اسلام آباد : اسپیکر قومی اسمبلی نے تحریک انصاف کے مزید 35 ارکان کے استعفے منظور کرلئے اور ان ارکان کے نام مزید کارروائی کے لئے الیکشن کمیشن کو بھجوادیئے۔
تفصیلات کے مطابق اسپیکر قومی اسمبلی نے تحریک انصاف کے مزید 35 ارکان کے استعفے منظور کرلئے اور پی ٹی آئی ارکان کے منظورشدہ استعفےالیکشن کمیشن بھجوادیئے گئے۔
الیکشن کمیشن ان استعفوں پر مزید کارروائی کرے گا، جن ارکان کے استعفےٰ منظور کئے گئے ، ان میں ڈاکٹرحیدرعلی خان،سلیم خان ،محبوب شاہ ،محمد بشیر خان ،جنید اکبر،شیراکبر خان،علی خان جدون ،عثمان خان تراکئی ، مجاہدعلی ، ارباب عامر ایوب، شیر علی ارباب ،شاہد احمد شامل ہیں۔
اس کے علاوہ گل داد خان،ساجدخان، محمد اقبال خان،عامر محمود کیانی ،مخدوم خسرو بختیار، ملیکہ بخاری، عندلیب عباس ،عاصمہ قدیر، سیدفخر امام،ظہورحسین قریشی،شوکت علی بھٹی،عامرمحمود کیانی ، سید فیض الحسن،عمر اسلم خان، امجد علی خان اور خرم شہزاد کے استعفے منظور ہوئے۔
پی ٹی آئی کے 31 جنرل اور4 مخصوص نشستوں پر استعفے منظور کیے گئے ہیں۔
اس سے قبل 17 جنوری کو اسپیکر قومی اسمبلی راجہ پرویز اشرف نے پاکستان تحریک انصاف کے 35 ارکان کے استعفے منظور کئے تھے۔
اراکین میں مراد سعید، عمر ایوب، اسد قیصر، پرویز خٹک، عمران خٹک، شہریار آفریدی، علی امین گنڈاپور، نورالحق قادری، راجہ خرم شہزاد، علی نواز اعوان، اسد عمر، صداقت علی خان، غلام سرور، شیخ راشد شفیق، شیخ رشید احمد اور منصور حیات خان شامل تھے۔
