اسلام آباد : پاکستان نے اقوام متحدہ سے بھارتی میزائل کے معاملے کی تحقیقات کا مطالبہ کردیا ، وزیر خارجہ نے کہا ہے کہ میزائل کس طرح پاکستان کی حدودمیں گرا بھارت وضاحت دے۔
تفصیلات کے مطابق وزیر خارجہ شاہ محمود قریشی نے پریس کانفرنس کرتے ہوئے کہا ہے کہ او آئی سی کا اجلاس 22 اور 23 مارچ کو اسلام آباد میں ہو گا، او آئی سی اقوام متحدہ کے بعد بڑا فورم ہے، پاکستان سمجھتا ہے اس حساس موقع پر اجلاس کی افادیت بہت زیادہ ہے، ہم اس موقع پر مسلمانوں میں اتحاد کا فروغ چاہتے ہیں۔
شاہ محمود قریشی کا کہنا تھا کہ اپنی آواز کو موثر بنانے کےلیے یہ ہماری ضرورت ہے، غلط فہمیوں کو دور کرنے کے لیے ایک پل کا کردار ادا کرنے کے درپے ہیں، مسلم امہ کو درپیش مسائل پرراستےکی تلاش مل کر تلاش کرنا چاہتے ہیں، چاہتےہیں مقبوضہ کشمیر، فلسطین کو انصاف مل سکے.
او آئی سی اجلاس کے حوالے سے انھوں نے کہا کہ او آئی سی میں پاکستان کا کردار سب کے سامنے ہے، اجلاس میں100سے زائدقراردادیں پیش کی جائیں گی، کوشش ہے تمام قراردادیں منظور کرائی جا سکیں۔
شاہ محمود قریشی کا کہنا تھا کہ اجلاس میں کشمیر کی صورتحال پرازسر نو جائزہ بھی لیا جائے گا، کوشش ہے کشمیر کی صورتحال پررپورٹ کونسل آف وزرائےخارجہ میں پیش کی جائے۔
وزیر خارجہ نے بھارتی میزائل کے معاملے پر اقوام متحدہ سے معاملے کی تحقیقات کا مطالبہ کرتے ہوئے بتایا کہ میری اقوام متحدہ کے جنرل سیکرٹری سے بات ہوئی ہے، بھارتی میزائل کا پاکستان میں گرنا بڑا سنگین معاملہ ہے ، اقوام متحدہ کے جنرل سیکرٹری کوپاکستان کی تشویش سے آگاہ کیا۔
انھوں نے مزید کہا کہ یواین صدرسیکورٹی کونسل اور جنرل سیکرٹری کو خط بھی لکھا ہے، یہ واقعہ دنیا کی آنکھوں سے اوجھل کیوں ہو رہا ہے،کچھ سوالات رکھے ہیں کہ کس طرح میزائل پاکستان کی حدودمیں گرا بھارت وضاحت دے، غلطی سے گرنیوالےمیزائل کی کیا نوعیت تھی،
شاہ محمود قریشی نے سوال کیا کہ غلطی سے میزائل گرنےپر بھارت نے فوری اطلاع کیوں نہیں دی ، بھارت بتائے میزائل آرمی ہینڈل کررہی تھی یاکوئی اورشرارتی عناصر اور بھارت واضح کرے میزائل تنصیبات کی دیکھ بھال کیلئے کیسا سسٹم رائج ہے۔
وزیر خارجہ نے کہا دنیا کو اس بات کا احساس دلایا ہے کہ اس کا نتجہ کیا ہوسکتا تھا ، میں توقع کرتا ہو او آئی سی اور سلامتی کونسل جواب دیں گے ، میزائل جوہری ہتھیار لے جانے کی صلاحیت رکھتا تھا۔
ان کا مزید کہنا تھا کہ بھارتی لوک سبھامیں جو جواب دیا گیا وہ ناکامی ہے ، معاملےپرایک واضح پوزیشن لینے کی ضرورت ہے ، بھارت کو احساس ہے میزائل کہ وجہ سےایٹمی وار شروع ہوسکتی تھی ؟
