Tag: تحریک انصاف

اسلام آباد: جرمن سفیر مارٹن کوبلر نے کہا ہے کہ کے پی سے باہر صحت کارڈ کا اجراء زبردست اقدام ہے۔

تفصیلات کے مطابق سیاحت کے شوقین اور پاکستان کا مثبت چہرہ متعارف کرانے میں پیش پیش رہنے والے جرمن سفیر مارٹن کوبلر نے حکومت کی جانب سے جاری کیے جانے والے صحت کارڈ کے اقدام کو سراہا ہے۔

سماجی رابطے کی ویب سائٹ ٹویٹر پر جرمن سفیر مارٹن کوبلر نے کہا کہ کے پی سے باہر صحت کارڈ کا اجرا زبردست اقدام ہے، صحت کارڈ لاکھوں افراد کے طبی علاج کو بہتر بنائے گا۔

جرمن سفیر مارٹن کوبلر نے لکھا کہ پچھلے سال یہ نظام شندور میں بھی دیکھ کر متاثر ہوا تھا، انہوں نے میڈیکل کیمپ کے دورے کی تصاویر بھی شیئر کیں۔

Great idea to extend the health card system beyond KP, improving medical treatment of millions of people. Proud that @KfWpress helped to established the system in KP. Impressed by having seen it even in Shandur with @GERinPAK4youth
@ImranKhanPTI
@pid_gov pic.twitter.com/mBUyT2HZZ2

— Martin Kobler (@KoblerinPAK) February 5, 2019

واضح رہے کہ گزشتہ روز وزیراعظم عمران خان کی جانب سے صحت انصاف کارڈ کے پہلے مرحلے کا آغاز کیا گیا تھا، صحت کارڈ کے ذریعے عام آدمی سوا 7 لاکھ روپے تک علاج کرواسکے گا، جس میں مریض کی انجیوپلاسٹی، برین سرجری، کینسر اور دیگر امراض کا مفت علاج کیا جائے گا۔

یہ پڑھیں: وزیراعظم عمران خان نے صحت انصاف کارڈ کے پہلے مرحلے کا آغاز کردیا

ذرائع کا کہنا تھا کہ صحت کارڈ سے ملک کے ڈیڑھ کروڑ غریب خاندان مستفید ہوں گے، کارڈ ہولڈر کو7 لاکھ 20 ہزار روپے تک کے اخراجات کی سہولت دستیاب ہوگی، جبکہ مریض 150 سے زائد سرکاری و نجی اسپتالوں میں علاج کرواسکیں گے۔

یاد رہے کہ فواد چوہدری کا کہنا تھا کہ صحت کارڈ پروگرام سے غریبوں کو تحفظ فراہم کیا جائے گا، صحت کارڈ سے 7 لاکھ 20 ہزار روپے تک کا علاج بالکل مفت ہوگا، 20 فروری سے پنجاب کے 4 اضلاع میں صحت کارڈ پروگرام شروع ہوگا۔

گوجرانوالہ: وفاقی وزیر اطلاعات فواد چوہدری نے کہا ہے کہ ملک کے خزانے کو بے دردی سے لوٹا گیا، ملک لوٹنے والے سارے چور اپوزیشن میں اکھٹے ہوگئے ہیں، ان کے ساتھ جیلوں میں ایسا سلوک ہونا چاہئے جیسا غریبوں کے ساتھ ہوتا ہے۔

تفصیلات کے مطابق وفاقی وزیر اطلاعات فواد چوہدری نے گوجرانوالہ میں تقریب سے خطاب کرتے ہوئے کہا کہ پیپلزپارٹی اور مسلم لیگ ن نے مذاق بنادیا ہے، جو پہلے سے اکھٹے تھے وہ اب بھی ایک ہی ہیں۔

انہوں نے کہا کہ ماضی کی حکومتوں سے پوچھو قرضے کی رقم کہاں گئی، کہتے ہیں جمہوریت خطرے میں ہے، قرضوں کا حساب مانگو تو کہتے ہیں جمہوریت خطرے میں ہے، پچھلے 10 سال میں 70 سال سے زیادہ قرضے لیے گئے ہیں۔

وزیر اطلاعات نے کہا کہ سعد رفیق کو گرفتار کیا گیا تو وہ منسٹر انکلیو میں رہنے لگے، 3 بار وزیراعظم رہنے والے کو سرکاری اسپتال پسند نہیں آرہے ہیں، نواز شریف کو پاکستان کے اسپتالوں میں علاج کرانا پسند نہیں ہے، آپ لوگوں نے ملک پر کئی سال حکومت کی لیکن کوئی اسپتال نہ بناسکے جہاں علاج ہوسکے۔

فواد چوہدری نے کہا کہ اربوں روپے کا لاڑکانہ پیکیج تھا، 90 ارب روپے دبئی میں نکل آئے، جو پیسے لوگوں کو پر خرچ ہونے تھے وہ دبئی اور لندن سے برآمد ہورہے ہیں، عمران خان وزیراعظم ہونے کے باوجود ایک روپیہ سرکاری خزانے سے نہیں لیتے ہیں۔

مزید پڑھیں: ای سی ایل سے زرداری کا نام نکالنا زیرِ غور نہیں: فواد چوہدری

انہوں نے کہا کہ وزیراعظم اور وزرا عیاشیاں نہیں کررہے ہیں، حکومت کا مشن ہے غریب اور امیر کے لیے ایک قانون ہو، عمران کی جدوجہد 22 سال پر محیط ہے، حکومت کو گری ہوئی تباہ حال معیشت ورثے میں ملی ہے۔

وزیر اطلاعات نے کہا کہ پاکستان خطے میں اہم کردار ادا کررہا ہے، تمام ممالک پاکستان کی طرف دیکھ رہے ہیں، پاکستان یمن اور سعودی عرب کے درمیان ثالثی کا کردار ادا کررہا ہے۔

فواد چوہدری نے کہا کہ عمران خان کبھی ڈیل نہیں کریں گے، وزیراعظم نے 6 ماہ میں پاکستان کو موثر طاقت بنایا ہے، عمران خان وزیراعظم ہاؤس میں نہیں بنی گالا میں رہتے ہیں، اخراجات خود برداشت کرتے ہیں، ماضی میں جاتی امرا کی دیوار بنانے کے لیے کروڑوں روپے خرچ کیے گئے۔

راولپنڈی: وزیراعظم کے معاون خصوصی نعیم الحق نے کہا ہے کہ مسلم لیگ ن گمراہ کن پروپیگنڈہ کررہی ہے، نواز شریف کو سہولتیں میسر ہیں، شہباز شریف نے آتے ہی وزیراعظم پر فقرے کسنے شروع کردئیے۔

تفصیلات کے مطابق وزیراعظم کے معاون خصوصی نعیم الحق نے میڈیا سے گفتگو کرتے ہوئے کہا کہ شیخ رشید نے کہا تھا ملزم کیسے پی اے سی میں شرکت کرسکتے ہیں، ہمیں پارلیمنٹ میں اپوزیشن کے تعاون کی ضرورت ہے۔

انہوں نے کہا کہ وزیراعظم کی خواہش ہے نوجوانوں کے لیے کھیلوں کی سرگرمیاں بحال کی جائیں، پاکستان کے دور دراز علاقوں میں گراؤنڈز آباد کریں گے اور درخت لگائیں گے، چاہتے ہیں نئی نسل ایک صحت مند ماحول میں نشو نما پائے۔

نعیم الحق نے کہا کہ وہ ہیرے جو ریت میں چھپے ہیں کھیل سے ملک کا نام روشن کرسکتے ہیں، وزیراعظم انقلابی تبدیلی لارہے ہیں اور مزید گراؤنڈز بھی بنا رہے ہیں، جو نظام ملک میں رائج ہے اس میں مسائل کا حل موجود نہیں ہے۔

مزید پڑھیں: ملک لوٹنےوالوں کاٹولہ ایک ہوگیا،نعیم الحق کااپوزیشن کےاتحاد پرتبصرہ

انہوں نے کہا کہ 50 لاکھ گھر بنانے جارہے ہیں اور اس کا آغاز ہوچکا ہے، ڈگریوں والے افراد کی بے روزگاری کی ذمہ دار گزشتہ حکومت ہے، ایک کروڑ نوکریوں کا آغاز ہوچکا ہے۔

نعیم الحق نے کہا کہ اپوزیشن لیڈر جو اس وقت قومی اسمبلی میں کررہے ہیں وہ افسوس ناک ہے، وزیراعظم نے پارلیمںٹ کے لیے اچھی تقریر تیار کی تھی، اپوزیشن کے شور شرابے کی وجہ سے وزیراعظم تقریر نہ کرسکے۔

سانحہ ساہیوال کے حوالے سے گفتگو کرتے ہوئے نعیم الحق نے کہا کہ سانحہ ساہیوال کے قاتلوں پر مقدمہ بن چکا ہے، ملزمان کو قرار واقعی سزا ملے گی۔

گھوٹکی: پاکستان پیپلزپارٹی کے رہنما خورشید شاہ نے کہا ہے کہ وفاقی نے سندھ حکومت گرانے کی کوشش کی تو نقصان اس کو ہوگا، ٹکراؤ سیاست کا حصہ ہے مگر ہم چاہتے ہیں یہ نظام چلے۔

تفصیلات کے مطابق گھوٹکی میں میڈیا سے گفتگو کرتے ہوئے پیپلزپارٹی رہنما خورشید شاہ نے کہا کہ تحریک انصاف کو اپوزیشن سے خطرہ نہیں ہونا چاہئے، جو نظام ہم نے چلایا تھا اس کو آگے لے کر جانے کی ضرورت ہے۔

انہوں نے کہا کہ ملک چلانے کی ذمہ داری پی ٹی آئی حکومت کی ہے، اپوزیشن چاہتی یہے حکومت بہتری کی طرف گامزن ہو مگر ایسا ہو نہیں رہا ہے۔

پیپلزپارٹی رہنما خورشید شاہ نے کہا کہ منی بجٹ میں کسانوں کو کوئی ریلیف نہیں دیا گیا، بجلی کی قیمتوں میں کوئی کمی نہیں کی گئی ہے۔

مزید پڑھیں: اگربنی گالہ کوریگولرائزکیا جاسکتا ہے تودیگرکوبھی کرنا چاہیے‘ خورشیدشاہ

واضح رہے کہ خورشید شاہ کا کہنا تھا کہ حکومت کا فرض ہے کہ ان لوگوں کو چھت فراہم کرے جن کے پاس گھر نہیں ہے، حالیہ بجٹ تو صنعت کاروں سے کیے گئے وعدے کے لیے تھا، صنعت کاروں کو ریلیف دینا چاہئے لیکن کیا زراعت کو ریلیف دیا۔

خورشید شاہ کا کہنا تھا کہ اگراپوزیشن لیڈر نہیں ہوگا توپارلیمنٹ کیسے چلے گی، ہم نہیں چاہتے کہ کوئی سول نافرمانی کی تحریک چلے۔

یاد رہے کہ رواں ماہ 5 جنوری کو وفاقی وزیردفاع پرویز خٹک کا کہنا تھا کہ حکومت کے خلاف کوئی سازش کامیاب نہیں ہوگی، حکومت اپنی مدت پوری کرے گی، عمران خان اگلی بار بھی اس ملک کے وزیراعظم ہوں گے۔