Tag: تحریک انصاف

  • آج اداروں اور سربراہان میں جو باہمی روابط اور تعاون ہے اس کی مثال نہیں ملتی، فواد چوہدری

    آج اداروں اور سربراہان میں جو باہمی روابط اور تعاون ہے اس کی مثال نہیں ملتی، فواد چوہدری

    اسلام آباد : وفاقی وزیر اطلاعات فواد چوہدری نے کہا ہے کہ ایک ٹی وی چینل اور اینکر کی خواہش ہے کہ ملکی سلامتی کے ادارے اور ان کے سربراہان میں دراڑ ڈالی جائے، لیکن یہ ان کی خواہش ہی رہے گی۔

    یہ بات انہوں نے سماجی رابطے کی ویب سائٹ ٹوئیٹر پر اپنے پیغام میں کہی، فواد چوہدری نے چینل اور اینکر کو ایک شعر کی صورت میں جواب دیتے ہوئے لکھا کہ ’’ ہزاروں خواہشیں ایسی کہ ہر خواہش پہ دم نکلے‘‘ اب ان کیخلاف کارروائی ہو تو فوراً جمہوریت خطرے میں آ جائے گی، بہرحال احتیاط علاج سے بہتر ہے۔

    ان کا مزید کہنا تھا کہ آج پاکستان کے تمام ادارے اور اداروں کے سربراہان میں جو باہمی روابط اور تعاون ہے، اس کی مثال نہیں ملتی، انشاللہ٘ پاکستان ایک ایسے راستے پر رواں دواں ہے جس کی منزل خوشحال اور مستحکم پاکستان ہے، اور ہمیں یہ ادراک ہے کہ یہ سفر صرف مل کر ہی طے ہو سکتا ہے۔

    علاوہ ازیں ایم نجی چینل سے گفتگو کرتے ہوئے فواد چودھری نے کہا کہ ن لیگ والوں کی عادت ہے کہ خوشی ذرا پہلے ہی منانا شروع کردیتے ہیں اور بعد میں خوشی کے یہی لڈو ان کے گلے سے اترنا مشکل ہوجاتے ہیں

    انہوں نے کہا کہ ہمارے یہاں امیر اور غریب کے لئے علیحدہ علیحدہ نظام چل رہاہے، خوف کی فضاء میں کاروبار نہیں ہوسکتا، اداروں کو خود احتسابی کا عمل شروع کرنا چاہئے۔

  • کراچی، ڈپٹی میئر کا انتخاب، 5 امیدواروں نے نامزدگی فارمز جمع کرادئیے

    کراچی، ڈپٹی میئر کا انتخاب، 5 امیدواروں نے نامزدگی فارمز جمع کرادئیے

    کراچی: شہر قائد میں ڈپٹی میئر کے انتخابات کے لیے کاغذات نامزدگی جمع کرانے کا وقت ختم ہوگیا، انتخاب کے لیے 5 امیدواروں نے نامزدگی فارمز جمع کرادئیے۔

    تفصیلات کے مطابق ارشد وہرہ کی نااہلی کے بعد خالی ہونے والی ڈپٹی میئر کی نشست کے انتخاب کے لیے 5 امیدواروں نے نامزدگی فارمز جمع کرادئیے ہیں، ایم کیو ایم پاکستان کی جانب سے ارشد حسن اور منصور احمد نے اپنے فارمز جمع کرائے ہیں۔

    پیپلزپارٹی کی جانب سے کرم اللہ وقاصی نے نامزدگی فارم جمع کرائے جبکہ مسلم لیگ ن اور تحریک انصاف کی جانب سے ایک ایک امیدوار نے فارمز جمع کرائے ہیں۔

    واضح رہے کہ ڈپٹی میئرکراچی کی نشست پرالیکشن 18اپریل کو ہوں گے جس میں بلدیہ عظمیٰ کراچی کی سٹی کونسل کے 302 سے زائد ارکان حق رائےدہی استعمال کریں گے۔

    مزید پڑھیں: ایم کیو ایم پاکستان نے اپنا ڈپٹی میئر لانے کی تیاریاں شروع کردیں

    یاد رہے کہ الیکشن کمیشن آف پاکستان نے ایم کیو ایم پاکستان کی جانب سے دائر کردہ درخواست پر 13 مارچ کو فیصلہ سناتے ہوئے ارشد وہرہ کو نااہل قرار دیا تھا۔

    الیکشن کمیشن نے فیصلے میں کہا تھا کہ کراچی کے ضلع وسطی کی یونین کونسل 49 سے منتخب ہونے والے ارشد وہرہ کی نا اہلی پارٹی تبدیل کرنے کے سبب عمل میں لائی گئی۔

    ارشد وہرہ اکتوبر 2017 میں ایم کیو ایم پاکستان چھوڑ کر پاک سرزمین پارٹی میں شامل ہوگئے تھے ، سیاسی جماعت تبدیل کرتے وقت وہ ڈپٹی میئر کراچی کے عہدے پر فائز تھے انہیں ایم کیو ایم کے بلدیاتی نمائندگان کے ووٹوں سے منتخب کیا گیا تھا۔

  • پی ایس ایل فور کا فائنل دیکھنے ضرور آؤں گا، صدرعارف علوی

    پی ایس ایل فور کا فائنل دیکھنے ضرور آؤں گا، صدرعارف علوی

    صدر پاکستان ڈاکٹر عارف علوی نے پاکستان سپر لیگ سیزن فور کا فائنل دیکھنے کی خواہش کا اظہار کردیا، کہتے ہیں کہ اگلا پی ایس ایل پاکستان میں ضرور ہوگا۔

    یہ بات انہوں نے نیشنل اسٹیڈیم کراچی میں میڈیا سے گفتگو کرتے ہوئے کہی، اس موقع پر پاکستان کرکٹ بورڈ کے چیئر مین احسان مانی بھی موجود تھے۔

    صدر پاکستان نے کہا کہ پی ایس ایل فور کا فائنل میچ دیکھنے ضرور آؤں گا، میں بہت خوش ہوں اور بڑے شوق سے پی ایس ایل میچز دیکھنے آیا ہوں، غیر ملکی کھلاڑیوں کا مشکور ہوں کہ وہ یہاں آئے۔

    صدر مملکت کا کہنا تھا کہ کرکٹ کا مجھے بہت شوق ہے، وزیر اعظم کہہ چکے ہیں کہ پی ایس ایل اگلے سال پاکستان میں ہوگا، انہوں نے اس امید کا اظہار کیا کہ اب اچھے حالات ہوں گے اور غیر ملکی کھلاڑی پاکستان بھی ضرور آئیں گے۔

    انہوں نے کہا کہ غیر ملکی کھلاڑیوں کا مشکور ہوں کہ وہ  ہماری دعوت پر  یہاں آئے، کسی کھلاڑی نے اس سال پاکستان آنے سے انکار نہیں کیا۔

    ایک سوال کے جواب میںصدرمملکت عارف علوی نے کہا کہ کرائسٹ چرچ میں دہشت گردی کی شدید الفاظ میں مذمت کرتا ہوں، پاکستان دہشت گردی کے حالات سے گزر چکا ہے، پڑوسی ملک کو بھی کہتا ہوں کہ نفرت بڑھانا آسان اسے کم کرنا مشکل ہے۔

  • تحریک انصاف کا اراکینِ  پنجاب اسمبلی کی تنخواہوں میں اضافہ واپس لینے کا مطالبہ

    تحریک انصاف کا اراکینِ پنجاب اسمبلی کی تنخواہوں میں اضافہ واپس لینے کا مطالبہ

    اسلام آباد : تحریک انصاف نے اراکینِ پنجاب اسمبلی کی تنخواہوں میں اضافہ واپس لینے کا مطالبہ کر دیا، عمر سرفراز چیمہ کا کہنا ہے کہ اراکین پارلیمان بھی وزیراعظم کے نقشِ قدم پر چلیں، وزیراعظم چاہتے ہیں کہ ایک ایک پائی عوام کی فلاح و بہبود پر خرچ کی جائے۔

    تفصیلات کے مطابق پی ٹی آئی کے مرکزی سیکریٹری اطلاعات عمر سرفراز چیمہ نے اراکینِ پنجاب اسمبلی کی تنخواہوں میں اضافہ واپس لینے کا مطالبہ کرتے ہوئے کہا وزیراعظم نے خود کو کفایت شعاری کی مثال بنا کر قوم کے سامنے پیش کیا، اراکین پارلیمان بھی وزیراعظم کے نقشِ قدم پر چلیں،

    عمر سرفراز چیمہ کا کہنا تھا کہ عوامی نمائندے آگے بڑھیں اور مشکل حالات میں قوم کیلئے قربانی دیں، وزیراعظم کے بیان کے بعد صورتحال بالکل واضح ہے، وزیراعظم چاہتے ہیں کہ ایک ایک پائی عوام کی فلاح و بہبود پر خرچ کی جائے۔

    انھوں نے کہا امید ہے پنجاب اسمبلی تنخواہوں اور مراعات میں اضافہ فوری واپس لے گی۔

    مزید پڑھیں : وزیراعظم اراکینِ پنجاب اسمبلی کی تنخواہوں میں اضافے پربرہم

    یاد رہے گذشتہ روز پنجاب اسمبلی میں اراکین کی تنخواہوں میں اضافے کا بل کثرت رائے سے منظور کرلیا گیا تھا ، جس کے مطابق اراکین اسمبلی کوماہانہ ایک لاکھ 95 ہزارتنخواہ ملےگی جبکہ  اراکین اسمبلی کی بنیادی تنخواہ 80 ہزارروپےکردی گئی۔

    اسپیکرپنجاب اسمبلی ہر ماہ 2 لاکھ 60ہزارروپے ، ڈپٹی اسپیکر2 لاکھ 45ہزار روپے اور وزیراعلیٰ پنجاب 4 لاکھ 25 ہزار روپے تنخواہ ماہانہ لیں گے۔

    جس کے بعد وزیراعظم عمران خان نے پنجاب اسمبلی میں ارکان کی تنخواہوں میں اضافے پر ناراضگی کا اظہار کرتے ہوئے کہاہمارے پاس عوام کو بنیادی سہولتیں فراہم کرنے کے وسائل نہیں، یہ فیصلہ بالکل بلاجواز ہے۔

  • جرمن وزیر خارجہ کا دورہ،  یورپین یونین سے معاہد ہ ہوگا، شاہ محمود قریشی

    جرمن وزیر خارجہ کا دورہ، یورپین یونین سے معاہد ہ ہوگا، شاہ محمود قریشی

    ملتان: وفاقی وزیر خارجہ شاہ محمود قریشی نے کہا ہے کہ سی پیک کو کوئی خطرہ نہیں ہے چین کے ساتھ فیز 2 کا معاہدہ طے کرلیا، جرمنی کے وزیر خارجہ رواں ماہ پاکستان لائیں گے، ہمارا یورپی یونین سے نیا معاہدہ بھی ہونے جارہا ہے۔

    ملتان میں ایک تقریب سے خطاب کرتے ہوئے شاہ محمود قریشی کا کہنا تھا کہ حکومت سنبھالی تو بہت سارے چیلنجز کا سامنا تھا، ہم نے بہت سارے امتحانات میں کامیابی حاصل کی اور پُر اعتماد طریقے سے آگے بڑھ رہے ہیں۔

    شاہ محمود قریشی کا کہنا تھا کہ یورپی یونین میں شامل 28 ممالک نے ہمیشہ پاکستان کی طرف انگلیاں اٹھائیں، ہرطرف سے ہمیں تنہاکرنےاور نیچا دکھانےکےخاکےبنائےگئے، گزشتہ دورِ حکومت میں ایک ادارے نے پاکستان کا نام گرے لسٹ میں شامل کیا۔

    اُن کا کہنا تھا کہ یورپی یونین سب سے بڑی ٹریڈنگ کی مارکیٹ ہے، رواں ماہ یورپی یونین کےساتھ پاکستان ایک نیا معاہدہ کرنے جارہا ہے،  جرمنی کے سفیر پاکستان کا دورہ کریں گے، پارلیمنٹ اور پارلیمانی اراکین کو خراج تحسین پیش کرتا ہوں جنہوں نے ملک کے لیے مثبت اقدامات میں حکومت کا ساتھ دیا۔

    [bs-quote quote=”چین کے ساتھ فیز 2 کا معاہدہ طے کرلیا، سی پیک کو کوئی خطرہ نہیں ہے” style=”style-8″ align=”left” author_name=”شاہ محمود قریشی”][/bs-quote]

    شاہ محمود قریشی کا کہنا تھا کہ جب حکومت سنبھالی تو یہ پروپیگنڈا شروع ہوا کہ پاک چین اقتصادی راہداری کے منصوبے کو خطرات ہیں مگر میں برملاکہتاہوں سی پیک کو کوئی خطرہ نہیں بلکہ ہم آگے کی جانب بڑھ رہے ہیں، آج ہم نےچین کے ساتھ فیز ٹوکا معاہدہ کرلیا، جس کے تحت پاکستان میں غربت مٹانے کا پروگرام شروع کیا جائے گا۔

    اُن کا کہنا تھا کہ امریکی صدر نے ایشیاء کے حوالے سے اپنی پالیسی کا اعلان 2019 میں کیا، ٹرمپ کی اپنی حکمتِ عملی ہے مگر پاکستان کا ہر بار یہی مطالبہ رہا کہ افغان جنگ سے مسئلے کا حل نہیں ہے، افغانستان میں امن کا فائدہ پاکستان کو بھی ہوگا۔

    وفاقی وزیرخارجہ کا کہنا تھا کہ سابقہ ادوار میں اہم ادارے تنزلی کا شکار تھے، پاکستان اسٹیل، پی آئی اے سمیت کئی ادارے دیوالیہ ہوچکے تھے مگر ہم نے اقدامات کیے اور اب انہیں ترقی کی طرف لے جا رہے ہیں۔

    بھارتی وزیر اعظم پر تنقید

    وفاقی وزیر خارجہ کا کہنا تھا کہ نریندرمودی کےکچھ عزائم کا ہمیں پہلے علم تھا، ہم جانتے تھے کہ بھارتی حکومت پاکستان کے خلاف الیکشن سے قبل کچھ ضرور کرے گی،پلوامہ واقعےسےکئی ہفتے قبل سفیروں کوبلا خدشے سے آگاہ کردیا تھا۔ اُن کا کہنا تھا کہ مودی نے اپنی پالیسی بیان کی کہ وہ پاکستان کوتنہاکرناچاہتاہے، بھارت نےبنگلادیش کاسہارا لےکرسارک کویرغمال بنایا، آج مشرقی پاکستان میں پاکستان کا جھنڈا لہرا رہا ہے۔

    [bs-quote quote=”بھارت سے امن کی خواہش کا ہرگز یہ مطلب نہیں کشمیر کا سودا کریں گے” style=”style-8″ align=”left” author_name=”وفاقی وزیر خارجہ”][/bs-quote]

    شاہ محمود قریشی کا کہنا تھا کہ بھارتی مظالم اور اقدامات کے خلاف میں نے اقدام متحدہ کے سیکریٹری جنرل کو خط لکھا اور تمام حالات سے آگاہ کیا، آج دنیا ہمارے تحفظات پر غور کررہی ہے۔

    وفاقی وزیر خارجہ کا کہنا تھا کہ ’ہم بھارت کے ساتھ امن کے خواہش مند ہیں مگر اس کا ہرگز یہ مطلب نہیں کہ کشمیر کا سودا کردیں گے، کوئی غلط فہمی میں نہ رہے کہ وہ کشمیرکی صورتحال دباؤ سےبدل دے گا، ہندوستان کو سوچناچاہے آج کشمیرکی تحریک نےکیوں جنم لیا۔

    شاہ محمود قریشی کا مزید کہنا تھا کہ اگربھارت کاوزیر خارجہ ہوتاتومجھےرات کونیندنہیں آتی، کشمیرمیں جنازےاٹھ رہےہیں نوجوان کاندھوں پر لاشیں اٹھا رہے ہیں۔

    اُن کا کہنا تھا کہ اقوام متحدہ کی جون 2018 کی رپورٹ کا مطالعہ کریں، 29ستمبر2018کو اقوام متحدہ کےفلورپر اردو میں کشمیر کے معاملے کو اجاگر کیا۔

  • وزیراعظم کا بھارتی پائلٹ کی رہائی کا اعلان غیرمعمولی ہے، سینیٹر فیصل جاوید

    وزیراعظم کا بھارتی پائلٹ کی رہائی کا اعلان غیرمعمولی ہے، سینیٹر فیصل جاوید

    اسلام آباد: پی ٹی آئی کے سینیٹر فیصل جاوید نے کہا ہے کہ وزیراعظم کا بھارتی پائلٹ کی رہائی کا اعلان غیر معمولی ہے، بین الاقوامی تعلقات میں ایسی مثالیں نایاب ہیں۔

    تفصیلات کے مطابق پی ٹی آئی کے سینیٹر فیصل جاوید نے کہا ہے کہ وزیراعظم عمران خان تنازع کے حل تک قیدی کی رہائی کے پابند نہیں تھے، وزیراعطم نے اعلان کرکے عظیم سیاست دان ہونے کا ثبوت دیا ہے۔

    فیصل جاوید نے کہا کہ جنیوا کنونشن کے تحت زیر حراست افراد کی رہائی تنازع کے انجام پر ہی ممکن ہے، وزیراعظم نے کسی بھی قانونی پابندی کے بغیر دلیرانہ فیصلہ لیا۔

    واضح رہے کہ وزیراعظم عمران خان کی جانب سے بھارتی پائلٹ ابھے نندن کی رہائی کے فیصلے کو اپوزیشن کی جانب سے بھی سراہا گیا ہے۔

    مزید پڑھیں: امن کا پیغام، وزیراعظم عمران خان کا موقف بھارت میں مقبول، زبردست پذیرائی

    خیال رہے وزیر اعظم عمران خان نے امن کی خاطر بھارتی پائلٹ کو کل رہا کرنے کا اعلان کردیا ہے.

    وزیراعظم عمران خان نے پارلیمنٹ کے مشترکہ اجلاس سے خطاب کرتے ہوئے کہا کہ بھارت اس سےزیادہ کشیدگی کوآگے نہ بڑھائے اور کشیدگی کم کرنے اور امن کو ہماری کمزوری نہ سمجھا جائے۔

    ان کا کہنا تھا کہ تمام سیاسی جماعتوں نے نیشنل ایکشن پلان پر دستخط کیے ہوئے ہیں، یہ نہیں کہتا پلواما واقعہ بھارت نے کرایا، یہ بتائیں ہمیں اس سے کیا فائدہ؟ بدقسمتی سے بھارت نے ثبوت دینے کے بجائے جنگی جنون بڑھایا۔

  • استعفیٰ نہیں دیا مگر تحفظات ہیں، فواد چوہدری کا ردِعمل

    استعفیٰ نہیں دیا مگر تحفظات ہیں، فواد چوہدری کا ردِعمل

    اسلام آباد: وزیراطلاعات فوادچوہدری نے  کہا ہے کہ میں نے کوئی استعفیٰ وزیراعظم ہاؤس نہیں بھیجا، پی ٹی وی کے حوالے سے تحفظات ہیں جسے عمران خان سے ملاقات میں بیان کروں گا، وزیراعظم فون کر کے کہیں گے تو وزارت چھوڑ دوں گا۔

    اپنے مستعفیٰ ہونےکی خبروں پررد عمل دیتے ہوئے وفاقی وزیر اطلاعات کا کہنا تھا کہ میں نے کوئی استعفیٰ وزیراعظم آفس نہیں بھیجا، ٹیم بناناصرف وزیراعظم کاکام ہے وہ جسے بہتر سمجھیں گے ٹیم میں رکھنے یا نہ رکھنے کا فیصلہ کریں گے۔

    فواد چوہدری کا کہنا تھا کہ پی ٹی وی کے مینیجنگ ڈائریکٹر کے حوالے سے مجھے تحفظات ہیں لیکن حتمی فیصلہ عمران خان کا ہوگا، وزیراعظم سےمیراصرف سیاسی نہیں بلکہ ایک ذاتی تعلق بھی ہے اس لیے اگر وہ فون اٹھاکر بولیں گے تو وزارت ہی چھوڑ دوں گا۔

    [bs-quote quote=”پی ٹی وی کے ایم ڈی اور انتظامیہ کے حوالے سے تحفظات ہیں، نعیم الحق کو کسی بات کا علم نہیں” style=”style-8″ align=”left” author_name=”فواد چوہدری”][/bs-quote]

    وفاقی وزیر اطلاعات کا کہنا تھا کہ وزیراعظم سےمیری ملاقات ہے جس میں صورتحال واضح ہوجائے گی، ابھی تک اُن سے کوئی رابطہ نہیں ہوا مگر یہ خبریں بھی بے بنیاد ہیں کہ میں نے تحفظات کی وجہ سے استعفیٰ لکھ کر وزیر اعظم ہاؤس بھیج دیا۔

    مزید پڑھیں: شیخ رشید کی وزیراطلاعات بننے کی تردید، فواد چوہدری کو اپنا بھائی قرار دے دیا

    اُن کا کہنا تھا کہ وزیر اعظم ملاقات میں جو کہیں گے اُسی پر عمل کروں گا، عمران خان راجن پور میں تھے جبکہ میں بھی بھائی کی شادی میں مصروف تھا، کل بروز پیر عمران خان سے ملاقات کروں گا۔

    فواد چوہدری کا مزید کہنا تھا کہ سرکاری ٹی وی کی مینجمنٹ کے حوالے سے میرے اختلافات موجود ہیں جبکہ تحریک انصاف کے رہنما نعیم الحق کہہ رہے ہیں آپ کااستعفیٰ وزیراعظم آفس پہنچ چکا انہیں کچھ معلوم نہیں بس ایسے ہی باتیں کرتے رہتے ہیں۔

  • تحریک انصاف کا سندھ میں گیس بحران ایک ہفتے میں حل کرنے کا دعویٰ

    تحریک انصاف کا سندھ میں گیس بحران ایک ہفتے میں حل کرنے کا دعویٰ

    کراچی: پاکستان تحریک انصاف نے سندھ میں گیس کا بحران ایک ہفتے میں حل کرنے کا بڑا دعویٰ کر دیا.

    تفصیلات کے مطابق اے آر وائی نیوز کی خصوصی نشریات میں پاکستان تحریک انصاف کے سنیئر رہنما نجیب ہارون نے کہا کہ سندھ میں گیس کامسئلہ ایک ہفتےمیں حل ہوجائے گا.

    نجیب ہارون نے کہا کہ گیس بحران کےحل کے لئے کام جاری ہے، گیس کی پیداوار بڑھانے کے لئے متبادل ذرائع استعمال کریں گے.

    کراچی نہیں، پورے ملک میں گیس کا بحران ہے: مفتاح اسماعیل

    اے آر وائی نیوز سے بات کرتے ہوئے سابق وزیر خزانہ اور مسلم لیگ ن کے رہنما مفتاح اسماعیل نے کہا کہ حکومت گیس بحران کاحل نکالےتاکہ صنعتیں چلیں.

    انھوں نے کہا کہ کراچی سمیت پورے پاکستان میں گیس بحران ہے، حکومت بتائے کیا وجہ ہے، جو صنعتوں کو گیس نہیں مل رہی، سابق وزیر خزانہ کا کہنا تھا کہ پاورپلانٹس کوایل این جی پرمنتقل کردیں توبحران حل ہوسکتا ہے.

    صنعت کاروں کا بحران فوری حل کرنے کا مطالبہ

    دوسری جانب آل پاکستان ٹیکسٹائل ملز ایسوسی ایشن (اپٹما) نے اپنے ایک بیان میں کہا کہ صنعتوں کوگیس بلاتعطل دی جائے.

    اپٹما نے کہا کہ سندھ کا گیس کی پیداواری میں حصہ67 فیصد ہے، آئین کے تحت پہلے سندھ کی ضرورتیں پوری ہونی چاہییں، گیس کی قلت کے باعث پیداواری عمل متاثر ہورہا ہے.

  • پاکستان کی عوام کرپٹ نہیں صرف چار فیصد اشرافیہ کرپٹ ہے، چوہدری محمد سرور

    پاکستان کی عوام کرپٹ نہیں صرف چار فیصد اشرافیہ کرپٹ ہے، چوہدری محمد سرور

    لاہور : گورنر پنجاب چوہدری محمد سرور نے کہا ہے کہ پاکستان کی عوام کرپٹ نہیں صرف چار فیصد اشرافیہ کرپٹ ہے، ہیلتھ سسٹم پر توجہ ناگزیر ہے،20 فیصد پولیس اہلکار ہیپاٹائٹس کا شکار ہیں۔

    ان خیالات کا اظہار انہوں نے لاہور میں پاکستان اکیڈمی آف فیملی فیزیشنز کی جانب سے نجی ہوٹل میں انتیسویں سالانہ بین الاقوامی ڈاکٹرز کانفرنس کی افتتاحی تقریب سے خطاب کرتے ہوئے کیا۔

    تقریب سے وزیراعظم کے مشیر نعیم الحق نے بھی خطاب کیا۔ چوہدری محمد سرور نے کہا کہ ملک میں صحت کے نظام پر بہت کام کرنے کی ضرورت ہے، دو ملین سئے زائد لوگ گندا پانی پینے پر مجبور ہیں، اسی وجہ سے کروڑوں لوگ ہیپاٹائٹس جیسے خطرناک مرض کا شکار ہیں۔

    ایک رپورٹ کے مطابق 20 فیصد پولیس اہلکار بھی ہیپاٹائٹس کا شکار ہیں۔ گورنر پنجاب کا مزید کہنا تھا کہ دو کروڑ بیس لاکھ بچے اسکولوں میں جانے کی بجائے گھروں میں کام کر رہے ہیں۔

    وزیر اعظم کی اوّلین ترجیح تعلیم اورصحت ہے، نعیم الحق 

    بین الاقوامی ڈاکٹرز کانفرنس سے خطاب میں مشیر وزیراعظم نعیم الحق کا کہنا تھا کہ عمران خان نے آج سے 25سال پہلے کینسر ہسپتال بنانے کا فیصلہ غریب عوام کے مفاد کیلئے کیا تھا۔

    وزیر اعظم کی اوّلین ترجیح تعلیم اورصحت ہے، ہم تعلیم کے سسٹم کو تبدیل کرنے کیلئے پانچ سال کی نہیں بیس سال کی پلاننگ کر رہے ہیں۔

    تقریب کے اختتام پر گورنر پنجاب چوہدری سرور نے ڈاکٹرز کو شیلڈز دیں جبکہ پاکستان اکیڈمی آف فیملی فیزیشنز کی جانب سے بھی گورنر پنجاب کو شیلڈ پیش کی گئی۔

  • علیم خان کو چیئرمین نیب کی ناراضی پر گرفتار نہیں کیا گیا، ترجمان نیب کی وضاحت

    علیم خان کو چیئرمین نیب کی ناراضی پر گرفتار نہیں کیا گیا، ترجمان نیب کی وضاحت

    لاہور: ترجمان نیب نے وضاحت کی ہے کہ علیم خان کو چیئرمین نیب کی ناراضی پر گرفتار نہیں کیا گیا ہے، علیم خان کی گرفتاری پر منفی پروپیگنڈے کو مسترد کرتے ہیں۔

    تفصیلات کے مطابق ترجمان نیب نے کہا ہے کہ علیم خان کی گرفتاری پر منفی پروپیگنڈے کو مسترد کرتے ہیں، علیم خان کی گرفتاری قانون کے مطابق میرٹ پر کی گئی ہے۔

    ترجمان نیب کے مطابق چیئرمین نیب کسی انکوائری یا انویسٹی گیشن پر اثرانداز نہیں ہوتے ہیں، چیئرمین نیب نے علیم خان سے زندگی میں کبھی ملاقات نہیں کی اور نہ ہی کسی خط کی وجہ سے وہ علیم خان سے ناراض ہیں۔

    ترجمان نیب نے کہا کہ بدعنوان عناصر کو کٹہرے میں کھڑا کرنے کے لیے کوشاں ہیں، نیب آئین و قانون کے مطابق اپنے فرائض انجام دہی پر یقین رکھتا ہے، چیئرمین نیب انتقامی کارروائی پر یقین نہیں رکھتے۔

    واضح رہے کہ گزشتہ روز قومی احتساب بیورو کی جانب سے گرفتاری کے بعد علیم خان نے سینئر صوبائی وزیر بلدیات کی وزارت سے استعفیٰ دے دیا تھا۔

    مزید پڑھیں: علیم خان نو روزہ جسمانی ریمانڈ پر نیب کے حوالے

    عدالت نے فریقین کے دلائل سننے کے بعد آج علیم خان کو 9 روزہ جسمانی ریمانڈ پر نیب کے حوالے کردیا ہے۔

    پی ٹی آئی رہنما کی گرفتاری کے بعد گزشتہ روز نیب کی جانب سے جاری اعلامیے میں بتایا گیا تھا کہ قومی احتساب بیور نے علیم خان کو مبینہ طور پرآمدن سے زائد اثاثے بنانے کے الزام میں گرفتار کیا۔

    یاد رہے کہ پنجاب حکومت کا حصہ بننے سے قبل علیم خان نے دعوی ٰ کیا تھا کہ ان کے خلاف دس اداروں میں تحقیقات ہوئی ہیں، 130 مختلف دستاویزات جمع کروا نے کا بھی دعویٰ کیا تھا، ایک موقع پر علیم خان نے کہا تھا کہ یا تو انہیں گرفتار کیا جائے یا پھر ان کے خلاف مقدمات ختم کیےجائیں۔