گالہ کیلئے رواں دواں ہیں، آپ جہاں بھی ہیں آج بنی گالہ پہنچیں اور عمران خان کے ساتھ یکجہتی کا اظہار کریں #عمران_خان_ہماری_ریڈ_لائن pic.twitter.com/MxxIl9akee

— Ch Fawad Hussain (@fawadchaudhry) August 22, 2022

دوسری جانب پی ٹی آئی رہنما فیصل جاوید نے بنی گالہ کے باہر میڈیا سے گفتگو کرتے ہوئے کہا کہ حقیقی آزادی کا سفر فیصلہ کن مرحلے میں داخل ہوگیا ہے، سب سے گزارش ہے بنی گالہ پہنچیں۔

فیصل جاوید کا کہنا تھا کہ امپورٹڈ حکومت کی حرکتوں سے یہ آشکار ہوچکا کہ وہ گھبرا چکی ہے، سوات کے ضمنی الیکشن میں 12 جماعتوں کوعمران خان نے شکست دی۔

انھوں نے کہا کہ پنجاب اور کراچی کے ضمنی الیکشن میں عمران خان کامیاب ہوئے، ثابت ہوگیا کہ قوم کے سب مقبول لیڈر عمران خان ہیں۔

خیال رہے سوشل میڈیا پر عمران خان کی گرفتاری کی خبروں پر رات گئے پی ٹی آئی کے کارکنوں کی بڑی تعداد بنی گالہ کے باہر جمع ہوگئی تھی، اس کے علاوہ اسد عمر، مراد سعید سمیت تحریک انصاف کی قیادت بھی بنی گالہ پہنچ گئی۔

پی ٹی آئی رہنما حماد اظہر نے اپنے ٹوئٹ میں لکھا انٹرنیٹ کی بندش ہوئی تو سمجھ لیں امپورٹڈ سرکار کے عوامی احتساب کا وقت آگیا ، سب لوگ اسلام آباد پہنچیں۔

اگر انٹیرنیٹ کی بندش ہوئی تو سمجھ لیں کہ امپورٹڈ سرکار کے عوامی احتساب کا وقت آگیا اور سب لوگ اسلام آباد پہنچیں۔
اگر چیرمین عمران خان کو گرفتار کرنے کی کوشش بھی کی جاتی ہے، تب بھی فوری طور پر اسلام آباد پہنچنا ہے۔
انشاللہ حقیقی آزادی قریب ہے۔ پاکستان زندہ باد۔

— Hammad Azhar (@Hammad_Azhar) August 21, 2022

اسلام آباد : تحریک انصاف کے رہنماؤں نے ممنوعہ فارن فنڈنگ کیس کا فیصلہ آنے کے بعد مسلم لیگ نواز اور پیپلز پارٹی کی فارن فنڈنگ کیسز کا فیصلہ جاری کرنے  کا مطالبہ کردیا۔

تفصیلات کے مطابق تحریک انصاف کے رہنماؤں کی جانب سے ممنوعہ فنڈنگ کیس کے فیصلے پر ردعمل کا سلسلہ جاری ہے۔

پی ٹی آئی رہنما اسد عمر نے سماجی رابطے پر اپنے پیغام میں کہا کہ الیکشن کمیشن نے ممنوعہ فنڈنگ کیس پر فیصلہ سنا کرشوق پورا کر لیا ، قوم جواب مانگتی ہے ن لیگ،پی پی فنڈنگ رپورٹ کیوں نہیں جاری ہورہی؟ الیکشن کمیشن سپریم کورٹ اور ہائی کورٹ کی ہدایت کو پامال کررہی ہے اور پی ڈی ایم جماعتوں کو پناہ دے رہی ہے۔

شوق پورا کر لیا الیکشن کمیشن نے ممنوعہ فنڈنگ کیس پر فیصلہ سنا کر. اب قوم جواب مانگتی ہے کے مسلم لیگ نواز اور پیپلز پارٹی کی فنڈنگ رپورٹ کیوں نہیں جاری ہو رہی؟ سپریم کورٹ اور ہائی کورٹ کی ہدایت کو پامال کر کے الیکشن کمیشن پی ڈی ایم جماعتوں کو پناہ دے رہی ہے

— Asad Umar (@Asad_Umar) August 2, 2022

رہنما پی ٹی آئی ڈاکٹر شہباز گل نے سماجی رابطے کی ویب سائٹ ٹوئٹر پر اپنے بیان میں غیرجانبدارالیکشن کمیشن بن گیا تو ن لیگ، پی پی، فضل الرحمان ٹولے کا کیا بنے گا؟ انہیں اپنے اکاؤنٹس کی تفصیلات جمع کرانا پڑیں گی، بھتے کی پرچیاں، اورنگزیب بٹ جیسوں سے رشوت لیکر عہدے بیچنے کی رسیدیں نہیں چلیں گی۔

اب آپ اندازہ کریں اگر کوئی غیر جانبدار اور شفاف الیکشن کمیشن بن گیا تو ن لیگ پیپلز پارٹی اور فضل الرحمان ٹولے کا کیا بنے گا جب انہیں اپنے اکاؤنٹس کی تفصیلات جمع کروانا پڑیں گے
بھتے کی پرچیاں اور اورنگزیب بٹ جیسے لوگوں سے رشوت لیکر عہدے بیچنے کی رسیدیں تو نہیں چلیں گی

— Dr. Shahbaz GiLL (@SHABAZGIL) August 2, 2022

سابق اسپیکر اسمبلی نے اپنے ٹوئٹ میں لکھا "الیکشن کمیشن نے پی ٹی آئی فنڈنگ کیس پر فیصلہ تو سنادیا ، ن لیگ اور پی پی کی فارن فنڈنگ کیسز رپورٹس کب جاری ہوگی۔

الیکشن کمیشن نے پی ٹی آئی فنڈنگ کیس پر فیصلہ تو سنادیا اب سپریم کورٹ اور ہائی کورٹ کی ہدایت پرمسلم لیگ نواز اور پیپلز پارٹی کی فارن فنڈنگ کیسزرپورٹس کب جاری ہوگی.عوام انتظار میں

— Asad Qaiser (@AsadQaiserPTI) August 2, 2022

تحریک انصاف کے رہنما علی محمدخان کا پی ٹی آئی ممنوعہ فنڈنگ کیس کے فیصلے پر کہا کہ تحریک انصاف کی توسو فیصد اسکورٹنی کر لی اور فارن فنڈنگ ثابت نہ کر سکے اب ن لیگ پیپلز پارٹی جمعیت اور دیگر جماعتوں سے پوچھ ہوگی یا احتساب شفافیت میریٹ ایمانداری اور انصاف کا ٹھیکہ صرف پی ٹی آئی نے لیا ہوا ہے؟ ہمارا تو ہوگیا احتساب الحمدللّٰہ سرخرو ہوئے دوسروں کا احتساب کب ہوگا؟

تحریک انصاف کی تو 💯 % سکور ٹنی کر لی اور فارن فنڈنگ ثابت نہ کر سکے اب ن لیگ پیپلز پارٹی جمعیت اور دیگر جماعتوں سے پوچھ ہوگی یا احتساب شفافیت میریٹ ایمانداری اور انصاف کا ٹھیکہ صرف @PTIofficial نے لیا ہوا ہے؟
ہمارا تو ہوگیا احتساب الحمدللّٰہ سرخرو ہوئے دوسروں کا احتساب کب ہوگا؟

— Ali Muhammad Khan (@Ali_MuhammadPTI) August 2, 2022

سابق ترجمان وزارت خزانہ مزمل اسلم نے بھی اپنے ٹوئٹ میں کہا کہ کم ازکم ایک درجن دانشوراوران کےاداروں کےارمان ہوامیں اڑگئے، ان کےسیاسی حمایتیوں کوبھی مقابلہ میدان میں ہی کرنا پڑے گا۔

کم از کم ایک درجن دانشور اور ان کے اداروں کے ارمان ہوا میں اڑ گئے۰ ان کے سیاسی حمایتوں کو بھی مقابلہ میدان میں ہی کرنا پڑھے گا۰

— Muzzammil Aslam (@MuzzammilAslam3) August 2, 2022

تحریک انصاف کے رہنما عثمان ڈار اپنے بیان میں کہا کہ ممنوعہ فنڈنگ کیس کافیصلہ توسنادیا اب والیم 10 بھی کھول لیا جائے؟ تاکہ شریف خاندان کی لوٹ مار کے خفیہ راز بھی قوم کے سامنے آ جائیں۔

ممنوعہ فنڈنگ کیس کا فیصلہ تو سنا دیا اب والیم 10 کو بھی کھول لیا جائے؟ تا کہ شریف خاندان کی اندرونی و بیرونی فنڈنگ سمیت منی لانڈنرنگ اور لوٹ مار کے وہ خفیہ راز بھی قوم کے سامنے آ جائیں جنہیں اب تک چھپایا گیا ہے#والیم_10_کھولو

— Usman Dar (@UdarOfficial) August 2, 2022