Tag: تحریک انصاف

لاہور : تحریک انصاف نے حکومت کی انتقامی کارروائیوں پر ملک گیر احتجاج کا فیصلہ کرلیا اور آئندہ کا لائحہ عمل تیار کرنے کے لئے اجلاس طلب کرلیا۔

تفصیلات کے مطابق تحریک انصاف نے حکومت کی انتقامی کارروائیوں پر ملک گیر احتجاج کا فیصلہ کرلیا۔

عمران خان نے پارٹی کی سینئر قیادت کا اجلاس آج زمان پارک میں طلب کر لیا ہے ، جس میں عمران خان سینئر رہنماؤں سے موجوہ صورتحال پرحکمت عملی پرمشاورت کریں گے۔

پارٹی ذرائع نے کہا ہے کہ حکومتی انتقامی کارروائیوں پر پارٹی آئندہ کا لائحہ عمل تیار کرے گی۔

ذرائع کے مطابق مشاورتی اجلاس میں پارٹی کے سینئر وکلا بھی شریک ہوں گے، جن سے حکومت کی جانب سے الیکشن میں تاخیر کے معاملے پر بھی تبادلہ خیال ہوگا۔

ذرائع کا کہنا ہے کہ پارٹی کے دیگر رہنماؤں کی ممکنہ گرفتاریوں کے ردعمل کی حکمت عملی پر بھی مشاورت ہوگی۔

عمران خان نے اجلاس کیلئے ٹھوس تجاویز پیش کرنے کی بھی ہدایت دے دی ہے۔

اسلام آباد : ماہر قانون ابوذرسلمان کا کہنا ہے کہ تحریک انصاف استعفوں کی منظوری کو چیلنج کرسکتی ہے۔

تفصیلات کے مطابق ماہرقانون ابوذرسلمان نے اے آر وائی نیوز سے خصوصی گفتگو کرتے ہوئے اسپیکر اسمبلی کی جانب سے پی ٹی آئی ارکان کے استعفوں کی منظوری پر کہا کہ تحریک انصاف استعفوں کی منظوری کو چیلنج کرسکتی ہے۔

ابوذر سلمان کا کہنا تھا کہ اسپیکر نے ایک موقف اپنایا کہ وہ خود انٹرویو کرکے تصدیق کریں گے پھراستعفے منظورکریں گے لیکن پھر نئی پوزیشن لے لی ، جو قانون کی خلاف ورزی کے زمرے میں آرہا ہے۔

ماہرقانون نے کہا کہ آرٹیکل 64 واضح ہے ،استعفیٰ دیتے ہیں تو نشست خالی تصور ہوتی ہے، اسپیکر استعفوں کی تصدیق کیلئے فرداً فرداً اراکین کو بلاسکتے ہیں، اسپیکر کامؤقف تھا کہ مجھے کالز آرہی ہیں کہ استعفیٰ زبردستی لیا گیا۔

ان کا کہنا تھا کہ استعفوں کی منظوری کو مفاد عاملہ کے تحت آرٹیکل 191 کا معاملہ عدالت میں لایا جاسکتا ہے اور اسپیکر کی جانب سے استعفوں کی مرحلہ وار منظوری کا معاملہ مفاد عامہ میں دیکھا جاسکتا ہے۔

ابوذر سلمان نے مزید کہا کہ ماضی کی مثال موجود ہے، استعفوں کے معاملے کو چیلنج کیا جاسکتا ہے۔

خیال رہے قومی اسمبلی کے اسپیکر راجا پرویز اشرف نے آج تحریکِ انصاف کے مزید 43 ارکان کے استعفے منظور کرلیے۔

جس کے بعد منحرفین اور دو ارکان کے سوا قومی اسمبلی سے تحریکِ انصاف کے تمام ارکان کے استعفے منظور ہوچکے ہیں۔

استعفے چار مراحل میں منظور کیے گئے، پہلےمرحلے میں جولائی میں گیارہ جبکہ دوسرے اورتیسرے مرحلے میں 35 ، 35 استعفے منظور ہوئے۔

اسلام آباد : تحریک انصاف نے محسن نقوی کی تعیناتی کے خلاف آج عدالت جانے اور ملک گیر احتجاج کا اعلان کردیا۔

تفصیلات کے مطابق نگراں وزیراعلیٰ پنجاب محسن نقوی کی تعیناتی کیخلاف پی ٹی آئی نے آج عدالت جانے کا اعلان کردیا۔

پنجاب کے پانچ بڑے شہروں میں نگران وزیراعلیٰ پنجاب کی تقرری کیخلاف آج احتجاج بھی کیا جائے گا۔

گذشتہ روز چیئرمین پی ٹی آئی عمران خان نے اعلان کیا تھا کہ کل لاہور اور بدھ کوراولپنڈی میں احتجاج کیا جائے گا۔

بعد ازاں پی ٹی آئی رہنما فواد چوہدری نے کہا تھا کہ محسن نقوی کی نگراں وزیراعلیٰ پنجاب تقرری انتہائی غلط فیصلہ ہے، ان پر بہت سے اعتراض ہیں، وہ نیب کیساتھ پلی بارگین کرچکے ہیں۔

فوادچوہدری کا کہنا تھا کہ عدالت کے ساتھ ساتھ ہمارے پاس احتجاج کا بھی راستہ ہے، پی ٹی آئی کی جانب سے 5 بڑے شہروں میں احتجاج ہوں گے، لاہور، پھر راولپنڈی، ملتان، فیصل آباد اور گوجرانوالہ میں احتجاج ہوگا۔

انھوں نے کہا تھا کہ عمران خان کا صرف آخری ایکسرےرہ گیاہےپھروہ بھی عوام کیساتھ ہوں گے ، الیکشن کمیشن نےناانصافی کی ہے متنازع فیصلےنہیں کرنےچاہئیں، ہم چاہتے تھے ملک بھرمیں عام انتخابات ہوں اس لیےمستعفی ہوئے تھے لیکن الیکشن نہیں ہوئے توہم نے بھی اپنی اسٹریٹیجی تبدیل کردی ہے۔

وزیراعظم کے اعتماد کے ووٹ کے حوالے سے رہنما پی ٹی آئی نے کہا کہ ہم قومی اسمبلی میں اعتمادکےووٹ کیلئےجاناچاہتےتھے، ہمیں معلوم تھاکہ شہبازشریف اکثریت کھوچکےہیں اعتمادکاووٹ نہیں ملےگا، آئین کےمطابق پارلیمانی کمیٹی کےفیصلےکی اہمیت ہےارکان کی نہیں۔

استعفوں کی منظوری سے متعلق فواد چوہدری کا مزید کہنا تھا کہ ہمارا راستہ روکنے کیلئے قومی اسمبلی سے استعفے کی منظوریاں دی گئیں، رن آف الیکشن تو اعتماد کے ووٹ کے بعد کی کہانی ہے، شہباز شریف کو اعتماد کا ووٹ لینے دیں پھر ہمارے پاس اور بھی سرپرائز ہیں۔

لاہور : تحریک انصاف کا محسن نقوی کی تقرری کے خلاف احتجاج کا فیصلہ کرلیا ، احتجاج کل دوپہر 1 بجے الیکشن کمیشن پنجاب کے دفتر کے باہر ہوگا۔

تفصیلات کے مطابق تحریک انصاف نے پی ڈی ایم اور محسن نقوی کی تقرری کے خلاف احتجاج کا فیصلہ کرلیا۔

صدر پی ٹی آئی لاہور شیخ امتیاز کا کہنا ہے کہ تحریک انصاف محسن نقوی کی تقرری کیخلاف احتجاج کرے گی، احتجاج کل دوپہر 1 بجے الیکشن کمیشن پنجاب کے دفتر کے باہر ہوگا۔

اس حوالے سے ترجمان پنجاب حکومت مسرت جمشید چیمہ نے اپنے بیان میں کہا ہے کہ نگراں وزیراعلیٰ کی تقرری کےخلاف تحریک انصاف احتجاج کرےگی، ہم سڑکوں پر بھی جائیں گے اورعدالتی دروازہ بھی کھٹکھٹایاجائےگا۔

مسرت جمشید چیمہ کا کہنا تھا کہ رات کے اندھیرے میں تقرراورتاریکی میں ہی حلف سے سب کچھ واضح ہے، اس طرح کے فیصلے عوام کو مزید مشتعل کرتے ہیں۔

یاد رہے چیئرمین پی ٹی آئی عمران خان نے محسن نقوی کی بطور نگراں وزیراعلیٰ تقرری مسترد کردی تھی اور کہا تھا کہ سپریم کورٹ فیصلےکےمطابق پلی بارگین کرنیوالاعوامی عہدے کااہل نہیں ، آج پریس کانفرنس میں پورا پلان بےنقاب کروں گا۔

اسلام آباد : تحریک انصاف کے چوالیس ارکان قومی اسمبلی نے استعفے واپس لینے کا فیصلہ کرلیا اور اسپیکرقومی اسمبلی کو ای میل کردیا۔

تفصیلات کے مطابق تحریک انصاف کے رہنما اسد عمر نے سماجی رابطے کی ویب سائٹ ٹوئٹر پر اپنے بیان میں کہا کہ اسپیکر ابھی تک تمام اسمبلی ارکان کے استعفے قبول نہیں کر رہے، اس لئے پارٹی چیئرمین کی ہدایات کے مطابق 44 ارکان اسمبلی نے اپنے استعفے واپس لینے کا فیصلہ کیا ہے اور سپیکر قومی اسمبلی کو ای میل کر دیا ہے، اگلا قدم اپوزیشن لیڈر کی نامزدگی ہو گی۔

کیونکہ سپیکر ابھی تک تمام اسمبلی ارکان کے استعفے قبول نہیں کر رہے، اس لئے پارٹی چیئرمین کی ہدایات کے مطابق 44 ارکان اسمبلی نے اپنے استعفے واپس لینے کا فیصلہ سپیکر قومی اسمبلی کو ای میل کر دیا ہے. اگلا قدم اپوزیشن لیڈر کی نامزدگی ہو گی. pic.twitter.com/qx86MCyTBK

— Asad Umar (@Asad_Umar) January 23, 2023

اس حوالے سے پی ٹی آئی رہنما فواد چوہدری نے اپنے ٹوئٹر پیغام میں لکھا ،پی ٹی آئی کے 45 ایم این ایزنے اسپیکرسے اپوزیشن لیڈر،پارلیمانی پارٹی کےعہدےپی ٹی آئی کو دینے کیلئے استعفیٰ واپس لیے گئے ، استعفےواپس لینےکامقصد جعلی اپوزیشن لیڈر سے جان چھڑاناہے، مقصد اعتماد کے ووٹ میں لوٹوں کو شہباز شریف کو ووٹ دینے سے روکنا ہے۔

تحریک انصاف کے 45 ممبران اسمبلی نے اسپیکر قومی اسمبلی سے لیڈر آف اپوزیشن اور پارلیمانی پارٹی کے عہدے تحریک انصاف کو دینے کیلئے استعفیٰ واپس لے کئے ہیں، اس کا مقصد جعلی اپوزیشن لیڈر سے جان چھڑانا اور اعتماد کے ووٹ میں لوٹوں کو شہباز شریف کو ووٹ دینے سے روکنا ہے

— Ch Fawad Hussain (@fawadchaudhry) January 23, 2023