Tag: تحریک انصاف

اسلام آباد : تحریک انصاف کو اسمبلی میں جانے کی ہدایات دینے کیلئے سپریم کورٹ میں درخواست دائر کردی گئی۔

تفصیلات کے مطابق تحریک انصاف کی جانب سے قومی اسمبلی میں نہ بیٹھنے کے معاملے پر تحریک انصاف کو اسمبلی میں جانے کی ہدایات دینے کیلئے درخواست دائر کردی گئی۔

درخواست آرٹیکل184 (3) کے تحت شہری انجینئرقاضی سلیم کی جانب سے دائر کی گئی۔

درخواست میں استدعا کی ہے کہ تحریک انصاف کے اراکین کو اسمبلی میں جانے کے احکامات جاری کئے جائیں، اسمبلی نہ جانے سے اراکین اپنے ووٹرز کو نمائندگی کے حق سےمحروم کررہےہیں۔

درخواست میں مؤقف اختیار کیا گیا کہ تحریک عدم اعتمادکےنتیجےمیں اسمبلی سےاستعفیٰ دیناغیرجمہوری،بچگانہ ردعمل ہے، اسمبلیوں میں واپسی کےعلاوہ کوئی آئینی راستہ نہیں۔

دائر درخواست میں کہا گیا کہ بڑی سیاسی جماعت کےاسمبلی سے غیرحاضرہونےسےحکومت کوکھلی چھٹی ملی ہوئی ہے، تحریک انصاف کی عدم موجودگی سےحکومت نےمن مرضی کی قانونی سازی کی، ثبوت کے طور پر سپریم کورٹ قومی اسمبلی کی کارکردگی کاجائزہ لےسکتی ہے۔

درخواست گزار نے کہا کہ اسپیکراسمبلی نے صرف11 اسمبلی اراکین کے استعفےمنظورکئے، سپریم کورٹ ان 11 حلقوں کے استعفے منظور کرنے پر وضاحت طلب کرے۔

درخواست میں شہری کا کہنا ہے کہ عمران خان کے 9حلقوں سےالیکشن لڑنےسےملک کےوسائل کانقصان ہے، ان کے مستعفی ہونے سے الیکشن دوبارہ کرانے پڑیں گے، عمران خان کا پہلے اسمبلی سے مستعفی ہونا اور پھر دوبارہ الیکشن لڑنا متضاد رویہ ہے۔

درخواست میں مؤقف اپنایا گیا ہے کہ اسلام آبادہائیکورٹ نےبھی تحریک انصاف کوواپس اسمبلی جانےکی آبزرویشن دی، صدرعارف علوی نےبھی استعفوں کےفیصلےکوغیردانشمندانہ قرار دیا ہے، اسمبلی میں واپس جانے سے تحریک انصاف دوبارہ بھی اقتدارمیں آ سکتی ہے۔

درخواست گزار کا کہنا تھا کہ موجودہ حکومت کو صرف 2 ووٹوں کی اکثریت حاصل ہے، ملکی موجودہ دیوالیہ مالی صورتحال نئے الیکشنزکی متحمل نہیں ہو سکتی۔

اسلام آباد : تحریک انصاف نے سابق صدر آصف علی زرداری کی نااہلی کے لئے ریفرنس دائرکردیا، ریفرنس کے ساتھ قانون سے انحراف کے شواہد بھی منسلک کئے گئے ہیں۔

تفصیلات کے مطابق تحریک انصاف نےسابق صدر آصف علی زرداری کی نااہلی کے لئے اسپیکر کے پاس ریفرنس دائرکردیا۔

ریفرنس کے ساتھ آصف زرداری کی جانب سے قانون سےمکمل انحراف کے طویل شواہد بھی جمع کرائے گئے ہیں۔

اس موقع پر تحریک انصاف کے رہنما زلفی بخاری نے میڈیا سے بات کرتے ہوئے کہا کہ آصف زرداری کیخلاف ریفرنس نااہلی کے لئےفائل کیا ہے۔

زلفی بخاری کا کہنا تھا کہ جب آپ حلف اٹھاتے ہیں تو ملک کے قانون کی پاسداری کرتے ہیں، 2008 سے 2013 تک پیپلزپارٹی کی حکومت تھی ، آصف زرداری نےتوشہ خانہ کو لکھا قیمت بتائیں ہم رقم جمع کرا دیں گے ، وزیراعظم کے پاس اتھارٹی نہیں کہ وہ ایسی اجازت دے سکیں۔

انھوں نے کہا کہ کہتے ہیں تحفہ میں دی گئی گاڑیاں خریدنے کی اجازت نہیں ہوتی، مگرآصف زرداری نے بطورصدرتوشہ خانہ سے تین گاڑیاں لیں جبکہ عمران خان نے توشہ خانہ سےقانونی طریقے سے چیزیں خریدی۔

تحریک انصاف کے رہنما کا کہنا تھا کہ آصف زرداری کی انکی نشست این اے213 سے نااہلی ہونی چاہیے، یوسف گیلانی پرایوان صدر سے دباؤ ڈالا گیا کہ یہ گاڑیاں مجھےلیکردو ، یہ لوگ توشہ خانہ میں خان صاحب پرانگلی اٹھاتے ہیں۔

دوسری جانب پی ٹی آئی رہنما افتخاردرانی نے کہا کہ عمران خان نے کوئی بھی کام قانون کیخلاف نہیں کیا ، یہاں پرآئین کا کھلواڑ کرتے ہوئے یہ لوگ مسلط کردیےگئے، جب تک یہ لوگ مسلط ہیں عوام سکون کاسانس نہیں لےسکتی۔

ان کا مزید کہنا تھا کہ عمران خان کی 26 سالہ جدوجہد انھی مافیازکے خلاف ہے ، ان مافیاز کوبےنقاب کرکےکٹہرےمیں کھڑاکرناہے، پوری دنیا میں بتایا گیا ہے یہ کرپٹ اشرافیہ ہیں۔

اسلام آباد : تحریک انصاف آج رحیم یارخان میں سیاسی قوت کامظاہرہ کرے گی ، عمران خان جلسے سے خطاب کریں گے۔

تفصیلات کے مطابق تحریک انصاف کا پاورشوآج رحیم یار خان میں ہوگا، رحیم یارخان کے خواجہ فرید کالج کےگراونڈ میں پاکستان تحریک انصاف کے جلسے کی تیاریاں عروج پر ہیں۔

عمران خان جلسہ کے شرکا سے خطاب کریں گے اور تحریک کے حتمی لائحہ عمل کااعلان کریں گے۔

عمران خان کا خطاب دیکھانے کے لئیے شہرشہر اسکرینزلگائی جائیں گی تاکہ عمران خان کے چاہنے والےاپنے قائد کاخطاب مقررکردہ مقامات پرسن سکیں اوریکجہتی کا اظہارکرسکیں۔

رحیم یار خان کے تیرہ اضلاع میں بڑی سکرینزلگیں گی، کراچی والے یونیورسٹی روڈ پر منگل بازار کے میدان میں لگی اسکرین پرعمران خان کالائیو خطاب سن سکیں گے۔

اسی طرح اسلام ٓباد کے ایف نائن پارک اور راولپنڈی لال حویلی میں بڑی اسکرین کا اہتمام ہے جبکہ لاہورکے لبرٹی چوک اورفیصل آباد میں کوہ نور پلازہ کے سامنے بڑی سکرین لگائی جائے گی۔

چنگی ملتان،جھنگ فوارہ چوک اورسیالکوٹ میں پیرس روڈ پربڑی اسکرین لگائی جا رہی ہیں۔۔جبکہ کوئٹہ میں شہباز ٹاون صوبائی سیکرٹریٹ پراسکرین لگانےکا اہتمام کیا جارہا ہے۔

اسلام آباد : تحریک انصاف نے استعفوں کی منظوری کیخلاف اپیل سپریم کورٹ سے واپس لے لی، پی ٹی آئی نے درخواست میں اسلام آباد ہائیکورٹ کا فیصلہ کالعدم کرنے کی استدعا کی تھی۔

تفصیلات کے مطابق تحریک انصاف نے استعفوں کی منظوری کیخلاف اپیل سپریم کورٹ سے واپس لے لی ، پی ٹی آئی نے دائر درخواست ایڈووکیٹ آن ریکارڈ آفس سے واپس لی۔

اس سے قبل پی ٹی آئی کے مرحلہ وار استعفوں کی منظوری سپریم کورٹ میں چیلنج کیا گیا تھا، تحریک انصاف رہنما اسد عمر نے اسلام آباد ہائی کورٹ کا فیصلہ چیلنج کیا۔

تحریک انصاف کی جانب سے اپیل ایڈووکیٹ فیصل چوہدری نے دائر کی تھی ، جس میں سپریم کورٹ سے اسلام آباد ہائیکورٹ کا فیصلہ کالعدم کرنے کی استدعا کی گئی۔

درخواست میں اسپیکر راجہ پرویز اشرف کی جانب سے مرحلہ وار استعفوں کی منظوری کو غیرآئینی قرار دینے کی استدعا بھی کی گئی تھی۔

درخواست میں کہا گیا تھا کہ تحریک انصاف نے عوام سے تازہ مینڈیٹ کیلئے قومی اسمبلی سے مستعفی ہونےکا فیصلہ کیا، تحریک انصاف کے ارکان قومی اسمبلی سے استعفےدے چکے ہیں۔

پی ٹی آئی کا کہنا تھا کہ سابق ڈپٹی اسپیکر قاسم سوری نے اسمبلی فلورپر 125 ارکان کےاستعفےمنظوری کئے، اسپیکر راجہ پرویز اشرف مرحلہ استعفوں کی منظوری طے کردہ اصولوں کی خلاف ورزی ہے۔