ARYNews.tv | Urdu – Har Lamha Bakhabar

Tag: تحقیقات

  • سانحہ مستونگ کی تحقیقات، پنجاب فرانزک ایجنسی ٹیم کوئٹہ پہنچ گئی

    سانحہ مستونگ کی تحقیقات، پنجاب فرانزک ایجنسی ٹیم کوئٹہ پہنچ گئی

    کوئٹہ : سانحہ مستونگ کی تحقیقات کے لئے پنجاب فرانزک ایجنسی ٹیم کوئٹہ پہنچ گئی، ڈی آئی جی عبدالرزاق چیمہ کا کہنا ہے کہ ٹیم خودکش حملے کے مقام کا دورہ کرکے شواہد اکٹھے کرے گی ، جو فرانزک ایجنسی کی ٹیم کے حوالے کیے جائیں گے۔

    تفصیلات کے مطابق پنجاب فرانزک ایجنسی ٹیم سانحہ مستونگ کی تحقیقات کے لیے کوئٹہ پہنچ گئی ہے، اس موقع پر ڈی آئی جی کوئٹہ عبدالرزاق چیمہ کا کہنا ہے کہ فرانزک ایجنسی کی ٹیم تین ماہرین پرمشتمل ہے، ٹیم جائے وقوعہ کا دورہ کرکے شواہد اکٹھے کرے گی جبکہ متعلقہ لیویز اور ضلعی انتظامیہ نے بھی شواہد اکٹھے کئے ہیں۔

    ڈی آئی جی کوئٹہ کا کہنا تھا کہ شواہد فرانزک ایجنسی کی ٹیم کے حوالے کیے جائیں گے، مبینہ خودکش حملہ آورکی شناخت کے لیے نمونے حاصل کیے جاچکے ہیں،  ڈی این اے نمونے بھی فرانزک ایجنسی کی ٹیم کے حوالے کئے جائیں گے۔

    اس سے مستونگ خود کش حملے کی نئی فوٹیج بھی سامنے آئی، فوٹیج میں دیکھا جاسکتا ہے کہ سراج رئیسانی کی تقریر جیسے ہی شروع ہوئی زور دار دھماکا ہوگی، سیکیورٹی انچارج کو اپنی طرف آتا دیکھا اور خود کش بمبار نے خود کو اڑا دیا، جس کے بعد ہر طرف چیخ و پکار مچ گئی۔

    مزید پڑھیں : سانحہ مستونگ کے مزید زخمی دم توڑ گئے‘ شہداء کی تعداد 149 ہوگئی

    ڈپٹی کمشنر مستونگ قائم لاشاری کی جانب سے  شہداء اور زخمیوں کے تمام کوائف حاصل کر کے رپورٹ مکمل کر لی گئی ہے، جس کے مطابق درینگڑھ خود کش دھماکے کے فوری بعد جاں بحق ہونے والے 18 افراد کی میتیں لواحقین جائے وقوعہ سے ہی اپنے گھروں کو لے گئے۔ ان شہداء کی میتیں اسپتال نہیں لائی گئیں۔

    یاد رہے کہ دو روز قبل صوبہ بلوچستان کے ضلع مستونگ کے علاقے درینگڑھ میں بلوچستان عوامی پارٹی کی کارنرمیٹنگ میں دھماکا ہوا جس کے نتیجے میں سراج رئیسانی سمیت 149 افراد شہید جبکہ 186 زخمی ہوگئے۔

    مستونگ دھماکے میں زخمی ہونے والے سو سے زائد افراد کوئٹہ کے سول اسپتال میں زیرعلاج ہیں جن میں سے متعدد کی حالت تشویشناک ہے۔

    بم ڈسپوزل اسکواڈ نے مستونگ دھماکے کو خودکش قرار دیتے ہوئے کہا کہ دھماکے میں 16 سے 20 کلو دھماکہ خیز مواد استعمال کیا گیا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پشاورخودکش دھماکے کی تحقیقات کے لئے جےآئی ٹی قائم

    پشاورخودکش دھماکے کی تحقیقات کے لئے جےآئی ٹی قائم

    پشاور: یکہ توت خودکش دھماکے کی تحقیقات کے لئے جے آئی ٹی قائم کردی گئی جبکہ پشاور پولیس نے سرچ آپریشن کے دوران سے 30 سے 40 مشکوک افراد کو حراست میں لے لیا ہے۔

    تفصیلات کے مطابق یکہ توت میں اے این پی انتخابی مہم میں خودکش حملے کے بعد قانون نافذ کرنے والے متحرک ہوگئے، آئی جی خیبرپختونخوا نے حملہ کی تحقیقات کے لئے جے آئی ٹی قائم کردی۔

    ذرائع کے مطابق ڈی آئی جی کاؤنٹرٹیررازم ڈیپارٹمنٹ کو کمیٹی کا سربراہ مقرر کیا گیا ہے، سات افراد پر مشتمل کمیٹی پانچ دن میں سینٹرل پولیس آفس کو رپورٹ ارسال کرے گی۔

    اسپیشل کومبیٹ یونٹس کو سرچ آپریشنز کی ہدایت کردی گئی ہے۔

    ایس ایس پی آپریشنز پشاور جاوید اقبال نے بتایا کہ پشاور حملے کا مقدمہ درج کرلیا گیا ہے جبکہ تیس سے چالیس مشکوک افراد کوحراست میں لیا گیا ہے۔

    ایس ایس پی آپریشن کا کہنا تھا کہ بلور خاندان کو خصوصی طور پر دو سیکیورٹی گارڈز فراہم کئے گئے تھے، اس حملے کے بعد پشاور میں سیکیورٹی پلان
    مزید سخت کیا جائے گا۔

    دوسری جانب پشاور خودکش حملے کے بعد شہر کی فضا سوگوار ہے، حملے کے دس شہداء کو سپرد خاک کردیا گیا ، شہدا کی نمازجنازہ میں شہریوں کی بڑی تعداد شریک تھیں۔

    مزید پڑھیں : پشاور: اے این پی کی کارنر میٹنگ میں خودکش دھماکا، ہارون بلورسمیت 13 شہید

    خودکش دھماکہ میں شہید ہونے والے اے این پی کے رہنما اور پی کے اٹہتر کے امیدوار ہارون بلور کے گھرتعزیت کیلئے آنے والوں کا تانتا بندھا ہوا ہے، ہارون بلور شہید کے بیٹے دانیال بلور کا کہنا ہے کہ اے این پی کے کارکن حوصلہ نہ ہاریں، وطن کو ضرورت پڑی تو وہ بھی پاک فوج کے شانہ بشانہ قربانی دینے کو تیار ہیں۔

    گزشتہ شب یکہ توت میں این اے پی کی کارنر میٹںگ پر خودکش حملہ میں ہارون بلورسمیت اکیس افراد شہید ہوئے تھے، ہارون بلورمرحوم بشیر بلورکےبڑے صاحبزادے تھے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • رئیس مما سے تحقیقات کیلئے سینئرافسران پرمشتمل جے آئی ٹی تشکیل

    رئیس مما سے تحقیقات کیلئے سینئرافسران پرمشتمل جے آئی ٹی تشکیل

    کراچی : ایم کیو ایم لندن کے ٹارگٹ کلر رئیس مما سے تحقیقات کے لئے رینجرز، سی ٹی ڈی اور اسپیشل برانچ کے افسران پر مشتمل جے آئی ٹی تشکیل دے دی گئی، رینجرز نے مختلف علاقوں سے سات ملزمان کو حراست میں لے لیا۔

    تفصیلات کے مطابق انٹرپول کی مدد سے ملائیشیا سے گرفتار ہونے والے ایم کیو ایم لندن کے ٹارگٹ کلر رئیس مما سے تحقیقات کے لئے عدالت نے جےآئی ٹی تشکیل دے دی۔

    اس حوالے سے محکمہ داخلہ سندھ نے جے آئی ٹی کی تشکیل کا نوٹیفکیشن جاری کردیا ہے، مذکورہ جےآئی ٹی میں رینجرز، سی ٹی ڈی اور اسپیشل برانچ کے افسران شامل ہوں گے، اس کے علاوہ جے آئی ٹی میں حساس ادارے کےافسران کو بھی شامل کیا گیا ہے۔

    نوٹیفکیشن کے مطابق ایس ایس پی انویسٹی گیشن کورنگی جےآئی ٹی کے سربراہ مقرر کیے گئے ہیں، جے آئی ٹی 15روزمیں تحقیقات مکمل کرکے رپورٹ پیش کرے گی۔

    واضح رہے کہ ایم کیو ایم کے سابق سیکٹر انچارج اور سنگین جرائم میں ملوث ٹارگٹ کلر رئیس مما نے عدالت میں اپنا بیان ریکارڈ کراتے ہوئے یہ اعتراف کیا تھا کہ ایک سیاسی جماعت کی قیادت کے حکم پر ٹارگٹ کلنگ کی، اس کے علاوہ ملزم نے سیکیورٹی اہلکاروں کو بھی قتل کرنے کا اعتراف کیا۔

    مزید پڑھیں: پارٹی قیادت کے حکم پر قتل اور بھتہ خوری کی، رئیس مما کا عدالت میں اعتراف

    علاوہ ازیں کراچی میں رینجرز نے مختلف علاقوں میں کارروائیاں کرکے7ملزمان کو گرفتار کرلیا، اس حوالے سے رینجرز ترجمان کا کہنا ہے کہ یہ کارروائیاں ڈیفنس، بلال کالونی، محمودآباد، کورنگی، چاکیواڑہ اور آرام باغ میں کی گئیں۔

    ملزمان ڈکیتی، اسٹریٹ کرائم اور منشیات فروشی کی وارداتوں میں ملوث ہیں، ملزمان سے غیرقانونی اسلحہ، منشیات اور دیگر مسروقہ سامان بھی برآمد ہواہے۔

    دوسری جانب کراچی کے علاقے ڈیفنس میں ڈکیتی میں مزاحمت پرفائرنگ سے زخمی ہونے والا شخص دوران علاج دم توڑ گیا۔

  • شہری غزہ میں ہوں یا کشمیرمیں ان کی حفاظت ہونی چاہیئے‘ انٹونیوگوٹیریس

    شہری غزہ میں ہوں یا کشمیرمیں ان کی حفاظت ہونی چاہیئے‘ انٹونیوگوٹیریس

    نیویارک :  اقوامِ متحدہ کے سیکریٹری جنرل انٹونیو گوٹیریس کا کہنا ہے کہ جموں و کشمیرمیں جو حالات دیکھ رہے ہیں وہ بہت تشویش ناک ہیں۔

    تفصیلات کے مطابق اقوامِ متحدہ کے سیکریٹری جنرل انٹونیو گوٹیریس مقبوضہ کشمیرکی صورت حال پرتشویش کا اظہار کرتے ہوئے کہا ہے کہ ممبرممالک ایشوزکوحل کرنے کے لیے راستے تلاش کریں۔

    اقوامِ متحدہ کے سیکریٹری جنرل کا کہنا ہے کہ شہری غزہ میں ہوں یا کشمیر میں ان کی حفاظت ہونی چاہیئے، شہریوں کی ہلاکتیں کہیں بھی ہوں، تحقیقات ہونی چاہیئے۔

    مقبوضہ کشمیرمیں بھارتی فوج کی فائرنگ‘ 20 نوجوان شہید

    خیال رہے کہ گزشتہ 48 گھنٹوں کے دوران مقبوضہ کشمیر میں قابض بھارتی فورسز نے سرچ آپریشن کے نام پر فائرنگ کرکے 20 کشمیری نوجوانوں کو شہید جبکہ 300 سے زائد افراد کو زخمی کردیا۔

    بھارتی فوج کی کارروائیوں میں 300 سے زائد افراد زخمی ہوگئے جن میں سے بیشترکی حالت تشویش ناک بتائی جا رہی ہے جبکہ اس دوران 5 رہائشی مکانات کو بھی تباہ کردیا گیا ہے۔

    غزہ: اسرائیلی فوج کی فائرنگ سے 17 شہری شہید‘ 1500 زخمی

    یاد رہے کہ 3 روز قبل فلسطینی عوام کی جانب سے اسرائیلی بارڈر پر کیے جانے والے احتجاج پراسرائیلی فورسز کی شدید فائرنگ سے 17 شہری شہید جبکہ 1500 سے زائد زخمی ہوگئے تھے۔

    فلسطینی عوام آئندہ چھ ہفتوں کے لیے اسرائیلی بارڈر پراحتجاجی کیمپ لگا رہے ہیں‘ جس کا مقصد فلسطینیوں کا اپنی سرزمین پر واپس لوٹنے کے لیے پُراَمن مظاہرہ کرنا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • برطانیہ میں سابق روسی جاسوس پرقاتلانہ حملہ

    برطانیہ میں سابق روسی جاسوس پرقاتلانہ حملہ

    لندن: برطانیہ میں سابق روسی جاسوس اور ان کی بیٹی پرقاتلانہ حملے کی تحقیقات کے لیے فوج کا خصوصی دستہ طلب کرلیا گیا۔

    تفصیلات کے مطابق برطانوی شہر سالسبری میں 66 سالہ سابق روسی جاسوس سرگئی اسکریپل اور ان کی بیٹی یولیا اسکریپل کو زہر دے کر قتل کرنے کی کوشش کی گئی۔

    سابق روسی جاسوس سرگئی اسکریپل اور ان کی 33 سالہ بیٹی یولیا کو حملے کے بعد اسپتال منتقل کیا گیا جہاں ان کی حالت تشویش ناک بتائی جائی ہے۔

    برطانوی پولیس کا کہنا ہے کہ سابق روسی جاسوس اور ان کی بیٹی کو اعصاب متاثر کرنے والے کیمیکل مواد سے نشانہ بنایا گیا ہے۔

    دوسری جانب برطانوی وزارت دفاع کا کہنا ہے کہ واقعے کی تحقیقات کے لیے 180 فوجیوں کو متاثرہ علاقے میں تعینات کیا گیا ہے جنہوں نے متاثرہ علاقے کو حصار میں لے کر وہاں فرانزک ٹیسٹ شروع کردیے ہیں تاکہ حملے کے ذمہ داروں کا تعین کیا جاسکے۔

    برطانوی وزارت دفاع کی جانب سے مزید کہا گیا ہے کہ فوجی اہلکاروں کی متاثرہ علاقے میں موجودگی سے شہریوں کو خوفزدہ ہونے کی ضرورت نہیں ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشلمیڈیا پرشیئر کریں۔

  • ایون فیلڈ ریفرنس:غیرملکی گواہوں کےبیانات ریکارڈ کرنےکےلیےنیب ٹیم لندن پہنچ گئی

    ایون فیلڈ ریفرنس:غیرملکی گواہوں کےبیانات ریکارڈ کرنےکےلیےنیب ٹیم لندن پہنچ گئی

    لندن : ایون فیلڈ ریفرنس میں غیرملکی گواہوں کے بیانات ریکارڈ کرنے کے لیے قومی احتساب بیورو (نیب) کی ٹیم لندن پہنچ گئی۔

    تفصیلات کے مطابق شریف خاندان کے خلاف ایون فیلڈ ریفرنس میں گواہوں کے بیانات ریکارڈ کرنے کے لیے نیب کی ٹیم سردار مظفر عباسی کی سربراہی میں لندن پہنچ گئی۔

    قومی احتساب بیورو (نیب) کی ٹیم ایون فیلڈ ریفرنس میں جمعرات کو 2 گواہوں کے بیانات ریکارڈ کرے گی۔

    ایون فیلڈ پراپرٹیز ریفرنس کیس میں راجہ اختر، رابرٹ بیانات ریکارڈ کرائیں گے، گواہان پاکستان ہائی کمیشن میں نیب ٹیم کو بذریعہ ویڈیو لنک مخاطب ہوں گے۔

    لندن سے یہ ویڈیولنک کارروائی وفاقی دارالحکومت اسلام آباد کی احتساب عدالت میں براہ راست دیکھی جاسکے گی۔

    احتساب عدالت نے گزشتہ روز شریف خاندان کے خلاف ریفرنسز میں نیب پراسیکیوٹر کی درخواست پر پاناما جے آئی ٹی کے سربراہ واجد ضیا کو22 فروری کو ریکارڈ سمیت طلب کرلیا۔

    کسی سے نہیں ڈرتا عوام کی خدمت کرنا جانتا ہوں، نواز شریف

    خیال رہے کہ دو روز قبل نااہل سابق وزیر اعظم نواز شریف کا کہنا تھا کہ کسی سے نہیں ڈرتا عوام کی خدمت کرنا جانتا ہوں، جو ہورہا ہے وہ ہوتا رہا تو ملک کا حال خراب ہوجائے گا۔

    یاد رہے کہ گزشتہ ہفتے 14 فروری کو نیب نے سابق وزیراعظم میاں نوازشریف، ان کی صاحبزادی مریم نواز اور کیپٹن صفدر کا نام ای سی ایل میں ڈالنے کے لیے وزارت داخلہ کو خط لکھا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات  کو زیادہ سے زیادہ لوگوں تک پہچانے کےلیے سوشل میڈیا پرشیئر کریں

  • کلبھوشن یادیو کی اہلیہ کے جوتوں میں میٹل چپ، تحقیقات جاری

    کلبھوشن یادیو کی اہلیہ کے جوتوں میں میٹل چپ، تحقیقات جاری

    اسلام آباد : ترجمان دفتر خارجہ نے کہا ہے کہ کلبھوشن یادیو کی اہلیہ کے جوتوں میں میٹل چپ ہونے کی تحقیقات کر رہے ہیں اس لیے جوتے واپس نہیں کیے گئے۔

    بھارتی میڈیا کے بے بنیاد اور من گھڑت پروپیگنڈے پر بیان دیتے ہوئے ترجمان دفتر خارجہ کا کہنا تھا کہ جوتوں میں میٹل ہونے کی وجہ سے اہلیہ کلبھوشن یادیو چیتنا یادیو کے جوتے تحویل میں لے کر انہیں دوسرے جوتے دے دیے گئے تھے۔

    ترجمان دفتر خارجہ ڈاکٹر محمد فیصل نے کہا کہ کلبھوشن کی اہلیہ کے جوتوں کو فرانزک لیب بھیجوا دیا گیا ہے جہاں جوتوں میں لگے میٹل چپ سے متعلق تحقیقات کی جا رہی ہے۔

    انہوں نے مزید کہا ہے کہ چیتنا یادیو کو زیورات سمیت تمام چیزیں واپس کر دی گئی ہیں اور انہوں نے اپنی تمام متعلقہ چیزوں کی واپسی کا اعتراف بھی کیا ہے تاہم جوتوں کو تحقیقات کے لیے روک لیا گیا ہے۔

     یہ پڑھیں : والدہ، اہلیہ سےملاقات کرانے پرپاکستان کا شکرگزارہوں، کلبھوشن یادیو

    ذرائع کے مطابق کلبھوشن یادیو کی اہلیہ چیتنا یادیو کے جوتوں کو میٹل ڈکٹیٹر نے کلیئر نہیں کیا تو جوتے اتروانے کے بعد انہیں دوسرے جوتے دیے گئے جس کے بعد ملاقات کرائی گئی تھی۔۔

    ذرائع کا کہنا ہے کہ جوتوں کی فرانزک لیب سے تحقیقات کی جا رہی ہے تاکہ پتہ لگایا جا سکے کہ اس میں کوئی ریکارڈنگ چپ یا کیمرہ تو نہیں لگا ہوا تھا۔

    یاد رہے کہ گزشتہ روز انسانی ہمدردی کی بنیاد پر بھارتی جاسوس کلبھوشن یادیو سے بھارت سے آئی ہوئیں ان کی اہلیہ اور والدہ کی ملاقات کرائی گئی تھی۔

  • بیروت میں برطانوی خاتون سفارت کار قتل

    بیروت میں برطانوی خاتون سفارت کار قتل

    بیروت: لبنان کے دارالحکومت بیروت سے برطانوی خاتون سفارت کار کی لاش ملی ہے، پولیس کا کہنا ہے کہ خاتون کو گلا گھونٹ کرقتل کیا گیا ہے۔

    تفصیلات کے مطابق لبنان کے دارالحکومت بیروت سے 30 سالہ برطانوی خاتون سفارت کار ریبیکا ڈائکس کی لاش ملی ہے۔

    پولیس کے مطابق ریبیکا ڈائکس بیروت میں برطانوی سفارت خانے میں کام کرتی تھیں اور ان کی لاش موٹروے کے ساتھ پڑی ہوئی ملی۔

    پولیس حکام کا کہنا ہے کہ برطانوی خاتون سفارت کار کو قتل کیا گیا ہے تاہم اس حوالے سے تحقیقات کا آغاز کردیا گیا ہے اور جلد قاتلوں کو گرفتار کرلیا جائے گا۔

    برطانوی خاتون ریبیکا ڈائکس کی لاش کو پوسٹ مارٹم کے لیے اسپتال منتقل کردیا گیا ہے۔

    ریبیکا ڈائکس کے خاندان کے ترجمان کا کہنا ہے ان کے قتل پر ہم تباہ ہوگئے، محرکات کا سراغ لگانے کے لیے ہرممکن کوشش کر رہے ہیں۔

    دوسری جانب بیروت میں برطانوی سفارت کار ہیوگوشارٹرنے سماجی رابطے کی ویب سائٹ ٹویٹرپر اپنے پیغام میں کہا کہ ریبیکا ڈائکس کے قتل پرسارا سفارتی عملہ سوگ کی حالت میں ہے وہ ایک بہت اچھی خاتون تھیں۔

    خیال رہے کہ ریبیکا ڈائکس جنوری 2017 سے بیروت میں برطانوی سفارت خانے میں ڈپارٹمنٹ آف انٹرنیشنل ڈویلپمنٹ کے لیے پروگرام اور پالیسی منیجر کے طور پر کام کررہیں تھی۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں ۔

  • نیب نےآج نوازشریف ‘ اہل ِ خانہ اوراسحاق ڈارکوطلب کرلیا

    نیب نےآج نوازشریف ‘ اہل ِ خانہ اوراسحاق ڈارکوطلب کرلیا

    لاہور: نیب نے ایون فیلڈ لندن فلیٹس کی تفتیش کے کیس میں نواز شریف، مریم نواز، حسن نواز اور حسین نواز،کیپٹن صفدر جبکہ اسحاق ڈار کو آمدن سے زائد اثاثوں کے حوالے سے تفتیش کے لیے آج طلب کرلیا۔

    تفصیلات کے مطابق قومی احتساب بیورو(نیب) نے ایون فیلڈ لندن فلیٹس کی تفتیش کے سلسلے میں سابق وزیراعظم نوازشریف مریم نواز، کیپٹن صفدر، حسن نواز اور حسین نواز کو آج طلب کرلیا۔

    اسحاق ڈار کو نیب میں طلبی کا تیسرا سمن جاری

    دوسری جانب وزیر خزانہ اسحاق ڈار کو نیب نےآمدن سے زائد اثاثوں سے متعلق تفتیش کے لیے آج طلب کررکھا ہے۔

    پاناما کیس : نوازشریف اوران کے بچے دوسری پیشی پر بھی نہ آئے

    نیب نے 20 اگست کو سابق وزیراعظم اور ان کے بچوں حسن نواز، حسین نواز، مریم نواز، اور داماد کیپٹن صفدرکو ایون فیلڈ فلیٹس کیس کی تفیتیش کے لیے طلب کیا تھا لیکن شریف خاندان کی جانب سے کوئی بھی فرد پیش نہیں ہوا تھا۔

    نظر ثانی کی اپیل پر فیصلے تک شریف خاندان کا نیب میں پیش نہ ہونے کا فیصلہ

    خیال رہے کہ گزشتہ دنوں نیب کو شریف حاندان کی جانب سے نوٹس موصول ہوا تھا کی ابھی پاناما کیس نظر ثانی کی اپیل جاری ہے لہذا ان کے خاندان کا کوئی بھی فرد پیش نیب میں پیش نہیں ہوسکتا۔

    پاناما کیس کا فیصلہ،اسحاق ڈار نے نظر ثانی درخواست دائر کردی

    یاد رہے کہ گزشتہ روزسابق وزیراعظم نواز شریف کے بعد وفاقی وزیرخزانہ اسحاق ڈارنے پاناما کیس میں سپریم کورٹ کے فیصلے کے خلاف نظرثانی کی درخواست دائر کی تھی۔

    نوازشریف نے نااہلی کے خلاف نظرثانی کی درخواستیں دائر کردیں

    اس سے قبل 15 اگست کو سابق وزیر اعظم نوازشریف نے پانامہ کیس میں نااہلی کے خلاف سپریم کورٹ سے رجوع کیا تھا، نواز شریف کی جانب سے فیصلے پر نظرثانی کی تین درخواستیں دائر کی گئی تھیں۔

    پاناما کیس: وزیراعظم نوازشریف نا اہل قرار

    واضح رہے کہ سپریم کورٹ نے 28 جولائی کے فیصلے میں نواز شریف کو وزارت عظمیٰ کے لیے نا اہل قرار دیتے ہوئے شریف خاندان اور وزیر خزانہ اسحاق ڈار کے خلاف 6 ہفتوں میں نیب ریفرنسز دائر کرنے کا حکم دیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔ 

  • مغوی چینی شہریوں کی ہلاکت کی خبروں کی تحقیقات کر رہے ہیں‘ دفترخارجہ

    مغوی چینی شہریوں کی ہلاکت کی خبروں کی تحقیقات کر رہے ہیں‘ دفترخارجہ

    اسلام آباد : دفتر خارجہ نے کہا ہے کہ مغوی چینی باشندوں کی ہلاکت کی خبروں کی تحقیقات کر رہے ہیں جنہیں کوئٹہ سے سے اغوا کیا گیا تھا۔

    تفصیلات کےمطابق دفتر خارجہ کی جانب سے جاری ہونے والے ایک بیان میں دہشت گردی کے خلاف کارروائیوں کے عزم کو دہراتے ہوئے کہا کہ پاکستان میں رہنے والی چینی شہری ہمارے قابل احترام مہمان اور بھائی ہیں اور ہم ان کی سلامتی کو یقینی بنانے کے لیے ہر ممکن اقدامات جاری رکھیں گے۔

    ترجمان دفتر خارجہ کے دفتر سے جاری ایک بیان میں کہا گیا ہے کہ دو مغوی چینی شہریوں کی ہلاکت کی خبروں کی تحقیقات کر رہے ہیں، جنہیں کوئٹہ سے سے اغوا کیا گیا تھا،اور اس سلسلے میں چینی حکومت کے ساتھ بھی مسلسل رابطے میں ہیں۔

    ترجمان نے کہا کہ پاکستان ہر قسم کی دہشت گردی کا مقابلہ کرنے کےلیے پر عزم ہے، اور دہشت گردوں کی بزدلانہ کارروائیاں ہمارا عزم کمزور نہیں کر سکتیں

    دوسری جانب بلوچستان کے وزیر داخلہ میر سرفراز بگٹی نے کہا ہے کہ کوئٹہ سے اغوا کیے گئے دو چینی باشندوں کی لاشیں ملنے تک ان کی ہلاکت کی تصدیق نہیں کی جا سکتی۔

    ادھر چین کی وزارت خارجہ کا کہنا ہے اسے بلوچستان سے اغوا ہونے والے اپنے باشندوں کی ہلاکت کی خبروں پر تشویش ہے اور اس حوالے سے مزید معلومات حاصل کی جا رہی ہیں۔

    بلوچستان میں داعش کی قدم جمانےکی کوشش ناکام ، 12 دہشت گرد ہلاک

    واضح رہےکہ گزشتہ ماہ صوبہ بلوچستان کے دارالحکومت کوئٹہ کے علاقے جناح ٹاؤن سے 3 چینی باشندوں کو اغوا کر لیا گیاتھا۔ مزاحمت کے دوران فائرنگ سے سیکیورٹی پر تعینات گارڈ زخمی ہوگیا تھا۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں ۔