Tag: تحریک انصاف

اسلام آباد : مسلم لیگ (ن) کے صدر اور قائد حزب اختلاف شہبازشریف کا کہنا ہے کہ حکومت کے پاس مسائل سے معیشت کو نکالنے کی صلاحیت نہیں ہے۔

تفصیلات کے مطابق اپوزیشن لیڈر شہبازشریف نے سماجی رابطے کی ویب سائٹ ٹویٹر پراپنے پیغام میں کہا کہ حکومت کی معاشی پالیسی کی وضاحت کیسے کریں گے؟۔

How do you explain the government’s economic policy? If Budget is anything to go by, it spells pain and misery for the people. This Budget, coming on the heels of two failed mini-budgets, will further contract economy, lead to price hike & reduce social sector spending.

— Shehbaz Sharif (@CMShehbaz) June 20, 2019

شہبازشریف نے کہا کہ بجٹ مہنگائی میں مزید اضافے کی نوید سنائے گا، ڈالرکے مقابلےمیں روپے کا گراؤ عام لوگوں پرمزید بوجھ بنے گا۔

The free-fall of rupee against dollar has further overburdened people, making it next to impossible for them to make their both ends meet. The PTI govt has neither a plan nor capacity to run the economy and steer the country out of the problems created by their own incompetence.

— Shehbaz Sharif (@CMShehbaz) June 20, 2019

انہوں نے کہا کہ حکومت کے پاس معیشت کوچلانے کے لیے منصوبہ بندی نہیں ہے، حکومت کے پاس مسائل سے معیشت کو نکالنے کی صلاحیت نہیں ہے۔

شہبازشریف کاحکومت سےنیابجٹ پیش کرنےکامطالبہ

یاد رہے کہ گزشتہ روز اپوزیشن لیڈر شہباز شریف کا کہنا تھا کہ ہم نے چین کے ساتھ پورٹ قاسم میں ساڑھے 12 سو میگا واٹ کے منصوبے، ہائیڈرو پاور اور دیگر سڑکوں کے منصوبوں پر معاہدے کیے۔ انہوں نے بجٹ 20-2019 مسترد کر دیا تھا۔

قائد حزب اختلاف نے نئے بجٹ میں بجلی اور گیس کی قیمتیں مئی 2018 کی سطح پر لانے، مزدور کی کم از کم تنخواہ 20 ہزار روپے کرنے، تیل اور گھی پرعائد ٹیکس واپس لینے، گریڈ 16 کے ملازمین کی تنخواہوں میں 50 فیصد اضافہ اور ماہانہ ایک لاکھ روپے تنخواہ والے کوٹیکس استثنیٰ دینے کا مطالبہ کیا تھا۔

اسلام آباد: وزیراعظم کے معاون خصوصی عثمان ڈار نے کہا ہے کہ بلاول بھٹو کے لیے شرم کا مقام ہے پورا خاندان ہی کرپٹ نکلا، والد اور بھوپھی جن الزامات میں گرفتار ہوئے بلاول کو منہ چھپانا چاہئے۔

تفصیلات کے مطابق وزیراعظم کے معاون خصوصی عثمان ڈار نے بلاول بھٹو کے بیان پر ردعمل دیتے ہوئے کہا کہ حیرت ہے بلاول بھٹو کی جانب سے والد اور پھوپھی کی کرپشن کا دفاع کیا جارہا ہے۔

عثمان ڈار نے کہا کہ بلاول کو مشرف اور عمران خان کے دور میں فرق پتا چل جانا چاہئے تھا، مشرف کے دور میں این آر او ملتا تھا، عمران خان کے دور میں نہیں، پی ٹی آئی حکومت میں سب چور جیل جارہے ہیں۔

انہوں نے کہا کہ مشرف دور میں باورچیوں سمیت پورا خاندان لندن، جدہ بھاگ جاتا تھا، پرویز مشرف نے ڈیل کی تھی عمران خان ڈھیل بھی دینے کو تیار نہیں ہیں۔

عثمان ڈار نے کہا کہ عمران خان کی حکومت میں کرپشن اور احتساب پر سمجھوتہ نہیں ہوگا، بلاول، وزیراعظم اور حکومت پر تنقید کے بجائے کیسز کی پیروی کریں۔

واضح رہے کہ بلاول بھٹو کا پریس کانفرنس میں کہنا تھا کہ پیپلزپارٹی نے آمروں کے ہر دور کا مقابلہ کیا یہ کیا چیز ہیں، حکومت غریبوں کا معاشی قتل کررہی ہے ہم خاموش نہیں رہیں گے۔

ان کا کہنا تھا کہ خان صاحب کی حکومت کو آج بھی گراسکتے ہیں مگر نہیں گرا رہے ہیں، ہم چاہتے ہیں حکومت اپنی آئینی مدت پوری کرے۔

اسلام آباد: وزیر سائنس اینڈ ٹیکنالوجی فواد چوہدری نے کہا ہے کہ تمام جعلی اکاؤنٹس کا سراغ بلاول اور زررداری ہاؤس سے نکلتا ہے، عوام کو پتا ہے پیپلزپارٹی کے لوگ اربوں کی کرپشن میں ملوث ہیں۔

تفصیلات کے مطابق وزیر سائنس اینڈ ٹیکنالوجی فواد چوہدری نے قومی اسمبلی میں گفتگو کرتے ہوئے کہا کہ آصف زرداری کی ضمانت منسوخی کا تعلق حکومت سے نہیں ہے، مقدمات 2015 میں ن لیگ کی حکومت میں قائم کیے گئے۔

فواد چوہدری نے کہا کہ وزیر داخلہ نے 2016 میں جعلی اکاؤنٹس سے متعلق بیان دیا، چوہدری نثار نے کہا تھا جعلی اکاؤنٹس کا تعلق بلاول ہاؤس سے ہے، عدالت نے نوٹس لے کر ایف آئی اے کو تحقیقات کا حکم دیا تھا، ایف آئی اے نے رپورٹ میں 16 ریفرنسز کی سفارش کی تھی۔

مزید پڑھیں: قوم نوافل ادا کرے کہ بڑے مگرمچھ گرفتار ہو رہے ہیں: شوکت یوسفزئی

وفاقی وزیر نے کہا کہ پہلے بینکنگ کورٹ پھر نیب اور اب ہائیکورٹ تک مقدمہ سنا گیا، یہ تقریباً 6 ہزار کروڑ روپے کا معاملہ ہے، 5 ہزار کے قریب اکاؤنٹس کی چھان بین ہوئی، 31 جعلی نکلے۔

انہوں نے کہا کہ پی ٹی آئی کو ووٹ کی وجہ احتساب کو منطقی انجام تک پہنچانا تھا، کیسز کو منطقی انجام تک پہنچا کر پیسے برآمد کرنا چاہتے ہیں، اپوزیشن کے پاس احتجاج کے لیے کوئی بیانیہ نہیں ہے۔

فواد چوہدری نے کہا کہ عوام آصف علی زرداری اور نوازشریف کی کرپشن بچانے کے لیے کیوں نکلیں گے۔

پشاور: صوبہ خیبرپختونخوا کے وزیر اطلاعات شوکت یوسفزئی نے کہا ہے کہ اپوزیشن کو عمران خان فوبیا ہوچکا ہے۔

تفصیلات کے مطابق وزیر اطلاعات خیبرپختونخوا شوکت یوسفزئی نے کہا ہے کہ اپوزیشن سو مرتبہ تحریک چلالے انہیں کچھ حاصل نہیں ہوگا، عوام کبھی چوروں کا ساتھ نہیں دے گی۔

[bs-quote quote=” وزیراعظم عمران خان کو ملک ٹھیک کرنے کا مینڈیٹ عوام نے دیا ہے” style=”style-8″ align=”left” author_name=”شوکت یوسفزئی”][/bs-quote]

شوکت یوسفزئی نے کہا کہ حکومت کسی کے دباؤ میں نہیں آئے گی احتساب کا سلسلہ جاری رہے گا جن کو احتساب کا خوف ہو وہ کیا تحریک چلائیں گے۔

صوبائی وزیر اطلاعات نے کہا کہ مریم، بلاول اور حمزہ ایک دن کی گرمی تک برداشت نہیں کرسکتے تحریک کیا چلائیں گے۔

شوکت یوسفزئی نے کہا کہ وزیراعظم عمران خان کو ملک ٹھیک کرنے کا مینڈیٹ عوام نے دیا ہے۔

واضح رہے گزشتہ ماہ شوکت یوسفزئی کا کہنا تھا کہ قبائلی علاقوں میں انفرا اسٹرکچر کے لیے امن ناگزیر ہے، کچھ لوگ نہیں چاہتے کہ قبائلی اضلاع میں امن ہو۔

مزید پڑھیں: ملک دشمن عناصر کے خلاف بھرپور کارروائی ہوگی: شوکت یوسفزئی

شوکت یوسفزئی کا کہنا تھا کہ دشمن ایجنسیاں اور ملک پاکستان کے خلاف کبھی کامیاب نہیں ہوں گے، مشکلات یقیناً ہیں لیکن ہم ان مشکلات سے نکل جائیں گے۔

انہوں نے مزید کہا تھا کہ چند لوگ دوبارہ پختونوں کو استعمال کرنا چاہتے ہیں، ’کیا پختون اسی لیے ہیں کہ بندوق اٹھائیں، لڑیں اور مریں‘۔

اسلام آباد: پی ٹی آئی کی تشکیل نو کے بعد پارٹی کی کور کمیٹی کا پہلا اجلاس آج چئیرمین عمران خان کی زیر صدارت بنی گالہ میں منعقد ہوا جس میں چیئرمین کو تنظیم سازی پر بریفنگ دی گئی۔

تفصیلات کے مطابق تشکیل نو کے بعد پاکستان تحریک انصاف کی کور کمیٹی کے پہلے اجلاس میں پارٹی چیئرمین عمران خان کو ملک بھر میں پی ٹی آئی کے تحلیل کیے گئے عہدوں اور تنظیم سازی پر بریفنگ دی گئی۔

اجلاس میں شاہ محمود قریشی، جہانگیر ترین، نعیم الحق، فواد چوہدری، مراد سعید، عثمان بزدار، عمران اسماعیل، شبلی فراز، شیریں مزاری، اور بابر اعوان نے شرکت کی۔

سیکریٹری جنرل ارشد داد اور چیف آرگنائزر سیف اللہ نیازی بھی خصوصی طور پر اجلاس میں شریک ہوئے۔

یہ بھی پڑھیں:  تحریک انصاف کی تمام تنظیمیں اور شعبہ جات تحلیل

کور کمیٹی کے اجلاس میں پی ٹی آئی کی ملک گیر تنظیم نو کے حوالے سے اہم امور پر مفصل بات چیت کی گئی، اجلاس میں ملکی مجموعی سیاسی صورت حال پر بھی تفصیلی تبادلۂ خیال کیا گیا۔

یاد رہے کہ دو دن قبل ملک بھر میں ایک نوٹیفکیشن کے ذریعے پاکستان تحریک انصاف کی تمام تنظیمیں تحلیل کر دی گئی تھیں، نوٹیفکیشن میں کہا گیا تھا کہ اس حکم نامے کا اطلاق سیکریٹری جنرل، سیکریٹری اطلاعات، سیکریٹری مالیات اور او آئی سی کے سیکریٹری پر نہیں ہوگا۔

اسلام آباد: وزیراعظم عمران خان نے کہا ہے کہ کاروبار میں آسانیاں پیدا کرنا ہماری حکومت کی ترجیح ہے، حکومت کا مقصد ٹیکس لگانا نہیں ٹیکس ادا کرنے والوں کو سہولیات دینا ہے۔

تفصیلات کے مطابق وزیراعظم کی معاشی ٹیم کے ہمراہ معروف صنعت کاروں، بزنس کمیونٹی سے ملاقات ہوئی، وفد میں آئی ٹی، دواساز، ٹیکسٹائل، پلاسٹک، گارمنٹس، صنعتوں کے نمائندگان شامل تھے، ملاقات میں وزیر برائے منصوبہ بندی، مشیر خزانہ، مشیر تجارت، چیئرمین ایف بی آر بھی موجود تھے۔

صنعت کاروں کے وفد نے آئندہ مالی سال کے بجٹ کے حوالے سے تجاویز پیش کیں۔

وزیراعظم عمران خان نے کہا کہ کاروباری طبقے کا اعتماد حاصل کرنا ہمارے لیے اہم ہے، تاجر برادری سے مسلسل ملاقاتیں کررہا ہوں، آئی ٹی کا شعبہ گڈ گورننس، عوام کی فلاح میں کردار ادا کرسکتا ہے۔

مزید پڑھیں: سٹیزن پورٹل : وزیراعظم کا غفلت برتنے والے افسران کیخلاف تحقیقات کا حکم

عمران خان نے کہا کہ ملکی معیشت کی ترقی کے لیے کاروباری برادری کو ہر اول دستے کا کردار ادا کرنا ہوگا، حکومت کاروباری طبقے کی سہولت کاری کا کردار ادا کرے گی۔

وزیراعظم نے کہا کہ حکومت چاہتی ہے کہ پاکستانی برآمدات دنیا بھر میں دوسرے ممالک میں بننے والی مصنوعات سے معیار اور قیمت میں مقابلہ کرسکیں۔

انہوں نے کہا کہ حکومتی نظام خصوصاً ٹیکس وصولیوں کے نظام پر کاروباری طبقے کے اعتماد کو بحال کرنے کے لیے ایف بی آر میں اصلاحات کررہے ہیں، مقصد ان پالیسیوں سے کاروبار میں حائل رکاوٹوں کو دور کرنا ہے۔