لاہور: وزیر اعظم نواز شریف کی صاحبزادی مریم نواز نے نا بینا افراد پر پنجا ب پو لیس کے بے رحما نہ تشدد پر ٹو ئٹ کیا۔
سماجی رابطے کی ویب سائٹ ٹوئٹر پر مسلم لیگ کی رہنماء مریم نواز کا اپنے ٹوئٹ میں کہنا ہے کہ کاش ان کے والد میاں نواز شریف اور چچا شہباز شریف بیرون ملک دورے پر نہ گئے ہو تے تو نا بینا افراد پر تشدد کر نے کے ذمہ دار لو گوں کو سزا دلواتے ، مریم نواز کے والد و وزیر اعظم نواز شریف لندن اور وزیر اعلیٰ پنجاب میں شہباز شریف قطر کے سرکا ری دورے پر گئے ہو ئے ہیں۔
اسلام آباد: پاکستان تحریک انصاف کے سربراہ عمران خان نے اسلام آباد دھرنے سے خطاب میں کہا ہے حکومت اور تحریک انصاف کے درمیان مذاکرات میں سب نکات طے پاگئے تھے ،مگر حکومت طاہر القادری کے جاتے ہی اپنے نکات سے مکر گئی۔
اسلام آباد میں آزادی دھرنے کے شرکاء سے خطاب کرتے ہوئے عمران خان کا کہنا تھا کہ جوڈیشل کمیشن کے بیٹھنے تک میرا پروگرام ختم نہیں ہوگا، آزادی حاصل کرنے کیلئے قربانی دینا پڑتی ہے، ہمارا پلان ‘‘سی’’ نہیں رکے گا، اگر تھکا دینے کے چکر میں ہیں، تو فائدہ نہیں ہوگا، ہمیں انصاف لئے بغیر نہیں جانا، اپنے حقوق کیلئے آواز بلند کرنے کا وقت ہے، سنا ہے پاکستان میں کرپشن کی شرح کم ہوگئی، کنٹینر سے حقیقی اپوزیشن ہورہی ہے۔
عمران خان نے کہا کہ دھرنا اور احتجاج کسی صورت ختم نہیں ہوگا ، حکومت طاہرالقادری کے دھرنا ختم کرنے کے بعد بات چیت سے پیچھے ہٹ گئی تھی ہم ایسا نہیں کریں گے ، ان کا کہنا تھا کہ اعجاز چودھری جب نون لیگ میں تھے تو سب اچھا تھا ، اب دو سو پولیس اہلکاروں نے ان کے گھر پر چھاپہ مارا ہے ، عمران خان نے کہاکہ بدقسمتی سے ملک میں کمزور کو انصاف نہیں ملتا ، کمزور طبقے کے پاس ووٹ کے استعمال کے سواکچھ نہیں ، حکمران حق مانگنے والے پر پولیس کو چھوڑ دیتے ہیں۔
عمران خان نے لاہورمیں نابینا افراد پر پولیس کے تشددکی مذمت کرتے ہوئے کہا کہ شریفوں کی جانب سے نابینا افراد پر تشدد کا افسوس ہوا، نابینا افراد نوکریوں میں اپنا حصہ مانگ رہے تھے، موجودہ حکمرانوں نے نابینائوں کو بھی تشدد سے نہیں بخشا۔
اسلام آباد: عمران خان نے کہا ہے حکمرانوں کوابھی پتہ ہی نہیں اورکتنےپلان ہیں، اقتدارمیں ہوتاتوفوج کوقبائلی علاقوں میں نہ بھیجتا۔
دھرنے کے شرکاء سے خطاب کرتے ہوئے تحریک انصاف کے سربراہ عمران خان کا کہنا تھا کہ سارا پاکستان بند کرنے سے لوگوں کو مشکلیں آئیگی لیکن کون کہتا ہے کہ آزادی قربانیوں کے بغیر ملتی ہے۔ لوگوں کو شہر بند ہونے کی قربانی دینا پڑے گی۔
عمران خان نے کہا کہ میں اکیلا کچھ نہیں کر سکتا، ورلڈ کپ بھی ٹیم کیساتھ جیتا تھا، نئے پاکستان کیلئے بھی ٹیم چاہیے ہوگی۔ نیا پاکستان عمران خان نہیں بلکہ پاکستان کی عوام بنائیں گے، میں صرف راستہ دکھائوں گا۔
ان کا کہنا تھا کہ اگلی عید سے پہلے نئے الیکشن ہو جائیں گے، نیا پاکستان شفاف الیکشن کے ہونے سے بنے گا، مینڈیٹ چوری کرنے والوں کا احتساب ہوگا، جیسے ہی صاف اور شفاف الیکشن ہوگا تو نئے پڑھے لکھے لوگ آئیں گے۔
انہوں نے کہا کہ عوام کو غربت سے نکالنے کیلئے کسی راکٹ سائنس کی نہیں بلکہ فیصلے کرنے کی ضرورت ہے، اسلامی فلاحی ریاست میں لوگوں کو غربت سے نکالنا چیلنج ہوگا، ہم سب نے مل کر گیارہ کروڑ لوگوں کو غربت سے نکالنا ہے۔ ان کا کہنا تھا کہ جب انسان گر کر کھڑا ہوتا ہے تو اللہ تعالیٰ اسے اور طاقت دیتا ہے۔ مجھے ایک دن بھی خیال نہیں آیا کہ کامیاب نہیں ہونگا۔
لاہور: ن لیگ کی رہنما اور وزیراعظم میاں نواز شریف کی صاحبزادی مریم نواز کا کہنا ہے کہ تاجروں نے پی ٹی آئی کی احتجاج کی کال مسترد کردی،جس سے پی ٹی آئی کا پلان فیل ہوگیاہے۔
سماجی رابطے کی ویب سائٹ ٹوئٹرپرپیغام دیتے ہوئے مریم نوازکا کہنا تھا کہ جب قیادت سوچے بغیر جلد بازی میں فیصلے کرتی ہے تواس کا انجام یہی ہوتا ہے۔
تاجربرادری نے پی ٹی آئی کی کال پرلاہورمیں کاروبار بند کرنے سے انکارکردیا۔ دھرنا گروپ کواپنے مشیروں کو برطرف کردینا چاہئیے۔انہوں نے کہا کہ تحریک انصاف کے رہنما عمران خان نے پندرہ دسمبر کو لاہوربند کرنے کا اعلان کیا ہے لیکن تاجرتنطیموں نے ان کی کال کو مسترد کردیاہے۔
لاہور: امیر جماعت اسلامی سراج الحق نے کہا ہے کہ اگر سیاسی بحران کو مذاکرات کے ذریعے حل نہ کیا گیا تو ملک میں کوئی بڑا سانحہ ہوسکتا ہے۔
لاہور میں دینی ادارہ سنابل الخیر کے آفس کے افتتاح کے موقع پر میڈیا سے گفتگو کرتے ہوئے سراج الحق نے کہا کہ خوشی ہے کہ تحریک انصاف کے بعد حکومت بھی مذاکرات کی میز پر آنے کی خواہش کررہی ہے۔ انھوں نے کہا کہ حکومت کو انا کی لکیر عبور کرکے مذاکرات کرنا چاہئیں۔
سراج الحق نے کہا کہ قوم کو پتہ چلنا چاہیے کہ دھاندلی کس نے کی اوراس میں کون ملوث تھا۔ انھوں نے کہا کہ اصلاحات کے بغیر آئندہ انتخابات کرائے گئے تو کوئی اسے تسلیم نہیں کرے گا۔
انہوں نے کہا کہ قبائلی علاقوں میں ایسے کیمیکل اور ہتھیار استعمال کیے گئے جسکے نتائج ہیروشیما اور ناگاساکی جیسے نکلیں گے۔ امیر جماعت اسلامی کا کہنا تھا کہ طاہرالقادری نے پچیس دسمبر کا کراچی کا جلسہ ملتوی کرکے جماعت اسلامی کو جلسہ کرنے کی اجازت دی ہے۔
اسلام آباد: تحریک انصاف کے سربراہ عمران خان نے انکشاف کیا ہے وزیراعظم نواز شریف ان کے گھر آنا چاہتے تھے۔
پاکستان تحریک انصاف کے چیئرمین عمران خان نے آزادی دھرنے سے خطاب کرتے ہوئے کہا ہے کہ نواز شریف میرے گھر آنا چاہتے تھے اور مجھ سے ملاقات کرنا چاہتے تھے،انہوں نے بتایا کہ وزیر اعظم پاکستان میاں نواز شریف نے اپنے ایک خاص آدمی کے ذریعے مجھ سے ملاقات کرنے کی خواہش کا اظہار کیا۔
انہوں نے تحریک انصاف کے پلان سی کے بارے میں بتایا کہ ملک میں بےروزگاروں کی لائن لگی ہوئی ہے ، میرے شہر بند کرنے سے معیشت کو کوئی نقصان نہیں ہو گا، انہوں نے مزید کہا کہ میں شہر یا پاکستان بند کرنا نہیں چاہتا لیکن جلد نظر آ جائے گا کہ ہم شہر کیسے بند کرتے ہیں۔اگر ہمارا پلان سی اور ڈی کامیاب نہ ہوا تو پلان ’ای‘ بھی تیار ہے۔30
عمران خان کا کہنا تھا جولوگ کہتے ہیں کہ ہم فوج کی وجہ سے یہاں بیٹھے ہوئے ہیں ان کو شرم آنی چاہئے، فوج کو بدنام کرنے کی کوشش کی جا رہی ۔ ان کا کہنا تھا میاں صاحب نظرآرہاہےآپ کے دن گنےجاچکےہیں، نواز زرداری نے اپنے یار ڈیزل کو ہمارے خلاف استعمال کیا ، مسلمان اور ایمان والاہمیشہ سیدھی بات کرتاہے، سیدھی بات یہ ہے کہ نوازشریف اورآصف زرداری ملک کےکرپٹ ترین افراد ہیں، محمود خان اچکزئی کے علاوہ تمام سیاسی رہنما کہہ رہے ہیں کہ الیکشن میں دھاندلی ہوئی ۔
لاہور :اسلام آباد میں تحریک انصاف کے جلسے کے دوران اے آروائی نیوز اور دیگر چینل کی بندش کیخلاف لاہورمیں صحافی برادری نے احتجاج کیا۔
تفصیالت کے مطابق پی ایف یو جے کی کال پر پنجاب اسمبلی اور سی سی پی او آفس کے باہر ہونیوالے مظاہرے میں صحافی برادری نے پی ٹی آئی کے اسلام آباد جلسے کے دوران اے آروائی نیوز کی نشریات بند کیے جانے کے واقعہ کی شدیدمذمت کی اور اے آروائی نشریات کی بندش کا ذمہ دار وفاقی حکومت اور پیمرہ کو ٹھہراتے ہوئے کل سے ملک گیر مظاہروں کا آغاز کرنے کا اعلان کیا ہے ۔
انہوں نے کہا کہ یہ سلسلہ ملک میں صحافت کی مکمل آزادی تک جاری رہے گا لاہورمیں ہونیوالے مظاہرے کے دوران نجی ٹی وی کے ملازم کی تنخواہ نہ ملنے پر خودکشی کے واقعہ کی بھی بھرپور اندازمیں مذمت کی گئی۔
گوجرانوالہ: پاکستان تحریک انصاف کے قافلہ پرگوجرانوالہ میں نامعلوم افرادکی انڈوں اور ٹماٹروں کی بارش،انڈے ٹماٹر مارنے کے بعد نوجوان فرار ہونے میں کامیاب ہوگئے۔
تفصیلات کے مطابق پاکستان تحریک انصاف پنجاب کے صدر اعجاز چوہدری کی قیادت میں لاہور سے آنے والا پی ٹی آئی کا قافلہ جب گوجرانوالہ سے گزر رہا تھا کہ جی ٹی روڈ پر پہنچا تو اچنک دو نامعلوم نوجوان آگے بڑھے اور انھوں نے اپنے شاپنگ بیگ میں سے انڈے اور ٹماٹر بسوں پر مارنے شروع کردیئے۔
پی ٹی آئی کے کارکنوں کے باہر نکلنے پر دونوں نوجوان موقع سے فرار ہو گئے،جبکہ اے آر وائی کے نمائندے کے مطابق پی ٹی آئی کارکنان نے ایک نوجوان کو پکڑ کر اس کی پٹائی کردی۔
سکھر: چیئرمین محکمہ اوقاف صد یق الفاروق نے کہا ہے کہ تحریک انصاف کے سربراہ عمران خان جلسہ کر کے اپنا شوق پورا کر لیں۔ آج کے جلسے سے کچھ برآمد نہیں ہو گا ۔
چیئر مین محکمہ اوقاف صدیق الفاروق نے سر کٹ ہا ﺅس سکھر میں میڈیا سے گفتگو کر تے ہو ئے کہا کہ ڈاکٹر خا لد محمود سومرو کا قتل سنگین واقعہ ہے جس پر افسوس ہے،ان کی ٹارگٹ کلنگ سندھ حکومت اور تمام ادروں کے لئے چیلنج ہے ۔
ایک سوال پر ان کا کہنا تھا کہ حکومت لوڈ شیڈنگ پر بہت حد تک قابو پالے گی لیکن گرڈ اسٹیشن اتنے پرا نے ہو گئے ہیں کہ لوڈ ہی نہیں اٹھا سکتے۔
اسلام آباد : سرد موسم میں سونامی رضا کاروں نے اپنے رقص اور نعروں سے جلسہ گاہ کو گرما دیا،اسلام آباد تحریک انصاف کے رنگوں میں ہے رنگا ہوا۔پی ٹی آئی نے جلسے کی بھرپور تیاری کرلی ہے۔ ٹائیگرز کا ۔جوش و خروش دیدنی ہے۔آج مارچ ہوگا یا ڈبل مارچ اس کا فیصلہ ہونا ابھی باقی ہے۔
جبکہ پاکستان تحریک انصاف کے جلسے میں شرکت کے لئے ملک بھر سے قافلے اسلام آباد پہنچنا شروع ہوگئے ہیں ۔پولیس کی بھاری نفری تعنیات کردی گئی۔ اسلام آباد میں پی ٹی آئی کے جلسے میں شرکت کے لیے قافلے پہنچنا شروع ہوگئے ہیں ۔حکومت کی جانب سے جڑواں شہروں میں پولیس کی بھاری نفری تعنیات کردی گئی ہے۔
پولیس کی جانب سے بسوں میں مسافروں کی تلاشی اور پوچھ گچھ کی جارہی ہے۔ذرائع کے مطابق پولیس اہلکاروں کو ربڑکی گولیوں اور آنسو گیس کے شیل دیئے گئے ہیں جبکہ ممکنہ خطرات کے پیش نظر لاہور سے آنسو کی بھاری کھیپ بھی منگوائی گئی ہے۔
جلسے کو ناکام بنانے کے لیےسیکریٹریٹ چوک ،نادرا اور میریٹ چوک پر کنٹینر لگاکر تمام راستے بلاک کردیے گئے جس کے باعث قافلوں کو شہر میں داخل ہونے پرمشکلات کا سامنا ہے۔
پی ٹی آئی جلسے میں عوام کی شرکت کو روکنے کیلئے حکومت کا ریاستی طا قت کا استعمال جا ری ہے،لاہور میں بس اسٹیںڈ کو سیل کردیا گیا،تیس نومبر کو پی ٹی آئی جلسے جہاں پی ٹی آئی کا رکنا ن تا ریخی جلسہ کر نے کیلئے پر عزم ہیں وہیں حکومت ریاستی طاقت سے جلسہ نا کام بنا نے کیلئے کمر بستہ دکھا ئی دیتی ہے۔
اسلام آباد راولپنڈی میں مو ٹر سائیکل سواروں کی پکڑ دھکڑ کا سلسلہ عروج پر ہے تین ہزار سے زائد موٹر سائیکل تھانوں میں بند ،سو سے زائد موٹر سائیکل سوار بھی لاک اپ کر دیئے گئے راولپنڈی سےپی ٹی آئی رکن اسمبلی راجہ راشد حفیظ کی گرفتاری کے لیے چھاپے ما رے جا رہے ہیں ۔
پنجا ب کے دیگر شہروں سے پو لیس گردی کا سلسلہ جا ری ہےاسلام آباد کے مضافاتی علاقوں میں ن لیگ کے رکن اسمبلی طارق فضل چو ہدری کے حلقے میں مساجد سے اعلا نات کئے جا رہے ہیں کہ کل دہشت گردی کا خطرہ ہے لو گ جلسے میں شرکت نہ کریں ۔
عمران خا ن کاحکومتی اقدامات کے با رے میں کہنا ہے عوام اپنے حقوق کیلئے گھروں سے نکلیں ، کس قانو ن کے تحت کا رکنوں کو گرفتار کیا جا رہا ہے؟ حکومت کو یہ سمجھنا چا ہیئے کہ ریا ستی تشددسیا سی تحریک کو دبا نے کے بجا ئے مزید جلا بخشتا ہے۔