ARYNews.tv | Urdu – Har Lamha Bakhabar

Tag: تحریک انصاف

  • طاہر القادری سے انتخابی انقلاب کی بات کی جائے گی، عمران خان

    طاہر القادری سے انتخابی انقلاب کی بات کی جائے گی، عمران خان

    لاہور: عمران خان کہتے ہیں طاہر القادری سے انتخابات کے ذریعے انقلاب کی بات کی جائے گی، چودہ اگست کے بعد وہ خود وزیراعظم کو ملاقات کی دعوت دیں گے۔

    چودہ اگست کو آزادی مارچ اور انقلاب مارچ ساتھ ساتھ ہوگا اور عمران خان نے آزادی مارچ کے بعد اپنی پہلی ترجیح بھی بتا دی،تحریک  انصاف کے چیئرمین عمران خان کہتے ہیں یہ پورے پاکستان کی آزادی کا معاملہ ہے۔ علامہ طاہر القادری سے بات کی جائے گی کہ وہ انتخابی انقلاب کے ذریعے اٹھارہ کروڑ عوام کی زندگیوں میں انقلاب لائیں۔

    عمران خان علامہ طاہر القادری سے انتخابی عمل میں اصلاحات کی بات کریں گے، کپتان پہلے ہی کہہ چکے ہیں وزیراعظم نواز شریف کے استعفے اور وسط مدتی انتخابات کے مطالبات کی منظوری تک وہ اسلام آباد میں بیٹھے رہیں گے،عمران خان کہتے ہیں چودہ اگست کے بعد وہ خود وزیراعظم کو ملاقات کی دعوت دیں گے۔

  • عمران خان آزادی مارچ کی قیادت کرنے کیلئے لاہور پہنچ گئے

    عمران خان آزادی مارچ کی قیادت کرنے کیلئے لاہور پہنچ گئے

    لاہور: پاکستان تحریک انصاف کے چیئرمین عمران خان آزادی مارچ کی قیادت کرنے کیلئے لاہور پہنچ گئے ہیں۔

    پاکستان تحریک انصاف کے چیئرمین عمران خان آزادی مارچ کی قیادت کرنے لاہور پہنچ گئے،زمان پارک برقی قمقموں سے جگمگا اٹھا پرجوش کارکنوں نےاپنےقائدکا استقبال بھی پرجوش اوروالہانہ کیا، عمران خان جب بنی گالہ اسلام آباد میں اپنی رہائش گاہ سے نکلے،توان گاڑیوں کا قافلہ بھی ساتھ نکلا،پرجوش کارکن اپنے قائد اور آزادی مارچ کیلئے نعرے لگاتے رہے، پولیس اسکواڈ سیکیورٹی دیتا رہا، گاڑی میں بیٹھے عمران خان کا پر اعتماد چہرہ چودہ اگست کے آزادی مارچ کی کہانی بتارہا تھا، ہشاش بشاش عمران خان کارکنوں کے نعروں کا جواب دیتے رہے۔

    PTI-PMLN

    دوسری جانب عمران خان کے لاہور پہچنے سےقبل لاہورکازمان پارک اکھاڑا بن گیا، زمان پارک لاہور میں عمران خان کی رہائش کے باہر مسلم لیگ ن اور تحریک انصاف کے کارکن آمنے سامنے آگئے  پتھراؤ اور جوابی پتھراؤسے کشیدگی پھیل گئی لیکن معاملہ وقتی طور پر ٹل گیا۔

    آزادی مارچ سےقبل تحریک انصاف کے کارکن اسلام آباد جانے کیلئے پرجوش ہیں، تو ن لیگ والے بھی موقع کی کھوج میں ہیں، مقابلہ سخت،اور فضاؤں میں کشیدگی پھیل چکی ہے، تجزیہ کاروں کا کہنا ہے سیاسی قیادت نے افہام و تفہیم کا مظاہرہ نہ کیا،تو نتائج سنگین ہوسکتے ہیں۔

  • عمران خان نے انتخابات میں دھاندلی کرنے والوں کے چہرے بےنقاب کردیئے

    عمران خان نے انتخابات میں دھاندلی کرنے والوں کے چہرے بےنقاب کردیئے

    لاہور: پاکستان تحریک انصاف کے چیئر مین عمران خان نےانتخابات میں دھاندلی کے عوض مراعات حاصل کرنے والوں کوبے نقاب کردیا۔

    عمران خان نے بنی گالہ میں انتخابی دھاندلیوں کے ذریعےشریف برادران کو فائدہ پہنچا کر مراعات حاصل کرنیوالے کرداروں کوبےنقاب کیا، عمران خان نےبتایا کہ سابق چیف جسٹس افتخار محمد چوہدری کوخدمت کےعوض ان کے بیٹے کو بورڈ آف انوسٹمنٹ کا چیئر مین بنایا گیا، عمران خان کے مطابق جسٹس رمدے کے بیٹےمصطفی رمدے، بھائی اسد رمدے اور بھتیجی کو بھی نوازا گیا، عمران خان نےکہا جسٹس انور محبوب کو ایک سال کی توسیع سمیت دیگر مراعات دے کر بہتی گنگا میں ہاتھ دھونے کا موقع دیا گیا۔

    عمران خان نے پینتیس پنکچر والے نجم سیٹھی کو ملنے والی مراعات کا پردہ چاک کیا ، عمران خان نےبتایا سیکریٹری الیکشن کمیشن اشتیاق احمد کو خدمت گزاری پر دو بار توسیع ملی، تحریک انصاف کےچیئر مین نے طارق باجوہ، شاہد خان، ریٹرننگ آفیسرز اور ڈی آر اوز کو بھی دی گئی خصوصی مراعات کا ذکر کیا۔

    عمران خان کا کہنا تھا ملکی مسائل کا حل مارشل لاء میں نکالنے والوں کی سوچ غلط ہے، اُن کا کہنا تھا چودہ اگست کو آنے والا سیلاب کوئی نہیں روک سکتا پولیس والے ملک بچائیں ایک خاندان کے ملازم نہ بنیں، جو بادشاہت سے تنگ ہیں وہ نئے پاکستان کے لئے باہر نکلیں۔

  • اے آروائی نیوز کو بدنام کرنے کی سازش، حکومت کاخفیہ مراسلہ مل گیا

    اے آروائی نیوز کو بدنام کرنے کی سازش، حکومت کاخفیہ مراسلہ مل گیا

    اسلام آباد: حکومت کاخفیہ مراسلہ اے آروائی نیوز نےحاصل کرلیا۔مراسلےمیں تحریک انصاف،پی اے ٹی اور اے آروائی نیوز پرالزامات عائد کیے گئے ہیں۔ حکومت کے اوچھے ہتھکنڈے جاری ہیں۔ اے آروائی نیوز نے ایک خفیہ مراسلہ حاصل کیا ہے جس میں حکومت کی جانب سے اے آروائی نیوز ،تحریک انصاف اورپاکستان عوامی تحریک پرالزاما ت لگائے گئے ہیں۔

    مراسلے میں کہاگیا ہے کہ پولیس کے لاٹھی چارج اورشیلنگ کوٹی وی پردکھانےکی سازش کی جارہی ہے۔ حکومت کے خفیہ مراسلے میں اے آروائی نیوز کو بدنام کرنے کی کوشش کی گئی ہے۔

    مراسلے میں کہا گیا ہے کہ پرنٹنگ پریس میں پمفلٹ اورکتابچےچھپ رہےہیں ان کی نگرانی کی جائےاور راولپنڈی کے تمام پرنٹنگ پریس کےخلاف کارروائی کی جانی چاہیے۔ مراسلے میں علامہ طاہرالقادری اور عمران خان کےبینرزبنانےوالوں کی نگرانی کی سفارش کی گئی ہے۔

  • الیکشن اسی سال دسمبرمیں ہونگے، عمران خان کا انکشاف

    الیکشن اسی سال دسمبرمیں ہونگے، عمران خان کا انکشاف

    کراچی: عمران خان نے اے آر وائی نیوز کے پروگرام سوال یہ ہے میں انکشاف کیا کہ الیکشن اسی سال دسمبرمیں ہونگے،مجھے کچھ ہواتو کارکنوں شریف خاندان کوچھوڑنا نہیں۔

    اے آر وائی نیوز کے پروگرام سوال یہ ہے میں عمران خان نے دو ٹوک الفاظ میں کہا کہ انہیں کچھ ہوا تو اس کے ذمہ دار نواز شریف ہوں گے،عمران خان کہتے ہیں الیکشن اسی سال سردیوں میں ہوں گے، کپتان نے بتایا وہ پاکستان عوامی تحریک کے یوم شہدا میں شریک نہیں ہو رہے۔

    پی ٹی آئی کے چیئرمین نے اس تاثر کو رد کیا کہ انہوں نے حکومت کو کوئی فارمولا دیا ہے، عمران خان کہتے ہیں کہیں سے بھی فون آجائے وہ پیچھے ہٹنے والے نہیں،عمران کان نے کہا جو بھی بات ہوگی وہ چودہ اگست کو اسلام آباد میں ہوگی، وہ وزیراعظم نوازشریف کی زبان پر اعتبار نہیں کرتے،عمران خان کا کہنا تھا جماعت اسلامی اورتمام جماعتوں کوفیصلہ کرنا ہوگا۔

  • نواز شریف سے اب کوئی بات نہیں ہوگی،عمران خان

    نواز شریف سے اب کوئی بات نہیں ہوگی،عمران خان

    اسلام آباد: پاکستان تحریک انصاف کے چیئرمین عمران خان نے نواز شریف کی پیشکش مسترد کر دی۔ کہتے ہیں نواز شریف سے اب کسی بھی صورت کوئی بات نہیں ہوگی۔اسلام آباد میں میڈیا سےبات چیت کرتےہوئےعمران خان کا کہنا تھا کہ آزادی مارچ کی تاریخ حتمی ہے، اسے کسی صورت آگےنہیں بڑھایا جائیگا۔ انہوں نے دو ٹوک لہجے میں کہا کہ آزادی مارچ اسلام آباد آئیگی چاہے حکومت کتنی رکاوٹیں کھڑی کرے۔

    ان کا کہنا تھا کہ تحریک انصاف کی جانب سے قومی سیکیورٹی اجلاس کے بائیکاٹ کا فیصلہ صحیح ثابت ہوا، نواز شریف نے سیکیورٹی کے اجلاس میں سیاسی باتیں کیں، انہیں اجلاس میں سیکیورٹی پر بات کرنی چاہئے تھی نہ کہ سیاست پر،عمران خان نے الزام لگایا کہ نوازشریف نے قومی سلامتی کے معاملے پرسیاسی فائدہ حاصل کرنیکی کوشش کی۔

    عمران خان کا کہنا تھا کہ ماضی میں نواز شریف نےسپریم کورٹ پرحملہ کیااور اب تمام اداروں کو تباہ کررہے ہیں۔ انکا کہنا تھا کہ نواز شریف اور حسنی مبارک میں کوئی فرق نہیں۔ انہوں نےوزیر اعظم نواز شریف پر عوام کےپیسوں کو ذاتی مفاد میں استعمال کرنیکاالزام عائد کرتےہوئےکہا کہ اب بادشاہت کیخلاف کھڑےہونےوقت آگیاہے۔

  • عمران خان نے آزادی مارچ مہم آج سے شروع کرنے کا ٹاسک دیدیا

    عمران خان نے آزادی مارچ مہم آج سے شروع کرنے کا ٹاسک دیدیا

    لاہور: عمران خان نے پنجاب کے ضلعی عہدیداروں کو آزادی مارچ مہم آج  سے شروع کرنے کا ٹاسک دیدیا ہے۔

    تحریک انصاف کے چیئرمین عمران خان آزادی مارچ پر بدستور ڈٹے ہوئے ہیں، آزادی مارچ کی تیاریوں کے سلسلے میں  نے عمران خان پنجاب میں پارٹی کی ضلعی انتطامیہ کو آج سے مہم شروع کرنے کا ٹاسک دے دیا ہے۔

    پی ٹی آئی کے آزادی مارچ کی نگرانی چیف آرگنائزر سیف اللہ خان نیازی کریں گے، عمران خان نےعہدیداران اور کارکنان کو اسلام آباد میں رہنے کی ہدایت کرتے ہوئے حکومتی رکاوٹوں سے نمٹنےکے لئے تیاریاں مکمل رکھنے کو کہا ہے۔

    ذرائع کے مطابق پی ٹی آئی کے پندرہ ہزار سے زائد کارکنان کو چودہ اگست سے پہلے اسلام آباد پہنچنے کی اجا زت مل گئی ہے، عمران خان نے حکمت عملی بیان کرتے ہوئے کارکنان کو ہدایت کی ہے کہ گرفتاریوں اور چھاپوں سے بچنے کےلئے ہوٹلوں میں قیام کریں۔

  • عمران خان سے بات ہوگی،علامہ طاہر القادری سےنہیں،وزیراعظم

    عمران خان سے بات ہوگی،علامہ طاہر القادری سےنہیں،وزیراعظم

    اسلام آباد : وزیر اعظم نواز شریف نے کہا ہے کہ عمران خان سے بات ہوگی،علامہ طاہر القادری سےنہیں، وزیر اعظم نواز شریف نے قومی سلامتی کانفرنس میں تحریک انصاف کو مذاکرات کی پیشکش کردی، وزیراعظم نے عمران خان کو پیغام دے دیا کہ مطالبات پر کوئی بھی فارمولا نکالنے کو تیار ہے۔

    دوسری جانب وزیر اعظم نواز شریف نے واضح اشارہ دے دیا ہے کہ ڈاکٹر طاہر القادری سے مذاکرات نہیں ہوں گے، انھوں نے کہا کہ  انقلاب کی وضاحت کی جائے، ملک کسی بھی محاذ آرائی کا متحمل نہیں ہوسکتا۔

    وزیر اعظم کی جانب سے سیاسی ماحول میں گرما گرمی کم کرنے کیلئے بلائی گئی قومی سلامتی کانفرنس میں قائد حزب اختلاف خورشید شاہ، مولانا فضل الرحمٰن،سراج الحق، آرمی چیف راحیل شریف،ڈی جی آئی ایس آئی حکومتی وُزراء اور دیگر سیاسی رہنما شامل ہیں۔

    وزیر اعظم خطاب کرتے ہوئے تحریک انصاف کو مذاکرات کی دعوت دیدی اور کہا کہ دس نشستوں سے متعلق مطالبات پر کوئی بھی فارمولا نکالنے کو تیار ہیں۔ وزیر اعظم نوز شریف نے قومی سلامتی کانفرنس میں خوب لچک کا مظاہرہ کیا کہا کہ عمران خان کی دعوت پر اُن کے پاس چل کر گیا، ملک کے لئے کسی کے پاس بھی جانے کو تیار ہوں۔

    وزیر اعظم نواز شریف نے کہا کہ ملک میں خوشحالی کیلئے ایک دست تعاون بڑھانا چاہئے۔

  • وزیراعظم اورسراج الحق کے درمیان کل ایک اورملاقات ہوگی

    وزیراعظم اورسراج الحق کے درمیان کل ایک اورملاقات ہوگی

    اسلام آباد: وزیراعظم نوازشریف اورجماعت اسلامی کے امیر سراج الحق کے درمیان کل ایک اورملاقات ہوگی۔

    حکومت نے اپنے پلڑے میں وزن بڑھانے کیلئے جماعت اسلامی سے ایک بارپھر رابطہ کرلیا۔جس کے بعد وزیراعظم اور امیرجماعت اسلامی کے درمیان جمعہ کے روز ایک اور ملاقات کاامکان پیدا ہوگیا ہے۔

    چوہدری نثار اورخواجہ سعد رفیق نے جماعت اسلامی کے سیکرٹری جنرل لیاقت بلوچ سے ٹیلی فون پربات کی اورکہا کہ جماعت اسلامی کے امیرکی طرف سے وزیراعظم کودی گئی تجاویزاورعمران خان کے مطالبات پر غورکیاگیا جس کے بعد وزیراعظم نےجمعہ کو ایک اورملاقات کی خواہش کااظہارکیاہے تاکہ مسائل حل کرنے کیلئے معاملات مثبت اندازمیں آگے بڑھائے جاسکیں۔

  • حکومت بات چیت میں پہل کرکےوسعت قلبی کامظاہرہ کرے، سراج الحق

    حکومت بات چیت میں پہل کرکےوسعت قلبی کامظاہرہ کرے، سراج الحق

    پشاور: جماعت اسلامی نے حکومت کوسنجیدگی کامظاہرہ کرنےاوربات چیت میں پہل کرنے کامشورہ دے دیا۔

    امیرجماعت اسلامی سراج الحق نے ملک کی موجودہ صورتحال کاذمہ دار الیکشن کمیشن اورحکومت کوقرار دے دیاکہتے ہیں حکومت نے سنجیدگی کامظاہر ہ نہیں اب بھی وقت ہے حکومت ہوش کے ناخن لے، سراج الحق نےبتایا چار نکاتی فارمولے کاجواب ملنے پرلانگ مارچ میں شرکت کرنے یانہ کرنے کافیصلہ کریں گے، سیاسی قوتیں تماشائی بننے کے بجائےمسئلہ حل کرنے کی کوشش کریں تشدد کامشورہ دینادرست نہیں، سراج الحق نےکہافوج کومداخلت نہیں کرنی چاہئے حالات بھی ایسے نہیں کہ فوج ذمہ داریاں سنبھالے۔