Tag: تحریک انصاف

لاہور : تحریک انصاف نے سپریم کورٹ کا فیصلہ آنے کے بعد جیل بھرو تحریک ختم کرنے کا فیصلہ کرلیا۔

تفصیلات کے مطابق سپریم کورٹ کا فیصلہ آنے کے بعد تحریک انصاف نے جیل بھرو تحریک ختم کرنے پر غور شروع کردیا۔

تحریک انصاف کے رہنماؤں کو آج کے دن کیلئے گرفتاریاں دینے سے رو ک دیا گیا ہے۔

فوکل پرسن جیل بھرو تحریک اعجاز چوہدری نے اپنے بیان میں کہا ہے کہ آج فیصل آباد میں احتجاج اورجلسہ ہوگا گرفتاریاں نہیں ہوں گی، آج شام کو صورتحال کاجائزہ لیکر جیل بھر و تحریک پرحتمی فیصلہ کیا جائے گا۔

ذرائع تحریک انصاف کا کہنا ہے کہ عمران خان سے مشاورت کرکے پارٹی قیادت لائحہ عمل کااعلان کرے گی۔

یاد رہے سپریم کورٹ نے الیکشن کمیشن کو پنجاب اور خیبر پختونخوا میں نوے روز میں انتخابات کرانے کا حکم دے دیا ہے۔

سپریم کورٹ نے فیصلہ تین دو کی اکثریت سے سنایا، عدالتی فیصلے میں کہا گیا ہے کہ پارلیمانی جمہوریت میں انتخابات اہم عنصر ہیں، اسمبلی کی تحلیل کے بعد نوے روزمیں الیکشن ہونا لازم ہے۔

لاہور : تحریک انصاف نے آڈیو لیک معاملے پر جوڈیشل کمیشن بنانے کے لیے ہائیکورٹ سے رجوع کرلیا۔

تفصیلات کے مطابق تحریک انصاف نے آڈیو لیک معاملے پر جوڈیشل کمیشن بنانے کے لیے درخواست دائر کردی۔

پی ٹی آئی کی رہنما ڈاکٹر یاسمین راشد نے رانا مدثر ایڈووکیٹ کی وساطت سے درخواست دائر کی۔

دائر درخواست میں وزرات داخلہ ، وزارت دفاع چیف سیکرٹری سمیت دیگر کو فریق بنایا گیا ہے۔

درخواست گزار نے موقف اختیار کیا کہ پی ٹی آئی کی سئنیر لیڈرشپ کی آڈیو ٹیپ کر کہ لیکس کی جارہی ہے، آڈیو لیک کرنا بنیادی حقوق کی خلاف ورزی ہے۔

درخواست میں کہا گیا کہ جوڈیشل کمیشن آڈیو لیک کرنے والے عناصر کو سامنے لائے۔

درخواست گزار نے استدعا کی کہ آڈیو لیک معاملے کی تحقیقات کرنے کےلیے ہائیکورٹ کے سئنیر ججز پر مشتمل جوڈیشل کمیشن بنایا جائے اور پی ٹی اے کو آڈیو لیک نشر کو کرنے سے روکنے کے احکامات دیے جائیں۔

لاہور : پولیس حکام کا کہنا ہے کہ گرفتاری کے لیے کسی جرم کا ہونا ضروری ہے ، کسی کی خواہش پر اسے گرفتار یا رہا کرنا قانون کے دائرہ اختیارمیں نہیں۔

تفصیلا ت کے مطابق پولیس حکام کی جانب سے تحریک انصاف کی جیل بھرو تحریک کے حوالے سے کہا گیا ہے کہ گرفتاری کے لیے کسی جرم کا ہونا ضروری ہے ، قانون کی خلاف ورزی کے بغیر کسی کو گرفتار نہیں کیا جا سکتا۔

حکام کا کہنا تھا کہ کسی کی خواہش پر اسے گرفتار یا رہا کرنا قانون کے دائرہ اختیارمیں نہیں، پولیس مجوزہ قانون کےتحت ہی کارروائی کی پابندہے۔

خیال رہے پی ٹی آئی کی جانب سے آج جیل بھرو تحریک کا آغاز کیا جارہا ہے۔

پاکستان تحریک انصاف کے کارکنان جیل بھرو تحریک کا آغاز کرنے کے لیے چیئرنگ کراس پہنچنا شروع ہوگئے ہیں، اس موقع پر پولیس کی بھاری نفری بھی موقع پر موجود ہے۔

اسلام آباد : تحریک انصاف کے رہنما اسد عمر نے آئندہ 24 گھنٹوں میں جیل بھرو تحریک کی کال دینے کا عندیہ دے دیا۔

تفصیلات کے مطابق پی ٹی آئی کی جیل بھروتحریک کی تیاری مکمل ہوگئی، رہنما پی ٹی اسد عمر نے کہا ہے کہ چوبیس گھنٹے کے نوٹس پر تحریک شروع ہوسکتی ہے۔

اسدعمر کا کہنا تھا کہ جیل بھروتحریک میں صرف کارکن نہیں،ہم لیڈربھی جیل جائیں گے،امپورٹڈحکومت کو گھسیٹ کرانتخابات تک لائیں گے۔

پی ٹی آئی رہنما نے کہا کہ آئین مقدم ہے،آئین وقانون میں کوئی اختلاف ہےتوآئین کودیکھاجائے گا، عدالت نےاسی لیےآئین کی تشریح کی ہے اور آئین کےمطابق فیصلہ دیاہے، آئین کےمطابق گورنریاالیکشن کمیشن انتخابات کی تاریخ کااعلان کریں گے۔

ان کا کہنا تھا کہ موجودہ حکومت پی ٹی آئی کامقابلہ نہیں کرسکتی اسی لیےآئین شکنی کررہی ہے، یہ لوگ الیکشن سےبچنےکیلئےآئین بھی توڑنےکیلئےتیارہیں، موجودہ حکومت کوآئین توڑنےمیں عدلیہ کی وجہ سےدشواری ہے۔

اسد عمر نے مزید کہا کہ آئین کی خلاف ورزی کریں توآرٹیکل6لگتاہے، چیف سیکریٹری اورآئی جی پنجاب نےعدالت میں کہاآئین کےمطابق کام کریں گے، آئین کےمطابق الیکشن کراناالیکشن کمیشن کی ذمہ داری ہے، الیکشن کمیشن آئین کاپابندہےانکارنہیں کرسکتا۔

پشاور: تحریک انصاف نے ایپکس کمیٹی کے اجلاس میں شرکت نہ کرنے کا فیصلہ کرلیا اور کہا ایک طرف انتقامی کارروائیاں، دوسری طرف اجلاس کیلئے بلانا سمجھ سے بالا ہے۔

تفصیلات کے مطابق تحریک انصاف کے رہنماؤں پرویز خٹک اور اسد قیصر نے ایپکس کمیٹی اجلاس میں شرکت سے معذرت کرلی۔

سابق اسپیکر اسد قیصر نے کہا کہ سیاسی پارٹیاں ایپکس کمیٹی کی ممبر نہیں ہوسکتیں ، اپیکس کمیٹی اجلاس میں سرکاری حکام ، ذمہ دار لوگ شرکت کرتے ہیں۔

اسد قیصر کا کہنا تھا کہ آزاد کشمیر کے وزیراعظم ، جی بی کے وزیراعلیٰ اجلاس میں شرکت کررہے ہیں، انتہائی قلیل وقت میں اجلاس کیلئے بلایا گیا۔

پی ٹی آئی رہنما نے کہا کہ ایک طرف انتقامی کارروائیاں، دوسری طرف اجلاس کیلئے بلانا سمجھ سے بالا ہے،وفاقی حکومت نے ہمارے خلاف مختلف محاذ کھول رکھے ہیں ، ہمارے خلاف جھوٹی ایف آئی آرز کاٹی جارہی ہیں۔

ان کا کہنا تھا کہ پشاور دھماکے پر وفاقی حکومت سیاست کررہی ہے، انسداد دہشتگردی کیلئے وفاق نے صوبے کو کوئی فنڈز نہیں دیے، جن فنڈز کی بات شہباز شریف نے کی وہ انسداد دہشتگردی کیلئے نہیں دیےگئے۔