اسلام آباد: وزیراعظم عمران خان نے کہا ہے کہ مارچ اوردھرنےکی وجہ سےبھارت میں خوشیاں منائی گئیں مگر ہم نےملک کوغیرمستحکم کرنےکی سازش کوناکام بنایا۔
تفصیلات کے مطابق افریقی ممالک کےسفراکی کانفرنس سےخطاب ہوئے وزیراعظم عمران خان نے کہا کہ دھرنے کو بھارت نے جشن کی طرح استعمال کیا، بھارت نے سپریم کورٹ کا معاملہ بھی استعمال کیا، بی جےپی حکومت دھرنے،مارچ اورحالیہ صورتحال کی وجہ سےخوش تھی وہ سوچ تھی پاکستان میں ادارے آپس میں لڑجائیں گے، ہمیں خوشی ہےبھارت کی خواہشوں پرایک بارپھرپانی پھرگیا۔
وزیراعظم نے کہا کہ پاکستان میں ادارےمضبوط ہورہےہیں اور اپنی حدودمیں رہ کرکام کررہےہیں،عدلیہ مضبوط ہے اور دیگرادارےبھی مضبوط ہورہےہیں۔
انہوں نے کہا کہ پاکستان کےدشمنوں کوشکست ملی ہے، پاکستان مشکل وقت سےنکل کرتیزی سےآگےبڑھ رہاہے، دشمنوں کی کوئی خواہش پوری نہیں ہوگی،پاکستان ترقی کرےگا۔
وزیراعظم کا کہنا تھا کہ چین نےاپنےاداروں میں میرٹ پرتعیناتیاں کیں،میرٹ پرتعیناتیوں کیلئےچین نےایک سسٹم بنایاہواہے اور میرٹ کی پالیسی پرعملدرآمدکرکے ہی چین نے ترقی کی۔
انہوں نے بتایا کہ منیراکرم پاکستان کےبہترین سفارتکارہیں،چین کےسفیرکےریمارکس کےبعدمنیراکرم کی یواین میں تعیناتی کی، چین کےایک سفیرنےمجھ سےکہامنیراکرم کی شاندارکارکردگی رہی۔
وزیراعظم کا کہنا تھا کہ ہمیں اداروں کی بہتری کیلئےمیرٹ پرتوجہ بہت ضروری ہے کیونکہ میرٹ جتنازیادہ ہوگااتنی ہی جمہوریت پروان چڑھےگی، دنیامیں بھی دیکھ لیں وہ ٹیم اوپرجاتی ہےجس میں میرٹ ہو، ہم تمام اداروں میں میرٹ کی بنیادپرتعیناتیاں کریں گے۔
وزیراعظم کا مزید کہنا تھا کہ دنیابھرمیں کھیلوں کےدوران سفیروں سےبھی ملاقاتیں ہوتی تھیں اور دنیا بھر میں پاکستانی سفیربہترین مانےجاتےہیں۔
