Tag: تحریک انصاف

لاہور: پاکستان تحریک انصاف کے رہنما ہمایوں اخترخان کا کہنا ہے کہ ن لیگ اور پی پی کی سیاست کی عمارت کرپشن کی بنیادوں پر کھڑی تھی جو زمین بوس ہو چکی ہے۔

تفصیلات کے مطابق پاکستان تحریک انصاف کے سینئر مرکزی رہنما ہمایوں اختر خان نے کہا ہے کہ حکومت کسی بھی طرح کے چیلنجز سے نمٹنے کے لیے پرعزم ہے۔

ہمایوں اختر خان نے کہا کہ وزیر اعظم عمران خان نڈر اور حوصلہ مند شخص ہیں اور ان کی یہ خصوصیات ان کی پوری ٹیم کے لیے تقویت کا باعث ہیں۔

انہوں نے کہا کہ اپوزیشن لانگ مارچ کرے یا شارٹ مارچ، سڑکوں پر دھرنا دے یا ڈرائنگ میں بیٹھک لگائے انہیں عوام کی جانب سے کوئی پذیرائی نہیں ملے گی اور ناکامی ان کا مقدر ہے۔

تحریک انصاف کے رہنما نے کہا کہ وزیراعظم عمران خان نے مسئلہ کشمیر پر جس طرح پوری دنیا کو انگیج کیا ہے ماضی میں اس کی کوئی مثال نہیں ملتی اور اسی وجہ سے بھارت میں شدید بے چینی پائی جاتی ہے۔

ہمایوں اختر خان نے کہا کہ موجودہ حکومت کے بروقت اقدامات کی وجہ سے کشمیر کا مسئلہ عالمی دنیا میں اجاگر ہوا ہے جس سے امید کی کرن بھی پیدا ہوئی ہے۔

انہوں نے کہا کہ سابقہ حکومتوں نے معیشت پر کوئی توجہ نہیں دی اور اس کے برعکس اپنی اور اپنے بچوں کی ترقی اور خوشحالی کو ترجیح دی گئی۔

تحریک انصاف کے رہنما نے کہا کہ پاکستان تحریک انصاف نے حکومت میں آنے کے بعد معیشت کی ترقی کے لیے ہنگامی اقدامات اٹھائے اورآج ہماری معیشت کو سمت مل چکی ہے اور انشا اللہ وہ وقت آئے گا جب پاکستان کا شمار ابھرتی ہوئی معیشتوں میں ہوگا۔

لاہور: صوبائی وزیر فیاض الحسن چوہان نے کہا ہے کہ مریم صفدر کی گرفتاری کوئی انوکھی بات نہیں ہے۔

تفصیلات کے مطابق صوبائی وزیر فیاض الحسن چوہان نے مریم نواز کی گرفتاری پر ردعمل دیتے ہوئے کہا ہے کہ نیب کے بلانے کے باوجود محترمہ پیش نہیں ہوئیں، گرفتاری کوئی انوکھی بات نہیں ہے۔

فیاض الحسن چوہان نے کہا کہ منی لانڈرنگ کیا ہوا اربوں روپیہ تحائف کی صورت میں بانٹا گیا تھا، حلوائی کی دکان پر نانا جی فاتحہ والا ماحول بنا رکھا تھا۔

صوبائی وزیر فیاض الحسن چوہان نے کہا کہ پکڑے لوٹ مار پر جاتے ہیں نعرے جمہوریت کے لگاتے ہیں۔

فیاض الحسن چوہان نے کہا کہ نئے پاکستان میں بے لاگ احتساب ہورہا ہے، لوٹا ہوا سارا پیسہ واپس پاکستان آئے گا۔

مزید پڑھیں: چوہدری شوگر ملز کیس: مریم نواز کو کل احتساب عدالت میں پیش کیا جائے گا

واضح رہے کہ مسلم لیگ ن کی نائب صدر مریم نواز کو نیب کی ٹیم نے حراست میں لیا ہے، گرفتاری چوہدری شوگر ملز کیس میں عمل میں لائی گئی ہے۔

یاد رہے کہ چوہدری شوگر ملز کیس میں ایک ملزم یوسف عباس کو بھی گرفتار کیا گیا ہے، کل احتساب عدالت میں یوسف عباس اور مریم نواز کو پیش کیا جائے گا۔

خیال رہے کہ گزشتہ روز وزیر اعظم کے معاون خصوصی برائے احتساب شہزاد اکبر نے اے آر وائی نیوز سے گفتگو کرتے ہوئے کہا تھا کہ چوہدری شوگر مل منی لانڈرنگ کرنے کا ایک گڑھ رہا، جس کے بنانے کے لیے 15 ملین ڈالر قرض لیا گیا۔

شہزاد اکبر کا کہنا تھا کہ مریم نواز کو 2008 میں ساڑھے 7 ملین سے زاید شیئر ٹرانسفر کیے گئے تھے، انھوں نے 2010 میں یہ شیئرز یوسف عباس کو ٹرانسفر کر دیے تھے۔

کراچی: قومی اسمبلی کی قائمہ کمیٹی برائے خزانہ کے چیئرمین اسد عمر نے کہا ہے کہ عالمگیر خان کراچی کے مسائل کے لیے باہر نکلے تھے انہیں ضمانت پر رہا کیا جارہا ہے۔

تفصیلات کے مطابق قومی اسمبلی کی قائمہ کمیٹی برائے خزانہ کے چیئرمین اسد عمر نے فیریئر تھانے کے باہر میڈیا سے گفتگو کرتے ہوئے کہا کہ پیپلزپارٹی کرپشن چھپانے کے لیے مظاہرے کررہے ہیں۔

انہوں نے کہا کہ مسائل کی بات کی تو پیپلزپارٹی والوں سے برداشت نہیں ہوا، پی ٹی آئی ایم این اے عالمگیر خان کو لاک اپ کرکے مقدمہ درج کیا گیا۔

اسد عمر نے کہا کہ ایس ایس پی نے بتایا ہے کہ عالمگیر خان کو ضمانت پر رہا کیا جارہا ہے، گرفتار کارکنان کو ضمانت پر رہا کیا جارہا ہے۔

انہوں نے کہا کہ عالمگیر خان شہریوں کو پانی اور گندگی سے پاک شہر دینے کے لیے نکلا تھا۔

مزید پڑھیں: کراچی، پی ٹی آئی کے ایم این اے عالمگیر خان دوبارہ گرفتار، مقدمہ درج

واضح رہے کہ آج شام فکس اٹ کے بانی اور پی ٹی آئی رکن اسمبلی عالمگیر خان سعید غنی کے دفتر کے باہر احتجاج کرنے پہنچے تھے جہاں پیپلزپارٹی کے مسلح افراد سے تصادم ہوا تھا جس کے بعد پولیس نے کارروائی کرتے ہوئے عالمگیرخان سمیت فکس اٹ اور پیپلزپارٹی کے کارکنوں کو گرفتار کیا تھا۔

عالمگیر خان کو آرام باغ پولیس کی جانب سے رہا کردیا گیا تھا بعدازاں وہ فیریئر تھانے پہنچے تھے جہاں فیریئر تھانے کی پولیس نے انہیں دفعہ 144 کی خلاف ورزی پر گرفتار کرکے مقدمہ درج کرلیا تھا۔

پی ٹی آئی ایم این اے کا کہنا تھا کہ پر امن احتجاج کررہے تھے پیپلزپارٹی کے مسلح افراد نے حملہ کیا، ان کے اس طرح کے ہتھکنڈوں سے رکنے والا نہیں ہوں وزیراعلیٰ ہاؤس پر بھی احتجاج کریں گے۔

اسلام آباد: صوبائی تنظیموں کے بعد پی ٹی آئی اے کے مرکزی تنظیمی ڈھانچے کا بھی اعلان کردیا گیا جس کی منظوری چیئرمین پی ٹی آئی عمران خان نے دے دی۔

تفصیلات کے مطابق پی ٹی آئی کے مرکزی تنظیمی ڈھانچے کا اعلان کردیا گیا ہے جس کے مطابق عامر محمود کیانی پاکستان تحریک انصاف کے مرکزی سیکریٹری جنرل مقرر کردئیے گئے۔

مرکزی سیکریٹری اطلاعات کی ذمہ داریاں احمد جواد کو سونپ دی گئی ہیں، ارشد داد سینئر نائب صدر کے فرائض سر انجام دیں گے۔

رپورٹ کے مطابق عمر سرفراز چیمہ اور زاہد حسین کاظمی کو نائب صدر مقرر کیا گیا ہے، ڈاکٹر ابو الحسن انصاری مرکزی سیکریٹری جنرل تعینات ہوئے ہیں۔

مزید پڑھیں: عمران خان نے پی ٹی آئی کے تنظیمی ڈھانچے میں تنظیم نو کی منظوری دے دی

صوبائی ڈپٹی سیکریٹری جنرل عمر فاروق مائر، نیک محمد خان اور خادم حسین وردک کو مقرر کیا گیا ہے، چوہدری اقبال آزاد کشمیر، حشمت اللہ گلگت بلتستان میں ڈپٹی سیکریٹری جرنل تعینات کیے گئے ہیں۔

جوائنٹ سیکریٹریز نیلوفر بختیار، اعجاز رفیع بٹ اور کرنل امان اللہ کو مقرر کیا گیا ہے، ہمایوں جوگیزئی، شریف جوگیزئی اور خواجہ فاروق کو بھی جوائنٹ سیکریٹریز مقرر کیا گیا ہے۔

تحریک انصاف کے چیف آرگنائزر سیف اللہ نیازی نے تقرری کا باضابطہ نوٹیفکیشن جاری کردیا ہے۔

واضح رہے کہ 31 دسمبر 2018 میں چیئرمین تحریک انصاف عمران خان نے تنظیمی ڈھانچے میں بنیادی تبدیلی کا فیصلہ کرتے ہوئے پارٹی میں تنظیم نو کی منظوری دی تھی۔

لاہور: تحریک انصاف کے رہنما فیاض الحسن چوہان نے کہا ہے کہ مریم صفدر رو رہی ہیں، باپ جیل میں آلو گوشت،کریلے گوشت کھارہے ہیں، مریم صفدر نے اسٹار پلس کے ڈراموں کی کاپی کرکے رونا دھونا کیا۔

تفصیلات کے مطابق تحریک انصاف کے رہنما فیاض الحسن چوہان نے لاہور میں پریس کانفرنس کرتے ہوئے کہا کہ نواز شریف کی بیماری پر سیاست کی جارہی ہے، نواز شریف کو اگر اتنی ہی خطرناک بیماری ہے تو گوشت کھائیں گے، گوشت کے ساتھ روزانہ چاول بھی کھائے جارہے ہیں۔

فیاض الحسن چوہان نے کہا کہ پہلے کہتے تھے دل کی بیماریاں ہیں اب کہتے ہیں شوگر ہے، شوگر کا مریض کبھی چاول کے قریب نہیں جاتا، بی بی صفدر نے اعلان کیا چوڑیاں توڑ کر ہتھکڑیاں پہنوں گی، قانون کے مطابق پروڈکشن آرڈر پر آیا شخص میڈیا ٹاک نہیں کرسکتا۔

انہوں نے کہا کہ وزیراعظم عمران خان پاکستان کے ہیرو ہیں، جب حمزہ شہباز نکر پہن کر کھیلا کرتے تھے اس وقت عمران خان ہیرو تھے، پرویز الٰہی سے مطالبہ کروں گا حمزہ شہباز کا پروڈکشن آرڈر منسوخ کریں۔

مزید پڑھیں: بیگم صفدر نے کرپشن بولے بھائی کے لیے منی لانڈرنگ کی ہانڈی تیار کی، فیاض الحسن چوہان

فیاض الحسن نے کہا کہ جس طریقے سے آپ آئے تھے اسی طرح عمران خان آئے ہیں، مریم صفدر سے درخواست ہے والد کی بیماری پر سیاست نہ کریں، دنیا کا ہر ڈاکٹر مریض کو تلقین کرتا ہے آرام کریں، نواز شریف کا کیس دوسرا ہے روزانہ ملاقاتیں کررہے ہوتے ہیں۔

انہوں نے کہا کہ حمزہ کہتے ہیں نواز شریف کو مرسی نہیں بننے دیں گے کہاں إرسی کہاں گنگو تیلی، میک اپ والی سرکار عوام سے جھوٹ بولنا چھوڑ دیں۔

تحریک انصاف کے رہنما نے کہا کہ نواز شریف جیل میں پپیتے اور خربوزے سے ناشتہ کرتے ہیں، ان کو کچھ ہوا تو اس کی وجہ غیرضروری شاہی کھانا ہوگا، شوگر کا مریض کبھی چاول نہیں کھاتا، نواز شریف 11 روز چاول کھا رہے ہیں۔