Tag: تحریک انصاف

اسلام آباد: تحریک انصاف کے رہنما بیرسٹرگوہر کا کہنا ہے کہ ہمارے ارکان پارٹی حیثیت سے نہیں آزادحیثیت سے کامیاب ہوسکتے ہیں۔

تفصیلات کے مطابق تحریک انصاف کے رہنما بیرسٹرگوہر نے اے آر وائی نیوز کے پروگرام خبر میں مہر بخاری کے ساتھ گفتگو میں کہا کہ آزاد امیدواروں کو3 دن میں کسی جماعت میں شامل ہونا ہوتا ہے، الیکشن کے بعد پلان سی بتائیں گے کہ اپنی جماعت میں رہنا ہے یا کچھ اور کرنا ہے۔

بیرسٹر گوہر کا کہنا تھا کہ ہمارے ارکان پارٹی حیثیت سے نہیں آزاد حیثیت سے کامیاب ہوسکتےہیں، الیکشن کمیشن کے فیصلے کی وجہ سے ہمارے ارکان پارٹی ٹکٹ حاصل نہیں کرسکے، دیکھتے ہیں الیکشن کے بعد کیا صورتحال ہوتی ہے۔

رہنما پی ٹی آئی نے کہا کہ آزاد امیدوار کامیاب ہونے کے بعد 3 دن میں کسی جماعت میں شامل ہوں گے اور ہمارےارکان کےپاس اپنی جماعت یا کسی اورجماعت میں جانےکاآپشن ہوگا۔

ان کا کہنا تھا کہ اسمبلی میں ووٹ کے تناسب سے ہی مخصوص نشستیں ملتی ہیں، پی ٹی آئی سے انتخابی نشان لیا گیا ہے پارٹی توتحلیل نہیں کی گئی۔

اکبرایس بابر کے حوالے سے بیرسٹر گوہر نے کہا کہ اکبر ایس بابر ہماری پارٹی کوہائی جیک نہیں کرسکتے اکبرایس بابرپاکستان تحریک انصاف کے رکن نہیں ہیں۔

پی ٹی آئی کے رہنما کا کہنا تھا کہ یقین ہے جن امیدواروں کوٹکٹ دیئے وہ ہمارےساتھ ہی رہیں گے، پی ٹی آئی کو اپنے امیدواروں کی وفاداری پر پورا یقین ہے۔

بلاول کی تقاریر سے متعلق انھوں نے کہا کہ بلاول کو پڑھایا گیا ہے کہ ہمیشہ خریدوفروخت کرکےحکومت بناؤ، الیکشن کمیشن کویہ ہی کہہ رہے تھے کہ کرپشن کا راستہ کھل جائے گا، کہا تھا کہ انتخابی نشان دے دیں ورنہ ہارس ٹریڈنگ کاراستہ کھل جائے گا۔

بیرسٹرگوہر کا مزید کہنا تھا کہ یہ کیسی جمہوری حکومت ہوگی جوکہےدوسرے لوگوں کو لے کرحکومت بنائیں گے۔

رہنما پی ٹی آئی نے کہا کہ پنجاب میں پی ٹی آئی کو انتخابی مہم چلانے کی اجازت نہیں دی جارہی، ہمارےکئی امیدواروں سےکاغذات نامزدگی واپس دلوائے گئے، عدالت میں درخواست بھی دی کہ پی ٹی آئی کولیول پلیئنگ فیلڈدی جائے۔

اسلام آباد : تحریک انصاف نے چیف جسٹس پاکستان قاضی فائز عیسیٰ سے چیئرمین پی ٹی آئی کے کیسز براہ راست دکھانے کا مطالبہ کردیا۔

تفصیلات کے مطابق تحریک انصاف نے چیف جسٹس آف پاکستان قاضی فائز عیسیٰ سے درخواست کی کہ چیئرمین پی ٹی آئی کےکیسز کو براہ راست دکھایا جائے۔

پی ٹی آئی شوکت بسرا نے کہا کہ چیئرمین پی ٹی آئی پر 70سال کی عمر تک ایک مقدمہ نہیں تھا اور آج 200مقدمےہیں، ہماری چیف جسٹس سے درخواست ہے کہ انصاف کا بول بالا کریں۔

خیال رہے جسٹس قاضی فائر عیسیٰ نے بطور چیف جسٹس اپنے کیس کی سماعت براہ راست نشر کرکے تاریخ رقم کی تھی۔

بعد ازاں چیف جسٹس قاضی فائز عیسیٰ نے سپریم کورٹ کی کارروائی براہ راست نشر کرنے کے معاملے پر 2 رکنی ججز کمیٹی بنائی تھی ، جسٹس محمد علی مظہر 2 رکنی کمیٹی کے سربراہ ہوں گے جبکہ جسٹس اطہر من اللّٰہ کمیٹی کے ممبر ہیں۔

ذرائع کا کہنا تھا کہ کمیٹی سپریم کورٹ مقدمات کی کارروائی براہ راست دکھانے کے طریقہ کار پر رپورٹ پیش کرے گی اور ججز کمیٹی کی رپورٹ پر فل کورٹ اجلاس دوبارہ ہوگا۔

اسلام آباد : تحریک انصاف نے سائفر مقدمے کے اوپن ٹرائل کا مطالبہ کرتے ہوئے کہا کہ ایک مقدمے میں رہائی سے پہلے دوسرےمیں گرفتاری ڈال دی گئی۔

تفصیلات کے مطابق پاکستان تحریک انصاف کی کورکمیٹی کےاجلاس کااعلامیہ جاری کردیا گیا ، جس میں کورکمیٹی اجلاس میں چیئرمین پی ٹی آئی کی دوبارہ گرفتاری کی مذمت کی گئی۔

پی ٹی آئی کورکمیٹی نے مطالبہ کیا کہ سائفرمقدمہ بھونڈا،بےمعنی ہے اوپن ٹرائل کیاجائے، سائفرمقدمہ چیئرمین پی ٹی آئی پر180 جھوٹے مقدمات میں ایک ہے۔

اعلامیے میں کہا گیا کہ ریاست پر قابض ماورائے آئین عناصرچیئرمین کوقیدمیں رکھنےپربضد ہیں، سائفرمقدمےمیں خصوصی عدالت کافیصلہ قانون سے یکسر متصادم ہے، سائفر مقدمے میں فیصلہ ضابطہ فوجداری کی مکمل نفی ہے۔

پی ٹی آئی کور کمیٹی کا کہنا تھا کہ ضابطہ فوجداری کےتحت جسمانی وعدالتی ریمانڈکیلئےملزم کوپیش کرنالازم ہے، اٹک جیل میں قیدچیئرمین پی ٹی آئی کوخصوصی عدالت میں پیش نہیں کیا گیا، ریمانڈ کا فیصلہ اسلام آباد ہائی کورٹ کے رہائی کے حکم سے پہلے نہیں دیا گیا۔

اعلامیے کے مطابق خصوصی عدالت کےفیصلے پر سماعت کی تاریخ اوروقت تک درج نہیں، ایک مقدمےمیں رہائی سے پہلے دوسرے میں گرفتاری ڈال دی گئی، ایسے گرفتاری چیف جسٹس پشاور ہائیکورٹ کے فیصلے کی نفی ہے۔

پی ٹی آئی کور کمیٹی نے کہا کہ چیئرمین پی ٹی آئی کیخلاف ذیلی عدالتوں کا قانون سے مسلسل انحراف لمحہ فکریہ ہے، ماورائے دستور و قانون اقدامات ملک کو سنگین خطرات میں دھکیل رہے۔