کراچی میں پریس کانفرنس کرتے ہوئے تحریک انصاف کے سربراہ عمران خان نے کہاکہ ملک پرویز مشرف کا ملک سے جانا تیسرا این آر او ثابت ہوگا، الطاف حسین کی تقریر پر ردعمل دیتے ہوئےکہاکہ عوام کو سندھ ون اور ٹو نہیں انصاف چاہئے۔
زہرہ شاہد کے قاتلوں کی گرفتاری کے بارے میں عمران خان کا کہنا تھا کہ انتخابات کے دوران بدترین دھاندھلی ہوئی کراچی کے تین حلقوں کے نتائج سب کے سامنے ہیں، کراچی میں تحریک انصاف کے ذمہ داران کو قتل کرکے انتخابی دھاندھلی کا آغاز کردیا گیا۔
پنجاب اسمبلی میں تحریک انصاف نے سندھ میں وسائل کی تقسیم کے حوالےسے الطاف حسین کے بیان کے خلاف قرارداد مذمت جمع کرادی، مسلم لیگ ق کے رہنما چوہدری پرویز الٰہی نے قرارداد کی حمایت نہ کرنے کا اعلان کیا ہے۔
تحریک انصاف کے رہنما اور پنجاب اسمبلی میں قائد ِحزبِ اختلاف میاں محمود الرشید نے اپنے قرار داد میں کہا ہے کہ ایم کیو ایم کے قائد الطاف حسین نے حیدر آباد میں اپنے خطاب کے دوران ملک توڑنے کی بات کی ہے جو قابل مذمت ہے۔
قرارداد میں کہا گیا ہے کہ الطاف حسین کے بیانات ملکی سلامتی کے خلاف ہیں اور وہ ان کی مذمت کرتے ہیں، قرارداد میں یہ مطالبہ بھی کیا گیا ہے کہ الطاف حسین کے ملک توڑنے کے بیانات کا نوٹس لیا جائے۔
دوسری جانب مسلم لیگ ق کے رہنما اور سابق وزیراعلیٰ پنجاب چودھری پرویز الٰہی نے کہا ہے کہ انکی جماعت پنجاب اسمبلی میں ایم کیو ایم کے قائد الطاف حسین کے بیان پر جمع کرائی جانے والی قرار داد کی حمایت نہیں کرے گی۔
تحریک انصاف کے رہنما شاہ محمود قریشی کا کہنا ہے کہ ایم کیو ایم کی وضاحت آگئی، اب حالات بہتر ہونے چاہیئں، سندھ اور پنجاب میں بلدیاتی انتخابات ہوتے نظر نہیں آرہے، کل عمران خان کی قیادت میں حیدرآباد سے عمرکوٹ تک ریلی نکالی جائے گی۔
کراچی میں میڈیا سے گفتگو میں شاہ محمود قریشی کا کہنا تھا کہ ایم کیو ایم کی قیادت نے حیدرآباد جلسہ کی تقریر پر وضاحت پیش کردی، اب حالات بہتر ہونے چاہئیں۔
شاہ محمود قریشی نے بلدیاتی انتخابات سے متعلق شدید تحفظات کا اظہار بھی کیا، تحریک انصاف کے سینئر نائب صدر کا کہنا تھا کہ پیر کوعمران خان کی قیادت میں سندھ کے عوام سے اظہار یکجہتی کیلئے حیدرآباد سے عمر کوٹ تک ریلی نکالی جائے گی۔
پشاور میں لوڈ شیڈنگ کے خلاف احتجاج کرتے تحریک انصاف کے کارکنان واپڈا ہاؤس میں داخل ہوگئے، واپڈاچیف کہتے ہیں تیس جنوری سے پہلے لوڈشیڈنگ دورانئے میں کمی نہیں کرسکتے۔
بجلی لوڈ شیڈنگ نا منظور نامنظور ، خیبر پختون خوا سے سوتیلوں جیسا سلوک بندکیا جائے، پشاور میں بینرز اور پلے کارڈ اٹھائے تحریک انصاف کے ہزاروں کارکنان صوبے میں بجلی کی طویل اورغیر اعلانیہ لوڈ شیڈنگ کےخلاف احتجاج کرتے ،واپڈا ہائوس میں داخل ہوگئے، کارکنان کی چھ رکنی کمیٹی نےچیف واپڈا حکام سے سے بات کی۔
واپڈاحکام نے بتایاطلب بائیس سو میگاوات کی ہے جبکہ صوبے کو چودہ سو میگاواتٹ فراہم کئے جاتے ہیں، آٹھ سو میگاواٹ کمی کے سبب لوڈشیڈنگ کرنی پڑتی ہے، پیسکو چیف برگئیڈئیر رٹائرڈ طارق سدرو زئی عندیہ دیاہے کہ تیس جنوری سے پہلے لوڈ شیڈ نگ میں کمی نہیں کی جاسکتی۔
دیہی علاقوں کو اٹھارہ سے بیس گھنٹےاور شہری علاقوں میں آٹھ سے بارہ گھنٹے لوڈشیڈنگ کی جائے گی۔پیسکو چیف نے خوشخبری دیتے ہوئےبتایا چھ ارب روپے کے، لائن ڈسٹیبیوشن سسٹم ۔کو لگانے کی منظوری دی گئی ہے جو لوڈ شیڈنگ کے زخم پر مرہم کا کام کرے گا، کارکنان کی کمیٹی نے واپڈا حکام کو چار نکا ت پیش کئے جس میں غیر اعلانیہ لوڈ شیڈنگ کا خاتمہ ،کرپٹ اہلکاروں کے خلاف کاروائی ،لو ،وولٹیج اور ،اوور بیلینگ کو قابو میں کرنا شامل ہے۔
بلاول بھٹو زرداری اور عمران خان کی سوشل میڈیا سے نوک جھونک کا سلسلہ جاری ہے، بلاول بھٹو کا کہنا ہے کہ کہ پی ٹی آئی بلاول ہاؤس کی دیوار گرانا چاہتی ہے تاکہ طالبان اسے مار دیں، عمران خان کا کہنا ہے کہ عوامی ملکیت کا استعمال جاگیردارانہ ذہنیت ہے۔
پیپلزپارٹی اور تحریک انصاف کے سربراہوں کی جنگ سوشل میڈیا پر جاری ہے ، بلاول بھٹو زرداری نے ٹویٹر پیغام میں کہا کہ دہشتگردوں کا جو یار ہے غدار ہے، پیپلز پارٹی کے جیالوں نے تحریک طالبان کا سامنا کیا ہے، جینز پہننے والے منی طالبان سے نہیں گھبراتے۔
عمران خان نے بلاول ہاوس کے راستوں کی بندش پر تنقید کرتے ہوئے اسے جاگیردارانہ ذہنیت قراردیا، عمران خان نے استفسار کیا ہے کہ کیا پی ٹی آئی کے پرامن احتجاج پر حملہ جمہوریت ہے، انہوں نے مزید کہا ہے کہ پی ٹی آئی عدالتی احکامات پرعملدرآمد کیلئے احتجاج کررہی ہے۔
پیپلز پارٹی کے رہنما سید اویس مظفر نے کہا ہے کہ پیپلز پارٹی نے ہمیشہ پر امن احتجاج کا راستہ اپنایا ہے، پی ٹی آئی کے احتجاج میں کھلے عام اسلحے کی نمائش کی مذمت کرتے ہیں، سید اویس مظفر نے کہا کہ بلدیاتی انتخابات کے لئے کاغذات نامزدگی فارم جمع کرانے کی آخری تاریخ کے روز پی ٹی آئی کا غیر جمہوری احتجاج سازش ہے۔
بلاول ہاؤس کے قریب پاکستان تحریک انصاف اور پیپلز پارٹی کے تصادم کے بعد دونوں اطراف سے پتھراؤ، متعدد مشتعل مظاہرین گرفتار، تفصیلات کے مطابق کراچی میں بلاول ہاؤس کے قریب پیپلز پارٹی اورتحریک انصاف کے کارکنوں میں تصادم ہوگیا، جس کے دوران ایک دوسرے پر پتھراوٴ کیا گیا۔ پولیس نے کئی افراد کو حراست میں لے لیا۔پولیس نے بلاول ہاوٴس کی جانب جانے والے راستوں کو کنٹینرز لگا کر بند کردیا اوربوٹ بیسن، کلفٹن اور بلاول ہاؤس سے ملنے والے دیگر تمام راستے بھی بند کردیے گئے ہیں۔ جبکہ رینجرزاہلکار بھی اس موقع پر موجود تھے۔
پیپلز پارٹی کے رہنماعبدالقادرپٹیل کا کہنا ہے کہ ناخوشگوار واقعے کے ذمے دار تحریک انصاف کے رہنما عارف علوی ہیں،مظاہرہ بلدیاتی انتخابات سے توجہ ہٹانے کی کوشش ہے۔ عبدالقادر پٹیل نے کہا ہے پیپلزپارٹی کے کارکن بی بی شہیدکے گھرکی حفاظت کےلئے جان بھی دے سکتے ہیں۔
پیپلزپارٹی کی رہنما شرمیلا فاروقی نے میڈیا سے گفتگو کرتے ہوئے کہاہے کہ تحریک انصاف تشدد کی سیاست پر اتر آئی ہے۔جیالے اپنے گھرکی حفاظت کرناجانتے ہیں۔
دوسری جانب بلاول ہاؤس کراچی کے باہر صحافیوں سے گفتگوکرتے ہوئےتحریک انصاف کے رہنما ڈاکٹرعارف علوی نےکہا کہ پرامن احتجاج کرنے نکلے تھے۔ کارکنان بے قابو ہوئے تو اینٹ سے اینٹ بجادیں گے۔ بند سڑک کھلوانے تک احتجاج جاری رہےگا۔پولیس حراست میں لئے گئے پی ٹی آئی کے کارکنوں کو رہا کرے۔
بلاول ہاؤس کے اطراف کی سڑک کو کھلوانے کے لئے پاکستان تحریک انصاف کے کارکنان صوبائی قائد ین کے ہمراہ صبح سے ہی احتجاج کے لئے بوٹ بیسن پر جمع ہونا شروع ہوگئے تھے جبکہ پیپلز پارٹی کے کارکن پارک ٹاور پرتحریک انصاف کیخلاف احتجاج کررہے تھے ۔ اسی دوران دونوں پارٹیوں کے کارکنوں میں تصادم شروع ہوگیا جس کے دوران ایک دوسرے پر پتھراؤ کیا گیا۔
پولیس نے ہنگامہ آرائی میں ملوث متعدد افراد کو حراست میں لے لیا ہے۔اے ایس پی کلفٹن کا کہنا ہے کہ کسی بھی غیر متعلقہ شخص کو بلاول ہاؤس کی جانب جانے کی اجازت نہیں دی جائے گی۔ بلاول ہاؤس کی جانب جانے والے راستوں کو کنٹینرز لگا کر بند کردیا گیا تھا اورکسی بھی ناخوشگوار واقعے سے نمٹنے کے لئے پولیس کی بھاری نفری تعینات تھی ۔
خیبر پختونخوااور کراچی کے بعد بلوچستان میں بھی جماعت اسلامی تحریک انصاف نے نیٹو سپلائی اور ڈرون حملوں کے خلاف دھرنا دیا ، ڈرون حملوں اور نیٹو سپلائی کے خلاف جماعت اسلامی اور پاکستان تحریک انصاف کے کارکنوں نے کوئٹہ کے علاقے مغربی بائی پاس خیزی چوک پر دھرنا دے کر چمن جانے والی بین الاقوامی شاہراہ کو ٹریفک کی آمد ورفت کیلئے بند کردیا ۔
جماعت اسلامی کی صوبائی قیادت نے افغانستان میں مداخلت کے خاتمہ کا مطالبہ کرتے ہوئے کہا کہ نیٹو کی آڑ میں افغانیوں کے قتل عام کا سامان لے جانے کی اجازت قطعاً نہیں دیں گے دھرنے میں امریکہ مخالف مذہبی جماعت جمعیت علماء اسلام نظریاتی نے بھی شرکت کی اور یکجہتی کا بھرپور اظہار کرتے ہوئے امریکہ کے خلاف مشترکہ جدوجہدکو وقت کی اہم ضرورت قرار دیا ۔
کوئٹہ میں دیئے جانے والے دھرنے میں پاکستان تحریک انصاف کے کارکنان نے بھی بڑی تعداد میں شرکت کی ڈرون حملوں کو پاکستان کی خود مختاری پر حملہ قرار دیتے ہوئے مطالبہ کیا گیا کہ ڈرون حملے بند کئے جائیں تحریک انصاف نے جعفر آباد نصیر آباد اور چمن میں بھی نیٹو سپلائی اور ڈرون حملوں کے خلاف دھرنا دینے کا اعلان کیا امریکہ مخالف اتحادی جماعتوں کی جانب سے فیصلہ کیا گیا کہ امریکہ کی مداخلت کے مکمل خاتمہ تک احتجاج جاری رکھا جائے گا۔
تحریک انصاف نے بلدیاتی انتخابات کے لئے حلقہ بندیوں کے عمل کو سپریم کورٹ لاہور رجسٹری میں چیلنج کردیا۔ تحریک انصاف کی جانب سے موقف اختیا رکیاگیا ہےکہ حلقہ بندیاں صوبائی حکومت کےمن پسند افسران کررہے ہیں، جو غیرآئینی ہے۔ درخواست میں کہا گیا ہےکہ حلقہ بندیاں کرانا الیکشن کمیشن کا کام ہے، ضلعی انتظامیہ کا نہیں۔ درخواست میں استدعا کی گئی ہے کہ عدالت بلدیاتی انتخابات اپنی نگرانی میں کرائےاور حلقہ بندیاں الیکشن کمیشن کے ذریعے کروانے کے احکامات جاری کرے۔
تحریک انصاف کے چئیرمین عمران خان نے کہا ہےکہ جب تک خیبرپختونخوا میں بلدیاتی الیکشن کے حوالے سے تمام سیاسی جماعتوں کے خدشات دور کیے جائیں گے، امن کے بغیر ملک میں خوشحالی نہیں آسکتی۔
پشاور میں پریس کانفرنس کرتے ہوئے تحریک انصاف کے چئیرمین عمران خان کا کہنا تھا کہ صوبے میں بلدیاتی الیکشن کو شفاف بنانے کیلئے الیکشن عدلیہ کی نگرانی میں کرائے جائیں گے اور تمام سیاسی جماعتوں کے خدشات دور کیے جائیں گے۔
عمران خان کا کہنا تھا کہ پارلیمنٹ متفقہ طور پر قرارداد منظور کر چکی ہے کہ ڈرون حملوں کی صورت میں نیٹو سپلائی بند کردی جائے، تحریک انصاف کے چئیرمین کا مزید کہنا تھا کہ جب تک ملک میں امن قائم نہیں ہوتا اقتصادی خوشحالی نہیں آسکتی کیونکہ امن کے بغیر پاکستان میں کوئی سرمایہ کاری نہیں کرے گا۔
تحریک انصاف کےرہنما شاہ محمود قریشی نےمطالبہ کیا ہے پنجاب میں بلدیاتی الیکشن عدلیہ کی زیرنگرانی کرائےجائیں، الیکشن کمیشن کےضابطہ اخلاق کی دھجیاں اڑائی جارہی ہیں، دھاندلی ہوئی تو ہرگلی اور محلے میں احتجاج ہوگا۔
میڈیا سے گفتگو میں ان کا کہنا تھان لیگ کا ذہن پارٹی بنیادوں پر الیکشن سے ٹکرارہا ہے،حلقہ بندیاں پہلے ہی متنازع تھیں، انتخابات اے سی یا ڈی سی کے تحت کرانے کا فیصلہ مزید متنازع ہے، کیونکہ انتظامی افسروں کی تعیناتی وزیراعلیٰ کی مرضی سے ہوتی ہے۔
انھوں نےکہا پنجاب حکومت نےدبانے اور خریدنے کی پالیسی کاآغازکردیا۔ ن لیگ پیسے کی سیاست کوفروغ دینا چاہتی ہے جس سے ہارس ٹریڈنگ ہوگی۔