Tag: تحریک انصاف

اسلام آباد: وفاقی وزیر آبی وسائل فیصل واوڈا نے پیپلزپارٹی اور ن لیگ کو چیلنج دیتے ہوئے کہا ہے کہ ایک پراپرٹی ڈھونڈ کر لے آئیں وزارت اور سیاست چھوڑ دوں گا۔

تفصیلات کے مطابق اے آر وائی نیوز کے پروگرام ’آف دی ریکارڈ‘ میں وفاقی وزیر فیصل واوڈا نے کہا کہ میں نے تمام اثاثے نامزدگی میں ظاہر کئے ہیں پیپلزپارٹی اور ن لیگ ایک پراپرٹی ڈھونڈ کر لے آئیں وزارت اور سیاست چھوڑ دوں گا۔

فیصل واوڈا نے کہا کہ میری بے نامی جائیداد ثابت کریں، وہ جائیداد بھی دے دوں گا، چیلنج کرتا ہوں ن لیگ، پی پی ثابت کریں اثاثے ظاہر نہیں کیے۔

وفاقی وزیر نے کہا کہ میں، میرے والد، میرے پردادا نے کبھی سرکاری نوکری نہیں کی، میری پانچ نسلوں میں کسی نے سرکاری نوکری نہیں کی، اتنا بڑا مافیا تھا تو پیپلزپارٹی، ن لیگ نے آج تک مجھ سے باز پرس کیوں نہیں کی۔

فیصل واوڈا نے سوال کیا کہ معذرت کے ساتھ کیا میں سابق وزیراعظم میاں نواز شریف سے بڑا چور تھا، نواز شریف پچھلے ادوار میں این آر او کرکے 9 سال کے لیے سعودی عرب گئے۔

مزید پڑھیں: عابد شیر علی کے الزامات، فیصل واوڈا کا کرارا جواب

واضح رہے کہ مسلم لیگ ن کے رہنما عابد شیر علی نے سماجی رابطوں کی ویب سائٹ ٹویٹر پر اپنے پیغام میں فیصل واوڈا پر یہ الزام لگایا تھا کہ انھوں نے گیارہ ملین پاؤنڈ کی منی لانڈرنگ کر کے وسطی لندن میں جائیداد خریدی ہے۔

وفاقی وزیر برائے آبی وسائل فیصل واوڈا نے ان الزامات پر کرارا جواب دیتے ہوئے کہا تھا کہ عابد شیر علی سستی شہرت کے لیے ایسے بیانات دے رہے ہیں، ان کا ذہنی توازن درست نہیں ہے۔

لاہور: سینئر وزیر پنجاب عبدالعلیم خان نے کہا ہے کہ 100 روزہ پلان پر پنجاب حکومت تیاری کے ساتھ میدان میں اتری ہے، عمران خان کے وژن کے تحت پنجاب حکومت آگے بڑھ رہی ہے۔

ان خیالات کا اظہار سینئر وزیر پنجاب عبدالعلیم خان کا 100 روزہ پلان کے حوالے سے گفتگو کرتے ہوئے کیا، انہوں نے کہا کہ پنجاب کے 15 محکموں میں اصلاحات کا ایجنڈا لارہے ہیں، 100 روزہ پلان میں آئندہ پانچ سال کی لائن آف ایکشن واضح ہوگی۔

سینئر وزیر پنجاب نے کہا کہ ٹھوس بنیاد پر نتائج کی حامل پالیسیاں سامنے لائیں گے، 70 سال سے موجود خرابیوں کو مستقبل میں درست کریں گے، سرکاری نظام میں موجود رکاوٹوں کو دور کیا جائے گا۔

عبدالعلیم خان نے کہا کہ تعلیم، صحت، زراعت، آبپاشی ودیگر شعبوں کے لیے سفارشات تیار ہیں، سیاحت، صنعت، سماجی بہبود، اسپورٹس کے شعبے بھی پلان میں شامل ہیں۔

مزید پڑھیں: پنجاب میں کوڑے کرکٹ سے بجلی کے پلانٹ لگائے جائیں گے، علیم خان

واضح رہے کہ گزشتہ ماہ علیم خان کا اپنے جاری کردہ بیان میں کہنا تھا کہ پنجاب کے بڑے شہروں میں کوڑے کرکٹ سے بجلی کے پلانٹ لگائے جائیں گے۔

ان کا کہنا تھا کہ لاہور کے کوڑے سے 35 میگاوآٹ بجلی کا منصوبہ شروع ہوگا، فیصل آباد اور راولپنڈی میں 30 میگاواٹ کے منصوبے شروع ہوں گے۔

سینئر وزیر پنجاب نے کہا تھا کہ 22 ماہ میں منصوبوں کی تکمیل اور بجلی کی پیداوار شروع ہوسکتی ہے، کوڑا ڈمپ کرنے کے بجائے اس سے بجلی حاصل کریں گے۔

اسلام آباد: وزیراعظم کے معاون خصوصی عثمان ڈار نے کہا ہے کہ وزیراعظم کسی وزیر نہیں اپنے نظریے کے ساتھ کھڑے ہیں، عمران خان نے اپنی بہن کے لیے کسی ادارے سے بات نہیں کی۔

ان خیالات کا اظہار انہوں نے اے آر وائی نیوز کے پروگرام ’سوال یہ ہے‘ میں گفتگو کرتے ہوئے کیا، عثمان ڈار نے کہا کہ جے آئی ٹی کی فائنل رپورٹ کے بعد اعظم سواتی نے استعفیٰ دیا، عدالتیں آزاد ہیں پہلے بھی فیصلے قبول کیے آئندہ بھی کریں گے۔

انہوں نے کہا کہ ن لیگ کے لوگ اداروں سے ٹکرانے کے بعد عہدوں سے گئے، خواجہ آصف کے اثاثوں کے کیس میں نیب نے مجھے بلایا تھا، نیب قانون کو جو کالا قانون کہہ رہے ہیں یہ انہی کے دور میں بنا تھا۔

پی اے سی کے سوال کے جواب میں عثمان ڈار نے کہا کہ حکومت نے اپوزیشن کے لیے درمیانہ راستہ نکالا، حکومت نے کہا شہباز شریف کے سوا کسی اور کا نام دے دیں، کیا اپوزیشن کے پاس کوئی اور صاف آدمی نہیں ہے۔

عثمان ڈار نے کہا کہ شہباز شریف پر مقدمات ہیں نیب کی گاڑیوں میں عدالت آتے ہیں، اپوزیشن نیب قوانین میں اصلاحات لانے میں ہماری مدد کریں، انہوں نے سوال کیا کہ کیا اپوزیشن جنوبی پنجاب صوبہ بنانے پر ہمارے ساتھ کھڑے ہیں۔

انہوں نے کہا کہ حکومت احتساب سب کا اور بلاتفریق چاہتی ہے، پاکستانی قوم احتساب ہوتا دیکھنا چاہتی ہے، ماضی کی طرح مک مکا اور این آر او نہیں ہوگا۔

لندن: وفاقی وزیر اطلاعات فواد چوہدری نے کہا ہے کہ نواز شریف اور زرداری اپنا آخری الیکشن لڑ چکے، مڈٹرم الیکشن کا کوئی امکان نہیں، ڈالر اوپر نیچے جانے سے کوئی فرق نہیں پڑتا ہے، ہمارا سب سے بڑا چیلنج اپنے وعدے پورا کرنا ہے۔

تفصیلات کے مطابق فواد چوہدری نجی دورے پر لندن پہنچے ہیں جہاں ان کا استقبال ڈپٹی ہائی کمشنر محمد ایوب نے کیا، میڈیا سے گفتگو کرتے ہوئے فواد چوہدری نے کہا کہ الیکشن مہم میں ساتھ دینے پر اوورسیز کمیونٹی کا شکریہ ادا کرنے آیا ہوں، وقت آگیا اوورسیز پاکستانیوں کی توقعات پوری ہوں۔

[bs-quote quote=”عمران خان کی پالیسیوں سے پاکستان کے پاسپورٹ کی اہمیت بڑھے گی” style=”style-6″ align=”left” author_name=”فواد چوہدری”][/bs-quote]

وزیر اطلاعات نے کہا کہ پاکستان میں احتساب پر لوگوں کی گھبراہٹ دیکھ کر اوورسیز پاکستانی خوش ہیں، عمران خان کی پالیسیوں سے پاکستان کے پاسپورٹ کی اہمیت بڑھے گی، پاکستانی سفارتی کامیابیوں سے مستحکم معیشت کی طرف بڑھ رہے ہیں۔

فواد چوہدری نے کہا کہ ملک کو اس حالت میں پہنچانے والے ہمیں لیکچر دے رہے ہیں، ہمیں کوئی سیاسی چیلنج درپیش نہیں سب سے بڑا چیلنج وعدوں کی تکمیل ہے۔

اسد عمر سے متعلق خبروں کی سختی سے تردید

وزیر اطلاعات نے اسد عمر سے متعلق خبروں کی سختی سے تردید کرتے ہوئے کہا کہ منفی پروپیگنڈے کا مقصد معیشت کو عدم استحکام سے دوچار کرنا ہے، وزیراعظم کو اسد عمر کی صلاحیتوں پر بھرپور اعتماد کرتے ہیں۔

فواد چوہدری نے کہا کہ اسد عمر بھرپور صلاحیتوں، محنت کے ساتھ قومی خدمات انجام دے رہے ہیں، ملکی معیشت کو استحکام دینے کے لیے اسد عمر کی قابلیت نے اہم کردار ادا کیا۔

انہوں نے کہا کہ سرمایہ کاری اور برآمدات میں اضافہ ہورہا ہے، درآمدات میں کمی آئی اور ترسیلات زر بڑھ رہی ہیں، وہ دن دور نہیں جب سیاست کی طرح معیشت میں مثبت تبدیلی نظر آئے گی۔

یہ پڑھیں: عوام کا مال لوٹنے والوں کے مقدر میں صرف جیل کی دال ہے: فواد چوہدری

واضح رہے کہ چند روز قبل فواد چوہدری کا اپنے ایک بیان میں کہنا تھا کہ عوام کا مال لوٹنے والے پی ٹی آئی کے ایجنڈے سے تکلیف میں ہیں، خورشید شاہ اور ان کے لیڈروں نے قومی خزانے کو سونے کی مرغی سمجھ کر حلال کیا، پیپلزپارٓٹی کب تک اپنی کرپشن بھٹو کے پیچھے چھپائے گی۔

فواد چوہدری کا کہنا تھا کہ عمران خان روایتی وزیرِ اعظم نہیں ہیں جو عوام کو اپنا غلام سمجھے، عوام نے عمران خان کو وزیرِ اعظم منتخب کر کے لٹیروں کے خلاف اعلانِ جنگ کیا۔