لاہور : تحریک انصاف کے منحرف رہنما راجہ ریاض نے کہا کہ لوٹا صرف ایک ہے اور وہ عمران خان ہے، وہ خود بھی بھاگ گئے اور اپنی ٹیم بھی لے گئے۔
تفصیلات کے مطابق پاکستان تحریک انصاف کے منحرف رکن راجہ ریاض نے پنجاب اسمبلی آمد کے موقع پر میڈیا سے گفتگو کرتے ہوئے کہا تھا کہ استعفے نہیں دے رہے، ایوان میں رہ کر بھر پور کردار ادا کریں گے۔
راجہ ریاض کا کہنا تھا کہ ہمارا جو بھی کردار ہوگا وہ اسمبلی میں بیٹھ کر ادا کریں گے اور امید کرتے ہیں کہ حکومت درست سمت میں چلے گی۔
عمران خان پر تنقید کرتے ہوئے منحرف رکن نے کہا کہ لوٹا صرف ایک ہے اور وہ عمران خان ہے، وہ خود بھی بھاگ گئےاوراپنی ٹیم بھی لے گئے ہیں۔
ان کا کہنا تھا کہ ان کو چاہیے تھا اپوزیشن میں بیٹھتے اورحکومت کاڈٹ کر مقابلہ کرتے ، ہم پی ٹی آئی میں ہے اور اس کا حصہ ہیں، جوبھگوڑے ہیں وہ بھاگ گئے۔