لاہور: ملک میں سزائے موت پر عملدرآمد کا سلسلہ جاری ہے ، لاہور اور فیصل آباد میں قتل کے تین مجرموں کو تختہ دار پر لٹکا دیا گیا۔
موت کے سزا یافتہ مزید تین مجرموں کو تختہ دار پر لٹکا دیا گیا ،لاہور کی کوٹ لکھپت جیل میں دومجرموں کو پھانسی دی گئی، علی الصبح تہرے قتل کے مجرم آفتاب مسیح کو پھانسی پر لٹکایا گیا، مجرم نے انیس سو بانوے میں ماں اور دو بچوں کی جان لی تھی۔
پھانسی پر لٹکائے جانے والے دوسرے مجرم طارق نے انیس سو پچانوے میں ایک شخص کا قتل کیا تھا۔
فیصل آباد سینٹرل جیل میں چھ افراد کے قاتل حشمت علی کو پھانسی دی گئی، مجرم نے ننکانہ صاحب میں پنچایت کے دوران فائرنگ کرکے تین خواتین سمیت چھ افراد کو موت کے گھاٹ اتار دیا تھا۔
ساہیوال سنٹرل جیل میں مجرم غلام مصطفی کو مدعی نے معاف کردیا، مجرم نے خاتون سمیت تین افراد کو قتل کیا تھا۔
