Tag: تحریک انصاف

اسلام آباد: تحریک انصاف کے رہنما بابر اعوان نے کہا ہے کہ کشمیر سے ہمدردی نہ رکھنے والا طبقہ ملک میں افرا تفری چاہتا ہے۔

تفصیلات کے مطابق پاکستان تحریک انصاف کے سینئر رہنما بابر اعوان نے کہا ہے کہ پی ٹی آئی حکومت کو 5 سالہ حکمرانی کرنے کا مینڈیٹ ملا ہے، ن لیگ، پی پی ناکامی کے بعد مذہب کے نام پر سیاست کررہی ہیں۔

انہوں نے کہا کہ اخبارات میں شائع خبر آڈیٹر جنرل کی رپورٹ حکومت سے متعلق نہیں ہے، گزشتہ ادوار کی آڈٹ رپورٹس کو موجودہ دور حکومت سے جوڑا جارہا ہے۔

بابر اعوان نے کہا کہ 2 سابق وزرا، پارلیمانی سیکریٹری نے جھوٹی خبروں کا آغاز کیا، آڈیٹر جنرل پاکستان کی رپورٹس گزشتہ حکومت کے سیاہ کارنامے ہیں، جھوٹی خبریں پھیلانے والوں کے خلاف اداروں کو کارروائی کرنی چاہئے۔

مزید پڑھیں: کشمیری عوام کو حق خود ارادیت دلوانے کیلئے کسی بھی حد تک جائیں گے، بابر اعوان

انہوں نے کہا کہ جھوٹی خبر کی ترویج الیکٹرانک کرائم ہے، جھوٹی خبر کی ترویج پر ایف آئی اے کو کارروائی کرنی چاہئے، خسارے میں کمی، درآمدات میں اضافہ بہتر معیشت کے اعشاریے ہیں۔

بابر اعوان کے مطابق حکومت اسحاق ڈار کی طرح جعلی اعداد و شمار دے کر قوم کو دھوکے میں نہیں رکھے گی، اسلام آباد لاک ڈاؤن سے متعلق اسلام آباد ہائی کورٹ کا فیصلہ موجود ہے۔

انہوں نے کہا کہ اگر اسلام آباد لاک ڈاؤن کیا جاتا ہے تو یہ ہائیکورٹ کے فیصلے کی توہین ہوگی۔

راولپنڈی: پاکستان تحریک انصاف کے رہنما حاجی گلزار اعوان کا کہنا ہے کہ تحریک انصاف صحیح معنوں میں عوام کو با اختیار بنائے گی-

تفصیلات کے مطابق تحریک انصاف کے رہنما حاجی محمد گلزار اعوان نے کہا ہے کہ پاکستان تحریک انصاف ملک میں پہلی مرتبہ حقیقی عوامی نمائندگی پر مشتمل بلدیاتی نظام لا رہی ہے جس میں عوام کو بااختیار بنا کرشریک اقتدار کیا جائے گا-

انہوں نے کہا کہ عوام کا استحصال کرنے والے نظام نے جڑیں اتنی مضبوط کرلی ہیں کہ اسے اکھاڑنے کے لیے بہت زیادہ محنت، خلوص، لگن اور دیانت و ایمانداری کی ضرورت ہے-

حاجی محمد گلزار اعوان نے کہا کہ موجودہ مشکلات عارضی ہیں اور حکومت کے اقدامات کی بدولت بہت جلد عوام کو ریلیف ملنا شروع ہو جائے گا-

تحریک انصاف کے رہنما نے کہا کہ اس سے قبل جس جس نے بھی بلدیاتی سسٹم کو تبدیل کیا اور عوام کو شریک اقتدار کرنے کے نعرے لگائے وہ سب جھوٹ اور فریب تھا ان کی نیت ہی نہیں تھی کہ وہ عوام الناس کو با اختیار بنا کر شریک اقتدار کریں-

انہوں نے کہا کہ تحریک انصاف صحیح معنوں میں عوام کو با اختیار بنائے گی اور بلدیاتی سطح سے عوام کے منتخب نمائندوں کی ایسی سیاسی اور معاشی تربیت ہوگی جو آگے چل کر انہیں سیاست کے قومی دھارے میں کامیاب بنائے گی-

کراچی: سندھ اسمبلی میں اپوزیشن لیڈر فردوس شمیم نقوی نے کہا ہے کہ بلاول بھٹو نے سندھو دیش کی بات کرکے اپنے دل کی بات کہہ دی ہے۔

تفصیلات کے مطابق تحریک انصاف کے رہنما اور سندھ اسمبلی میں اپوزیشن لیڈر فردوس شمیم نقوی نے کہا ہے کہ سندھ حکومت چور ہے انہوں نے صوبے کو برباد کردیا ہے، بلاول سندھو دیش کی بات کرکے دل کی بات زبان پر لے آئے ہیں۔

فردوس شمیم نقوی نے کہا کہ کراچی سندھ کا تاج ہے تو پہلے تاج کو سنبھالا جاتا ہے پھر کسی اور کو سنبھالتے ہیں، شہر قائد کو جو 600 ملین پانی کی بات ہوئی تھی پتا نہیں کب ملے گا۔

اپوزیشن لیڈر نے کہا کہ کراچی اسٹریٹجک کمیٹی اپنا کام شروع کرچکی ہے، صوبے کو دولخت کرنے کی کوئی سازش کامیاب نہیں ہونے دیں گے، سندھ کو الگ کرنے کی بات کرنے والے کی مذمت کرتے ہیں۔

مزید پڑھیں: بلاول بھٹو حکومت کی مخالفت میں ملک توڑنے کی باتیں کرنے لگے

فردوس شمیم نقوی نے کہا کہ آئین پاکستان کہتا ہے ملکی سالمیت پر حملہ کرنے والا غدار ہوگا، جو شخص ملکی سالمیت پر بات کرے گا اسے غدار کہیں گے۔

تحریک انصاف کے رہنما نے کہا کہ جو بھی صوبے کی پامالی کی بات کرے گا وہ ملک دشمن کہلائے گا، اس حوالے سے ایک قرارداد پیر کو اسمبلی میں پیش کریں گے۔

فردوس شمیم نقوی نے کہا کہ ہمیں اپنی عدالتوں پر پورا بھروسہ ہے، کسی کو بھی آئین اور قانون کے ساتھ کھلواڑ نہیں کرنے دیں گے۔

واضح رہے کہ گزشتہ روز بلاول بھٹو نے کہا تھا کہ کل بنگلہ دیش بنا تھا، اگر حکومت کی موجودہ روش نہ بدلی تو سندھو دیش، سرائیکی دیش اور پختونوں کا دیش بھی بن سکتا ہے.

لودھراں: تحریک انصاف کے سینئر رہنما جہانگیر ترین کا کہنا ہے کہ زراعت کو پھرمعیشت میں صحیح کردار ادا کرنے والا شعبہ بنائیں گے۔

تفصیلات کے مطابق تحریک انصاف کے سینئر رہنما جہانگیر ترین نے زراعت ایمرجنسی پروگرام کے تحت مرغی پال اسکیم کی تقریب سے خطاب کرتے ہوئے کہا کہ دس پندرہ سال میں زراعت کا اتنا بڑا پروگرام شروع نہیں کیا گیا۔

جہانگیر ترین نے کہا کہ گزشتہ پالیسیوں سے کاشت کاروں کے گھروں کے چراغ بجھ گئے، زراعت کو پھرمعیشت میں صحیح کردار ادا کرنے والا شعبہ بنائیں گے۔

تحریک انصاف کے رہنما نے کہا کہ گھریلو مرغبانی آمدنی کا ایک ذریعہ بنے گی، ٹراؤٹ کی پیدواربڑھانے کے پہلے پروگرام کا افتتاح 5ستمبرکو ہوگا۔

انہوں نے کہا کہ عوام کی مدد کرنی اور کاشت کاروں کی آمدنی بڑھانی ہے، ایک سال کے بعد ہم تمام منصوبوں کی پیشرفت دیکھیں گے۔

لاہور: پاکستان تحریک انصاف کے رہنما ملک کرامت علی کھوکھر کا کہنا ہے کہ عالمی ادارے محصور کشمیریوں کی سنگین صورت حال کا نوٹس لیں۔

تفصیلات کے مطابق تحریک انصاف کے رہنما ملک کرامت علی کھوکھر نے کہا کہ مودی نے کشمیر پر جبری قبضے کی کوشش کرکے عالمی برادری خصوصاً اقوام متحدہ کو للکارا ہے۔

انہوں نے کہا کہ کشمیریوں پر ظلم کے پہاڑ ڈھانے والے سفاک مودی کو سبق سکھانے کے لیے قوم پاک فوج کے شانہ بشانہ ہے۔

تحریک انصاف کے رہنما نے کہا کہ تحریک انصاف اہل کشمیر کا مقدمہ پوری قوت سے لڑے گی، عالمی ادارے محصور کشمیریوں کی سنگین صورت حال کا نوٹس لیں۔

ملک کرامت علی کھوکھر نے کہا کہ وقت آگیا ہے کہ انسانی ومذہبی حقوق کی عالمی تنظیمیں سفاک مودی سرکار کے خلاف میدان میں نکلیں۔

مقبوضہ کشمیرمیں 26ویں روز بھی کرفیو

واضح رہے کہ مقبوضہ کشمیر میں آج مسلسل 26ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

اسلام آباد: مشیر خزانہ ڈاکٹر عبد الحفیظ شیخ کا کہنا ہے کہ پاکستان میں بیرونی سرمایہ کاروں کے لیے ماحول سازگارہو رہا ہے، متعدد شعبوں میں سرمایہ کاری کے مواقع ہیں۔

تفصیلات کے مطابق مشیر خزانہ ڈاکٹر عبدالحفیظ شیخ نے تقریب سے خطاب کرتے ہوئے کہا کہ خطے میں ترقی کی ضرورت ہے، خطے کی ترقی کے لیے مواصلات اور رابطے بڑھانا ضروری ہے۔

عبدالحفیظ شیخ نے کہا کہ پاکستان چاہتا ہے کہ کیپٹل مارکیٹ ترقی کرے، ترقی ہوگی تو روزگار بڑھے گا۔ انہوں نے کہا کہ متعدد شعبوں میں سرمایہ کاری کے مواقع ہیں۔

مشیر خزانہ نے کہا کہ پاکستان میں بیرونی سرمایہ کاروں کے لیے ماحول سازگارہو رہا ہے، چین پاکستان کا بڑا اقتصادی شراکت دار ہے۔انہوں نے کہا کہ روزگارکی فراہمی کے لیے اقتصادی ترقی ناگزیرہے۔

عبدالحفیظ شیخ نے کہا کہ پاکستان تحریک انصاف کی حکومت شفافیت پر یقین رکھتی ہے، موجودہ حکومت کو قرض کا بڑا بوجھ ورثے میں ملا، دنیا بھر کو یہ پیغام دے دیا ہے کہ پاکستان معاشی نظم وضبط قائم کرے گا، پاکستان معاشی تبدیلی کے ایجنڈے کی طرف گامزن ہے۔

انہوں نے کہا کہ پاکستان نے اینٹی کرپشن ایجنڈا اپنایا ہوا ہے، مالی خسارہ کم ہوا اور برآمدات بڑھتی ہیں، آئی ایم ایف پروگرام میں جانے سے مثبت معیشت کا تاثر گیا۔