Tag: تحریک انصاف

اسلام آباد: معاون خصوصی برائے اطلاعات فردوس عاشق اعوان نے کہا ہے کہ پاکستان نے قبائلی امن کے لیے بہت قربانیاں دی ہیں، شرپسند عناصر قبائلی علاقوں کے امن کو داؤ پر لگانا چاہتے ہیں۔

تفصیلات کے مطابق معاون خصوصی برائے اطلاعات فردوس عاشق اعوان نے پریس کانفرنس کرتے ہوئے کہا کہ شرپسند عناصر قبائلی علاقوں کے امن کو داؤ پر لگانا چاہتے ہیں، کابینہ نے شہید ہونے والوں کے درجات کی بلندی کے لیے دعا کی، وزیراعظم نے قبائلی عوام کی ترقی کے لیے 102 ارب کے فنڈز مختص کیے۔

انہوں نے کہا کہ اپوزیشن لیڈر واپس آئیں ہم ویلکم کہنے کے لیے تیار ہیں، آپ نے ملک کی سرحد کو نقصان نہیں پہنچایا تو واپس تشریف لائیں، مشکل وقت میں سب نے مل کر پاکستان کو استحکام کی طرف لے جانا ہے، معاشی ٹیم کے باعث روپے کی قدر میں استحکام آیا ہے۔

فردوس عاشق اعوان نے کہا کہ این ایف سی سے بجٹ کا بڑا حصہ صوبوں کو چلا جاتا ہے، کابینہ کو ایکسپورٹ پالیسی سے متعلق بریف کیا گیا ہے، ایکسپورٹ پالیسی سے تجارتی خسارہ کم کرنے میں مدد ملے گی، اقدامات سے افواساز فیکٹری کم، اسٹاک ایکسچینج نئے ریکارڈ بنا رہی ہے۔

مزید پڑھیں: وزیر اعظم کو مائنس کرنے کے خواہش مند خود مائنس ہو چکے ہیں: فردوس عاشق اعوان

انہوں نے کہا کہ مقامی صنعتوں کو مضبوط کیا جائے گا خسارہ کم کرنے میں مدد ملے گی، سیگریٹ انڈسٹری کو ٹیکس نیٹ میں زیادہ لایا جائے گا، پیسہ صحت پر خرچ کیا جائے گا۔

معاون خصوصی برائے اطلاعات نے کہا کہ وزیراعظم نے کراؤن پرنس سے حج کوٹہ بڑھانے کی درخواست کی تھی، سعودی شہزادے نے وزیراعظم کی درخواست پر حج کوٹہ بڑھایا، حکومت کا حج مشن ایک عبادت ہے، پہلے حج اسکینڈل بنتے رہے جو باعث شرمندگی کا باعث ہے۔

واضح رہے کہ گزشتہ فردوس عاشق اعوان نے کہا تھا کہ اگر کرپشن کی ہے، تو پھرسزا بھی بھگتنا ہوگی، مغل شہنشاہ کی زندگی گزارنےوالوں کو آج قانون کاسامنا کرنے میں دقت کیوں ہے.

کراچی: پی ٹی آئی کے رکن سندھ اسمبلی خرم شیر زمان نے کہا ہے کہ بلاول چاہتے ہیں کراچی کے اسپتال بھی اندرون سندھ جیسے ہوجائیں۔

تفصیلات کے مطابقق بلاول بھٹو زرداری کے بیان پر پی ٹی آئی کراچی کے صدر خرم شیر زمان نے ردعمل دیتے ہوئے کہا ہے کہ کراچی کے 3 بڑے اسپتال سپریم کورٹ کے حکم پر وفاق منتقل ہوئے ہیں، عدالتی حکم کی خلاف ورزی کرنے والا توہین عدالت کا مرتکب ہورہا ہے۔

خرم شیر زمان نے کہا کہ عوام کے حقوق کی بات کرنے والے بتائیں سندھ میں عوام کو کیا حقوق دئیے، روٹی، کپڑا اور مکان کے لالچ میں لوگوں کو ایڈز، بھوک، افلاس تحفے میں دیا، پیپلزپارٹی نے صحت کی ایمرجنسی لگا کر لاڑکانہ کو ایڈز کا گڑھ بنادیا۔

انہوں نے کہا کہ تین اسپتالوں کے علاوہ ضلعی اسپتالوں کی بات کیوں نہیں کی جاتی ہے،سول اسپتال، سندھ گورنمنٹ اسپتال میں بنیادی سہولتوں کا فقدان ہے، بلاول بھٹو احتجاج یا دھرنا دیں، وفاق اپنا نوٹیفکیشن واپس نہیں لے گا۔

مزید پڑھیں: اسپتالوں پر نوٹی فکیشن واپس نہ لیا تو سندھ کے عوام کے ساتھ اسلام آباد پہنچوں گا: بلاول بھٹو

پی ٹی آئی کراچی کے صدر نے کہا کہ نوٹیفکیشن کی واپسی کا مطالبہ دراصل عوام دشمن مطالبہ ہے، پیپلزپارٹی سیاسی مفاد میں عوامی مفاد بھول گئی ہے، بلاول اتحادی پی ٹی ایم کے افواج مخالف ایجنڈے کی حمایت کررہے ہیں۔

واضح رہے کہ اس سے قبل پیپلزپارٹی کے چیئرمین بلاول بھٹو زرداری کا کہنا تھا کہ کراچی کے تین بڑے اسپتالوں پر حکومت نے اپنا نوٹیفکیشن واپس نہ لیا تو سندھ کے عوام کے ساتھ اسلام آباد پہنچوں گا۔

ان کا کہنا تھا کہ ہم بھیک نہیں این ایف سی کے مطابق حق مانگ رہے ہیں، وفاقی حکومت ہمیں پانی کی کمی کا حساب نہیں دیتی، ون یونٹ لانے کی کوشش کی گئی تو پی پی دیوار بن کر کھڑی ہوگی۔

اسلام آباد: ریلوے وزیر شیخ رشید نے اپوزیشن جماعت پیپلز پارٹی کی حکومت کے خلاف تحریک کے اعلان پر رد عمل دیتے ہوئے کہا ہے کہ ہم مقابلے کے لیے تیار ہیں۔

تفصیلات کے مطابق شیخ رشید کا کہنا تھا کہ تحریک چلانا ہر پارٹی کا حق ہے لیکن یہ آزمائے ہوئے اور دو نمبر لوگ ہیں، آصف زرداری چاہتے ہیں کہ ان کے ساتھ بھی شہباز شریف والا فارمولا ہو۔

ریلوے وزیر نے کہا کہ شریف خاندان اور آصف زرداری کی سیاست کا خاتمہ ہو چکا ہے، آج ن لیگ کی سیاست کا جنازہ نکل جانا ہے، ان کو کچھ نہیں ملنے والا، زرداری سے متعلق ن لیگ کے بیانیے کی بھی نفی ہو گئی۔

شیخ رشید نے کہا کہ آج گھی، تیل ان ہی چوروں اور ڈاکوؤں کی وجہ سے مہنگا ہوا ہے، سب ایک ہی ٹوکری میں جمع ہو گئے ہیں، یہ عمران خان کے لیے اچھا ہے۔

یہ بھی پڑھیں:  اپوزیشن جماعتیں اکھٹی ہو رہی ہیں، ملکی معاملات پر بات چیت ہوگی: حمزہ شہباز

انھوں نے جے یو آئی ف کے سربراہ پر بھی تنقید کی، کہا کہ دیکھنا ہے مولانا کتنے مولوی لانے میں کام یاب ہوتے ہیں۔

واضح رہے کہ آج پی پی چیئرمین بلاول بھٹو کی جانب سے اپوزیشن رہنماؤں کے اعزاز میں افطار ڈنر دیا گیا ہے، جس کے بعد سیاسی ماحول میں خاصی ہل چل پیدا ہو گئی ہے۔

پنجاب اسمبلی میں قائد حزب اختلاف حمزہ شہباز نے کہا ہے کہ اپوزیشن جماعتیں آج اکٹھی ہو رہی ہیں، ملکی معاملات پر بات چیت ہوگی۔

ملتان: وزیر خارجہ شاہ محمود قریشی نے کہا ہے کہ ماضی کی طرح ملتان سے سوتیلی ماں جیسا سلوک نہیں ہونے دیں گے، ماضی میں ملتان میں ترقیاتی کام نہیں ہوئے جو افسوس ناک ہے۔

تفصیلات کے مطابق ملتان میں وزیر خارجہ کی زیر صدارت سرکٹ ہاؤس میں اجلاس منعقد ہوا، جس میں مختلف محکموں کی کارکردگی اور ترقیاتی منصوبوں پر پیش رفت کا جائزہ لیا گیا۔

اجلاس میں چیف وہپ ملک عامر ڈوگر، پارلیمانی سیکرٹری زین قریشی اور وفاقی و صوبائی اراکین اسمبلی بھی شریک ہوئے۔

شاہ محمود نے کہا کہ ماضی میں ملتان میں ترقیاتی کام نہیں ہوئے جو افسوس ناک امر ہے، ماضی میں ملتان کے فنڈ لاہور میں لگے جس کی وجہ سے یہاں احساس محرومی بڑھا۔

یہ بھی پڑھیں:  وزیراعظم عمران خان کی گوادر میں دہشت گرد حملے کی مذمت

وزیر خارجہ نے کہا کہ حکومت سے ملتان میں انفرا اسٹرکچر کی بہتری کے لیے فنڈز مانگیں گے۔

دریں اثنا، ڈپٹی کمشنر نے اجلاس میں ویسٹ مینجمنٹ کمپنی، واسا، اور ترقیاتی منصوبوں پر بریفنگ دی، وزیر خارجہ نے کہا کہ ویسٹ مینجمنٹ کمپنی میں ساڑھے 3 ارب کی کرپشن ہوئی، اس کرپشن کی تحقیقات پبلک اکاؤنٹس کمیٹی سے کرائیں گے۔

شاہ محمود قریشی نے کہا کہ کمپنی میں ساڑھے 3 ارب کی کرپشن میں سابق سیاسی قیادت ملوث رہی۔ انھوں نے ہدایت کی کہ کمپنی انتظامیہ سینیٹری ورکرز اور مشینری کی کمی پوری کرے اور شہر کو صاف کرے۔

اسلام آباد: وفاقی وزیر مواصلات مراد سعید نے کہا ہے کہ ہمیشہ چاہا کرپشن کا جنازہ دھوم دھام سے نکلے، آج جاتی امرا سے نکل آیا، وہ بھائی جو ایئرپورٹ لینے نہ پہنچا آج چھوڑ کر لندن فرار ہوچکا ہے۔

تفصیلات کے مطابق وفاقی وزیر مواصلات مراد سعید نے نواز شریف پر تنقید کرتے ہوئے کہا کہ قوم کو لوٹنے والے گاڈ فادر کی سیاست کی آخری رسومات جاری ہیں، گاڈ فادر کی سیاست کا جنازہ کوئی اور نہیں صاحب زادی نکال رہی ہیں۔

انہوں نے کہا کہ میاں صاحب کی سیاست جھوٹ، فراڈ، دھوکا دہی سے عبارت ہے، حضور یہ ہیں وہ ذرائع سے لے کر بیماری کے ڈرامے تک ہر تماشا فلاپ ہوا۔

مراد سعید نے کہا کہ میاں صاحب کی کرپشن آج پوری دنیا کے لیے نشان عبرت بن چکی ہے، بیماری کی آڑ میں ملک سے بھاگنے کی کوشش ناکام ہوئی ہے۔

مزید پڑھیں: شہباز شریف رفو چکر ہوگئے: مراد سعید

وزیر مواصلات نے کہا کہ اب انہیں لاہور کی سڑکوں پر بے جان سرکس لگانے کا خیال آیا، قوم میاں صاحب کا بیانیہ مسترد کرکے وزیراعظم عمران خان کے ساتھ کھڑی ہے۔

مراد سعید نے کہا کہ عوام نے ثابت کردیا کہ انہیں کرپشن اور کرپٹ کرداروں سے نفرت ہے، قوم چاہتی ہے ہر کرپٹ کردار کو جیل کی سلاخوں کے پیچھے پہنچایا جائے۔

انہوں نے کہا کہ این آر او ملے گا نہ ہی کسی قسم کی ڈھیل ملے گی، قوم کی لوٹی گئی دولت واپس کرنے کے علاوہ کوئی آپشن باقی نہیں ہے۔